Populære bibelvers fra Vakatekivu 21

Del

A sa vakalougatataki Sera o Jiova, me vaka na nona yalayala

A sa rogoca na Kalou na tagi ni gone; sa qai tarogi koya e dua na agilosi ni Kalou mai lomalagi, ka kaya, “A cava o leqa kina Eka? Kakua ni rere; sa rogoca na Kalou na tagi ni gone mai na vanua e tiko kina. Tucake, ka keveti koya mai, ka vakayalovinakataki koya. Au na cakava me dua na matanitu levu na nona kawa mai muri.”

a mani yaco me bukete o Sera, ka vakasucuma vei Epara-ama e dua na luvena tagane ni sa qase sara. E a sucu ena gauna sa nakita na Kalou me sucu kina.

A sa qai kaya vakaoqo o Sera, “Sa kauta mai na Kalou vei au na reki, ka sa vakavuna na noqu dredre. O ira kece sa rogoca era na dredre vata kei au.”

Ia sa mani kaya na Kalou vei Epara-ama, “Mo kakua soti ni rarawa ena vuku ni gonetagane kei na nomu yalewa bobula. Mo vakayacora na ka sa kaya o Sera, baleta ni ra na tubu mai vei Aisake na nomu kawa au sa yalataka.

Me baleta na luvena tagane na yalewa bobula, au na vakayacori koya talega me dua na matanitu, baleta ni sa luvemu talega o koya.”