1 Musa 15
15
Padan Dèbata dekket si Abram
1Enggo kessa i, idah si Abram mo Jahowa ninganna mendokken bana, “Ulang ko mbiar alè Abram, Kupaluah ngo ko ibas mara nai, janah kuberèken bamu upah mbellen.”
2-3Tapi nina si Abram mo, “Alè Jahowa Sintèmbul i, oda lot iberèken kono anak bangku. Nai gabè pellin si Eliezer kalak Damaskus i mo mersidasaken hartangku. Jadi kadè mo labana iberèken kono bangku upah mbellen alè Jahowa?”
4Nai idengkoh si Abram nola mo idokken Jahowa tabasa, “Oda ngo hambamu i sigabè merhak ibas hartamu, tapi kennah anakmu sendiri ngo.” 5#Rm. 4:18; Heb. 11:12 Nai iarahken Jahowa mo si Abram mi ruar janah nina mbangsa, “Tarè mo mi langit i, janah oji lebbè memilang bintang-bintang i, bagè buè bintang i mo pemparenmu.”
6 #
Rm. 4:3; Gal. 3:6; Jak. 2:23 Percaya ngo si Abram taba Jahowa, kemulihkenna i, ijalo Jahowa ngo ia sipesennangken atèNa.
7Kessa i nina Jahowa dèng tabasa, “Aku ngo Jahowa simengarahken kono karuar i Ur sini Babilon nai, lako merrèken tanoh èn bamu mahan milikmu.”
8Tapi ikuso si Abram mo, “Alè Jahowa Sintèmbul i, bakunè mo ndorok kubettoh magahken tanoh èn gabè milikku?”
9Ialoi Jahowa mo, “Pèlèken mo bangKu sada lembu berru-berru, sada kambing berru-berru, dekket sada kambing tonggal merrumur tellu tahun, bagi ma sada kèrap dekket sada ndarapati.” 10Nai ipèlèken si Abram mo pinakan i bai Dèbata. Lembu, kambing dekket biri-biri i itaka dua mo, janah igamparken mo pehadep gabè dua baris. Tapi ukum manuk-manuk i oda pella itaka. 11Seggep ngo mi jukut i manuk-manuk kipan jukut, tapi ialai si Abram mo.
12 #
Jb. 4:13, 14 Tikan naing sundut mataniari, lènèk mo si Abram terpeddem. Sintempu mèter mbiar kalohon mo ia. 13#2 Ms. 1:1-14; Ul. 7:6 Nina Jahowa mo mbangsa, “Èngèt mo, gabè ginemgem mo pemparenmu i ladang ndèba; gabè hamba mo kalak i i sidi janah ipacik empat ratus tahun dekkahna. 14#2 Ms. 12:40-41; Ul. 7:7 Tapi Kuhukum ngo bangsa simemperhamba pemparenmu i, sinderrang naing itadingken pemparenmu nagerri i, iembah kalak i mo i sidi nai mbuè harta. 15Kono pè ndekkah mo ko nggelluh; sennang ngo ko matè, janah selloh ikubur. 16Enggo kessa empat cundut, balik mo kempu-kempumu mi sèn, ai oda ngo Kupuari kalak Amori, mèma sondel jahat kalak i janah perlu mo ihukum.”
17Gellap kessa ari, sintempu taridah mo roh bagè ketaring mercèmber, dekket banggar lakat, ilausi mo jukut sienggo ipebaris i. 18#Ul. 7:5 Tikala bagi mo merpadan Jahowa dekket si Abram. Nina Jahowa mo, “Kupadanken mo ukum tanoh èn kuberèken taba pinemparmu, mulai perbalengen tanoh Mesir soh mi laè Efrat, 19dekket ngo tanoh kalak Keni, Kenas, Kadmon, 20Het, Feris, Refaim, 21Amori, Kanaan, Girgasi dekket Jebusi.”
Markert nå:
1 Musa 15: LAIBTD
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
1 Musa 15
15
Padan Dèbata dekket si Abram
1Enggo kessa i, idah si Abram mo Jahowa ninganna mendokken bana, “Ulang ko mbiar alè Abram, Kupaluah ngo ko ibas mara nai, janah kuberèken bamu upah mbellen.”
2-3Tapi nina si Abram mo, “Alè Jahowa Sintèmbul i, oda lot iberèken kono anak bangku. Nai gabè pellin si Eliezer kalak Damaskus i mo mersidasaken hartangku. Jadi kadè mo labana iberèken kono bangku upah mbellen alè Jahowa?”
4Nai idengkoh si Abram nola mo idokken Jahowa tabasa, “Oda ngo hambamu i sigabè merhak ibas hartamu, tapi kennah anakmu sendiri ngo.” 5#Rm. 4:18; Heb. 11:12 Nai iarahken Jahowa mo si Abram mi ruar janah nina mbangsa, “Tarè mo mi langit i, janah oji lebbè memilang bintang-bintang i, bagè buè bintang i mo pemparenmu.”
6 #
Rm. 4:3; Gal. 3:6; Jak. 2:23 Percaya ngo si Abram taba Jahowa, kemulihkenna i, ijalo Jahowa ngo ia sipesennangken atèNa.
7Kessa i nina Jahowa dèng tabasa, “Aku ngo Jahowa simengarahken kono karuar i Ur sini Babilon nai, lako merrèken tanoh èn bamu mahan milikmu.”
8Tapi ikuso si Abram mo, “Alè Jahowa Sintèmbul i, bakunè mo ndorok kubettoh magahken tanoh èn gabè milikku?”
9Ialoi Jahowa mo, “Pèlèken mo bangKu sada lembu berru-berru, sada kambing berru-berru, dekket sada kambing tonggal merrumur tellu tahun, bagi ma sada kèrap dekket sada ndarapati.” 10Nai ipèlèken si Abram mo pinakan i bai Dèbata. Lembu, kambing dekket biri-biri i itaka dua mo, janah igamparken mo pehadep gabè dua baris. Tapi ukum manuk-manuk i oda pella itaka. 11Seggep ngo mi jukut i manuk-manuk kipan jukut, tapi ialai si Abram mo.
12 #
Jb. 4:13, 14 Tikan naing sundut mataniari, lènèk mo si Abram terpeddem. Sintempu mèter mbiar kalohon mo ia. 13#2 Ms. 1:1-14; Ul. 7:6 Nina Jahowa mo mbangsa, “Èngèt mo, gabè ginemgem mo pemparenmu i ladang ndèba; gabè hamba mo kalak i i sidi janah ipacik empat ratus tahun dekkahna. 14#2 Ms. 12:40-41; Ul. 7:7 Tapi Kuhukum ngo bangsa simemperhamba pemparenmu i, sinderrang naing itadingken pemparenmu nagerri i, iembah kalak i mo i sidi nai mbuè harta. 15Kono pè ndekkah mo ko nggelluh; sennang ngo ko matè, janah selloh ikubur. 16Enggo kessa empat cundut, balik mo kempu-kempumu mi sèn, ai oda ngo Kupuari kalak Amori, mèma sondel jahat kalak i janah perlu mo ihukum.”
17Gellap kessa ari, sintempu taridah mo roh bagè ketaring mercèmber, dekket banggar lakat, ilausi mo jukut sienggo ipebaris i. 18#Ul. 7:5 Tikala bagi mo merpadan Jahowa dekket si Abram. Nina Jahowa mo, “Kupadanken mo ukum tanoh èn kuberèken taba pinemparmu, mulai perbalengen tanoh Mesir soh mi laè Efrat, 19dekket ngo tanoh kalak Keni, Kenas, Kadmon, 20Het, Feris, Refaim, 21Amori, Kanaan, Girgasi dekket Jebusi.”
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)