Иуан 1
1
АПЭРЭШЪХЬ
ГущыӀэр цӀыфы зэрэхъугъэр
1УблапӀэм дэжь ГущыӀэр#1:1 ГущыӀэр – Тхьэм илъэкӀышхоу щыӀэ пстэури къэзгъэхъоу, цӀыфхэр мыкӀодхэу къэзгъэнэжьырэри Тхьэм иакъылышӀуагъи а ГущыӀэм хэлъых. А ГущыӀэр цӀыфы хъугъэ, ар Христосыр ары. щыӀагъ. Ар Тхьэм дэжь щыӀагъ, а ГущыӀэри Тхьэр арыгъэ. 2УблапӀэм щегъэжьагъэу а ГущыӀэр Тхьэм дэжь щыӀагъ.
3Тхьэм а ГущыӀэм зэкӀэри къыригъэгъэхъугъ. Тхьэм къыгъэхъугъэ пстэумэ ащыщэу а ГущыӀэм къыримыгъэгъэхъугъэ зи щыӀэп. 4МыкӀодыжьын щыӀэныгъэ а ГущыӀэм хэлъыгъ, а щыӀэныгъэри цӀыфхэм нэфынэ афэхъугъ. 5Нэфынэр шӀункӀым щэнэфы, шӀункӀыри нэфынэм текӀуагъэп.
6Тхьэм къыгъэкӀуагъэу, лӀы горэ дунаим къытехьагъ. Ащ ыцӀагъэр Иуан. 7ЦӀыф пстэуми а нэфынэмкӀэ шӀошъхъуныгъэ яӀэ хъуным пае, Иуан нэфынэм шыхьат фэхъунэу къэкӀуагъ. 8Ежьырэп нэфынагъэр, ау нэфынэм шыхьат фэхъунэу Тхьэм ар къыгъэкӀуагъ. 9Нэфынэ шъыпкъэу цӀыф пстэури къэзгъэнэфырэр дунаим къытехьанэу щытыгъ.
10А ГущыӀэр дунаим къытехьагъ. Тхьэм а ГущыӀэм дунаир зэкӀэ къыригъэгъэхъугъ, ау щытми дунаим ицӀыфхэм ар къашӀэжьыгъэп. 11Ежь ихэгъэгу къэкӀуагъ, ау ицӀыфхэм#1:11 ихэгъэгу… ицӀыфхэр – Израиль хэгъэгури израиль цӀыфхэри ары. ежь аштагъэп. 12Ау ежь зэкӀэ зыштэгъэ цӀыфхэу ежьыркӀэ шӀошъхъуныгъэ зиӀэхэр Тхьэм ибын хъунхэу фитыныгъэ аритыгъ. 13Ахэр Тхьэм ибын зэрэхъугъэ шӀыкӀэр сабый къызэрыхъурэ шӀыкӀэм фэдэп. Ащ къикӀырэр ахэр Тхьэм ибын зэрэхъугъэхэр хъулъфыгъэ бзылъфыгъэм зэрехъуапсэрэм фэдэп, е лӀы горэ лъфыгъэ зэрэфаем фэдэп, ау Тхьэм бын фэхъуныр къызхэкӀыгъэр Тхьэр ары.
14А ГущыӀэр цӀыфы хъугъэ ыкӀи къытхэтыгъ, шӀугъэрэ, гукӀэгъурэ, шъыпкъагъэрэ хэлъэу. Ежь ищытхъушхоу Ты лъапӀэм ы Къо закъо ищытхъушхуи ары. НэшӀу щыфэныгъэрэ шъыпкъэрэ ежь ыгу илъыгъэх.
15Иуан ежь шыхьат фэхъугъ. МэкъэшхокӀэ моущтэу ыӀуагъ:
– Мары зыфэсӀуагъэр, «Сэ саужкӀэ къэкӀощтыр сэщ нахьи нахь ин, сыда пӀомэ, сэ сыкъэхъуным ыпэкӀэ, ар щыӀагъ».
16Ежь ишӀугъэшхоу гъунэ зимыӀэм щыщэу зы нэшӀу щыфэныр адрэ нэшӀу щыфэным къыкӀэлъыкӀоу къытлъигъэӀэсыгъ. 17Сыда пӀомэ, Тэурат хабзэр Тхьэм иунашъокӀэ къытфэзгъэнагъэр пегъымбар Мусэ ары, ау шӀугъэрэ, гукӀэгъурэ, шъыпкъагъэрэ къызпкъырыкӀыгъэр Исус Христос ары. 18Тхьэр егъашӀэми нэкӀэ зыми ылъэгъугъэп. Къо закъоу Ты лъапӀэм дэжь щыӀэм Тхьэр зыфэдэр къытфигъэнэфагъ.
УмэхъэкӀо Иуан Исус шыхьат зэрэфэхъугъэр
(Маттэ 3:1-12; Марк 1:2-8; Лука 3:15-17)
19Иуан Исус шыхьат зэрэфэхъугъэр мары: Ерусалим щыщ джуртхэм дин пащэхэри лэуитхэри#1:19 лэуитхэр – Лэуй дин пэщэ лӀакъом щыщхэу Тхьэм иунэшхо щылажьэщтыгъэхэр ары. Иуан еупчӀынхэу ыдэжь агъэкӀуагъэх.
– Ухэта о? – аӀуи къызеупчӀыхэм, 20Иуан шъыпкъэр ымыушъэфэу, нафэу къыӀуагъ:
– Сэрэп Христосыр#1:20 Христос – Мэссихьыр ары. Пачъыхьэ Даутэ илъэпкъ къытекӀыгъэу, пегъымбархэм къызэраӀуагъэм тетэу, израиль цӀыфхэм шъхьафитыныгъэмрэ мамыр тетыгъомрэ аригъэгъотынхэу Тхьэм ахэр къызэригъэгугъэгъэ пщы лъапӀэр ары..
21– Адэ ухэта о? – къеупчӀыжьыгъэх ахэр. – Пегъымбар Иляс#1:21 пегъымбар Иляс – ар чӀылъэм къыгъэзэжьынышъ, Христос игъогу фигъэпсынэу джуртхэр паплъэщтыгъэх. Еплъ Пегъымбар Малахие тхылъэу ытхыгъэм 4:5-6. ора?
– Хьау, – ыӀуагъ Иуан.
– Пегъымбарыр#1:21 пегъымбарыр – Христосыр дунаим къызэрэкӀощтымкӀэ цӀыфхэм макъэ аригъэӀунэу къэлъэгъон фэягъэ пегъымбарыр ары. ора? – къеупчӀыжьыгъэх.
– Хьау, – ыӀуагъ.
22– Ухэта о адэ? – къыраӀуагъ. – ТыкъэзгъэкӀуагъэмэ пэгъокӀ яттыжьынэу къытаӀу. Сыда о зэпӀолӀэжьырэр?
23– Пегъымбар Ешайа#1:23 пегъымбар Ешайа – еплъ Пегъымбар Ешайа тхылъэу ытхыгъэм 40:3. моущтэу зыфиӀогъэ макъэр сэры: «Зиусхьаным игъогу занкӀэ шъушӀы ыӀозэ, шъоф нэкӀым джэ макъэ горэ къыщэӀу», – къыӀуагъ Иуан.
24А лӀыкӀохэр фарисейхэм#1:24 фарисейхэр – джуртхэм ащыщхэу диныр зылэжьырэ цӀыф купыгъ. Ахэр Тэурат хабзэм итхэмрэ ятэжъхэм къакӀэныжьыгъэ хабзэхэмрэ агу етыгъэу апылъыгъэх. ащыщыгъэх. Ахэр Иуан къеупчӀыгъэх:
25– Христос орымырмэ, Иляс орымырмэ, пегъымбарыри орымырмэ, сыд пае ащыгъум цӀыфхэр уумэхъыхэра?
26– Сэ псымкӀэ цӀыфхэр сэумэхъых, – ариӀуагъ Иуан. – Ау шъумышӀэрэ горэ къышъухэт. 27Ежьыр ары саужкӀэ къэкӀощтыр. Ежь сэщ нахьи нахь ин. Ащ ицокъэлъэпсхэр фэстӀэтэнхэуи сифэшъуашэп.
28Ар зэкӀэ зыщыхъугъэр къуаджэу Бет-Ание ары, Иордан псыхъом иадрабгъоу Иуан цӀыфхэр зыщиумэхъыщтыгъэхэр.
Тхьэм икъурмэныпхъэ шъынэр
29ЯтӀонэрэ мафэм Иуан Исус къакӀоу зелъэгъум, къыӀуагъ:
– Мары Тхьэм икъурмэныпхъэ шъынэу дунаим ицӀыфхэм япсэкӀодхэр атезыхыжьырэр. 30Мары зыфэсӀуагъэр: «ЛӀэу саужкӀэ къэкӀощтыр сэщ нахьи нахь ин, сыда пӀомэ, сэ сыкъэхъуным ыпэкӀэ ар щыӀагъ». 31Ар сэ сшӀэщтыгъэп, ау сэ цӀыфхэр псымкӀэ сыумэхъынхэу сыкъызкӀэкӀуагъэр ар хэтми зыщыщыр израиль цӀыфмэ язгъэшӀэныр ары.
32ЕтӀанэ Иуан, Исус шыхьат фэхъузэ, къыӀуагъ:
– Тхьэм ы Псэ ЛъапӀэр тхьаркъом фэдэу уашъом къехи, Исус къыфехи, къызэрэшъхьащытыр слъэгъугъэ. 33Ежь сэ сшӀэщтыгъэп, ау цӀыфхэр псымкӀэ сыумэхъынхэу сыкъэзгъэкӀуагъэм къысиӀуагъ: «Тхьэм ы Псэ ЛъапӀэ къызфехэу, къызшъхьащыт цӀыфыр ары Тхьэм ы Псэ ЛъапӀэкӀэ цӀыфхэр зыумэхъыщтыр». 34Аущтэу зэрэхъугъэр слъэгъугъэ, ежь Тхьэм зэры Къори къэсэушыхьаты.
Апэрэ лӀыхэу Исус игъогу техьагъэхэр
35ЯтӀонэрэ мафэм Иуан игъогу рыкӀорэ нэбгыритӀу игъусэу а чӀыпӀэм щыӀагъ. 36Ащ дэжьым Иуан Исус зелъэгъум, къыӀуагъ:
– Мары Тхьэм икъурмэныпхъэ шъынэр.
37Иуан игъогу рыкӀорэ нэбгыритӀум ар къыӀоу зызэхахым, Исус ыуж ихьагъэх. 38Исус зыкъызэригъэзэкӀи, ахэр ежь ыуж ихьагъэхэу зелъэгъум, къариӀуагъ:
– Сыда шъузыфаер?
– Рабби, тыдэ ущыпсэура? – къыраӀожьыгъ ахэмэ. (Раббим къикӀырэр «Дин ГъэсакӀу»).
39– ШъукъакӀуи, шъулъэгъущт, – ариӀуагъ Исус. Аущтэу ахэр кӀохи, Исус зыщыпсэурэр алъэгъугъ, а мафэми Исус дэжь къэнагъэх. Сыхьатыр плӀым дэжьыгъ.#1:39 сыхьатыр плӀым дэжьыгъ – зытырахыгъэ алыджыбзэм зэритыр «япшӀэнэрэ сыхьат». Ащ къикӀырэр щэджагъоужым, сыхьатыр плӀы хъугъэу ары.
40Иуан Исус ехьылӀагъэу ыӀуагъэхэр зэхэзыхыгъэхэу, Исус ыуж ихьэгъэ нэбгыритӀумэ язырэр Симон Петрэ ыш Индрыс арыгъэ.
41Индрыс ыпэ рапшӀэу ыш Симон къыгъоти, риӀуагъ:
– Мэссихьыр къэдгъотыгъ. (Мэссихьым къикӀырэр «Христос» ары.)
42ЕтӀанэ Индрысэ Исус дэжь Симон къыщагъ. Исус Симон зелъэгъум, къыриӀуагъ:
– О у Симонэу Иуанэ урикъу. КифэкӀэ къыоджэщтых (Кифэм къикӀырэр «Мыжъо»).
Исус игъогу рыкӀонхэу Филиппрэ Натанаилрэ зэряджагъэр
43ЯтӀонэрэ мафэм Исус Галилей хэкум кӀонэу тыриубытагъ. ЕтӀанэ Исус Филипп ӀукӀи, риӀуагъ:
– Сауж къырыкӀу.
44А Филипп Индрысрэ Петрэрэ зыщыщ къалэу Бет-Сайдэ#1:44 къалэу Бет-Сайдэ – Галилей псыхъураем итемыр тыгъэ къокӀыпӀэ Ӏушъо Ӏутыгъ. щыщыгъ. 45Филипп кӀуи, Натанаил къыгъоти, риӀуагъ:
– Тэурат хабзэм итэу, пегъымбар Муси, адрэ пегъымбархэми зигугъу къашӀыгъэр къэдгъотыгъ. Ар Юсыф ыкъоу Назарет щыщ Исус ары.
46– Назарет шӀу зыхэлъ горэ къыдэкӀына? – къыриӀожьыгъ Натанаил.
– КъакӀуи еплъ, – риӀожьыгъ Филипп.
47Исус Натанаил къакӀоу зелъэгъум, ащ ехьылӀагъэу ыӀуагъ:
– Мыр израиль лӀы шъыпкъэу зыпари тхьагъэпцӀыгъэ зыхэмылъыр ары.
48– Тыдэ сыщыпшӀэра? – къеупчӀыгъ Натанаил Исус.
– Филипп къыоджэным ыпэкӀэ, ынджыр чъыгым ычӀэгъ учӀэтэу услъэгъугъ, – риӀожьыгъ Исус.
49– Рабби, о Тхьэм ури Къу, Израиль урипачъыхь, – къыриӀожьыгъ Натанаил.
50– Ынджыр чъыгым ычӀэгъ учӀэтэу услъэгъугъэу къызэрэосӀуагъэм пае, пшӀошъ хъугъэ, – риӀуагъ Исус. – Ащ нахьи нахь гъэшӀэгъонхэр плъэгъущтых.
51ЕтӀанэ Исус Натанаил риӀуагъ:
– Шъыпкъэ дэдэр шъосэӀо, уашъор зэӀухыгъэу, ЦӀыф Лъэпкъым ы Къо ышъхьагъкӀэ мэлэӀичхэр#1:51 мэлэӀичхэр дэкӀуаехэуи къехыхэуи – еплъ Пегъымбар Мусэ апэрэ тхылъэу ытхыгъэм (УблапӀэм) 28:12. дэкӀуаехэуи къехыхэуи шъулъэгъущт.
Markert nå:
Иуан 1: AdgNT14
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Институт перевода Библии, 1991, 1992, 2014. Стокгольм
Иуан 1
1
АПЭРЭШЪХЬ
ГущыӀэр цӀыфы зэрэхъугъэр
1УблапӀэм дэжь ГущыӀэр#1:1 ГущыӀэр – Тхьэм илъэкӀышхоу щыӀэ пстэури къэзгъэхъоу, цӀыфхэр мыкӀодхэу къэзгъэнэжьырэри Тхьэм иакъылышӀуагъи а ГущыӀэм хэлъых. А ГущыӀэр цӀыфы хъугъэ, ар Христосыр ары. щыӀагъ. Ар Тхьэм дэжь щыӀагъ, а ГущыӀэри Тхьэр арыгъэ. 2УблапӀэм щегъэжьагъэу а ГущыӀэр Тхьэм дэжь щыӀагъ.
3Тхьэм а ГущыӀэм зэкӀэри къыригъэгъэхъугъ. Тхьэм къыгъэхъугъэ пстэумэ ащыщэу а ГущыӀэм къыримыгъэгъэхъугъэ зи щыӀэп. 4МыкӀодыжьын щыӀэныгъэ а ГущыӀэм хэлъыгъ, а щыӀэныгъэри цӀыфхэм нэфынэ афэхъугъ. 5Нэфынэр шӀункӀым щэнэфы, шӀункӀыри нэфынэм текӀуагъэп.
6Тхьэм къыгъэкӀуагъэу, лӀы горэ дунаим къытехьагъ. Ащ ыцӀагъэр Иуан. 7ЦӀыф пстэуми а нэфынэмкӀэ шӀошъхъуныгъэ яӀэ хъуным пае, Иуан нэфынэм шыхьат фэхъунэу къэкӀуагъ. 8Ежьырэп нэфынагъэр, ау нэфынэм шыхьат фэхъунэу Тхьэм ар къыгъэкӀуагъ. 9Нэфынэ шъыпкъэу цӀыф пстэури къэзгъэнэфырэр дунаим къытехьанэу щытыгъ.
10А ГущыӀэр дунаим къытехьагъ. Тхьэм а ГущыӀэм дунаир зэкӀэ къыригъэгъэхъугъ, ау щытми дунаим ицӀыфхэм ар къашӀэжьыгъэп. 11Ежь ихэгъэгу къэкӀуагъ, ау ицӀыфхэм#1:11 ихэгъэгу… ицӀыфхэр – Израиль хэгъэгури израиль цӀыфхэри ары. ежь аштагъэп. 12Ау ежь зэкӀэ зыштэгъэ цӀыфхэу ежьыркӀэ шӀошъхъуныгъэ зиӀэхэр Тхьэм ибын хъунхэу фитыныгъэ аритыгъ. 13Ахэр Тхьэм ибын зэрэхъугъэ шӀыкӀэр сабый къызэрыхъурэ шӀыкӀэм фэдэп. Ащ къикӀырэр ахэр Тхьэм ибын зэрэхъугъэхэр хъулъфыгъэ бзылъфыгъэм зэрехъуапсэрэм фэдэп, е лӀы горэ лъфыгъэ зэрэфаем фэдэп, ау Тхьэм бын фэхъуныр къызхэкӀыгъэр Тхьэр ары.
14А ГущыӀэр цӀыфы хъугъэ ыкӀи къытхэтыгъ, шӀугъэрэ, гукӀэгъурэ, шъыпкъагъэрэ хэлъэу. Ежь ищытхъушхоу Ты лъапӀэм ы Къо закъо ищытхъушхуи ары. НэшӀу щыфэныгъэрэ шъыпкъэрэ ежь ыгу илъыгъэх.
15Иуан ежь шыхьат фэхъугъ. МэкъэшхокӀэ моущтэу ыӀуагъ:
– Мары зыфэсӀуагъэр, «Сэ саужкӀэ къэкӀощтыр сэщ нахьи нахь ин, сыда пӀомэ, сэ сыкъэхъуным ыпэкӀэ, ар щыӀагъ».
16Ежь ишӀугъэшхоу гъунэ зимыӀэм щыщэу зы нэшӀу щыфэныр адрэ нэшӀу щыфэным къыкӀэлъыкӀоу къытлъигъэӀэсыгъ. 17Сыда пӀомэ, Тэурат хабзэр Тхьэм иунашъокӀэ къытфэзгъэнагъэр пегъымбар Мусэ ары, ау шӀугъэрэ, гукӀэгъурэ, шъыпкъагъэрэ къызпкъырыкӀыгъэр Исус Христос ары. 18Тхьэр егъашӀэми нэкӀэ зыми ылъэгъугъэп. Къо закъоу Ты лъапӀэм дэжь щыӀэм Тхьэр зыфэдэр къытфигъэнэфагъ.
УмэхъэкӀо Иуан Исус шыхьат зэрэфэхъугъэр
(Маттэ 3:1-12; Марк 1:2-8; Лука 3:15-17)
19Иуан Исус шыхьат зэрэфэхъугъэр мары: Ерусалим щыщ джуртхэм дин пащэхэри лэуитхэри#1:19 лэуитхэр – Лэуй дин пэщэ лӀакъом щыщхэу Тхьэм иунэшхо щылажьэщтыгъэхэр ары. Иуан еупчӀынхэу ыдэжь агъэкӀуагъэх.
– Ухэта о? – аӀуи къызеупчӀыхэм, 20Иуан шъыпкъэр ымыушъэфэу, нафэу къыӀуагъ:
– Сэрэп Христосыр#1:20 Христос – Мэссихьыр ары. Пачъыхьэ Даутэ илъэпкъ къытекӀыгъэу, пегъымбархэм къызэраӀуагъэм тетэу, израиль цӀыфхэм шъхьафитыныгъэмрэ мамыр тетыгъомрэ аригъэгъотынхэу Тхьэм ахэр къызэригъэгугъэгъэ пщы лъапӀэр ары..
21– Адэ ухэта о? – къеупчӀыжьыгъэх ахэр. – Пегъымбар Иляс#1:21 пегъымбар Иляс – ар чӀылъэм къыгъэзэжьынышъ, Христос игъогу фигъэпсынэу джуртхэр паплъэщтыгъэх. Еплъ Пегъымбар Малахие тхылъэу ытхыгъэм 4:5-6. ора?
– Хьау, – ыӀуагъ Иуан.
– Пегъымбарыр#1:21 пегъымбарыр – Христосыр дунаим къызэрэкӀощтымкӀэ цӀыфхэм макъэ аригъэӀунэу къэлъэгъон фэягъэ пегъымбарыр ары. ора? – къеупчӀыжьыгъэх.
– Хьау, – ыӀуагъ.
22– Ухэта о адэ? – къыраӀуагъ. – ТыкъэзгъэкӀуагъэмэ пэгъокӀ яттыжьынэу къытаӀу. Сыда о зэпӀолӀэжьырэр?
23– Пегъымбар Ешайа#1:23 пегъымбар Ешайа – еплъ Пегъымбар Ешайа тхылъэу ытхыгъэм 40:3. моущтэу зыфиӀогъэ макъэр сэры: «Зиусхьаным игъогу занкӀэ шъушӀы ыӀозэ, шъоф нэкӀым джэ макъэ горэ къыщэӀу», – къыӀуагъ Иуан.
24А лӀыкӀохэр фарисейхэм#1:24 фарисейхэр – джуртхэм ащыщхэу диныр зылэжьырэ цӀыф купыгъ. Ахэр Тэурат хабзэм итхэмрэ ятэжъхэм къакӀэныжьыгъэ хабзэхэмрэ агу етыгъэу апылъыгъэх. ащыщыгъэх. Ахэр Иуан къеупчӀыгъэх:
25– Христос орымырмэ, Иляс орымырмэ, пегъымбарыри орымырмэ, сыд пае ащыгъум цӀыфхэр уумэхъыхэра?
26– Сэ псымкӀэ цӀыфхэр сэумэхъых, – ариӀуагъ Иуан. – Ау шъумышӀэрэ горэ къышъухэт. 27Ежьыр ары саужкӀэ къэкӀощтыр. Ежь сэщ нахьи нахь ин. Ащ ицокъэлъэпсхэр фэстӀэтэнхэуи сифэшъуашэп.
28Ар зэкӀэ зыщыхъугъэр къуаджэу Бет-Ание ары, Иордан псыхъом иадрабгъоу Иуан цӀыфхэр зыщиумэхъыщтыгъэхэр.
Тхьэм икъурмэныпхъэ шъынэр
29ЯтӀонэрэ мафэм Иуан Исус къакӀоу зелъэгъум, къыӀуагъ:
– Мары Тхьэм икъурмэныпхъэ шъынэу дунаим ицӀыфхэм япсэкӀодхэр атезыхыжьырэр. 30Мары зыфэсӀуагъэр: «ЛӀэу саужкӀэ къэкӀощтыр сэщ нахьи нахь ин, сыда пӀомэ, сэ сыкъэхъуным ыпэкӀэ ар щыӀагъ». 31Ар сэ сшӀэщтыгъэп, ау сэ цӀыфхэр псымкӀэ сыумэхъынхэу сыкъызкӀэкӀуагъэр ар хэтми зыщыщыр израиль цӀыфмэ язгъэшӀэныр ары.
32ЕтӀанэ Иуан, Исус шыхьат фэхъузэ, къыӀуагъ:
– Тхьэм ы Псэ ЛъапӀэр тхьаркъом фэдэу уашъом къехи, Исус къыфехи, къызэрэшъхьащытыр слъэгъугъэ. 33Ежь сэ сшӀэщтыгъэп, ау цӀыфхэр псымкӀэ сыумэхъынхэу сыкъэзгъэкӀуагъэм къысиӀуагъ: «Тхьэм ы Псэ ЛъапӀэ къызфехэу, къызшъхьащыт цӀыфыр ары Тхьэм ы Псэ ЛъапӀэкӀэ цӀыфхэр зыумэхъыщтыр». 34Аущтэу зэрэхъугъэр слъэгъугъэ, ежь Тхьэм зэры Къори къэсэушыхьаты.
Апэрэ лӀыхэу Исус игъогу техьагъэхэр
35ЯтӀонэрэ мафэм Иуан игъогу рыкӀорэ нэбгыритӀу игъусэу а чӀыпӀэм щыӀагъ. 36Ащ дэжьым Иуан Исус зелъэгъум, къыӀуагъ:
– Мары Тхьэм икъурмэныпхъэ шъынэр.
37Иуан игъогу рыкӀорэ нэбгыритӀум ар къыӀоу зызэхахым, Исус ыуж ихьагъэх. 38Исус зыкъызэригъэзэкӀи, ахэр ежь ыуж ихьагъэхэу зелъэгъум, къариӀуагъ:
– Сыда шъузыфаер?
– Рабби, тыдэ ущыпсэура? – къыраӀожьыгъ ахэмэ. (Раббим къикӀырэр «Дин ГъэсакӀу»).
39– ШъукъакӀуи, шъулъэгъущт, – ариӀуагъ Исус. Аущтэу ахэр кӀохи, Исус зыщыпсэурэр алъэгъугъ, а мафэми Исус дэжь къэнагъэх. Сыхьатыр плӀым дэжьыгъ.#1:39 сыхьатыр плӀым дэжьыгъ – зытырахыгъэ алыджыбзэм зэритыр «япшӀэнэрэ сыхьат». Ащ къикӀырэр щэджагъоужым, сыхьатыр плӀы хъугъэу ары.
40Иуан Исус ехьылӀагъэу ыӀуагъэхэр зэхэзыхыгъэхэу, Исус ыуж ихьэгъэ нэбгыритӀумэ язырэр Симон Петрэ ыш Индрыс арыгъэ.
41Индрыс ыпэ рапшӀэу ыш Симон къыгъоти, риӀуагъ:
– Мэссихьыр къэдгъотыгъ. (Мэссихьым къикӀырэр «Христос» ары.)
42ЕтӀанэ Индрысэ Исус дэжь Симон къыщагъ. Исус Симон зелъэгъум, къыриӀуагъ:
– О у Симонэу Иуанэ урикъу. КифэкӀэ къыоджэщтых (Кифэм къикӀырэр «Мыжъо»).
Исус игъогу рыкӀонхэу Филиппрэ Натанаилрэ зэряджагъэр
43ЯтӀонэрэ мафэм Исус Галилей хэкум кӀонэу тыриубытагъ. ЕтӀанэ Исус Филипп ӀукӀи, риӀуагъ:
– Сауж къырыкӀу.
44А Филипп Индрысрэ Петрэрэ зыщыщ къалэу Бет-Сайдэ#1:44 къалэу Бет-Сайдэ – Галилей псыхъураем итемыр тыгъэ къокӀыпӀэ Ӏушъо Ӏутыгъ. щыщыгъ. 45Филипп кӀуи, Натанаил къыгъоти, риӀуагъ:
– Тэурат хабзэм итэу, пегъымбар Муси, адрэ пегъымбархэми зигугъу къашӀыгъэр къэдгъотыгъ. Ар Юсыф ыкъоу Назарет щыщ Исус ары.
46– Назарет шӀу зыхэлъ горэ къыдэкӀына? – къыриӀожьыгъ Натанаил.
– КъакӀуи еплъ, – риӀожьыгъ Филипп.
47Исус Натанаил къакӀоу зелъэгъум, ащ ехьылӀагъэу ыӀуагъ:
– Мыр израиль лӀы шъыпкъэу зыпари тхьагъэпцӀыгъэ зыхэмылъыр ары.
48– Тыдэ сыщыпшӀэра? – къеупчӀыгъ Натанаил Исус.
– Филипп къыоджэным ыпэкӀэ, ынджыр чъыгым ычӀэгъ учӀэтэу услъэгъугъ, – риӀожьыгъ Исус.
49– Рабби, о Тхьэм ури Къу, Израиль урипачъыхь, – къыриӀожьыгъ Натанаил.
50– Ынджыр чъыгым ычӀэгъ учӀэтэу услъэгъугъэу къызэрэосӀуагъэм пае, пшӀошъ хъугъэ, – риӀуагъ Исус. – Ащ нахьи нахь гъэшӀэгъонхэр плъэгъущтых.
51ЕтӀанэ Исус Натанаил риӀуагъ:
– Шъыпкъэ дэдэр шъосэӀо, уашъор зэӀухыгъэу, ЦӀыф Лъэпкъым ы Къо ышъхьагъкӀэ мэлэӀичхэр#1:51 мэлэӀичхэр дэкӀуаехэуи къехыхэуи – еплъ Пегъымбар Мусэ апэрэ тхылъэу ытхыгъэм (УблапӀэм) 28:12. дэкӀуаехэуи къехыхэуи шъулъэгъущт.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Институт перевода Библии, 1991, 1992, 2014. Стокгольм