Populære bibelvers fra JOHN 15

Del

Ni ye atsaibo; eno nongu no alokaqo ke. Khunono I lau ani eno I no khuno lau ani keno, pa no axathi kutomo pithi cheni, kughengu I sümo keloye nongu ye kiumu shimlae.

I lau kimepe lo, eno I no nongu lau kimepeni. Aloka lakhi no atsaibo lo kimepe mokelo pa kutoshi ye axathi pithimla ketoi nongu no I lau kimepe moke loye athi pithimlae.

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

Timi lakhi no pa küsami ghenguno aküxü tsüve keu nguno kikimiye akijeu kütau kühae.

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

“I zakütsü ye hike, I no nongu kimiye ketoi nongu lakhino lakhi kimiye kilelo.

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

“Ni ye atsaibo kuchou eno I Pu ye atsailu kichiu ke.

Khunono I lau kimepe moni keno aloka lakhi toi ikhipe peve cheni eno thizümüive cheni; aloka tipaqo ye xukumqope ami lo vesü no pitive cheni.

I no nongu vilo hipaqo piakeu ye I lokivi nongu lolo apeniye, eno nongu lokivi chhitoilu peniye ke.

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

Nongu pelo kimiye kile penike I no azah hipaqo nongu tsü ani.

Nongu no ayeghiqha laumi keaye, ayeghiqha no pano laumi toi nongu kimiyeni cheke; ikemu ayeghiqha launo I no nongu kisheluve ke ghenguno ayeghiqha no nongu mithi ani.