Matthew 14
14
John Baptiz Kishiu Kütsü Lovetsü Keu
1Tipau ghuloki lo Herod ayekipeu no Jisü ghiliqo chilu, 2eno pa no pa ghinikishiu vilo pi, “Hiye John Baptiz kishiu ke; pa ye akìthí lono xüithuvae! Tighenguno akümzapu kükaqo no pa lolo mülà anie.”
3Herod no pa thiküzüu Philip nipu Herodias ghenguno John küghaluve pe eno akighí no tshüsawo akughuki lo sǘve, 4kughengu John no pa vilo ishi pi ache: “Oghenguno li luni keu ye achipi kumoe.” 5Ikehu Herod ye John pìthíve nishiqhiyi ache, ikemu pa ye timiqo müsà ache kughengu panongu no John ye tungkupu kepi ikhilu acheke.
6Herod punu tsalà lo Herodias nonga no kukusümiqo ghenguno ilhe piye tsü kelo Herod ye ighono amlokiqi shive 7kehu pa no ashoqhi shi no li no kiu-kiu khumu tsüni keu shi piqhi. 8Li pazá no kite pesü, li no ishi pi, “John Baptiz kishiu kütsü akhu hipau lo sǘ no itsülo,” ipi khu. 9Akükau ye ighono amloküsa shive, ikemu pa shoqhi eno avelau ghulhu lo kusüpüa kemiqo ghenguno, li no kiu qhüiniju ani keno shive tsü penike azah tsüve 10eno tipau kiqi lono akughuki lono John kütsü lovetsü. 11Akhu lakhi lo John kütsü süpe ighino ilimi hu tsüve, eno li no ti pesü li pazá lau wuve. 12John khopemiqo no ighino John sükumo pesü shiqhove tsü. Tisheno panongu no wu no Jisü vilo pive.
Jisü no Timi 5,000 Lojí
13John Baptiz kishiu lau kiu shivea keno Jisü no chiluve kelo, pa ye ashuka lono lüthü shi yenguikeu-a lo wuve. Hipau chilu kelo, mishiphuqo lo aqokitikhiqo no apukhu lono pa papesü wu. 14Jisü no azü mükü toluve püzü timi aqokitikhi ithulu kelo, panongu ju pesü amlo ighiqhiyive eno panongu küsǜqo shipivitsüe.
15Avela shiuve kelo, akhopemiqo no Jisü lau ighino pa vilo pi, “Hipau-a ye yenguike-a lakhi ke eno atsala ghí tsüzüvae. Tighenguno timi aqokitikhi hipaqo puwovelo, tishianguno panongu pelo aphuqo lo wu no pano likhi panongu ghenguno achuqupu hami qhülu pe kepu shipelo.”
16Jisü no khochile, “Panongu puwove kepu kumoe. Nongu no kiuala chu kepu pesü panongu tsülo.”
17Panongu no khochile, “Hila ningu ye ashopa pungu eno akha kini likhi anie.”
18Pa no pi, “Tipaqo ilau süghilo.” 19Eno pa no timiqo pelo atsüni shou iqa penike kichetsü. Pa no ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno pa no akhopemiqo tsü eno akhopemiqo no tipaqo pesü timiqo kijétsü. 20Timi kümtsü no aghakiqishi chulu, eno akhopemiqo no chukhakumo munomughoqo ashoghi chighikini kichelu. 21Totimi eno itimiqo sümo no tilehi chu kemi kihiju kelo timi qhethonhe pungu qhau ae.
Jisü no Azü Shou Alache
22Tishive kemtsa Jisü no pa khopemiqo pelo ashuka lo ikuvepe püzü pa züu no ayizükucho tüxau küdau wuve pe, eno tisheno pa no aqokitikhi puwove. 23Panoqo puwove kethiu, pa ye lüthü shi naghuto küdau akighini shi niye iqhove. Tipau jì lo, pa likhi tilehi ngoa, 24eno ashuka ye ayeghi lono kitila kushuwa lo wuve, kughengu azü tukuchoqhia eno amlhü no azü fuchile ake.
25Tsütho nikeu zülo Jisü no ayizükucho lono alà chesü akhopemiqo lau wu. 26Kughou Jisü no ayizükucho shou no alà cheche keu akhopemiqo no ithulu keno, panongu ye akichiqhive. Eno panongu no, “Hiye aghawu lakhie,” ipi püzü akümsa lau no ighae.
27Ikemu tishikhavi Jisü no panoqo vilo pi: “Amlo mutotoilo! Ni ke, müsà kevilo.”
28Peter no khochile ishi pi, “Ampeu, tsalá hiye no shi aghí aye, ipelo azü shou no olau ighi penike pitsülo.”
29Pa no pi, “Ighilo.”
Ikelo Peter no ashuka lono ipeve püzü, azü lono alà chesü Jisü lau wuche. 30Ikemu kughou pa no amlhü ithulu keno, pa ye müsàve püzü azü lo ikiqi ilocheghive, ikehu pa no, “Ampeu ixalulo!” ipi ighae.
31Paikhavi Jisü no pa u chhopuwo Peter tsüqüluve no pi, “Oküpülü mikhelo ani kena. No ye kushiye lipive kea?”
32Eno kughou pama no ashuka lo ikughive keno amlhü ye iqünheive. 33Ikelo akhopemi ashuka lo akeqo no pa sheqhe ghi ishi pi, “Kuchou no no ye Alhou Nue.”
34Kughou panongu no ayizükucho kathasü ighi keno, panongu ye Gennesaret lo ighilu. 35Eno kughou tipa qhalo timiqo no Jisü jukimchiluve keno, panongu no sükümxa qha kümtsü lo asütsa shi puwuve. Timiqo no küsükinimiqo kümtsü sasü Jisü lau ighi 36eno küsükinimiqo pelo paw ubephi ashe lo likhimu bulu penike qhüiniju, eno tipau bulu kemi kümtsü no viluve.
Markert nå:
Matthew 14: STB
Marker
Del
Sammenlign
Kopier
Vil du ha høydepunktene lagret på alle enhetene dine? Registrer deg eller logg på
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Matthew 14
14
John Baptiz Kishiu Kütsü Lovetsü Keu
1Tipau ghuloki lo Herod ayekipeu no Jisü ghiliqo chilu, 2eno pa no pa ghinikishiu vilo pi, “Hiye John Baptiz kishiu ke; pa ye akìthí lono xüithuvae! Tighenguno akümzapu kükaqo no pa lolo mülà anie.”
3Herod no pa thiküzüu Philip nipu Herodias ghenguno John küghaluve pe eno akighí no tshüsawo akughuki lo sǘve, 4kughengu John no pa vilo ishi pi ache: “Oghenguno li luni keu ye achipi kumoe.” 5Ikehu Herod ye John pìthíve nishiqhiyi ache, ikemu pa ye timiqo müsà ache kughengu panongu no John ye tungkupu kepi ikhilu acheke.
6Herod punu tsalà lo Herodias nonga no kukusümiqo ghenguno ilhe piye tsü kelo Herod ye ighono amlokiqi shive 7kehu pa no ashoqhi shi no li no kiu-kiu khumu tsüni keu shi piqhi. 8Li pazá no kite pesü, li no ishi pi, “John Baptiz kishiu kütsü akhu hipau lo sǘ no itsülo,” ipi khu. 9Akükau ye ighono amloküsa shive, ikemu pa shoqhi eno avelau ghulhu lo kusüpüa kemiqo ghenguno, li no kiu qhüiniju ani keno shive tsü penike azah tsüve 10eno tipau kiqi lono akughuki lono John kütsü lovetsü. 11Akhu lakhi lo John kütsü süpe ighino ilimi hu tsüve, eno li no ti pesü li pazá lau wuve. 12John khopemiqo no ighino John sükumo pesü shiqhove tsü. Tisheno panongu no wu no Jisü vilo pive.
Jisü no Timi 5,000 Lojí
13John Baptiz kishiu lau kiu shivea keno Jisü no chiluve kelo, pa ye ashuka lono lüthü shi yenguikeu-a lo wuve. Hipau chilu kelo, mishiphuqo lo aqokitikhiqo no apukhu lono pa papesü wu. 14Jisü no azü mükü toluve püzü timi aqokitikhi ithulu kelo, panongu ju pesü amlo ighiqhiyive eno panongu küsǜqo shipivitsüe.
15Avela shiuve kelo, akhopemiqo no Jisü lau ighino pa vilo pi, “Hipau-a ye yenguike-a lakhi ke eno atsala ghí tsüzüvae. Tighenguno timi aqokitikhi hipaqo puwovelo, tishianguno panongu pelo aphuqo lo wu no pano likhi panongu ghenguno achuqupu hami qhülu pe kepu shipelo.”
16Jisü no khochile, “Panongu puwove kepu kumoe. Nongu no kiuala chu kepu pesü panongu tsülo.”
17Panongu no khochile, “Hila ningu ye ashopa pungu eno akha kini likhi anie.”
18Pa no pi, “Tipaqo ilau süghilo.” 19Eno pa no timiqo pelo atsüni shou iqa penike kichetsü. Pa no ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno pa no akhopemiqo tsü eno akhopemiqo no tipaqo pesü timiqo kijétsü. 20Timi kümtsü no aghakiqishi chulu, eno akhopemiqo no chukhakumo munomughoqo ashoghi chighikini kichelu. 21Totimi eno itimiqo sümo no tilehi chu kemi kihiju kelo timi qhethonhe pungu qhau ae.
Jisü no Azü Shou Alache
22Tishive kemtsa Jisü no pa khopemiqo pelo ashuka lo ikuvepe püzü pa züu no ayizükucho tüxau küdau wuve pe, eno tisheno pa no aqokitikhi puwove. 23Panoqo puwove kethiu, pa ye lüthü shi naghuto küdau akighini shi niye iqhove. Tipau jì lo, pa likhi tilehi ngoa, 24eno ashuka ye ayeghi lono kitila kushuwa lo wuve, kughengu azü tukuchoqhia eno amlhü no azü fuchile ake.
25Tsütho nikeu zülo Jisü no ayizükucho lono alà chesü akhopemiqo lau wu. 26Kughou Jisü no ayizükucho shou no alà cheche keu akhopemiqo no ithulu keno, panongu ye akichiqhive. Eno panongu no, “Hiye aghawu lakhie,” ipi püzü akümsa lau no ighae.
27Ikemu tishikhavi Jisü no panoqo vilo pi: “Amlo mutotoilo! Ni ke, müsà kevilo.”
28Peter no khochile ishi pi, “Ampeu, tsalá hiye no shi aghí aye, ipelo azü shou no olau ighi penike pitsülo.”
29Pa no pi, “Ighilo.”
Ikelo Peter no ashuka lono ipeve püzü, azü lono alà chesü Jisü lau wuche. 30Ikemu kughou pa no amlhü ithulu keno, pa ye müsàve püzü azü lo ikiqi ilocheghive, ikehu pa no, “Ampeu ixalulo!” ipi ighae.
31Paikhavi Jisü no pa u chhopuwo Peter tsüqüluve no pi, “Oküpülü mikhelo ani kena. No ye kushiye lipive kea?”
32Eno kughou pama no ashuka lo ikughive keno amlhü ye iqünheive. 33Ikelo akhopemi ashuka lo akeqo no pa sheqhe ghi ishi pi, “Kuchou no no ye Alhou Nue.”
34Kughou panongu no ayizükucho kathasü ighi keno, panongu ye Gennesaret lo ighilu. 35Eno kughou tipa qhalo timiqo no Jisü jukimchiluve keno, panongu no sükümxa qha kümtsü lo asütsa shi puwuve. Timiqo no küsükinimiqo kümtsü sasü Jisü lau ighi 36eno küsükinimiqo pelo paw ubephi ashe lo likhimu bulu penike qhüiniju, eno tipau bulu kemi kümtsü no viluve.
Markert nå:
:
Marker
Del
Sammenlign
Kopier
Vil du ha høydepunktene lagret på alle enhetene dine? Registrer deg eller logg på
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.