GENESIS 13

Abrama leh Lota an inṭhen

1Aigupta ram aṭang chuan Abrama chu Negeb-ah, a nupui leh a neih zawng zawng nên, an chho va, Lota pawh a tel zêl a. 2Abrama chuan tangkarua leh rangkachak te leh ran rualte a ngah êm êm a. 3Negeb aṭang chuan a bûk khuarna hmun Bethel leh Ai inkâr panin Bethel lamah a inchhawp chho va. 4A hmaa maichâm a siamna hmun kha a thleng a; tah chuan, Lalpa hming a lam a.

5Abrama kalpui Lota pawh chuan berâm te, bâwng te a ngah hle a, chhûng hung tak an ni ve tawh a. 6Ran vulh an ngah êm a, awm dûn tûr chuan ramin a daih ta lo va; an awm ho hlei thei ta lo va ni. 7Abrama ran pute leh Lota ran pute inkârah innghirnghona a chhuak ta a. Chutih laiin chu ramah chuan Kanan mi leh Periz mite pawh an la awm si a. 8Abrama chuan Lota hnênah, “Nang leh kei, kan inkârah innghirnghona awm lul suh se, pafa kan nih hi. 9Ram lah hei a awm duai a, awm hran zai rêl mai teh; vei lam hi i duh zâwk leh ding lamah ka kal ang a, ding lam i duh zâwk leh vei lam ka pan mai ang,” a ti a. 10Lota chuan a han thlîr vêl a, Jordan lui ruam chu Zoar thlengin Lalpa huan ang mai, Aigupta ram anga ram ṭha, tui ṭhatna ram a ni tih a hmu a, Sodom leh Gomora pawh Lalpa chuan a la tichhe si lo va.#Gen. 2:10. 11Lota chuan Jordan lui ruam chu awmna atân a thlang a, khawchhak lam chu a pan a, an awm hrang ta a. 12Abrama chu Kanan ramah chuan a awm ta zêl a, Lota chuan phai ram khawpui zîngah, Sodom khaw bulah awmhmun a khuar ta a. 13Sodom mite chu Lalpa ngaiha mi sual buru tak an ni.

Hebron-ah Abrama a kal

14Lota a awm hran tâk hnu chuan Lalpa chuan Abrama hnênah, “Han hawi kual la, chhim leh hmâr lam te, chhak leh thlang lam te thlîr vêl teh. 15I hmuh phâk ram zawng zawng hi i thlahte pawhin an neih kumkhua atân ka pe ang che. #Tirh. 7:3. 16Leia vaivut anga tamin i thlahte ka tipung ang a, vaivut chhiar sên loh ang hian chhiar sên an ni lo vang. 17Tho la, ram dung leh vâng hi fang chhuak teh, ka pêk tawh che hi,” a ti a.

18Abrama chuan a puan in a sawn a, Mamre#13:18 Mamre hi mihring hming a ni âwm e, Hebron hmun hming pakhat niin a lang. Hetah hian Elon (Sasua) hnam dang pathian biakna hmun a awm ve tho. Abrahaman he laiah hian thlân ro a lei. sasaw bul, Hebron kiangah awmhmun a khuar ta a. Chutah chuan Lalpa tân maichâm a siam a.

Markert nå:

GENESIS 13: MIZCLBSI

Marker

Del

Kopier