T. LŪKÖS 24
24
Ngam Anahlö
(Mt 28.1-10; Mk 16.1-8; Jn 20.1-10)
1Ngaich im mu-urĕh sakāmö ngam sinat sumkam, ka-euilö kūö tö peuheū cha-a nö yihtöre nö ik anūlö, kumtö nuk tötahūsa töhalēnö tö cha. 2Ngaich kôtökūö cha-a tö ök ihong nö piliôngi nö ṙā-ang i kūö ök anūlö. 3Kuhēthötre cha-a ngaich; ngaich öt maheūṅkuvö tö ök alaha ngam Mā Yēsū. 4Ngaich ṙònghöichṙen unṙëhe alaha cha-a, nët tak nak tarik samökhaka nö ranghen cha, tö ayānga mat hilā. 5Ngaich kūö cha, nö pa-ekūö ngaich sōntökūöre nö el tumlat; ngaich ngö ṙô cha-a tö më kikānö, Kūöyòh öi chöh tö-aṅ öi i vē tökapah? 6Öt ihih Ökuh; ngaich Ök nö havanlöre. Köpölōn tö ṙô Ò nö ve-ekūö yīö, hē Ò nö ṙòngmö i Këlelī; 7Nö ngö ṙô, Kētu ön min ngòh Kūön Tarik nö eltī yip tököölö fālen tarik, ngaich harātu; im linūöi sumkam ngaich Anga-aṅ min nö hēk nö havanlöre.
8Ngaich fē-ĕlre cha-a tö nuk ṙô Ò. 9Havantöre ngaich cha-a nö ṙā-ang im anūlö; ngaich ve-eny nang yik tö kahuk sīön taka tö u, yik tahëng taka inrē. 10Hēḵ Mariā Mektelīn, Yôhana, ane inrē Mariā ök yöng Yāköp; yik tahëng taka inrē kikānö hol cha; nö ve-eny u nö i yik tanīnöṙô. 11Ngaich anū-ö nöng kintūöyöṙô tö lōn cha; ngaich cha-a nö öt haköp ṙô cha. 12Choholre ngaich Pītör, ngaich fal nö kū-ö tö ök anūlö, sōnhöti tö kūöre, ngaich ngëichkö lātuhēt; ngaich höng meuk nuk hilā anga-aṅ. Ngaich chuh patīre anga-aṅ, nöng pingangkūö.
Kiröön Kū-ö Tö Emmīös
(Mk 16.12-13)
13Ngaich im hē e angū-ö sakāmö, nët taka nak chamuh ik panam. Ēmīös ök mine-eny e; ök tö sat mail rôvat, nö ṙā-ang Yerūsalem. 14Ngaich ve-ekūö höö cha-a, tö lāinyngen nuk töngaichngen. 15Ṙònghöichṙô cha-a nö ve-ekūöre nö hatönö höö inrē; ṙūötöre ngaich ang Yēsū, ngaich holröön cha. 16Ngaich hakööpi nuk mat cha, pòn sōtu cha-a nö akahakūö tö Ò. 17Ngaich ngö ṙô Anga-aṅ tö cha, Asuh ön në ṙô nāṅ, an höng ve-ekūö höö tö kinröönngö nāṅ? Sökngöre cha-a ngaich nöng ūnökūö. 18Ngaich hĕng tak tö cha, Kli-opas ök mine-eny ò, samapṙô Ò nö ngö ṙô, Höng Me-eṅ öm tötakahalōn tö inlahen nuk töngaichngen i në sakāmö?
19Ngaich ngö ṙô Anga-aṅ tö cha, Asuh nup? Ngaich ngö ṙô cha-a tö Ò, Nuk inlahen Yēsū, ök aṅ Nāsaret, ök pròfĕt tömihôiṅ nö i la-en, i ṙô inrē, nö i kūö ngam Tēv, i kūö tarik inrē. 20Ngaich yip mākūö kūönṙô yip yöngṙen inrē nö kēḵngen Ò, nö öthakôlöngṙô nö kumpaha, ngaich nö harāten Ò. 21Höng meūka pöri īhö ngaich tö Ò, nö Anga-aṅ ṙamānyen Israĕl. Ngaich yih inrē nö linūöi sumkam töngamuh i rô-angen e. 22Hēk rēvre yip kikānö hol ih, pumngangngökūö ih, yip töka-euilökūö nö chuh ip anūlö. 23Ngaich hē cha nö öt maheūṅkuvö tök alaha Ò, havantöre cha-a ngaich, nö ngö ṙô, tö cha nö meukkūö ma-ahānga, nak vamënyen Ò nö aṅ. 24Ngaich rēvre yip hol ih, chamuh ip anūlö; ngaich kôtökūö tö e, nöng sā ṙô yip kikānö; öt meūkan pöri cha-a.
25Ngaich ngö ṙô Anga-aṅ tö cha, Ō yī-ö tötakaha, tötka-eūyen ellōn öi ṙātö ellōnre i nup ṙô yik pròfĕt. 26Tö sōtu ang Kristū nö ngatī kanihngen tö u, ngaich kuhēthötre nö unôich nö im kanôlòre? 27Ngaich rēhnyôre Anga-aṅ, nö ṙā-ang mat nup līpöre Môsös, yik pròfĕt inrē; nö ve-eny ṙô u nö in cha, tö inlahen Ò nö i nup töhet līpöre.
28Ngaich röhta cha-a nö ik panam, ök chahuhu cha; ngaich Anga-aṅ nö sā tö hòṅ iṙuhöröön. 29Ngaich asökngen Ò cha-a, ngö ṙô, Höngngöh Man in ai; tön ngaich an nö hòṅ harap; meutti min ngam tavūöi nö ngaich. Ngaich anga-aṅ nö chuh in cha, nö höngngöh. 30Ngaich hē Ò nö ūichngöre nö holkūö cha, nö nyā; kētam Anga-aṅ tö ròtī, ngaich hakôlò e, fòkhang ngaich nö kē-ĕkūö cha. 31Ngaich möl nuk mat cha nö löpnyörekūö; ngaich cha-a nö akahakūö tö Ò. Chaṙēviṙen Anga-aṅ ngaich, nö ṙā-ang i kūö cha. 32Ngaich ngö ṙô cha-a tö höö, Röh ön në ellōn hā nö hū nö in hā, hē Ò nö ve-ekūö hā nö el talöökö; hē Ò nö luvë-enykūö minë töhet līpöre nö in hā?
33Choholre cha-a ngaich hē e, ngaich havantöre nö i Yerūsalem; ngaich kôtökūö tö yik tö kahuk sīön taka nö hamūlöre, tö yik hol cha inrē. 34Ve-eny nang cha ngaich, Kô Ap Mā nö havanlöre. Meūkö Ap nö ngaich tö Sīmōn. 35Ngaich hēk cha-a nö ve-eny nuk inlahenre nö el talöökö; tö Ò nö mikahtökūö cha, i tī Ò nö fòk ròtī.
Hameuktöre Yēsū Nö I Yik Haköptöre
(Mt 28.16-20; Mk 16.14-18; Jn 20.19-23; Act 1.6-8)
36Ṙònghöich ṙô cha-a nö kahòkken u, sökhaka Ang Yēsū ngaich nö el ṙôngö cha; ngaich ngö ṙô tö cha, In yīö an yēḵ ngam kumchikṙen.
37Ngaich cha-a nö tarūka alaha, nö pa-ekūö inrē; pò cha nö meuk ma-alaha, tö lōnre. 38Ngaich ngö ṙô Anga-aṅ tö cha, Kūöyòh öi röiyö alaha? Kūöyòh öi katönga ellōn? 39Yĕh meuk eltī Chu, ukröön Chu inrē; tö e nö Chu-ö. Lūölken Chu yēḵ; öi ngëicha; tön ötalahavö ane inrē öt tangë-evö yin vē ma-alaha; nö sā mat yīö, öi meūkö Chu aṅhaṅv-in.
40Keuheūthë ṙô Anga-aṅ tö e, ngaich hameuktö eltīre, ukröönre inrē. 41Ngaich hē cha nö öl nö ṙātö-ellōnre, tökūö ṙanāmölōnre, nöng pingangkūö; ngaich ngö ṙô Anga-aṅ tö cha, Nya-aṅvkūö öyih? 42Ngaich kē-ĕvkūö Anga-aṅ tö cha, tö töharāngö kāḵ, töpachāka inrē. 43Kētam Anga-aṅ tö e; ngaich nyā-aṅvkūö nö i kūö cha.
44Ngaich ngö ṙô Anga-aṅ tö cha, Në nun ṙô Chu, ṙahônyö Chu in yīö, hē Chu ṙòngmö in yīö; tö u nö töhōtu nö keuheūtiṙen nup tökūichiyö nö im chöngö Môsös, i nup pròfĕt, ane inrē i nup salmai, nup inlahen Chu.
45Löpnyökūö ellōn cha Anga-aṅ ngaich, pòn hōtu cha-a nö akahalōn tö ṙô ngam töhet līpöre. 46Ngaich ngö ṙô Anga-aṅ tö cha, Ngö kinūichngö an tö Kristū nö tökihngen; ngaich havanlöre hēk im linūöi sumkam, nö ṙā-ang yip tökapah. 47Ngaich hōtu invöötö ellōn, inṙē-ĕl tökööl inrē nö mumkahtuṙen nö i Mine-eny Ò, i vē taṙòkhöre tarik, urĕh nö i Yerūsalem. 48Yī-ö yin mameūkö u. 49Yĕh meuk; tīntö ngam kinlēḵngô ngam Yöngre Chin nö in yīö. Höngngöh pöri yī-ö im panam, hanöng saha tī Ò nö hayutlen yīö tö minhôiṅyö, ṙamā-ang lātulöng.
Kēḵ Löngö Yēsū Nö El Halīöngö
(Mt 16.19-20; Act 1.9-11)
50Ngaich Anga-aṅ nö hachōḵngen cha, nö kū-ötö Petenī; hanyākhöl Anga-aṅ tö këlre; ngaich hakôlò cha. 51Ṙònghöichṙen Anga-aṅ nö hakôlò cha, ngaich chaṙēviṙen nö in cha, ngaich kēḵlöng Anga-aṅ nö el halīöngö. 52Ngaich cha-a nö havantöre nö i Yerūsalem, nö holtö ṙanāmölōn. 53Ngaich nöng ngöhören nö ël ngam töhet chūök nöng ha-öiny ngam Tēv.
Markert nå:
T. LŪKÖS 24: CANIBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
T. LŪKÖS 24
24
Ngam Anahlö
(Mt 28.1-10; Mk 16.1-8; Jn 20.1-10)
1Ngaich im mu-urĕh sakāmö ngam sinat sumkam, ka-euilö kūö tö peuheū cha-a nö yihtöre nö ik anūlö, kumtö nuk tötahūsa töhalēnö tö cha. 2Ngaich kôtökūö cha-a tö ök ihong nö piliôngi nö ṙā-ang i kūö ök anūlö. 3Kuhēthötre cha-a ngaich; ngaich öt maheūṅkuvö tö ök alaha ngam Mā Yēsū. 4Ngaich ṙònghöichṙen unṙëhe alaha cha-a, nët tak nak tarik samökhaka nö ranghen cha, tö ayānga mat hilā. 5Ngaich kūö cha, nö pa-ekūö ngaich sōntökūöre nö el tumlat; ngaich ngö ṙô cha-a tö më kikānö, Kūöyòh öi chöh tö-aṅ öi i vē tökapah? 6Öt ihih Ökuh; ngaich Ök nö havanlöre. Köpölōn tö ṙô Ò nö ve-ekūö yīö, hē Ò nö ṙòngmö i Këlelī; 7Nö ngö ṙô, Kētu ön min ngòh Kūön Tarik nö eltī yip tököölö fālen tarik, ngaich harātu; im linūöi sumkam ngaich Anga-aṅ min nö hēk nö havanlöre.
8Ngaich fē-ĕlre cha-a tö nuk ṙô Ò. 9Havantöre ngaich cha-a nö ṙā-ang im anūlö; ngaich ve-eny nang yik tö kahuk sīön taka tö u, yik tahëng taka inrē. 10Hēḵ Mariā Mektelīn, Yôhana, ane inrē Mariā ök yöng Yāköp; yik tahëng taka inrē kikānö hol cha; nö ve-eny u nö i yik tanīnöṙô. 11Ngaich anū-ö nöng kintūöyöṙô tö lōn cha; ngaich cha-a nö öt haköp ṙô cha. 12Choholre ngaich Pītör, ngaich fal nö kū-ö tö ök anūlö, sōnhöti tö kūöre, ngaich ngëichkö lātuhēt; ngaich höng meuk nuk hilā anga-aṅ. Ngaich chuh patīre anga-aṅ, nöng pingangkūö.
Kiröön Kū-ö Tö Emmīös
(Mk 16.12-13)
13Ngaich im hē e angū-ö sakāmö, nët taka nak chamuh ik panam. Ēmīös ök mine-eny e; ök tö sat mail rôvat, nö ṙā-ang Yerūsalem. 14Ngaich ve-ekūö höö cha-a, tö lāinyngen nuk töngaichngen. 15Ṙònghöichṙô cha-a nö ve-ekūöre nö hatönö höö inrē; ṙūötöre ngaich ang Yēsū, ngaich holröön cha. 16Ngaich hakööpi nuk mat cha, pòn sōtu cha-a nö akahakūö tö Ò. 17Ngaich ngö ṙô Anga-aṅ tö cha, Asuh ön në ṙô nāṅ, an höng ve-ekūö höö tö kinröönngö nāṅ? Sökngöre cha-a ngaich nöng ūnökūö. 18Ngaich hĕng tak tö cha, Kli-opas ök mine-eny ò, samapṙô Ò nö ngö ṙô, Höng Me-eṅ öm tötakahalōn tö inlahen nuk töngaichngen i në sakāmö?
19Ngaich ngö ṙô Anga-aṅ tö cha, Asuh nup? Ngaich ngö ṙô cha-a tö Ò, Nuk inlahen Yēsū, ök aṅ Nāsaret, ök pròfĕt tömihôiṅ nö i la-en, i ṙô inrē, nö i kūö ngam Tēv, i kūö tarik inrē. 20Ngaich yip mākūö kūönṙô yip yöngṙen inrē nö kēḵngen Ò, nö öthakôlöngṙô nö kumpaha, ngaich nö harāten Ò. 21Höng meūka pöri īhö ngaich tö Ò, nö Anga-aṅ ṙamānyen Israĕl. Ngaich yih inrē nö linūöi sumkam töngamuh i rô-angen e. 22Hēk rēvre yip kikānö hol ih, pumngangngökūö ih, yip töka-euilökūö nö chuh ip anūlö. 23Ngaich hē cha nö öt maheūṅkuvö tök alaha Ò, havantöre cha-a ngaich, nö ngö ṙô, tö cha nö meukkūö ma-ahānga, nak vamënyen Ò nö aṅ. 24Ngaich rēvre yip hol ih, chamuh ip anūlö; ngaich kôtökūö tö e, nöng sā ṙô yip kikānö; öt meūkan pöri cha-a.
25Ngaich ngö ṙô Anga-aṅ tö cha, Ō yī-ö tötakaha, tötka-eūyen ellōn öi ṙātö ellōnre i nup ṙô yik pròfĕt. 26Tö sōtu ang Kristū nö ngatī kanihngen tö u, ngaich kuhēthötre nö unôich nö im kanôlòre? 27Ngaich rēhnyôre Anga-aṅ, nö ṙā-ang mat nup līpöre Môsös, yik pròfĕt inrē; nö ve-eny ṙô u nö in cha, tö inlahen Ò nö i nup töhet līpöre.
28Ngaich röhta cha-a nö ik panam, ök chahuhu cha; ngaich Anga-aṅ nö sā tö hòṅ iṙuhöröön. 29Ngaich asökngen Ò cha-a, ngö ṙô, Höngngöh Man in ai; tön ngaich an nö hòṅ harap; meutti min ngam tavūöi nö ngaich. Ngaich anga-aṅ nö chuh in cha, nö höngngöh. 30Ngaich hē Ò nö ūichngöre nö holkūö cha, nö nyā; kētam Anga-aṅ tö ròtī, ngaich hakôlò e, fòkhang ngaich nö kē-ĕkūö cha. 31Ngaich möl nuk mat cha nö löpnyörekūö; ngaich cha-a nö akahakūö tö Ò. Chaṙēviṙen Anga-aṅ ngaich, nö ṙā-ang i kūö cha. 32Ngaich ngö ṙô cha-a tö höö, Röh ön në ellōn hā nö hū nö in hā, hē Ò nö ve-ekūö hā nö el talöökö; hē Ò nö luvë-enykūö minë töhet līpöre nö in hā?
33Choholre cha-a ngaich hē e, ngaich havantöre nö i Yerūsalem; ngaich kôtökūö tö yik tö kahuk sīön taka nö hamūlöre, tö yik hol cha inrē. 34Ve-eny nang cha ngaich, Kô Ap Mā nö havanlöre. Meūkö Ap nö ngaich tö Sīmōn. 35Ngaich hēk cha-a nö ve-eny nuk inlahenre nö el talöökö; tö Ò nö mikahtökūö cha, i tī Ò nö fòk ròtī.
Hameuktöre Yēsū Nö I Yik Haköptöre
(Mt 28.16-20; Mk 16.14-18; Jn 20.19-23; Act 1.6-8)
36Ṙònghöich ṙô cha-a nö kahòkken u, sökhaka Ang Yēsū ngaich nö el ṙôngö cha; ngaich ngö ṙô tö cha, In yīö an yēḵ ngam kumchikṙen.
37Ngaich cha-a nö tarūka alaha, nö pa-ekūö inrē; pò cha nö meuk ma-alaha, tö lōnre. 38Ngaich ngö ṙô Anga-aṅ tö cha, Kūöyòh öi röiyö alaha? Kūöyòh öi katönga ellōn? 39Yĕh meuk eltī Chu, ukröön Chu inrē; tö e nö Chu-ö. Lūölken Chu yēḵ; öi ngëicha; tön ötalahavö ane inrē öt tangë-evö yin vē ma-alaha; nö sā mat yīö, öi meūkö Chu aṅhaṅv-in.
40Keuheūthë ṙô Anga-aṅ tö e, ngaich hameuktö eltīre, ukröönre inrē. 41Ngaich hē cha nö öl nö ṙātö-ellōnre, tökūö ṙanāmölōnre, nöng pingangkūö; ngaich ngö ṙô Anga-aṅ tö cha, Nya-aṅvkūö öyih? 42Ngaich kē-ĕvkūö Anga-aṅ tö cha, tö töharāngö kāḵ, töpachāka inrē. 43Kētam Anga-aṅ tö e; ngaich nyā-aṅvkūö nö i kūö cha.
44Ngaich ngö ṙô Anga-aṅ tö cha, Në nun ṙô Chu, ṙahônyö Chu in yīö, hē Chu ṙòngmö in yīö; tö u nö töhōtu nö keuheūtiṙen nup tökūichiyö nö im chöngö Môsös, i nup pròfĕt, ane inrē i nup salmai, nup inlahen Chu.
45Löpnyökūö ellōn cha Anga-aṅ ngaich, pòn hōtu cha-a nö akahalōn tö ṙô ngam töhet līpöre. 46Ngaich ngö ṙô Anga-aṅ tö cha, Ngö kinūichngö an tö Kristū nö tökihngen; ngaich havanlöre hēk im linūöi sumkam, nö ṙā-ang yip tökapah. 47Ngaich hōtu invöötö ellōn, inṙē-ĕl tökööl inrē nö mumkahtuṙen nö i Mine-eny Ò, i vē taṙòkhöre tarik, urĕh nö i Yerūsalem. 48Yī-ö yin mameūkö u. 49Yĕh meuk; tīntö ngam kinlēḵngô ngam Yöngre Chin nö in yīö. Höngngöh pöri yī-ö im panam, hanöng saha tī Ò nö hayutlen yīö tö minhôiṅyö, ṙamā-ang lātulöng.
Kēḵ Löngö Yēsū Nö El Halīöngö
(Mt 16.19-20; Act 1.9-11)
50Ngaich Anga-aṅ nö hachōḵngen cha, nö kū-ötö Petenī; hanyākhöl Anga-aṅ tö këlre; ngaich hakôlò cha. 51Ṙònghöichṙen Anga-aṅ nö hakôlò cha, ngaich chaṙēviṙen nö in cha, ngaich kēḵlöng Anga-aṅ nö el halīöngö. 52Ngaich cha-a nö havantöre nö i Yerūsalem, nö holtö ṙanāmölōn. 53Ngaich nöng ngöhören nö ël ngam töhet chūök nöng ha-öiny ngam Tēv.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.