Populære bibelvers fra Жаратылыу 1

Del

Сора Аллах: «Бизден юлгю алып, Бизге ушаш адам болдурайыкъ. Ол, тенгиздеги чабакълагъа, кёкдеги къанатлылагъа, юй хайыуанлагъа, битеу жерге эм жерде сюркелген хар жанлыгъа иелик этсин», – дегенди. Аллах Кесинден юлгю алып адам жаратханды, аны Аллахны юлгюсюне кёре жаратханды; эр киши бла тиширыу этип жаратханды.

Аллах алагъа алгъыш этип: «Кёп болугъуз, жайылыгъыз. Жерни толтуруп, аны кесигизге бойсундуругъуз. Тенгизде жюзген чабакълагъа, кёкде учхан къанатлылагъа эм жер юсюнде сюркелген хар жанлыгъа да иелик этигиз», – дегенди.

Ауалда Аллах кёклени бла жерни жаратханды.

Жер башы кёрюмсюз эм бош эди, терен тенгизлени юсю къаппа-къарангы эди, Аллахны Руху да сууланы юсюнде къалкъа эди.

Аллах: «Жарыкъ болсун», – дегенди да, жарыкъ болуп къалгъанды.

Сора Аллах Кеси болдургъан хар затха къарагъанды да, барына да бек ыразы болгъанды. Ингир ётгенди, эрттенлик озгъанды: бу алтынчы кюн болгъанды.

Аллах жарыкъны кёрюп, анга ыразы болгъанды, жарыкъны бла къарангыны бир-бирден айыргъанды.

Сора Аллах: «Ма, Мен битеу жер башында урлукъ себиучю хансланы бла кёгетлеринде урлукълары болгъан тереклени барын да сизге береме: ала сизге аш болсунла.

Жарыкъгъа Аллах «кюндюз» деп, къарангыгъа уа «кече» деп атагъанды. Ингир ётгенди, эрттенлик озгъанды: бу бир кюн болгъанды.

Сора Аллах: «Сууланы арасында кёкню жайылгъаны болсун, сууланы сууладан айырсын», – дегенди.

Битеу жер юсюндеги жаныуарлагъа, битеу кёкдеги къанатлылагъа эм жерде сюркелгенлеге – битеу жанлылагъа – Мен ашха битеу жашил ёсюмлюклени бергенме», – дегенди. Ол да алай болуп къалгъанды.

Сора Аллах: «Кёкню жайылгъанында жарыкъ бериучюле болсунла. Ала кюндюзню бла кечени бир-бирден айырсынла эмда, белгиле болуп, кезиулени, кюнлени, жылланы кёргюзтсюнле.

Сора Аллах: «Жер битимле ёсдюрсюн: урлукъ сепген хансланы эм кёгетинде урлугъу болгъан кёгет тереклени хар тюрлюсюн», – дегенди да, алай болуп къалгъанды.

Аллах кёкню жайылгъанын болдургъанды да, кёкню жайылгъаныны тюбюнде болгъан сууланы бла кёкню жайылгъаныны башында болгъан сууланы бир-бирден айыргъанды. Алай бла Аллах айтхан кибик болуп къалгъанды.

Жер битимле чыгъаргъанды: урлукъ сепген тюрлю-тюрлю хансны эм кёгетинде урлугъу болгъан кёгет тереклени хар тюрлюсюн. Аллах аны кёрюп, анга ыразы болгъанды.

Аллах эки уллу жарыкъ бериучю зат болдургъанды: абаданын – кюндюзню жюрютюр ючюн, гитчерегин да – кечени жюрютюр ючюн. Жулдузланы да болдургъанды.

Сора Аллах: «Кёкню тюбюндеги суула бир жерге жыйылсынла, къургъакъ жер кёрюнсюн», – дегенди да, алай болуп къалгъанды. Аллах къургъакъ жерге «жер» деп атагъанды, сууланы жыйылгъанына уа «тенгизле» деп атагъанды. Аллах аны кёрюп, анга ыразы болгъанды.

Аллах алагъа алгъыш этгенди: «Къозлап кёп болугъуз, жайылыгъыз эм тенгизледе сууланы толтуругъуз, къанатлыла да жер башында кёбейсинле», – дегенди.

Сора Аллах: «Жер жанлы затланы хар тюрлюсюн чыгъарсын: юй хайыуанланы, жерде сюркелгенлени эм кийик жаныуарланы», – дегенди да, алай болуп къалгъанды.

Сора Аллах: «Суула хар тюрлю жанлы затладан толсунла, жер башында да, кёкню жайылгъанында къанатлыла учуп айлансынла», – дегенди.

Алай бла Аллах кийик жаныуарланы бла юй хайыуанланы хар тюрлюсюн, жерде сюркелгенлени да хар тюрлюсюн болдургъанды. Аллах аны кёрюп, анга ыразы болгъанды.