Cenisihs 8
8
Kii'ishkwaa mooshka'ank O'o Ahki
1Kishemanitoo okii maamihkawinotawaan Noowawan (Noah) i'i kaye kahkina aya'aawihsha' kaakii wiici poosiimikonitc i'imaa kihci ciimaanink. Kishemanitoo tahsh kii‑ishihcike cikihci nootininik o'omaa ahkiink, miitahsh kaaishi maacii iskahtenik. 2Anaamahkamik itahsh kaakii onci mooshka'ankipan, ishpimink kaye kaakiih paahkishkaakipan kiihkipa'ikaatewan. Kaawiin awahshime miinawaa kiihkimiwansinoon ekiih kipihtinikaatek. 3Ninkotwaahk naanimitana (150) tahso kiishik itahsh mii hsa 'i nipi kaaishi pimi iskahtek o'omaa ahkiink. 4Niishwaahsokiisihsoon (7) tahsh ehpimakinsonitc, mitaahshiniishwaahsokiishik (17) eishihsenik i'i kihci ciimaan kiimishahkiihsin i'imaa kihci waciink Erarat (Ararat) kaakii ishinihkaatenikin. 5Nipi tahsh kaawiin kiionci kipihcihsehsinoon ekii ani iskahtek piinihsh ekii ani ocihcihsek mitaahso kiisihs. Mitaahso kiisihs tahsh ehpimakinsotc, eani peshikokonakaak, mii hsa 'i kiiani saakipiikin ini kihci waciin kaakii ishi cahciipwatinaakin.
6Niimitana tahso kiishik tahsh ekii ishkwaa ishihsenik, Noowa okiih paahkinaan waasehcikan kaakii oshihtookopanen i'imaa kihci ciimaanink. 7Kaakaakiwan tahsh okii saakicinisha'waan cipapaamihsenitc misiwe. Kaawiin tahsh kiihpikiiwehsehsiiwan piinihsh wiinke ekiih paankwahkamikaanik kaa‑ahpiihcimakaninik eiskahtenik. 8Noowa hsa okii saakicinisha'waan omiimiin, eaapaci'aatc ewii onci kihkentank aaniin kaa‑ahpiihci iskahtenik o'omaa ahkiink. 9A'a tahsh omiimii kaawiin inkoci okii mihkasiin aanti keshi pooniitc. Miitahsh kaaishi kiiwehsetc kihci ciimaanink Noowawan kaakii ishi'ayaanitc, aaniihsh keyaapi misiwe kiinipiihkaani. Noowa tahsh kiiniiminihkehtaa ekiih tepinaatc omiimiin ekiih piintikanaatc kihci ciimaanink. 10Pinamaa tahsh niishwaahsokiishik (7) kiihpii'o, miitahsh miinawaa kaaishi saakicinisha'waatc omiimiin i'imaa onci kihci ciimaanink. 11Eani onaakohshininik tahsh okiih pikiiwe naasihkaakoon omiimiin ekiih tahkwantaminitc oshki aalip tinowipak payesh iko ekii manipitoonitc. Miitahsh Noowa kaakii onci kihkentank aasha nipi ekii ani iskahtenink. 12Miinawaa tahsh niishwaahsokiishik (7) kiihpii'o, miitahsh kaaishi maacinisha'waatc omiimiin. Kaawiin tahsh miinawaa okiih pikiiwe naasihkaakohsiin.
13Ahpii tahsh Noowa (Noah) ninkotwaahswaahk peshik (601) kiihtahso pipoonwetc, peshiko kiisihsoon kiihpimakinsonitc, peshiko kiishik eishihsenik, aasha wiinke kiihpaankwahkamikaani o'o ahki. Miitahsh kaakii otaahpinank kipa'ikan i'imaa kihci ciimaanink. Kiiayinaapi tahsh, tepwe iitok okii waapantaan misiwe ekiih paankwahkamikaanik o'o ahki. 14Niishokiisihsoon (2) tahsh ehpimakinsonitc, eniishtanashiniishwaahsokonakaanik (27), mii hsa 'i ahpii wiinke kaakiih paankwahk o'o ahki.
15Kishemanitoo tahsh okii'inaan Noowawan, 16“Saaka'an i'imaa kihci ciimaanink, kiwiiw kaye tasaaka'am. Kikosihsak, wiiwiwa' kaye taka kika saakici wiiciiwikook. 17Saakisi' kaye kahkina iki kaapoosiwaatc i'imaa kihci ciimaanink. Pinehshiinshak, aya'aawihshak, iki kaye kahkina kaapapaamootewaatc o'omaa ahkiink, cini nihtaawiki'aawaatc aya'aawihshenhsa', piinihsh misiwe cini paahtiinowaatc o'omaa ahkiink.” 18Noowa tahsh, wiiwan kaye, okosihsa' kaye, wiiwini kaye kahkina kiihsaaka'amook i'imaa kihci ciimaanink. 19I'i tahsh kaye kahkina aya'aawihsha', kahkina kaye kaapapaamootenitc o'omaa ahkiink, kahkina kaye pinehshiinsha', kahkina kaye kaawahkawiinitc o'omaa ahkiink, kiionci saaka'amoo' entahswewaanakisinitc i'imaa kihci ciimaanink.
Noowa Kiihpakitinaahsotc
20Noowa (Noah) tahsh okii onaapihkinaan waahtashi pakitinaahsoohtamawaatc kaaTipencikenitc. Okiih kakiikinaa' kahkina peyehkisinitc aya'aawihsha', pinehshiinsha' kaye, ekiih caakisamawaatc kaaTipencikenitc kiki misiwe aya'aawihsha' ekiih ishi pakitinaahsoohtamawaatc i'imaa kaakii ishi onaapihkiniketc. 21KaaTipenciketc tahsh ekii minaantank i'i pakitinaahsowin, wiinke kiiminwentam. Miitahsh kaa'itisotc, “Kaawiin miinawaa wiihkaa ninka macakintansiin o'o ahki, aanawiin inini ahpaniko ehpi oshkaatisitc eonci maci'inentank ote'ink. Kaawiin wiihkaa miinawaa ninka nihshiwanaacihtoohsiin pimaatisiwin o'o kaakii ishihcikeyaan. 22Minihk itahsh keahkiiwank, takihtikenaaniwan, tamoona'ikenaaniwan kaye. Takihsinaa, takishite, tapipoon, taniipin kaye, kaakiishikahk, kaatipihkahk kaye kaawiin wiihkaa tapoonihsehsinoonan.”
Markert nå:
Cenisihs 8: OJBR
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Ojibwe Shorter Bible (Roman Script) © 2008 Canadian Bible Society
Cenisihs 8
8
Kii'ishkwaa mooshka'ank O'o Ahki
1Kishemanitoo okii maamihkawinotawaan Noowawan (Noah) i'i kaye kahkina aya'aawihsha' kaakii wiici poosiimikonitc i'imaa kihci ciimaanink. Kishemanitoo tahsh kii‑ishihcike cikihci nootininik o'omaa ahkiink, miitahsh kaaishi maacii iskahtenik. 2Anaamahkamik itahsh kaakii onci mooshka'ankipan, ishpimink kaye kaakiih paahkishkaakipan kiihkipa'ikaatewan. Kaawiin awahshime miinawaa kiihkimiwansinoon ekiih kipihtinikaatek. 3Ninkotwaahk naanimitana (150) tahso kiishik itahsh mii hsa 'i nipi kaaishi pimi iskahtek o'omaa ahkiink. 4Niishwaahsokiisihsoon (7) tahsh ehpimakinsonitc, mitaahshiniishwaahsokiishik (17) eishihsenik i'i kihci ciimaan kiimishahkiihsin i'imaa kihci waciink Erarat (Ararat) kaakii ishinihkaatenikin. 5Nipi tahsh kaawiin kiionci kipihcihsehsinoon ekii ani iskahtek piinihsh ekii ani ocihcihsek mitaahso kiisihs. Mitaahso kiisihs tahsh ehpimakinsotc, eani peshikokonakaak, mii hsa 'i kiiani saakipiikin ini kihci waciin kaakii ishi cahciipwatinaakin.
6Niimitana tahso kiishik tahsh ekii ishkwaa ishihsenik, Noowa okiih paahkinaan waasehcikan kaakii oshihtookopanen i'imaa kihci ciimaanink. 7Kaakaakiwan tahsh okii saakicinisha'waan cipapaamihsenitc misiwe. Kaawiin tahsh kiihpikiiwehsehsiiwan piinihsh wiinke ekiih paankwahkamikaanik kaa‑ahpiihcimakaninik eiskahtenik. 8Noowa hsa okii saakicinisha'waan omiimiin, eaapaci'aatc ewii onci kihkentank aaniin kaa‑ahpiihci iskahtenik o'omaa ahkiink. 9A'a tahsh omiimii kaawiin inkoci okii mihkasiin aanti keshi pooniitc. Miitahsh kaaishi kiiwehsetc kihci ciimaanink Noowawan kaakii ishi'ayaanitc, aaniihsh keyaapi misiwe kiinipiihkaani. Noowa tahsh kiiniiminihkehtaa ekiih tepinaatc omiimiin ekiih piintikanaatc kihci ciimaanink. 10Pinamaa tahsh niishwaahsokiishik (7) kiihpii'o, miitahsh miinawaa kaaishi saakicinisha'waatc omiimiin i'imaa onci kihci ciimaanink. 11Eani onaakohshininik tahsh okiih pikiiwe naasihkaakoon omiimiin ekiih tahkwantaminitc oshki aalip tinowipak payesh iko ekii manipitoonitc. Miitahsh Noowa kaakii onci kihkentank aasha nipi ekii ani iskahtenink. 12Miinawaa tahsh niishwaahsokiishik (7) kiihpii'o, miitahsh kaaishi maacinisha'waatc omiimiin. Kaawiin tahsh miinawaa okiih pikiiwe naasihkaakohsiin.
13Ahpii tahsh Noowa (Noah) ninkotwaahswaahk peshik (601) kiihtahso pipoonwetc, peshiko kiisihsoon kiihpimakinsonitc, peshiko kiishik eishihsenik, aasha wiinke kiihpaankwahkamikaani o'o ahki. Miitahsh kaakii otaahpinank kipa'ikan i'imaa kihci ciimaanink. Kiiayinaapi tahsh, tepwe iitok okii waapantaan misiwe ekiih paankwahkamikaanik o'o ahki. 14Niishokiisihsoon (2) tahsh ehpimakinsonitc, eniishtanashiniishwaahsokonakaanik (27), mii hsa 'i ahpii wiinke kaakiih paankwahk o'o ahki.
15Kishemanitoo tahsh okii'inaan Noowawan, 16“Saaka'an i'imaa kihci ciimaanink, kiwiiw kaye tasaaka'am. Kikosihsak, wiiwiwa' kaye taka kika saakici wiiciiwikook. 17Saakisi' kaye kahkina iki kaapoosiwaatc i'imaa kihci ciimaanink. Pinehshiinshak, aya'aawihshak, iki kaye kahkina kaapapaamootewaatc o'omaa ahkiink, cini nihtaawiki'aawaatc aya'aawihshenhsa', piinihsh misiwe cini paahtiinowaatc o'omaa ahkiink.” 18Noowa tahsh, wiiwan kaye, okosihsa' kaye, wiiwini kaye kahkina kiihsaaka'amook i'imaa kihci ciimaanink. 19I'i tahsh kaye kahkina aya'aawihsha', kahkina kaye kaapapaamootenitc o'omaa ahkiink, kahkina kaye pinehshiinsha', kahkina kaye kaawahkawiinitc o'omaa ahkiink, kiionci saaka'amoo' entahswewaanakisinitc i'imaa kihci ciimaanink.
Noowa Kiihpakitinaahsotc
20Noowa (Noah) tahsh okii onaapihkinaan waahtashi pakitinaahsoohtamawaatc kaaTipencikenitc. Okiih kakiikinaa' kahkina peyehkisinitc aya'aawihsha', pinehshiinsha' kaye, ekiih caakisamawaatc kaaTipencikenitc kiki misiwe aya'aawihsha' ekiih ishi pakitinaahsoohtamawaatc i'imaa kaakii ishi onaapihkiniketc. 21KaaTipenciketc tahsh ekii minaantank i'i pakitinaahsowin, wiinke kiiminwentam. Miitahsh kaa'itisotc, “Kaawiin miinawaa wiihkaa ninka macakintansiin o'o ahki, aanawiin inini ahpaniko ehpi oshkaatisitc eonci maci'inentank ote'ink. Kaawiin wiihkaa miinawaa ninka nihshiwanaacihtoohsiin pimaatisiwin o'o kaakii ishihcikeyaan. 22Minihk itahsh keahkiiwank, takihtikenaaniwan, tamoona'ikenaaniwan kaye. Takihsinaa, takishite, tapipoon, taniipin kaye, kaakiishikahk, kaatipihkahk kaye kaawiin wiihkaa tapoonihsehsinoonan.”
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Ojibwe Shorter Bible (Roman Script) © 2008 Canadian Bible Society