Luk 14
14
Yecu atɔ Raan de Guöp Juäi Dem
1Na ɣɔn, ke lɔ ɣön ë bɛ̈ny tök ë bäny ke Parithai yiic, le cam ë kuïn ëkööl ë Thabath, ku jɔkï toom guöp. 2Ku ade raan tɔ̈u ë yenɔm, dï, raan cï bɔ̈ɔ̈t guöp. 3Go Yecu bɛ̈ɛ̈r, thiëëc bäny ke löŋ ku Parithai, an, “Cï päl kɔc an, bïk kɔc tɔ dem ëkööl ë Thabath?”
4 #
Math 12:11. Gokï lɔ lik. Na wën, ke nööm tɔ dem, ku tɔ jël. 5Ku jɔ pɔ̈k nɔm keek, an, “Eeŋa në weyiic, raan de muul ayï thɔn, na lööny yiith, ke cïï bï dap miëët bei ëkööl ë Thabath?”
6Agokï wëlkë cuö lëu ë bëër.
Koorë rɔt Piny kekë Dhuëëŋ
7Na wën, ke jɔ kɔc wën cï cɔɔl lɛ̈k kääŋ, wën cï en keek tïŋ, acïk tëpiɛth ë rëër lɔc, yöök keek an: 8#Kɛ̈ŋ 25:6,7. “Të cï raan yï cɔɔl ë thiëëkic, ke yï du nyuc tëpiɛth, na alë, le raan dït ë yïn cɔɔl, 9ku jɔ raan ë cɔl week bɛ̈n, bï ku yöök yïn an, ‘Nyai, pätë raanë.’ Ke yïn bï jɔ yäär, ku jɔ lɔ nyuc këc ya. 10Ku na cɔl raan yïn, ke yï jɔ nyuc këc, na ëlë, lɔ raan wën ë cɔl yïn bɛ̈n, ke jɔ yï yɔ̈ɔ̈k an, ‘Mäth, bä tëpiɛth.’ Ke yïn bï lɛc yök ë kɔc nïïm kɔc rɛ̈ɛ̈r në yïn ëtök tëde cäm. 11#Math 23:12; Luk 18:14. Raan ëbɛ̈n raan ee rɔt tɔ dït abï tɔ koor, ku raan ee rɔt kuɔɔr piny, yen abï tɔ dït.”
12Go raan wën cɔl en yɔ̈ɔ̈k an, “Të looi yïn këcamdït ayï miäk ayï thëën, ke yï du määthku cɔl, ayï kɔc raan wek, ayï kɔc rɛ̈ɛ̈r wek ëtök kɔc cï bäny, ke ke cïï yï bï bɛ cɔɔl, cuutkï yïn. 13Ku të looi yïn këcamdït, ke yï cɔl kɔc kuanynyïïn, ku ŋöl, ku kɔc ee kɔm, ku cöör: 14ke yïn bï jɔ thieei, në luɔi cïn kek kë bï kek yï cuööt: yïn bï cuööt tei ëkööl ë jönërɔt ë kɔc piɛthpiɔ̈ɔ̈th.”
Kääŋ de Këcamdït
(Math 22:1-10)
15Na wën, ke raan tök ë kɔc wën rɛ̈ɛ̈r në yen ëtök tëde cäm, të cï en ee kakë piŋ, ke jɔ lueel an, “Thieithieei raan bï kuïn cam ë ciɛɛŋ de Nhialicic!” 16Go yɔ̈ɔ̈k an, “Ŋadï acï këcamdït looi, ku jɔ kɔc juëc cɔɔl. 17Na wën, aacï kööl ë cäm guɔ bɛ̈n, ke toc lïmde le kɔc wën cï cɔɔl lɔ yɔ̈ɔ̈k, an, ‘Bäkï, käŋ acïk guɔ thök kedhie!’ 18Gokï kethook mat në köc bï kek röt kɔ̈c. Acï raan tök lueel an, ‘Yɛn ë dom piac ɣɔɔc, ka bä dhil lɔ tïŋ. Yïn läŋ, an päl ɛn.’ 19Ku jɔ raan däŋ lueel an, ‘Yɛn ë miöör ɣɔɔc kathiëër, bïk aa luui, renë pei ku renë pei, ku yɛn lɔ la keek them: yïn läŋ an, päl ɛn.’ 20Ku be däŋ lueel an, “Yɛn cï tiiŋdï thiaak, en acä yɛn duëër lɔ.’ 21Go lïm lɔ bɛ̈n ku jɔ bɛ̈nyde lɛ̈k kakë. Go bɛ̈ny de ɣöt gɔ̈th, ku yöök lïmde an, ‘Dap lɔ biic lɔ kuɛɛr ke pänydït kuɛɛr dït yiic ku kuɛɛr kor yiic, lɔ bɛ̈ɛ̈iyë kɔc kuanynyïïn ee tënë, ku ŋöl, ku kɔc ë kɔm, ku cöör.’ 22Na wën, ke jɔ lïm lueel an, ‘Bɛ̈ny, wëlkuön wën acä ka looi, ku ɣöt aŋoot ke dakic.’ 23Go bɛ̈ny lïm yɔ̈ɔ̈k an, ‘Jël lɔ ë kuɛɛr yiic ku kɛ̈l kɔ̈ɔ̈th, ku dhil ke thel abïk dhil bɛ̈n, ke ɣöndï abï thiäŋ. 24Wek yɔ̈ɔ̈k an, acïn raan töŋ de kɔc cä kɔn cɔɔl bï këcamdï thiëëp.”’
Kuën de Raan ë Piööcë
(Math 10:37-38)
25Ku cath kuut dït ke kɔc në yen: go rɔt puk, yöök keek an, 26#Math 10:37. “Na bɔ̈ raan tëde yɛn, ku cïï wun man, ku cïï man man, ku cïï tiiŋde man, ku mïthke, ku mïthëkɔcken, ku nyïïrëkɔcken, yeka, acakaa wëiken guöp ayadäŋ, ka cïï duëër aa raandiën ë piööcë. 27#Math 10:38; 16:24; Mak 8:34; Luk 9:23. Ku raan cï timdɛn cïï rïïu nɔm ee ɣääc, ku jɔ yɛn aa kuany cök, ka cïï duëër aa raandiën ëpiööcë. 28Eeŋa në weyiic, raan de piɔ̈u luɔi bï en aloocdïït bäär yïk, ke cïï bï kɔn nyuc piny, ku jɔ wëu bï kɔɔr kueen, nɔn de wëu cath në yen bï en ke ye thöl? 29Na kën e looi, ke miäk, të cï en alooc kiɛɛr piny, ku kën lëu në thöl, ka bïï kɔc deet, kɔc cï e tïŋ, luelkï an, 30‘Raanë acï aloocdïït bäär gɔl ë yïk, ku akën bɛ̈n lëu ë thöl!’ 31Ku ye melikou, të de yen piɔ̈u luɔi bï en tɔŋ yiɛ̈n melik däŋ, ke cïï bï kɔn nyuc piny, ago yenɔm cät, nɔn duëër en lɔ kekë aguum kathiëër de kɔc lɔ tɔŋ yiɛ̈n bɛ̈ny cath ke aguum kathiërrou de kɔc? 32Ku na cï ë dhal, të ŋootë bɛ̈ny däŋ ke mec, ke jɔ kɔc tuɔɔc lek mät thiëëc tëde yen. 33Yen acït week aya, raan ëbɛ̈n ë weyiic raan cïï kake päl kedhie, ka cïï duëër a raandiën ë piööcë.”
Amilɔ cïn Naamde
(Math 5:13; Mak 9:50)
34“Amilɔ yen apiɛth: ku të cï amilɔ jɔ liɛɛr, ke bï bɛ wac adï? 35Acïï piɛth ke dom, ku cïï piɛth ke töŋ ë dhiën, aye kɔc cuat wei tei. Raan de yïth ee yen ke piŋ, ke pïŋ!”
Markert nå:
Luk 14: dip-JPB
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The Bible in Jieeng de Padang © The Bible Society in South Sudan, 2011.