KEJADIAN 3
3
Aben Allah ele imbisibag ane
1 #
Why 12:9, 20:2 Allah Ninikni inowen mun angge man angge lebe ruruk angge wal tibahon arimano sehelimu indi anggat tehon pisanggo eneg welatfag. Pisanggo inowen hiyap ino kapal haruk lit, ”Allahn e anggen obog toho aruma na fug ulug hiyag hisarisi ano?” ulug kapal hibagma 2hiyap inowen, ”Fug! ’E yabuk tu fam werehon anggen obog toho naruk lamuhup,’ irisireg, 3’We e yabuk pulmu werehon aru eneg sen ha fug angge anggen na fug,’ irisi. Nininggiken sen hahukteg anggen nahuk halug war amuhuk,” ibag.
4Ari ibagma pisanggo inowen, ”War amuhup fug,” ibareg, 5”Allahn irisi ane ari e anggen aru nahupteg An Allah hag toho wereg lit siyahon tu, fanowon tu ulug inindi anggar aruhu rohon ulug ele si ane irisi,” ibag.
6Ari ibagma hiyap inowen e usa ahen ino yet harukmen e ino fano regma anggen oho unduk fanowon wereg ulug yet hibareg e anggen aru naminmu nindi anggar alep fano pibag. Ari pibareg e anggen ino tahanoho nibareg ahun oho og irik libagma nibag. 7Nibareg itano kim harukmen nenebiye welahe ulug inindi anggar atfagma e ara inggila seleben tibareg sum hag toho wan tibag.
8Hupmu o sako regma Allah Ninikni yabuk ino fam larukmu aplohok hol hibareg it piren itano Ninikniyen yet nisahu rohon ulug e sehelimu hirag atfag. 9Hiraho lit weregma Ninikni inowen ap ino fam, ”Kema welahen?” ulug wol tibag.
10Wol tibagma ap inowen, ”Hat yabukmu waharukon haplohok holihireg nabiye welahi ulug ninggaliyen hirag ahireg welahi,” ibag.
11Ibagma Allahn te, ”Hat habiye welahen ulug san hiyag herehek?” ibareg, ”E anggen na fug irikikon ino nenggen ano?” ulug kapal hibag.
12Kapal hibagma ap inowen uruk lit, ”Hiyap hat men welamuhup ulug og nitikinon inowen e anggen ino og nerehekma ninggireg welahi,” ibagma 13#2Kor 11:3; 1Tim 2:14Allah Ninikniyen hiyap ino kapal haruk lit, ”Nungge fahet ari roho tehen?” ibag.
Ibagma hiyap inowen, ”Pisanggo inowen nele ying nabehekma e anggen ino ninggi,” ibag.
Allahn Adam men Hawa men alem angginon unubam imbibag ane
14Ari ibagma Allah Ninikni inowen pisanggo fam ele uruk lit, ”Haren hele si ane ehenma alem angginon hubam emberuk lahi. Mun angge man angge lebe ruruk angge arimano enesehelimu we hat eneg kinang ke hahum sap fam laruk lit kinang alinlan narukmen eneg war aruhun ulug huluwap haptuk lahi. 15#Why 12:17Hat men hiyap men seli roho welamuhup ulug emberuk lahi. Hat humalikisi men hiyap aru umalikisi men seli roho eneg wereg lit it unuyuhen hat hunggul sobir isarukmu haren it unuyug anggulmu fato eneptuk laruhun,” ibag.
16Ari ibareg Ninikni inowen hiyap ino fam ele uruk lit, ”Hat malik fet talugmu hahum anggolo fato haptuk laruhu. Malik indag tik oho lit ouken inel-hanel uruk laruhun. Haren hahun fahet hindi anggolo roho wenggel haruk laruhun angge famen aren mingming haptuk laruhu,” ibag.
17 #
Ibr 6:8
Ari ibareg Ninikni inowen ap ino fam ele uruk lit, ”Haren huhe ele holehenteg e anggen na fug irikikon nenggenma haren yabuk wituk laruhunon siyag aruhu ulug huluwap turuk lahi. Haren asengseng toho yabuk witlug yatukon arimano narukmen eneg welaruhun. 18Olok-olok angge hinde-hinde yabukmu wilip aruhumu farema amu wilip atuk angge eneg naruk laruhun. 19Yabuk wituk lit lisag anggolo harukmen eneg war aruhun. Hat hebe kinang fam lal haptikik angge re war aruhunteg suhuloho kinang aruhun,” ibag.
20Ari ibagma hiyap ino ap obog toho inisinga aruhu ulug ahunen unuk Hawa suwalfag.#Hawa: Ibrani enele fam ap onoluk werehon uruk ane men unuk Hawa men we tot hikit teg. 21Suwalfagma Allah Ninikni inowen it piren fahet wam ahap fam sum yiko wan enepfag.
Allahn Adam men Hawa men Eden yabukmuwen yanggal enepfag ane
22 #
Why 22:14
Allah Ninikni ino indimuwen peruk lit, ”Ketiya it ariya ap kinangmon famen Nit hag toho wereg lit siyahon tu, fanowon tu ulug inindi anggar ahama war am fug angge mondabi onoluk welamuhup tohon nin onoluk atuk ahen eke ino anggen nahup fug,” pibareg 23Eden yabukmuwen yanggal eneptuk lit Anden lal haptikik angginang ino eneg wituk laruhun ulug Adam ino hiyag itfag. 24Usa ahen ino aben anggen narukmu onoluk atuk ahen iraham lahup tohon ulug Eden yabukmu yali filen kurukon sokolma Allah Ninikni inowen otsi kerub suwe aherabul hag angge wilibihon unduhuk fibareg karog ayeg indok ambulpul mililang turukon hahon sap tibibag.
Markert nå:
KEJADIAN 3: YLI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
@ LAI 2018
KEJADIAN 3
3
Aben Allah ele imbisibag ane
1 #
Why 12:9, 20:2 Allah Ninikni inowen mun angge man angge lebe ruruk angge wal tibahon arimano sehelimu indi anggat tehon pisanggo eneg welatfag. Pisanggo inowen hiyap ino kapal haruk lit, ”Allahn e anggen obog toho aruma na fug ulug hiyag hisarisi ano?” ulug kapal hibagma 2hiyap inowen, ”Fug! ’E yabuk tu fam werehon anggen obog toho naruk lamuhup,’ irisireg, 3’We e yabuk pulmu werehon aru eneg sen ha fug angge anggen na fug,’ irisi. Nininggiken sen hahukteg anggen nahuk halug war amuhuk,” ibag.
4Ari ibagma pisanggo inowen, ”War amuhup fug,” ibareg, 5”Allahn irisi ane ari e anggen aru nahupteg An Allah hag toho wereg lit siyahon tu, fanowon tu ulug inindi anggar aruhu rohon ulug ele si ane irisi,” ibag.
6Ari ibagma hiyap inowen e usa ahen ino yet harukmen e ino fano regma anggen oho unduk fanowon wereg ulug yet hibareg e anggen aru naminmu nindi anggar alep fano pibag. Ari pibareg e anggen ino tahanoho nibareg ahun oho og irik libagma nibag. 7Nibareg itano kim harukmen nenebiye welahe ulug inindi anggar atfagma e ara inggila seleben tibareg sum hag toho wan tibag.
8Hupmu o sako regma Allah Ninikni yabuk ino fam larukmu aplohok hol hibareg it piren itano Ninikniyen yet nisahu rohon ulug e sehelimu hirag atfag. 9Hiraho lit weregma Ninikni inowen ap ino fam, ”Kema welahen?” ulug wol tibag.
10Wol tibagma ap inowen, ”Hat yabukmu waharukon haplohok holihireg nabiye welahi ulug ninggaliyen hirag ahireg welahi,” ibag.
11Ibagma Allahn te, ”Hat habiye welahen ulug san hiyag herehek?” ibareg, ”E anggen na fug irikikon ino nenggen ano?” ulug kapal hibag.
12Kapal hibagma ap inowen uruk lit, ”Hiyap hat men welamuhup ulug og nitikinon inowen e anggen ino og nerehekma ninggireg welahi,” ibagma 13#2Kor 11:3; 1Tim 2:14Allah Ninikniyen hiyap ino kapal haruk lit, ”Nungge fahet ari roho tehen?” ibag.
Ibagma hiyap inowen, ”Pisanggo inowen nele ying nabehekma e anggen ino ninggi,” ibag.
Allahn Adam men Hawa men alem angginon unubam imbibag ane
14Ari ibagma Allah Ninikni inowen pisanggo fam ele uruk lit, ”Haren hele si ane ehenma alem angginon hubam emberuk lahi. Mun angge man angge lebe ruruk angge arimano enesehelimu we hat eneg kinang ke hahum sap fam laruk lit kinang alinlan narukmen eneg war aruhun ulug huluwap haptuk lahi. 15#Why 12:17Hat men hiyap men seli roho welamuhup ulug emberuk lahi. Hat humalikisi men hiyap aru umalikisi men seli roho eneg wereg lit it unuyuhen hat hunggul sobir isarukmu haren it unuyug anggulmu fato eneptuk laruhun,” ibag.
16Ari ibareg Ninikni inowen hiyap ino fam ele uruk lit, ”Hat malik fet talugmu hahum anggolo fato haptuk laruhu. Malik indag tik oho lit ouken inel-hanel uruk laruhun. Haren hahun fahet hindi anggolo roho wenggel haruk laruhun angge famen aren mingming haptuk laruhu,” ibag.
17 #
Ibr 6:8
Ari ibareg Ninikni inowen ap ino fam ele uruk lit, ”Haren huhe ele holehenteg e anggen na fug irikikon nenggenma haren yabuk wituk laruhunon siyag aruhu ulug huluwap turuk lahi. Haren asengseng toho yabuk witlug yatukon arimano narukmen eneg welaruhun. 18Olok-olok angge hinde-hinde yabukmu wilip aruhumu farema amu wilip atuk angge eneg naruk laruhun. 19Yabuk wituk lit lisag anggolo harukmen eneg war aruhun. Hat hebe kinang fam lal haptikik angge re war aruhunteg suhuloho kinang aruhun,” ibag.
20Ari ibagma hiyap ino ap obog toho inisinga aruhu ulug ahunen unuk Hawa suwalfag.#Hawa: Ibrani enele fam ap onoluk werehon uruk ane men unuk Hawa men we tot hikit teg. 21Suwalfagma Allah Ninikni inowen it piren fahet wam ahap fam sum yiko wan enepfag.
Allahn Adam men Hawa men Eden yabukmuwen yanggal enepfag ane
22 #
Why 22:14
Allah Ninikni ino indimuwen peruk lit, ”Ketiya it ariya ap kinangmon famen Nit hag toho wereg lit siyahon tu, fanowon tu ulug inindi anggar ahama war am fug angge mondabi onoluk welamuhup tohon nin onoluk atuk ahen eke ino anggen nahup fug,” pibareg 23Eden yabukmuwen yanggal eneptuk lit Anden lal haptikik angginang ino eneg wituk laruhun ulug Adam ino hiyag itfag. 24Usa ahen ino aben anggen narukmu onoluk atuk ahen iraham lahup tohon ulug Eden yabukmu yali filen kurukon sokolma Allah Ninikni inowen otsi kerub suwe aherabul hag angge wilibihon unduhuk fibareg karog ayeg indok ambulpul mililang turukon hahon sap tibibag.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
@ LAI 2018