Luke 22
22
Àsà Ton Wekkuttok Jesus Winàkàik
(Matthew 26.1-5; Mark 14.1-2; John 11.45-53)
1Yapuluwetanù'nài pùn pùlomù pusak pàk Uta'lettàntok yattai wechippù màlà mei pùla, itesek Usentakantok. 2paatele yamùk yepulu ton molopai Law pàk enupannan yamùk wechippù màlà yà'là kasa là Jesus wàtok tùuya'nokon ittuiche, masapùla tok usenalipappù màlà kappon yamùk pàk.
Judas Iscariot Wekkupù Jesus Yeimippo Pàk
(Matthew 26.14-16; Mark 14.10-11)
3Màlàyau Settan wewomùppù Judas yak, 12 pan kon Jesus ya'lon kon tonpa Iscariot tetok ipàk yak. 4Màlàpàk Judas utàppù màlà, eke ton paatele yamùk molopai Katù yùwùk yennài nan pokonpe ichelupappù, yà'là kasa là Jesus tùlù tùuya tok yemyak pàk. 5Tok utauchinpappù kulu màlà, màlàyau ye'ma pàk tok wekkupùppù pùlayatta ke. 6Judas uya, ‘ Ewaik,’ teppù, màlà pùlayatta yekkwatù tùuya pàk molopai iwessa'molùkappù Jesus yeimippotok tùuya yattai woton ittuiche tok yemyak itùtoppe tùuya kappon yamùk uya ittu pùla.
Jesus Wekoneka Usentakantok yattai Uta'lettàntok Napù Pàk
(Matthew 26.17-25; Mark 14.12-21; John 13.21-30)
7Wei uyàpùppù màlà yapuluwetanù'nài pùn pùlomù pusak pàk Uta'lettàntok yattai, kalinilu munkà yamùk tùkkatok yattai màlà Uta'lettàntok weyu ponaloppe. 8Jesus uya Peter molopai John tawonnan yeunokoppù, “Itàtàkkon, Uta'lettàntok ikonekatantàk,” teppù ya tok pàk. 9“I'nailà ken uchi ina uya ikoneka iche messan?” tukaik tok uya yekamappoppù. 10“Yetatàk kon! Pata yak ewewomù kon pe kàyik tuna yanài wai yau uya eyepolo kon màlà. Ya'là mùtàtàik tapùi iwewontok itak tak. 11Molopai tapùi yesak pàk, ‘Enupanài, I'nai màlà tapùi unenupa ton pokonpe uta'lettàtok itau? nùkapàssan mùkatàik. 12Eke patassek tamù'nawolon yesak yekama ya màlà àpàkù'nokon, kawonpan tau, molo tamù'nawolon koneka auya'nokon màlà,” teppù Jesus uya. 13Tok utàppù màlà molopai tamù'nawolon yepoloppù tok uya Jesus uya yekamappù kasa, molopai Usentaka'nàppà yattai Uta'lettàntok konekappù tok uya.
Itepulu Uta'lettàtok
(Matthew 26.26-30; Mark 14.22-26; 1 Corinthians 11.23-25)
14Uta'lettàntok yattai uyàssak yau, Jesus weleutappù kùyali yapon piyau teunossan pokonpe. 15Molopai tok pàk, “Sàlà Usentaka'nàppà yattai Uta'lettàntok pàk ata'lettàpai kulu wessa'man àpokon pe'nokon wettalumattà wapiya! 16Masapùla tekamayaik àpàkù'nokon inattu'ma uya pen nen uchi màlà Katù wettok itepulu pe patassek yau iwekkupù ponalà,” teppù Jesus uya. 17Màlàyau Jesus uya pùsau yanùmùppù, tenki teppù ya Katù pàk molopai tok pàk, “Sàlà yanùntàk kon molopai yekantàk kon àkklottau'nokon. 18Masapùla tekamayaik àpàkù'nokon sàlà tinchisen inchi tu'ma uya pen màlà sàlà motapai Katù wettok itepulu pe weyu uyàpù ponalà,” teppù ya. 19Molopai pùlomù pusak yanùmùppù ya, tenki teppù ya Katù pàk, ipenpàtùppù ya molopai itùlùppù ya tok yemyak, “Sàlà màlà upun itùsak àponalok kon pe. Sàlà mùkuttàik uyittutok auya'nokon ipàkàlà pe,” tei'ma. 20Màlà kasa làma pùsau tùlùppù ya uta'lettàka'nàppà ye'mappùtak, “Sàlà màlà emennak pe Katù nùkuppù, ikopposak umùnù ke, ikwansak lùppù àponalok kon pe,” tei'ma.
21“Tùse yentàk kon! Mùkkàlà uyeimippo nài talà man upyau kùyali yapon piyau! 22Masapùla Kàyik Mumu welikù màlà Katù uya ikupùppù kasa. Tùse àsà pe kulu iwechi màlà mùkkàlà kàyik neimippoyai'nùk pona!” teppù Jesus uya. 23Màlà yau tok usekamappopàtùppù tùyiwalà'nokon ànùk pe là sàlà ku'nài wechi ittuiche.
Ànùk Yentai We'nàtok Pàk Usàulàmantok
24Jesus ya'lon kon usàulàmappù màlà i'nai kulu là tùkklottawon' nokon ittu eke peiwa tukaik. 25Jesus uya tok pàk, “Kin yamùk sàlà non pon kon mùkyamlo kappon yamùk yepoi tapàikketù kenan kon, molopai kappon yamùk yennài nan mùkyamlo tesassan, ‘Kappon yamùk wechi yakon non,’ tukaik. 26Tùse sàlà kasa pùla ewechi kon màlà. Tùse làkku mùkkàlà eke kulu nechiik elekkwà a'mippà kasa àkklottau'nokon molopai kappon yamùk yennài nechiik apyoto kasa. 27Ànùk ken eke iwa, mùkkàlà ka' lù tùweleutasen ata'lettàse lù, wapùla mùkkàlà iteipa ne' nài. Mùkkàlàichi tùweleutasen. Tùse àkklottau'nokon wessaik tùwe'wotokomasen pe.
28“Upyau ewessak kon man tamù'nawolon uyittutok yawàlà. 29Molopai Ukàipùnù uya ulepasak man itepulu pe wettok yapàikketù ke, màlà kasa làma elepa kon uya màlà itepulu pe ewettok kon ke. 30Auta'lettà kon molopai àwukukon inchi auya'nokon màlà Itepulu pe wettok patassek yau, molopai aponnok yamùk po ewechi kon màlà 12 pan kon Israel kok yamùk ittu kon pa,” teppù Jesus uya.
Jesus uya Peter uya “Ittunài pen Iulà” tetok Yekama iwekkupù wapiya
(Matthew 26.31-35; Mark 14.27-31; John 13.36-38)
31“Simon, Simon! Masa yetakà! Settan uya eyennasak kon man eyittu tok kon pe tùuya tamù'nawàlà, umà pànnài uya àlichi walai yasuka ipippà winàpai kasa. 32Tùse wàpùlemasak man àpona Simon, ailon tetok auya wechi attu'mùla tukaik. Ewennapposak upyak yau, àtonpa yamùk mùmeluntàlùnpaik,” teppù Jesus uya. 33Peter uya yeikuppù, “Uyepulu, wekonekasak man, patikichi tak utàtoppe aya'là molopai welittok pe àpokonpe!” tukaik. 34“Yekama uya àpàk, Peter, kalicho tàwù pen màlà sàlà pe, ‘Ittu uya pùla man,’ te auya àsolùwau itekkwa ponalà,” teppù Jesus uya.
Pùlayatta yen, Paiki, molopai Pàlàu
35Màlàyau Jesus uya ta'lon kon yekamappoppù, “Eyeunossak kon uya yau na' pùlayatta yen pùla, paiki pùla wapùla sappattu pùla yau, yà'là là iche mettantàu?” tukaik. “Kane, yà'là là iche ina wechi pùn,” tukaik tok uya yeikuppù. 36“Tùse sàlà pe, apyau pùlayatta yen molopai paiki wechi yau yakà, molopai ikasupalayi pùla ewechi yau àpon michilanmaik molopai ye'mapa,” teppù Jesus uya. 37“Sàlà tekamayaik àpàkù'nokon, Katù Maimu uya, ‘Àli ton kùlottau iwechippù màlà,’ tesak wekkupù màlà ailon pe upàk. Masapùla iwe'menukasak upàk nekkussan ailon pe.” teppù ya. 38Ya'lon kon uya, “Itepulu, masa yenkà! Talà asa'lon kasupala man,” teppù. “Màlà pe neken nà nechii” tukaik tok yeikuppù ya.
Jesus Wàpùlema Olives Tùpù Po
(Matthew 26.36-46; Mark 14.32-42)
39Jesus utàppù màlà tùwessek kasa là wùk, Olives Tùpù pona molopai ya'lon kon utàppù ya'là. 40Màlà pata yak tùuyàssak yau, “Àpùlematàk kon ittuntok yak ewettùlù kon tukaik,” teppù ya tok pàk. 41Iitàppù màlà tok winàpai mei kulu pùla là tàk ke wessa'mantok kaichalà là, tese'mu yok iwenappù molopai iwàpùlemappù. 42“Ukàipùnù, yama auya yau, sàlà pùsau yamakà uwinàpai. Wapùla iwechi yau, tàwà iche ewettok nekkupùi, iulà wettok iche pen” teppù ya. 43Inchelù usenpoikappù màlà ipyak molopai imeluntàlùttàppù ya. 44Ipla kulu tùusewankono'masak echii'ma iwàpùlemappù màlà tùuseka'nonkaik. Iwewaichak useukkappù mùn kasa non pona.
45Iwe'wuluukappù tùwàpùlema tùpo molopai iwennapoppù ta'lon kon piyak, tok we'nùnsak yepoloppù ya eke pe kulu tok usewankono'masak wechippù. 46Molopai Jesus uya tok pàk, “Yà'là peichi iwechi pàk mewe'nùnyatàu? E'wuluukatàk kon molopai àpùlematàk kon ittuntok yak ewettùlù kon tukaik,” teppù ya.
Jesus Yachitok
(Matthew 26.47-56; Mark 14.43-50; John 18.3-11)
47Tùuselupa pàk lùppù iwechippù màlà, tukkan kon kappon yamùk welepansak tùse Judas Iscariot wechippù màlà 12 pan kon Jesus ya'lon kon tonpa. Mùkkàlà wechippù tok ne'nài pe, iyàpùppù màlà Jesus kismase. 48Tùse Jesus uya, “Judas, màlà na' wekkismantok ke Kàyik Mumu yeimippo auya?” teppù. 49Yà'làlà wekkupù pe iwechi yensak tùuya'nokon yau, Jesus ya'lon kon uya, “Itepulu, tok wànà na' ina uya sàlà kasupala ke?” teppù. 50Molopai tok tonpa uya, Eke kulu paatele yamùk yapyoto wànàppù, molopai kamik winon pen ipana yattàkapùppù ya. 51Tùse Jesus uya, “Eichilàman, tàwà walà nechii!” teppù. Kàyik pana yappàtùppù ya molopai ipittàppù ya.
52Màlàyau Jesus uya eke ton paatele yamùk, Katù yùwùk yennài nan, molopai tùnamasan Katù yùwùk tawon kon iyàssak kon tachise pàk. “Àuyàpù kon ken na' uchi màlà uyense tùkasupalayi ke'ne, molopai taikek yesak pe'ne là, amak yense uyà'nà kasa là? 53Apyau'nokon ku Katù yùwùk tau wechippù wei kaichalà, molopai uyachiche ewechi kon pùn. Tùse sàlà pata weyu àponalok kon pe man, molopai ewalupà meluntàlù ponaloppe,” teppù.
“Jesus Ittunài Pen Iulà” te Peter uya
(Matthew 26.57-58, 69-75; Mark 14.53-54, 66-72; John 18.12-18, 25-27)
54Jesus yachippù màlà tok uya, molopai yalàppù Eke kulu paatele yùwùk tak. Molopai Peter uya iwenaimappù, mei ite'mappù pàk. 55Apok pottàsak wechippù màlà ittuntok patassek pùloloi yakkletau, màlàyau Peter utàppù chichiu pe tùwessan apok woi kùlottak. 56Apyoto yamùk tonpa ema'non uya yeneppù apok weyu yak, mei pùla yeneppù ya molopai “Pùsàlà ku kàyik ya'là nettai!” teppù ya. 57Tùse Peter uya, “Nossan, unùttu pen nen mùkkàlà!” teppù. 58Malalà tùpo tùulon uya Peter yentu'mappù molopai, “Àmàlà nàlà ku mùkkàlà tok tonpa!” teppù ya. Tùse Peter uya yeikuppù, “Kàyik, Iulà pen nen mùkkàlà!” tukaik. 59Malalà tùpo tu'ma tùulon uya meluntà pe, “Kasei pen pùsàlà wechippù ya'là masapùla Galilee pon nàlà mùkkàlà!” teppù. 60Tùse Peter uya yeikuppù, “Kàyik, yà'là pàk là euselupa ittu uya pùla man!” tukaik. Tewinanpa iichelupa lùppù tùse kalicho tàwùppù. 61Itepulu welattàppù molopai Peter yeneppù ya iponalà, màlà yau Peter uya Itepulu maimuppù ittuppù, “Sàlà pe ewalupàttau kalicho tàwù wapiya, ‘Unùttu pen mùkkàlà,’ te auya màlà àsolùwau itekkwa,” tawon. 62Peter utàppù màlà motapai molopai ikalawùppù tùuseka'nonkaik.
Jesus Mottùnpappù Molopai Ippoppàtùppù
(Matthew 26.67-68; Mark 14.65)
63Kàyik yamùk Jesus yennài nan uya imottùnpappù màlà, molopai tok uya ippoppàtùppù. 64Tok uya itenu tùwontàse iwàpàtùppù molopai yekamappoppù tok uya, “Ànùk uya àwànàppù pe mùttuyan? Yenpoikakà,’ tukaik. 65Molopai tukke tok uselupappù màlà àli pe imottùnpa pe.
Jesus Wechi Pilate Molopai Herod Yemloto po
(Matthew 26.59-66; Mark 14.55-64; John 18.19-24)
66Iwemassak yau, eke ton tùnamasan Jew yamùk, paatele yamùk yepulu ton, molopai Law pàk enupannan tawonnan wepilipùppù, molopai Jesus nepùppù màlà pùsamlo itepulu yamùk yemlotopona. 67“Masa yekamakà ina pàk, Christ ken na' àmàlà?” tukaik tok uya yekamappoppù. Màlàyau Jesus uya tok yeikuppù, “Àpàkù'nokon yekama uya yau, ailon te auya'nokon pen upàk. 68Molopai eyekamappo kon uya yau uyeiku auya'nokon pen. 69Tùse sàlà motapai Kàyik Mumu weleuta màlà tapon pona, kamik pen winà Katù piyau. Katù mùkkàlà tamù'nawolon yau meluntà,” tukaik. 70Tamù'nawàlà tok uya, “Katù Mumu ken na' uchi àmàlà?” teppù. Tok yeikuppù ya, “Iulà mùkkàlà mùkayatàik làkku,” tukaik. 71Molopai tok uya, “Tùulon tu'ma tùuselupa woton iche pùla we'nà'nokon man. Kùmyamlo uya imaimu yetasak man!” teppù.
Markert nå:
Luke 22: PNTR
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Patamuna New Testament Revised © United Bible Societies, 1973, 2019.
Luke 22
22
Àsà Ton Wekkuttok Jesus Winàkàik
(Matthew 26.1-5; Mark 14.1-2; John 11.45-53)
1Yapuluwetanù'nài pùn pùlomù pusak pàk Uta'lettàntok yattai wechippù màlà mei pùla, itesek Usentakantok. 2paatele yamùk yepulu ton molopai Law pàk enupannan yamùk wechippù màlà yà'là kasa là Jesus wàtok tùuya'nokon ittuiche, masapùla tok usenalipappù màlà kappon yamùk pàk.
Judas Iscariot Wekkupù Jesus Yeimippo Pàk
(Matthew 26.14-16; Mark 14.10-11)
3Màlàyau Settan wewomùppù Judas yak, 12 pan kon Jesus ya'lon kon tonpa Iscariot tetok ipàk yak. 4Màlàpàk Judas utàppù màlà, eke ton paatele yamùk molopai Katù yùwùk yennài nan pokonpe ichelupappù, yà'là kasa là Jesus tùlù tùuya tok yemyak pàk. 5Tok utauchinpappù kulu màlà, màlàyau ye'ma pàk tok wekkupùppù pùlayatta ke. 6Judas uya, ‘ Ewaik,’ teppù, màlà pùlayatta yekkwatù tùuya pàk molopai iwessa'molùkappù Jesus yeimippotok tùuya yattai woton ittuiche tok yemyak itùtoppe tùuya kappon yamùk uya ittu pùla.
Jesus Wekoneka Usentakantok yattai Uta'lettàntok Napù Pàk
(Matthew 26.17-25; Mark 14.12-21; John 13.21-30)
7Wei uyàpùppù màlà yapuluwetanù'nài pùn pùlomù pusak pàk Uta'lettàntok yattai, kalinilu munkà yamùk tùkkatok yattai màlà Uta'lettàntok weyu ponaloppe. 8Jesus uya Peter molopai John tawonnan yeunokoppù, “Itàtàkkon, Uta'lettàntok ikonekatantàk,” teppù ya tok pàk. 9“I'nailà ken uchi ina uya ikoneka iche messan?” tukaik tok uya yekamappoppù. 10“Yetatàk kon! Pata yak ewewomù kon pe kàyik tuna yanài wai yau uya eyepolo kon màlà. Ya'là mùtàtàik tapùi iwewontok itak tak. 11Molopai tapùi yesak pàk, ‘Enupanài, I'nai màlà tapùi unenupa ton pokonpe uta'lettàtok itau? nùkapàssan mùkatàik. 12Eke patassek tamù'nawolon yesak yekama ya màlà àpàkù'nokon, kawonpan tau, molo tamù'nawolon koneka auya'nokon màlà,” teppù Jesus uya. 13Tok utàppù màlà molopai tamù'nawolon yepoloppù tok uya Jesus uya yekamappù kasa, molopai Usentaka'nàppà yattai Uta'lettàntok konekappù tok uya.
Itepulu Uta'lettàtok
(Matthew 26.26-30; Mark 14.22-26; 1 Corinthians 11.23-25)
14Uta'lettàntok yattai uyàssak yau, Jesus weleutappù kùyali yapon piyau teunossan pokonpe. 15Molopai tok pàk, “Sàlà Usentaka'nàppà yattai Uta'lettàntok pàk ata'lettàpai kulu wessa'man àpokon pe'nokon wettalumattà wapiya! 16Masapùla tekamayaik àpàkù'nokon inattu'ma uya pen nen uchi màlà Katù wettok itepulu pe patassek yau iwekkupù ponalà,” teppù Jesus uya. 17Màlàyau Jesus uya pùsau yanùmùppù, tenki teppù ya Katù pàk molopai tok pàk, “Sàlà yanùntàk kon molopai yekantàk kon àkklottau'nokon. 18Masapùla tekamayaik àpàkù'nokon sàlà tinchisen inchi tu'ma uya pen màlà sàlà motapai Katù wettok itepulu pe weyu uyàpù ponalà,” teppù ya. 19Molopai pùlomù pusak yanùmùppù ya, tenki teppù ya Katù pàk, ipenpàtùppù ya molopai itùlùppù ya tok yemyak, “Sàlà màlà upun itùsak àponalok kon pe. Sàlà mùkuttàik uyittutok auya'nokon ipàkàlà pe,” tei'ma. 20Màlà kasa làma pùsau tùlùppù ya uta'lettàka'nàppà ye'mappùtak, “Sàlà màlà emennak pe Katù nùkuppù, ikopposak umùnù ke, ikwansak lùppù àponalok kon pe,” tei'ma.
21“Tùse yentàk kon! Mùkkàlà uyeimippo nài talà man upyau kùyali yapon piyau! 22Masapùla Kàyik Mumu welikù màlà Katù uya ikupùppù kasa. Tùse àsà pe kulu iwechi màlà mùkkàlà kàyik neimippoyai'nùk pona!” teppù Jesus uya. 23Màlà yau tok usekamappopàtùppù tùyiwalà'nokon ànùk pe là sàlà ku'nài wechi ittuiche.
Ànùk Yentai We'nàtok Pàk Usàulàmantok
24Jesus ya'lon kon usàulàmappù màlà i'nai kulu là tùkklottawon' nokon ittu eke peiwa tukaik. 25Jesus uya tok pàk, “Kin yamùk sàlà non pon kon mùkyamlo kappon yamùk yepoi tapàikketù kenan kon, molopai kappon yamùk yennài nan mùkyamlo tesassan, ‘Kappon yamùk wechi yakon non,’ tukaik. 26Tùse sàlà kasa pùla ewechi kon màlà. Tùse làkku mùkkàlà eke kulu nechiik elekkwà a'mippà kasa àkklottau'nokon molopai kappon yamùk yennài nechiik apyoto kasa. 27Ànùk ken eke iwa, mùkkàlà ka' lù tùweleutasen ata'lettàse lù, wapùla mùkkàlà iteipa ne' nài. Mùkkàlàichi tùweleutasen. Tùse àkklottau'nokon wessaik tùwe'wotokomasen pe.
28“Upyau ewessak kon man tamù'nawolon uyittutok yawàlà. 29Molopai Ukàipùnù uya ulepasak man itepulu pe wettok yapàikketù ke, màlà kasa làma elepa kon uya màlà itepulu pe ewettok kon ke. 30Auta'lettà kon molopai àwukukon inchi auya'nokon màlà Itepulu pe wettok patassek yau, molopai aponnok yamùk po ewechi kon màlà 12 pan kon Israel kok yamùk ittu kon pa,” teppù Jesus uya.
Jesus uya Peter uya “Ittunài pen Iulà” tetok Yekama iwekkupù wapiya
(Matthew 26.31-35; Mark 14.27-31; John 13.36-38)
31“Simon, Simon! Masa yetakà! Settan uya eyennasak kon man eyittu tok kon pe tùuya tamù'nawàlà, umà pànnài uya àlichi walai yasuka ipippà winàpai kasa. 32Tùse wàpùlemasak man àpona Simon, ailon tetok auya wechi attu'mùla tukaik. Ewennapposak upyak yau, àtonpa yamùk mùmeluntàlùnpaik,” teppù Jesus uya. 33Peter uya yeikuppù, “Uyepulu, wekonekasak man, patikichi tak utàtoppe aya'là molopai welittok pe àpokonpe!” tukaik. 34“Yekama uya àpàk, Peter, kalicho tàwù pen màlà sàlà pe, ‘Ittu uya pùla man,’ te auya àsolùwau itekkwa ponalà,” teppù Jesus uya.
Pùlayatta yen, Paiki, molopai Pàlàu
35Màlàyau Jesus uya ta'lon kon yekamappoppù, “Eyeunossak kon uya yau na' pùlayatta yen pùla, paiki pùla wapùla sappattu pùla yau, yà'là là iche mettantàu?” tukaik. “Kane, yà'là là iche ina wechi pùn,” tukaik tok uya yeikuppù. 36“Tùse sàlà pe, apyau pùlayatta yen molopai paiki wechi yau yakà, molopai ikasupalayi pùla ewechi yau àpon michilanmaik molopai ye'mapa,” teppù Jesus uya. 37“Sàlà tekamayaik àpàkù'nokon, Katù Maimu uya, ‘Àli ton kùlottau iwechippù màlà,’ tesak wekkupù màlà ailon pe upàk. Masapùla iwe'menukasak upàk nekkussan ailon pe.” teppù ya. 38Ya'lon kon uya, “Itepulu, masa yenkà! Talà asa'lon kasupala man,” teppù. “Màlà pe neken nà nechii” tukaik tok yeikuppù ya.
Jesus Wàpùlema Olives Tùpù Po
(Matthew 26.36-46; Mark 14.32-42)
39Jesus utàppù màlà tùwessek kasa là wùk, Olives Tùpù pona molopai ya'lon kon utàppù ya'là. 40Màlà pata yak tùuyàssak yau, “Àpùlematàk kon ittuntok yak ewettùlù kon tukaik,” teppù ya tok pàk. 41Iitàppù màlà tok winàpai mei kulu pùla là tàk ke wessa'mantok kaichalà là, tese'mu yok iwenappù molopai iwàpùlemappù. 42“Ukàipùnù, yama auya yau, sàlà pùsau yamakà uwinàpai. Wapùla iwechi yau, tàwà iche ewettok nekkupùi, iulà wettok iche pen” teppù ya. 43Inchelù usenpoikappù màlà ipyak molopai imeluntàlùttàppù ya. 44Ipla kulu tùusewankono'masak echii'ma iwàpùlemappù màlà tùuseka'nonkaik. Iwewaichak useukkappù mùn kasa non pona.
45Iwe'wuluukappù tùwàpùlema tùpo molopai iwennapoppù ta'lon kon piyak, tok we'nùnsak yepoloppù ya eke pe kulu tok usewankono'masak wechippù. 46Molopai Jesus uya tok pàk, “Yà'là peichi iwechi pàk mewe'nùnyatàu? E'wuluukatàk kon molopai àpùlematàk kon ittuntok yak ewettùlù kon tukaik,” teppù ya.
Jesus Yachitok
(Matthew 26.47-56; Mark 14.43-50; John 18.3-11)
47Tùuselupa pàk lùppù iwechippù màlà, tukkan kon kappon yamùk welepansak tùse Judas Iscariot wechippù màlà 12 pan kon Jesus ya'lon kon tonpa. Mùkkàlà wechippù tok ne'nài pe, iyàpùppù màlà Jesus kismase. 48Tùse Jesus uya, “Judas, màlà na' wekkismantok ke Kàyik Mumu yeimippo auya?” teppù. 49Yà'làlà wekkupù pe iwechi yensak tùuya'nokon yau, Jesus ya'lon kon uya, “Itepulu, tok wànà na' ina uya sàlà kasupala ke?” teppù. 50Molopai tok tonpa uya, Eke kulu paatele yamùk yapyoto wànàppù, molopai kamik winon pen ipana yattàkapùppù ya. 51Tùse Jesus uya, “Eichilàman, tàwà walà nechii!” teppù. Kàyik pana yappàtùppù ya molopai ipittàppù ya.
52Màlàyau Jesus uya eke ton paatele yamùk, Katù yùwùk yennài nan, molopai tùnamasan Katù yùwùk tawon kon iyàssak kon tachise pàk. “Àuyàpù kon ken na' uchi màlà uyense tùkasupalayi ke'ne, molopai taikek yesak pe'ne là, amak yense uyà'nà kasa là? 53Apyau'nokon ku Katù yùwùk tau wechippù wei kaichalà, molopai uyachiche ewechi kon pùn. Tùse sàlà pata weyu àponalok kon pe man, molopai ewalupà meluntàlù ponaloppe,” teppù.
“Jesus Ittunài Pen Iulà” te Peter uya
(Matthew 26.57-58, 69-75; Mark 14.53-54, 66-72; John 18.12-18, 25-27)
54Jesus yachippù màlà tok uya, molopai yalàppù Eke kulu paatele yùwùk tak. Molopai Peter uya iwenaimappù, mei ite'mappù pàk. 55Apok pottàsak wechippù màlà ittuntok patassek pùloloi yakkletau, màlàyau Peter utàppù chichiu pe tùwessan apok woi kùlottak. 56Apyoto yamùk tonpa ema'non uya yeneppù apok weyu yak, mei pùla yeneppù ya molopai “Pùsàlà ku kàyik ya'là nettai!” teppù ya. 57Tùse Peter uya, “Nossan, unùttu pen nen mùkkàlà!” teppù. 58Malalà tùpo tùulon uya Peter yentu'mappù molopai, “Àmàlà nàlà ku mùkkàlà tok tonpa!” teppù ya. Tùse Peter uya yeikuppù, “Kàyik, Iulà pen nen mùkkàlà!” tukaik. 59Malalà tùpo tu'ma tùulon uya meluntà pe, “Kasei pen pùsàlà wechippù ya'là masapùla Galilee pon nàlà mùkkàlà!” teppù. 60Tùse Peter uya yeikuppù, “Kàyik, yà'là pàk là euselupa ittu uya pùla man!” tukaik. Tewinanpa iichelupa lùppù tùse kalicho tàwùppù. 61Itepulu welattàppù molopai Peter yeneppù ya iponalà, màlà yau Peter uya Itepulu maimuppù ittuppù, “Sàlà pe ewalupàttau kalicho tàwù wapiya, ‘Unùttu pen mùkkàlà,’ te auya màlà àsolùwau itekkwa,” tawon. 62Peter utàppù màlà motapai molopai ikalawùppù tùuseka'nonkaik.
Jesus Mottùnpappù Molopai Ippoppàtùppù
(Matthew 26.67-68; Mark 14.65)
63Kàyik yamùk Jesus yennài nan uya imottùnpappù màlà, molopai tok uya ippoppàtùppù. 64Tok uya itenu tùwontàse iwàpàtùppù molopai yekamappoppù tok uya, “Ànùk uya àwànàppù pe mùttuyan? Yenpoikakà,’ tukaik. 65Molopai tukke tok uselupappù màlà àli pe imottùnpa pe.
Jesus Wechi Pilate Molopai Herod Yemloto po
(Matthew 26.59-66; Mark 14.55-64; John 18.19-24)
66Iwemassak yau, eke ton tùnamasan Jew yamùk, paatele yamùk yepulu ton, molopai Law pàk enupannan tawonnan wepilipùppù, molopai Jesus nepùppù màlà pùsamlo itepulu yamùk yemlotopona. 67“Masa yekamakà ina pàk, Christ ken na' àmàlà?” tukaik tok uya yekamappoppù. Màlàyau Jesus uya tok yeikuppù, “Àpàkù'nokon yekama uya yau, ailon te auya'nokon pen upàk. 68Molopai eyekamappo kon uya yau uyeiku auya'nokon pen. 69Tùse sàlà motapai Kàyik Mumu weleuta màlà tapon pona, kamik pen winà Katù piyau. Katù mùkkàlà tamù'nawolon yau meluntà,” tukaik. 70Tamù'nawàlà tok uya, “Katù Mumu ken na' uchi àmàlà?” teppù. Tok yeikuppù ya, “Iulà mùkkàlà mùkayatàik làkku,” tukaik. 71Molopai tok uya, “Tùulon tu'ma tùuselupa woton iche pùla we'nà'nokon man. Kùmyamlo uya imaimu yetasak man!” teppù.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Patamuna New Testament Revised © United Bible Societies, 1973, 2019.