Matay 8
8
Niwakwakan na o omlabyab so kolit a tao
(Make 1:40-45; Locya 5:12-16)
1Omosok si Yeso a apo do tokon am onotan da no aro a tao. 2O asa ka omlabyab so kataotao am nimangay ji Yeso a meylilitod. Maniring am, “Mo Panirsirngen, no si apyahen mo am jyabo kaji na apyan no kataotao ko a.” 3So niparapongan na so lima na jya ni Yeso a kapanci na no, “Ko apyahen. Apya rana o kataotao mo.” So ji na meyyahahai a nimapya no kolit na. 4O nipakoyokoy na pa jya ni Yeso am, “Ji mo meycicicyan an. Ta yangay mo a ipacita do mapatanatanang so nakem ta si Ama ta do to a tao a kavalivaliw na so kataotao mo a kapangozay mo do iwawalam na ni Moyse a mapatanang so nakem mo ji Ama ta do to. So anoyngan da jimo no tao a nimapya rana so kataotao.”
Niwakwakan ni Yeso o lamlamsoy no itaysang no Loma
(Locya 7:1-10)
5Makaranes do Cyapaynong si Yeso am mangay na rapongen no asa ka mimong no asa poo (100) a itaysang no Loma a kapasyasi na jya. 6Maniring am, “Mo Panirsirngen, o lamlamsoy ko am yaji makapeygonagonay. So na itkeh do vahay ko a yamakaliliw so kataotao na.” 7Maniring si Yeso am, “Mangay ko iwakwakan.” 8Maniring o mimong no itaysang no Loma am, “Mo Panirsirngen, yako tey kanig imo a yamai do vahay ko. Tana asa o ciring mo am jyabo o kaji na apyan no lamlamsoy ko a. 9Akman jyaken a yaomamizing so ciring no makarakarang pa ka nyaken a itaysang no Loma a da kamizing jyaken no yamaveveveh pa ka nyaken a itaysang. No yamyan so ko tovoin a mangay am da to ngonoci yaken. No yamyan so ko ipanci a mai am yato ngai. No ko tovoin o lamlamsoy ko a meyvazay am yato meyvazay. So na ikakman sang no ciring mo a tey mowyat a makavonas so ingingnen no tao.”
10Mamizing na ni Yeso o ciring na am niyak na. So nipancyan na nya do macihza jya tao. Maniring am, “To ko na macitangayan jinyo am ji ko pa nimakacita so akman sang so onowned do Isedi a tao. 11Naknakmen nyo an. Ta myan so aro do peycyeylilyan a mai a macihanghang ji Apolahan a kani Isa kani Yakebo do italamozong na ni Ama ta do to do teyngato. 12Sira rana o omavat do kapacikaop da do italamozong ni Ama ta do to a tao am powboten na sira do pantaw do kasarisaryan a kapeylavilavi da mapeygazicigit so ngepen da a maneneseh.”
13Makarahan am maniring do mimong no itaysang no Loma am, “Angay rana, ta yarana nimapya o lamlamsoy mo, do mo katey makdeng so nakem ji Ama ta do to.” Ori o nikapya na rana no ingingnen no lamlamsoy na.
Niwakwakan na ni Yeso o aro a meykeyngeyngen a tao
(Make 1:29-34; Locya 4:38-41)
14Mangay si Yeso do vahay da Pite am macita na o icyarwa na mavakes ni Pite a paingwaten na a miray. 15Parapongen ni Yeso o lima na jya am ji na rana nipaingwat. So nipeyvangon na rana a tomaotao si Yeso.
16Somipsip rana o araw do makoyab am yai da no aro a tao ji Yeso o aro a kovotan no kalamsoyan ni Satan a tao. Asa o ciring ni Yeso a kavozwaw da na no kalamsoyan ni Satan. So niwakwakan na do aro a meykeyngeyngen a tao. 17O vazay na am mina todey mangononong do mina ciring no panoyonoywan na so ciring ni Ama ta do to a meyngaran so Isayya. Ta maniring am,
“Na nivonas o ingingnen ta a kano alalaw ta.”#8:17 Isayya 53:4.
Macilolo ji Yeso a tao
(Locya 9:57-62)
18Macita ni Yeso o aro a tao a amlimot sya am ipanci na do macinanao jya o kangay da do katovangan no rako a meybebneng a ranom. 19Am amyan so asa ka mangnanao no iwawalam ni Ama ta do to a tao a mangay ji Yeso. Maniring jya am, “Mo Mangnanao, o angayan mo am abo ji ko macihzai jimo.” 20Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”
21Maniring o asa ka macinanao ji Yeso am, “Mo Panirsirngen, apyahen mo pa yaken a omonong do inawan ni ama kangay ko macilolo rana jimo an.” 22Maniring si Yeso am, “To mo macipanadngi sira o omonong do nimapoling so peylingalingayan a tao. Am imo rana am macilolo ka jyaken.”
Mapeyzokab a vazay ni Yeso do awa
(Make 4:35-41; Locya 8:22-25)
23Somakay si Yeso do tataloran am macihza o macinanao jya. 24Meyratateng am to na ngirasa sira no marahet a palanginan kalokolokong no paong do tataloran da. No kanang am nimitkeh si Yeso. 25Makarahan am mangay da yokain si Yeso no macinanao jya. Maniring sira am, “Mo Panirsirngen, avyayey yaten, ta tamo na marahet.” 26Maniring si Yeso am, “Ikongo nyo ikanyahey. Yakamo tey likey pa so nakenakem ji Ama ta do to.” Makarahan am meyvangon a kasirisiring na rana so rako a pagpag a kano paopaong a karekhang na rana nya. 27Am ori o nisavasavakan da nya. Maniring sira do kadwan jira am, “Ikongo a tao ya. Na kato ngamizngan pa sya no palanginan a kano abkas!”
Niwakwakan na o rarwa ka kovotan no kalamsoyan ni Satan
(Make 5:1-20; Locya 8:26-39)
28Makaranes sira do katovangan no rako a meybebneng a ranom a ili a meyngaran so Cyatala am makasinmo sira so rarwa ka tao a apo do kanitwan. Sira ori am kovotan no kalamsoyan ni Satan. So ikatey masozi da. Am ori o ikabo no tao a mangonong do dang. 29Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”
30No kanang am nimacinao o keyyan da do dang no aro a kois a meykoskos. 31Maniring sira o kalamsoyan ni Satan a mapasyasi ji Yeso am, “No si vozwawen mo yamen am to mo rana amya yamen a mangay komovot do kois ito.” 32Maniring si Yeso am, “Angay kamo.” Makarahan am makowbot sira o kalamsoyan ni Satan a kangay da komovot do aro a kois. Am ori o niksoz da kangay da makas do alalasyas a katovoz da do rako a meybebneng a ranom a kamimin da meykehmehmes a mawakwak. 33O tomita so kois a tao am mina todangay rana sira do ili a kapanci da rana no vazay ang do tao do ili. 34Ori o nikamimin no tao do ili a mangay a tomita si Yeso. Macita da am to da rana novoy a komaro do ili da.
Markert nå:
Matay 8: snt
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The Bible Society in Taiwan
Matay 8
8
Niwakwakan na o omlabyab so kolit a tao
(Make 1:40-45; Locya 5:12-16)
1Omosok si Yeso a apo do tokon am onotan da no aro a tao. 2O asa ka omlabyab so kataotao am nimangay ji Yeso a meylilitod. Maniring am, “Mo Panirsirngen, no si apyahen mo am jyabo kaji na apyan no kataotao ko a.” 3So niparapongan na so lima na jya ni Yeso a kapanci na no, “Ko apyahen. Apya rana o kataotao mo.” So ji na meyyahahai a nimapya no kolit na. 4O nipakoyokoy na pa jya ni Yeso am, “Ji mo meycicicyan an. Ta yangay mo a ipacita do mapatanatanang so nakem ta si Ama ta do to a tao a kavalivaliw na so kataotao mo a kapangozay mo do iwawalam na ni Moyse a mapatanang so nakem mo ji Ama ta do to. So anoyngan da jimo no tao a nimapya rana so kataotao.”
Niwakwakan ni Yeso o lamlamsoy no itaysang no Loma
(Locya 7:1-10)
5Makaranes do Cyapaynong si Yeso am mangay na rapongen no asa ka mimong no asa poo (100) a itaysang no Loma a kapasyasi na jya. 6Maniring am, “Mo Panirsirngen, o lamlamsoy ko am yaji makapeygonagonay. So na itkeh do vahay ko a yamakaliliw so kataotao na.” 7Maniring si Yeso am, “Mangay ko iwakwakan.” 8Maniring o mimong no itaysang no Loma am, “Mo Panirsirngen, yako tey kanig imo a yamai do vahay ko. Tana asa o ciring mo am jyabo o kaji na apyan no lamlamsoy ko a. 9Akman jyaken a yaomamizing so ciring no makarakarang pa ka nyaken a itaysang no Loma a da kamizing jyaken no yamaveveveh pa ka nyaken a itaysang. No yamyan so ko tovoin a mangay am da to ngonoci yaken. No yamyan so ko ipanci a mai am yato ngai. No ko tovoin o lamlamsoy ko a meyvazay am yato meyvazay. So na ikakman sang no ciring mo a tey mowyat a makavonas so ingingnen no tao.”
10Mamizing na ni Yeso o ciring na am niyak na. So nipancyan na nya do macihza jya tao. Maniring am, “To ko na macitangayan jinyo am ji ko pa nimakacita so akman sang so onowned do Isedi a tao. 11Naknakmen nyo an. Ta myan so aro do peycyeylilyan a mai a macihanghang ji Apolahan a kani Isa kani Yakebo do italamozong na ni Ama ta do to do teyngato. 12Sira rana o omavat do kapacikaop da do italamozong ni Ama ta do to a tao am powboten na sira do pantaw do kasarisaryan a kapeylavilavi da mapeygazicigit so ngepen da a maneneseh.”
13Makarahan am maniring do mimong no itaysang no Loma am, “Angay rana, ta yarana nimapya o lamlamsoy mo, do mo katey makdeng so nakem ji Ama ta do to.” Ori o nikapya na rana no ingingnen no lamlamsoy na.
Niwakwakan na ni Yeso o aro a meykeyngeyngen a tao
(Make 1:29-34; Locya 4:38-41)
14Mangay si Yeso do vahay da Pite am macita na o icyarwa na mavakes ni Pite a paingwaten na a miray. 15Parapongen ni Yeso o lima na jya am ji na rana nipaingwat. So nipeyvangon na rana a tomaotao si Yeso.
16Somipsip rana o araw do makoyab am yai da no aro a tao ji Yeso o aro a kovotan no kalamsoyan ni Satan a tao. Asa o ciring ni Yeso a kavozwaw da na no kalamsoyan ni Satan. So niwakwakan na do aro a meykeyngeyngen a tao. 17O vazay na am mina todey mangononong do mina ciring no panoyonoywan na so ciring ni Ama ta do to a meyngaran so Isayya. Ta maniring am,
“Na nivonas o ingingnen ta a kano alalaw ta.”#8:17 Isayya 53:4.
Macilolo ji Yeso a tao
(Locya 9:57-62)
18Macita ni Yeso o aro a tao a amlimot sya am ipanci na do macinanao jya o kangay da do katovangan no rako a meybebneng a ranom. 19Am amyan so asa ka mangnanao no iwawalam ni Ama ta do to a tao a mangay ji Yeso. Maniring jya am, “Mo Mangnanao, o angayan mo am abo ji ko macihzai jimo.” 20Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”
21Maniring o asa ka macinanao ji Yeso am, “Mo Panirsirngen, apyahen mo pa yaken a omonong do inawan ni ama kangay ko macilolo rana jimo an.” 22Maniring si Yeso am, “To mo macipanadngi sira o omonong do nimapoling so peylingalingayan a tao. Am imo rana am macilolo ka jyaken.”
Mapeyzokab a vazay ni Yeso do awa
(Make 4:35-41; Locya 8:22-25)
23Somakay si Yeso do tataloran am macihza o macinanao jya. 24Meyratateng am to na ngirasa sira no marahet a palanginan kalokolokong no paong do tataloran da. No kanang am nimitkeh si Yeso. 25Makarahan am mangay da yokain si Yeso no macinanao jya. Maniring sira am, “Mo Panirsirngen, avyayey yaten, ta tamo na marahet.” 26Maniring si Yeso am, “Ikongo nyo ikanyahey. Yakamo tey likey pa so nakenakem ji Ama ta do to.” Makarahan am meyvangon a kasirisiring na rana so rako a pagpag a kano paopaong a karekhang na rana nya. 27Am ori o nisavasavakan da nya. Maniring sira do kadwan jira am, “Ikongo a tao ya. Na kato ngamizngan pa sya no palanginan a kano abkas!”
Niwakwakan na o rarwa ka kovotan no kalamsoyan ni Satan
(Make 5:1-20; Locya 8:26-39)
28Makaranes sira do katovangan no rako a meybebneng a ranom a ili a meyngaran so Cyatala am makasinmo sira so rarwa ka tao a apo do kanitwan. Sira ori am kovotan no kalamsoyan ni Satan. So ikatey masozi da. Am ori o ikabo no tao a mangonong do dang. 29Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”
30No kanang am nimacinao o keyyan da do dang no aro a kois a meykoskos. 31Maniring sira o kalamsoyan ni Satan a mapasyasi ji Yeso am, “No si vozwawen mo yamen am to mo rana amya yamen a mangay komovot do kois ito.” 32Maniring si Yeso am, “Angay kamo.” Makarahan am makowbot sira o kalamsoyan ni Satan a kangay da komovot do aro a kois. Am ori o niksoz da kangay da makas do alalasyas a katovoz da do rako a meybebneng a ranom a kamimin da meykehmehmes a mawakwak. 33O tomita so kois a tao am mina todangay rana sira do ili a kapanci da rana no vazay ang do tao do ili. 34Ori o nikamimin no tao do ili a mangay a tomita si Yeso. Macita da am to da rana novoy a komaro do ili da.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The Bible Society in Taiwan