Kucangtsi 9
9
Rimam Nde Nuhu ti Ishikununn-wu Itinyang
1Rimam nde Nuhu ti anyisu-wu itinyang, u ri te ba baa, “Ni mbae jwunn, ti ni jwunn kyife utense meme. 2Ikyenricwu-fu u ye meme ibye, ti inung ti apupwen, ti meme iken ti ku kun riben, fa ti iwag uwae uyinn. Ame pu yi meme na pu m afu kujwo. 3Meme iken ti site unyang ti ku kyang riben, u si wuci-ni. Pangma ti ame nda ni atsing utong, tine ame nda pu m ani meme iken ti ayi ā si wuci-ni. 4Ibye ti ani u kub-ni be, si nyáng ibye ti a yerwen-ba wu wen be, ikyaen ti anying si unyang. 5Anying ti si unyang ana ni. Kubenti, ame u rang anying unde kujwo unde ti a yaen mbub anying unde iki. Ibye anyi ti a wen unde, ame u pwen wu rikwen iticwu ama.”
6“Unde ti a yaen mbub anying unde, si sí unde ama ti u yaen mbub anying-wu. Ikyaen ti, Rimam kyae unde rukwer ijwe-wu. 7Ana-fu, mbae yag yag, ti fu mbae jwunn utense.”
8Ama Rimam ri te Nuhu ti anyisu-wu baa, 9“Nung, ame ku yer unju te ni, ti anyisu-ni, ti itso-ni ti ku ba uwe, 10ti meme iken ti site unyang, ti inung, ti asinn ti ibye anyi, ti meme iken ti site unyang ti ruye uwae kuyae. 11Unju ti yer ti ame ku yer te ni ta re: Tsi yaka ru fife yi uwe, ame u twenji-m utense fa ti meme iken ti ku nyang unyang ti ambyi cwucwo be.” 12Ama awu ri kyi baa, “Iken ti u tatso unju ti yer kutampwa-m te fu, ti meme iken ti ku nyang unyang fa ti ande ti ku ba uwe ta re. 13Ame sa usirwowo tso uwae kubyi. Ayine u tatso unju ti yer kutampwa-m ti utense. 14Ko kiye titini ti upwen a jwom, ama usirwowo a tso, 15ame u tangsom te unju ti yer kutampwa-m te fu, ti meme iken ti ku nyang unyang ti tsitsi. Ambyi u munn-yi ti u wen tag iken ti ku nyang unyang uwae utense cwucwo be. 16Ko kiye titini ti usirwowo a tso, ame u sae u tangsom ti unju ti yer-m ti tsi kukunn kutampwa-m Rimam ti meme itso iken ti site unyang uwae utense.” 17Ama Rimam ri te Nuhu baa, “Usirwowo wu ti si iken ti ku tatso unju ti yer ti ame yer kutampwa-m, ti meme iken ti site unyang ti ta uwae utense.”
Nuhu te Ishikununn-wu
18Anyisu Nuhu ti ruye uwae kuyae si Shem, ti Ham, ti Jafeti (Ham si itse na Kanana). 19Ru ye uwog anyisu Nuhu ita bane, ti ande mbae shag kyife utense.
20Ama Nuhu bag ku tom ritom, u yen ituku anam uwae risaen-wu. 21Usir iki, awu kwaen awaen-yi u ngwa kyaen ambyi yi ti nununn. Ayi ye wu, awu nae ribam uwae kufug-wu. 22Ham, itse na Kanana, nung itse-wu nae ribam, u ruye ka tsag te ameinja-wu ise. 23Ama Shem ti Jafeti pu atupwa cwutsa ukwae-ba, u ru ti isim ti isim ka burkyi ribam na itse-ba. Ayib-ba sae-yi ribam itse-ba be. 24Kiye ti ayib Nuhu tan, ti awu fxen iken ti umbae ricwunnkyi-wu nde te wu, 25awu ri baa,
“Kufwag ā ta risu Kanana!
Awu u si upyi na apyi ameinja-wu.”
26Nuhu ri kyi baa,
“Itinyang ā si ana Yaweh,
Rimam na Shem!
Kanana ā si upyi Shem.
27Rimam ā nda Jafeti ujwunn ande!
Rishi na Jafeti ti ana Shem
ā som usom tetso.
Kanana ama ā si upyi na Jafeti.”
28Isim ti ambyi munnkyi utense, Nuhu som asang ukob ita ti mae ifaen mbe rijwe (350). 29Meme asang na Nuhu ka ukob itsongnje ti mae ifaen mbe rijwe (950), ama awu cwu-wu.
Markert nå:
Kucangtsi 9: kubNT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Wycliffe Bible Translators, Inc. and
© The Nigeria Bible Translation Trust 1995, 2017
Kucangtsi 9
9
Rimam Nde Nuhu ti Ishikununn-wu Itinyang
1Rimam nde Nuhu ti anyisu-wu itinyang, u ri te ba baa, “Ni mbae jwunn, ti ni jwunn kyife utense meme. 2Ikyenricwu-fu u ye meme ibye, ti inung ti apupwen, ti meme iken ti ku kun riben, fa ti iwag uwae uyinn. Ame pu yi meme na pu m afu kujwo. 3Meme iken ti site unyang ti ku kyang riben, u si wuci-ni. Pangma ti ame nda ni atsing utong, tine ame nda pu m ani meme iken ti ayi ā si wuci-ni. 4Ibye ti ani u kub-ni be, si nyáng ibye ti a yerwen-ba wu wen be, ikyaen ti anying si unyang. 5Anying ti si unyang ana ni. Kubenti, ame u rang anying unde kujwo unde ti a yaen mbub anying unde iki. Ibye anyi ti a wen unde, ame u pwen wu rikwen iticwu ama.”
6“Unde ti a yaen mbub anying unde, si sí unde ama ti u yaen mbub anying-wu. Ikyaen ti, Rimam kyae unde rukwer ijwe-wu. 7Ana-fu, mbae yag yag, ti fu mbae jwunn utense.”
8Ama Rimam ri te Nuhu ti anyisu-wu baa, 9“Nung, ame ku yer unju te ni, ti anyisu-ni, ti itso-ni ti ku ba uwe, 10ti meme iken ti site unyang, ti inung, ti asinn ti ibye anyi, ti meme iken ti site unyang ti ruye uwae kuyae. 11Unju ti yer ti ame ku yer te ni ta re: Tsi yaka ru fife yi uwe, ame u twenji-m utense fa ti meme iken ti ku nyang unyang ti ambyi cwucwo be.” 12Ama awu ri kyi baa, “Iken ti u tatso unju ti yer kutampwa-m te fu, ti meme iken ti ku nyang unyang fa ti ande ti ku ba uwe ta re. 13Ame sa usirwowo tso uwae kubyi. Ayine u tatso unju ti yer kutampwa-m ti utense. 14Ko kiye titini ti upwen a jwom, ama usirwowo a tso, 15ame u tangsom te unju ti yer kutampwa-m te fu, ti meme iken ti ku nyang unyang ti tsitsi. Ambyi u munn-yi ti u wen tag iken ti ku nyang unyang uwae utense cwucwo be. 16Ko kiye titini ti usirwowo a tso, ame u sae u tangsom ti unju ti yer-m ti tsi kukunn kutampwa-m Rimam ti meme itso iken ti site unyang uwae utense.” 17Ama Rimam ri te Nuhu baa, “Usirwowo wu ti si iken ti ku tatso unju ti yer ti ame yer kutampwa-m, ti meme iken ti site unyang ti ta uwae utense.”
Nuhu te Ishikununn-wu
18Anyisu Nuhu ti ruye uwae kuyae si Shem, ti Ham, ti Jafeti (Ham si itse na Kanana). 19Ru ye uwog anyisu Nuhu ita bane, ti ande mbae shag kyife utense.
20Ama Nuhu bag ku tom ritom, u yen ituku anam uwae risaen-wu. 21Usir iki, awu kwaen awaen-yi u ngwa kyaen ambyi yi ti nununn. Ayi ye wu, awu nae ribam uwae kufug-wu. 22Ham, itse na Kanana, nung itse-wu nae ribam, u ruye ka tsag te ameinja-wu ise. 23Ama Shem ti Jafeti pu atupwa cwutsa ukwae-ba, u ru ti isim ti isim ka burkyi ribam na itse-ba. Ayib-ba sae-yi ribam itse-ba be. 24Kiye ti ayib Nuhu tan, ti awu fxen iken ti umbae ricwunnkyi-wu nde te wu, 25awu ri baa,
“Kufwag ā ta risu Kanana!
Awu u si upyi na apyi ameinja-wu.”
26Nuhu ri kyi baa,
“Itinyang ā si ana Yaweh,
Rimam na Shem!
Kanana ā si upyi Shem.
27Rimam ā nda Jafeti ujwunn ande!
Rishi na Jafeti ti ana Shem
ā som usom tetso.
Kanana ama ā si upyi na Jafeti.”
28Isim ti ambyi munnkyi utense, Nuhu som asang ukob ita ti mae ifaen mbe rijwe (350). 29Meme asang na Nuhu ka ukob itsongnje ti mae ifaen mbe rijwe (950), ama awu cwu-wu.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Wycliffe Bible Translators, Inc. and
© The Nigeria Bible Translation Trust 1995, 2017