Populære bibelvers fra मत्ती 19

Del

यीशु हर ओमन मन कती देख के कहिस, लोग मन ले एहर नी होए सकथे, लेकिन परमेश्वर ले सबेच कुछ होए सकथे।

तले अब ओमन मन अब दुई झन नही, लेकिन एक अंग है, एकरे बर जेला परमेश्वर हर जोड़िस है ओला मैनसे मन अलग झिन करे।

ओहर उत्तर देहिस, का तय हर नी पड़हे हस कि जेहर तोला बनईस है, ओहर शुरू ले ही नर अउ नारी बनाए के कहिस। एहिच कारन मैनसे मन हर अपन दाऊ-दाई ले अलगेच होए के अपन घरदारिन कर संग मे रही, अउ ओमन मन दोनोच एक देह होही।

यीशु हर कहिस, “छउवा मन ला मोर लिघे आए देवा, अउ ओमन मन ला मना झिन करा, काबर कि स्वर्ग कर राएज हर एहिच मन कर है।”

लेकिन ढेरेच झन जेमन आगू है, पाछू होही, अउ जेमन पाछू है, ओमन मन आगू होही।

अउ जे कोनो हर घर मे या भाई या बहिन, या दाऊ या दाई या छउवा या खेत मन ला मोर नाव बर छोएड़ देहिन है, ओके ला सौ गुना भेटाही, अउ ओहर अनन्त जीवन कर अधिकारी होही।

यीशु हर ओला कहिस, अगर तय सिद्ध होए बर चाहथस त जा अपन माल ला बेच के कंगाल मन ला दे दे। अउ तोला स्वर्ग मे धन मिलही, अउ आए के मोर पाछू होए ले।

यीशु हर ओकर ले कहिस, तय हर मोला भलाई कर बारे मे काबर पूछथस, भला त एक झन ही है, अगर तय जीवन मे घुसे बर चाहथस, त हुकूम मन ला माएन ले।

तुमन मन ला फिर से कहथो कि परमेश्वर कर राएज मे धनवान कर घुसे ले ऊट के सूई कर नाका मे ले हिकेल जाए बर सहज है।

अउ मैहर तुमन ले कहथो, कि जे कोनो हर ब्यभिचार ला छोएड़ अउ कोनो कारन ले अपन घरदारिन ला छोएड़ के तलाक दे के दूसर ले बिवाह करही, ओहर ब्यभिचार करथे, अउ जेहर ओ छुटल ला बिवाह करथे, ओहर भी ब्यभिचार करथे।

तब यीशु हर अपन चेला मन ले कहिस, मैहर तुमन मन ले सहिच कहथो, कि धनी हर स्वर्ग कर राएज मे घुसे बर कठिन है।