Luk 8:47-48

Tama te wego agai yali sę Jisas agai aga sulama konebaso, te we didibili dali eyu, Jisas sągą pageba kidu sugunagasalio. Te we bidi tigidali gesabidide Jisasbolo Jisas aga tigi dią yani po pusali. Tialigo aga ma polo gesa pali po pusali. Tama Jisasgo te webolo te po wali, “Eno wegi, naga enaba homu konealubo homu bealubogo nage te usu ilaliąo. Dwagi yai homu elasa pao,” wali.