Populære bibelvers fra Yaya 1

Del

Kɔnɔ naxan tan birin a rasɛnɛ, e danxaniya a ma, a naxa nɔɛ fi nee tan ma, e xa findi Ala xa die ra.

A fɔlɔ fɔlɛ, Ala Xui nu na, Ala Xui nu na e nun Ala, Ala Xui nu findixi Ala yɛtɛ kan nan na.

Na naiyalanyi yanbama dimi kui, dimi fan mu tin a ra.

Ala Xui naxa findi ibunadama ra, a sabati muxu ya ma. Muxu bara a xa nɔrɛ to, a Baba nɔrɛ naxan fixi a xa Di kerenyi ma, hinnɛnteya nun nɔndi kamalixi naxan yi.

Ala se birin daaxi a tan nan saabui ra, sese mu na naxan mu daaxi a tan saabui ra. Marakisi sɔtɔma a tan nan na, kisi naxan findixi naiyalanyi ra adamadie bɛ.

Na kuye iba, Yaya naxa Isa to fa ra a yire, a naxa a masen, «Ala xa sɛrɛxɛ nan yi ki, duniɲa xa yunubi xafarima naxan na.

Ala Xui naxa sabati duniɲa ma. Duniɲa daa a tan nan saabui ra, kɔnɔ duniɲa tondi nɛ a kolonde. A fa nɛ a xɔnyi, kɔnɔ a xa mixie mu a rasɛnɛ.

Naxan findixi naiyalanyi ra, naiyalanyi yati na a ra, naxan fama duniɲa ma, a xa adamadie birin iyalan.

Ala sɛriyɛ Kitaabui fi won ma Annabi Munsa nan saabui ra. A xa hinnɛ nun nɔndi tan faxi won ma a xa Mixi Sugandixi Isa nan saabui ra.