LUK 5
5
Akhopemi Atughumi Kukulu
(Mt 4.18-22; Mk 1.16-20)
1Ghulo lakhi Jisu no Genesaret yizukucho mukulo puthughope akelo timiqoye tuhakile Alhou tsa ininiye pa lau ighi. 2Pano ashuka kini ayizukucholo aghike ithulu, ikemu akhakukhamiye tile ngomono akhame qhu aghi. 3Jisu no ashuka lakhilo ilo, tiye Simon shuka shiaghi, ike pa vilo ashuka amku lono kitila tupulo lopi iniju. Pano ashukalo iqano timiqo kutsu. #Mt 13.1-2; Mk 3.9-10; 4.1 4Pano atsakipi tave kethiu, Simon vilo pi, “Azukutho kudau ashuka tuhasulo eno nongu khameqo vesulo.” 5Simon no khochile pi, “Kutsuchekeu, ninguno puthotsu shishe imejua kemu akha vemlae. Ikemu otsa lono ino akhameqo vesu juni.” #Jn 21.3 6Panonguno tishiju kelauye, akha kumzapu shi kuzulu eno akhameqo ixuwuveni cheghi. #Jn 21.6 7Ikehu panonguno pano lojimi ashuka kutaulo akemi ighino panongu kuphu penike kue. Panonguno ighi eno ashuka kinikujo akhano chhive keu lono panonguye yimuvenike toive. 8Kughou Simon Pitor no ti ithuluve keno, Jisu zulo qhoqhunheno pi, “Ilauno wuvelo, Ampeu kughengu niye axinemi lakhike.” 9Kughengu pa eno pa gholo akemi kumtsu panonguno akha kumzapu velukeulo akichiqhive. 10Zebidi nu Jems ngo Johan, khuu Simon sasu alojimi keno, panongu ghi akumzave. Jisu no Simon vilo pi, “Msa kevilo, hinguno hilauye noye timi kulukemiu shiniae.” 11Panonguno ashuka sasu amukulo qhive kethiu thwokha qhiveno Jisu papewuve.
Jisu no Apughami Shikimthe
(Mt 8.1-4; Mk 1.40-45)
12Ghuthu lakhi Jisu no aphughi lakhilo akelo, timi lakhi apugha chhitoi xapusu ighi. Kughou pano Jisu ithulu keno, pa zulo pishiqholuve eno Jisu qhuiniju, “Ampeu nono pulo aye ishikimthe lu nanie!” 13Jisu no au chopuwo pa buno pi, “Niye pulo ani, mithe luvelo!” Paikhavi lono apugha huno timi phi lono hauve. 14Jisu no ahza pa tsu:”Hipau milakhi vilomu pikevilo, ikemu vejoi achinemi lau wulo, pa pelo olheju pelo;eno tithiuye Muse no ahza tsu keu toi aghakishi pesu tsulo, tishino kumtsu pelo noye shikimthevea kepi ithitoilu pelo.” 15Ikemu Jisu ghili alau aqha kumtsulo vekuphave, timi aqokitikhino pa tsa ininike eno panongu kusukini lono shipivitsu penike kumqo ighie. 16Ikemu pano yengui ke alo wuveche eno inikhuche.
Jisu no Anhu Kithimi Shipivi
(Mt 9.1-8; Mk 2.1-12)
17Ghulo lakhi Jisu no kutsu akelo Galil lo aphu akeqo, Judea yeghiqha eno Jerusalem kuto lono Farisimi eno Ayezah Kukutsumi ighino iqa akhae. Alhou kuka shipivikulupu Jisu gholo ae. 18Timi khamino azua lono anhu kithimi lakhi xapu ighi eno Jisu zulo puzu tsunike panonguno pa xapu aki alou iloniye pukaputsa. 19Ikemu timi aqokitikhi ghenguno panonguye pa xapusu ilolukepu la phumlave. Tishikehu panonguno pa xapu akimolelo iku eno amole kiyeveno azua gholono timiqo mtalo eno Jisu zulo pa kiti piqi. 20Kughou Jisu no panongu kupulu kije akeu ithulu keno timi vilo pi: “Timio, oxine qhive tsuae.” 21Ayezah Kukutsumi eno Farisimiqoye panongu dolono ishi kughakilethu: “Timi hipauye khuu keno Alhou thaighakeu tsa hitoi pinikya? Alhou likhino kumoaye khuuno axine qhi tsukulupu ani kya?” 22Ikemu Jisu no panongu kukumsu ithiveno pi: “Nonguye kushiye tikithipu kumsu cheni kya? 23‘Oxine qhivetsua’ ipikeu no akumlau keo, ‘Ithuno chewulo’ ipikeuno akumlau kya? 24Ni Timi Nu ye ayeghilo axine qhivetsu kulupu akeu ino nongu pephe piyeni.” Tishieno pano anhu kithimi vilo pi; “Ino ovilo piani, ithulo ozua ikhiqheluno okilo wolo.” 25Tipa mtsa timi huno panongu zulono puthugholuve, pano qhazu chekeu lipa ikhiluve eno Alhou sheqheghi akilo wove. 26Panongu kumtsu qheghuive! Akumsano chhive eno panongu no Alhou sheqhe ghi pi, “Ninguye ishi akichiqhi kepu ithulu vae!”
Jisu no Levi kulu
(Mt 9.9-13; Mk 2.13-17)
27Hipa tikhau pano khalau ipeve, eno zahme kuqhami lakhi, Levi ipikeu pawu hiyam lo iqa aghike ithulu, Jisu no pa vilo pi, “Ipapelo.” 28Levi no thwokha qhiveno ithu puzu pa papewuve.
29Tithiu Levi no Jisu ghenguno pa kilo aghulhu kije shi, tile zahme kuqhami eno timi kutami kutomo panongu gholo sasu iqae. 30Farisimi eno ayezah Kukutsumino Jisu khopemi shou nhenheshi ghi pi, “Nonguye kushiye zahme kuqhami eno axinemi sasu kuchu kusho shi cheni kya?” #Lk 15.1-2 31Jisu no khochile pi, “Kusukinimi ghengu kumoaye viakeqo ghenguno shikipivi avehupu kuhae; 32Niye amikuchomi kuniye ighike kumoe, ikemu axinemi xaideghi penike kuluniye ighi ke.”
Kumvu keu Inijukeu
(Mt 9.14-17; Mk 2.18-22)
33Tithiu panonguno Jisu vilo pi, “Johan khopemiye ado akichiu lono kumvu eno akighini shi cheni; eno Farisimi khopemi ghi tishi cheni; ikemu okhopemiye chuke shoke likhie” 34Jisu no khochile: “Nonguye akukulalo kukusumiqo pelo kulapuuno panongu gholo aphi loghi kumvu ape nani kesha? Khilemu tishi moe! 35Ikemu ado cheni kughono kulapuu hu panongu launo sawuveni keno tipaqo tsala loye panongu no kumvu nani.”
36Jisu no hipau hole ghi panongu vilo pi: “Khunomu aphikuzu kithe lono atachu suxupe aphikuzu aqalo pukhoda chemoe. Pano tishi aye, aphikuzu akitheu suxukepu shinia, eno atachu kitheye aqa sasu aphiphishi mla nani. 37Momu khunomu atsaiji akithe pesu ashiyiko hughi aqalo lesu chemoe. Pano tishi aye, atsaiji kitheno ashiyiko hughi kumpave nani, atsaiji hu peleve nani, eno ashiyiko hughi hu kutsave nani. 38Moe! atsaiji kithe huye anile shiyiko hughi kithelo lesu kepue! 39Khunomu atsayiji akiye shovekethiu ye atsaiji kithe shonishi chemoe; kughengu ‘Akiye pavie.’ ipi pano picheni.”
Markert nå:
LUK 5: SUMIBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
LUK 5
5
Akhopemi Atughumi Kukulu
(Mt 4.18-22; Mk 1.16-20)
1Ghulo lakhi Jisu no Genesaret yizukucho mukulo puthughope akelo timiqoye tuhakile Alhou tsa ininiye pa lau ighi. 2Pano ashuka kini ayizukucholo aghike ithulu, ikemu akhakukhamiye tile ngomono akhame qhu aghi. 3Jisu no ashuka lakhilo ilo, tiye Simon shuka shiaghi, ike pa vilo ashuka amku lono kitila tupulo lopi iniju. Pano ashukalo iqano timiqo kutsu. #Mt 13.1-2; Mk 3.9-10; 4.1 4Pano atsakipi tave kethiu, Simon vilo pi, “Azukutho kudau ashuka tuhasulo eno nongu khameqo vesulo.” 5Simon no khochile pi, “Kutsuchekeu, ninguno puthotsu shishe imejua kemu akha vemlae. Ikemu otsa lono ino akhameqo vesu juni.” #Jn 21.3 6Panonguno tishiju kelauye, akha kumzapu shi kuzulu eno akhameqo ixuwuveni cheghi. #Jn 21.6 7Ikehu panonguno pano lojimi ashuka kutaulo akemi ighino panongu kuphu penike kue. Panonguno ighi eno ashuka kinikujo akhano chhive keu lono panonguye yimuvenike toive. 8Kughou Simon Pitor no ti ithuluve keno, Jisu zulo qhoqhunheno pi, “Ilauno wuvelo, Ampeu kughengu niye axinemi lakhike.” 9Kughengu pa eno pa gholo akemi kumtsu panonguno akha kumzapu velukeulo akichiqhive. 10Zebidi nu Jems ngo Johan, khuu Simon sasu alojimi keno, panongu ghi akumzave. Jisu no Simon vilo pi, “Msa kevilo, hinguno hilauye noye timi kulukemiu shiniae.” 11Panonguno ashuka sasu amukulo qhive kethiu thwokha qhiveno Jisu papewuve.
Jisu no Apughami Shikimthe
(Mt 8.1-4; Mk 1.40-45)
12Ghuthu lakhi Jisu no aphughi lakhilo akelo, timi lakhi apugha chhitoi xapusu ighi. Kughou pano Jisu ithulu keno, pa zulo pishiqholuve eno Jisu qhuiniju, “Ampeu nono pulo aye ishikimthe lu nanie!” 13Jisu no au chopuwo pa buno pi, “Niye pulo ani, mithe luvelo!” Paikhavi lono apugha huno timi phi lono hauve. 14Jisu no ahza pa tsu:”Hipau milakhi vilomu pikevilo, ikemu vejoi achinemi lau wulo, pa pelo olheju pelo;eno tithiuye Muse no ahza tsu keu toi aghakishi pesu tsulo, tishino kumtsu pelo noye shikimthevea kepi ithitoilu pelo.” 15Ikemu Jisu ghili alau aqha kumtsulo vekuphave, timi aqokitikhino pa tsa ininike eno panongu kusukini lono shipivitsu penike kumqo ighie. 16Ikemu pano yengui ke alo wuveche eno inikhuche.
Jisu no Anhu Kithimi Shipivi
(Mt 9.1-8; Mk 2.1-12)
17Ghulo lakhi Jisu no kutsu akelo Galil lo aphu akeqo, Judea yeghiqha eno Jerusalem kuto lono Farisimi eno Ayezah Kukutsumi ighino iqa akhae. Alhou kuka shipivikulupu Jisu gholo ae. 18Timi khamino azua lono anhu kithimi lakhi xapu ighi eno Jisu zulo puzu tsunike panonguno pa xapu aki alou iloniye pukaputsa. 19Ikemu timi aqokitikhi ghenguno panonguye pa xapusu ilolukepu la phumlave. Tishikehu panonguno pa xapu akimolelo iku eno amole kiyeveno azua gholono timiqo mtalo eno Jisu zulo pa kiti piqi. 20Kughou Jisu no panongu kupulu kije akeu ithulu keno timi vilo pi: “Timio, oxine qhive tsuae.” 21Ayezah Kukutsumi eno Farisimiqoye panongu dolono ishi kughakilethu: “Timi hipauye khuu keno Alhou thaighakeu tsa hitoi pinikya? Alhou likhino kumoaye khuuno axine qhi tsukulupu ani kya?” 22Ikemu Jisu no panongu kukumsu ithiveno pi: “Nonguye kushiye tikithipu kumsu cheni kya? 23‘Oxine qhivetsua’ ipikeu no akumlau keo, ‘Ithuno chewulo’ ipikeuno akumlau kya? 24Ni Timi Nu ye ayeghilo axine qhivetsu kulupu akeu ino nongu pephe piyeni.” Tishieno pano anhu kithimi vilo pi; “Ino ovilo piani, ithulo ozua ikhiqheluno okilo wolo.” 25Tipa mtsa timi huno panongu zulono puthugholuve, pano qhazu chekeu lipa ikhiluve eno Alhou sheqheghi akilo wove. 26Panongu kumtsu qheghuive! Akumsano chhive eno panongu no Alhou sheqhe ghi pi, “Ninguye ishi akichiqhi kepu ithulu vae!”
Jisu no Levi kulu
(Mt 9.9-13; Mk 2.13-17)
27Hipa tikhau pano khalau ipeve, eno zahme kuqhami lakhi, Levi ipikeu pawu hiyam lo iqa aghike ithulu, Jisu no pa vilo pi, “Ipapelo.” 28Levi no thwokha qhiveno ithu puzu pa papewuve.
29Tithiu Levi no Jisu ghenguno pa kilo aghulhu kije shi, tile zahme kuqhami eno timi kutami kutomo panongu gholo sasu iqae. 30Farisimi eno ayezah Kukutsumino Jisu khopemi shou nhenheshi ghi pi, “Nonguye kushiye zahme kuqhami eno axinemi sasu kuchu kusho shi cheni kya?” #Lk 15.1-2 31Jisu no khochile pi, “Kusukinimi ghengu kumoaye viakeqo ghenguno shikipivi avehupu kuhae; 32Niye amikuchomi kuniye ighike kumoe, ikemu axinemi xaideghi penike kuluniye ighi ke.”
Kumvu keu Inijukeu
(Mt 9.14-17; Mk 2.18-22)
33Tithiu panonguno Jisu vilo pi, “Johan khopemiye ado akichiu lono kumvu eno akighini shi cheni; eno Farisimi khopemi ghi tishi cheni; ikemu okhopemiye chuke shoke likhie” 34Jisu no khochile: “Nonguye akukulalo kukusumiqo pelo kulapuuno panongu gholo aphi loghi kumvu ape nani kesha? Khilemu tishi moe! 35Ikemu ado cheni kughono kulapuu hu panongu launo sawuveni keno tipaqo tsala loye panongu no kumvu nani.”
36Jisu no hipau hole ghi panongu vilo pi: “Khunomu aphikuzu kithe lono atachu suxupe aphikuzu aqalo pukhoda chemoe. Pano tishi aye, aphikuzu akitheu suxukepu shinia, eno atachu kitheye aqa sasu aphiphishi mla nani. 37Momu khunomu atsaiji akithe pesu ashiyiko hughi aqalo lesu chemoe. Pano tishi aye, atsaiji kitheno ashiyiko hughi kumpave nani, atsaiji hu peleve nani, eno ashiyiko hughi hu kutsave nani. 38Moe! atsaiji kithe huye anile shiyiko hughi kithelo lesu kepue! 39Khunomu atsayiji akiye shovekethiu ye atsaiji kithe shonishi chemoe; kughengu ‘Akiye pavie.’ ipi pano picheni.”
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.