Populære bibelvers fra Mateus 19

Del

Noro ac caparut na. Om na, wari' ma', om ca to' witan pan ac xucun. Iri' Jam ma' iri na ne, ha' non pain ca to' witan cocon oro wari'. Ha' ha' pi' pin non oro carawa ta naparut.

Je ca tomi' xuhu' ca' ac tococwa na. An pin iri nam narima' tarama' ma' ne, xica' pe pin ac ne na cwerequequem. Om ca tocwan mami' ne cwerequequem. Je ca om na camain' ne pain ca to ni ca' xequequem ta. Xi wirico ara ca Iri' Jam co mi' nanam pain ca an xequequem ta na ca tomi' tococwa oro fariseu ma'.

Om ca noro hwein capijacon Iri' Jam ra ac tococwa na. Ca' na ca xirao' pe xine con: Quep iri non wari' Iri' Jam pain cara pane ne, pain ca xo' quep qui' con wari' pane, quep ac con na tarama', quep ac cam na narima' quem. Je ca xirao' pe xine pain i ca' quem: Tarama' ma', pe ho' pe ho' om pin toron cote ca cam jicon. Pe ho' pin ac cam tara manacon. Ac ca xica' pe pin ne tara cwerequequem ta na ca xirao' pe nucun pane.

Tomi' in pin ac caparut na Jeju. Ta narain ho' hwehwem pain ca hwet cacapa' hwijima' cwa' me. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta naparut.

Je ca tomi' xuhu' ca': Oro co hwara' opa nana pain xocori ca', ame hwe e'. Mija ac caca tara co hwara' opa hwara' opa om pin xi' nana. Oro co om hwara' opa nana pain xocori ca' iri na ne, ame hwe e'. Mija ac caca tara co hwara' opa pin xi' nana quem na ca tomi' xo' caparut pain ca taxipa' urut con ca'.

Oro wari' co paca' nanain xiricocon cocon xurucucun cocon cote caca cacam jicocon cacam mana panxicaca je totacocon quem, oro wari' co ara ac i ma' nana pain ca taramaja mi' xim cacapa' ma', cut tamana ac cacain tara carawa ca awi. Mija tara carawa ca awi ca cut xi' caca ma', mija tiquin' ca' tarain carawa ca paca' caca. Moin' tamana tara cocon. Mi' ac tococwa tara pain ca om pi' ra ha' ne ca e' wa quem.

Tomi' ac ca na: Mo ta iri' wari' xita' na ma ma', mo ta an xiho' ton Iri' Jam ma pain ca om noc cocon oro wari' ma' quem, mo vender vender pi' pin ac main tara oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Para tomi' querec mapa' pain carawa ca awi quem ac con na. Ma' xica' pe na co awi. Mo ta e' cara pe ho' ton mon Iri' Jam ma', na e' na pain ca tomi' ha' main oro ca xirao' nucun Moisés ca tomi' ha' je capari' ta non.

Win ne camelo ma'. Cote ne carawa na camelo. Ha' xirain pain ca corom nein wijimain manain ca mam' oc tocwa wom ra? Om xi ha' nein. I'ina xirain, om xi corom ac nein. Ac i ma' na con wari' co caramaju ma' quem. I'ina tamana non pain ca xin ne con Iri' Jam pain ca taramaxicon pe ho' ton con ta. Tomi' iri'o' inuhu' ta na ca tomi' caparut pane.

Je ca tomi' xuhu' ca' ac tococwa na. Wari' co an pe pin nam manacon ma', pain ca om caracat cama ma', pain ca om quep cam xucun tarama' ma', mo ta an pe ximao cam, mo ta an pin cam xequem narima' ma' quem, caracat ac ca tara. Ac i ma' na ca tomi' xo' tococwa ma'.

Tomi' ac caparut na Jeju, tomi' naparut pain ca taxipa' urut con ca'. Je ca tomi' xuhu' ca', tomi' iri'o' inuhu': Wari' co caramaju ma', i'ina tamana non pain ca xin ne con Iri' Jam pain ca taramaxicon pe ho' xim ta con ma'.