Matthew 22
22
Wemali'mantok Yattai Uta'lettàntok Pantomù
(Luke 14.15-24)
1Jesus uya tu'ma panton yamùk yapulàppù kappon yamùk yelupa tùuya yau. 2“Sàlà kasaichi itepulu pe we'nàtok epùn po wechi màlà, Kin tùmu ponaloppe iwemali'ma yattai uta'lettàntok konekanàippù kasa. 3Tapyoto ton yeunokoppù ya màlà uta'lettàntok yak ikà'masak kon kà'mase, tùse àippai pùla tok wechippù. 4Màlàpàk tùulon kon tapyoto ton yeunokoppù ya tùmaimu pokonpe, ‘Ikà'masak kon pàk, Uta'lettàtok wekonekasak man sàlà pe. Uyùkùnnon paka yamùk molopai kaiwanton paka munkà wàsak man, molopai tamù'nawolon wekonekasak man. Àittàk kon uta'lettàntok yak.’ tawon. 5Tùse ikà'masak kon uya yetapàtùppù, molopai iche tùwettok kon kusse tok utàppù. Tewinan utàppù màlà tù'mà yak. Tùulon utàppù tùwotokoyi yak. 6Tùulon kon uya kin yapyoto ton yachippù. Àsà pe tok talumattàppù molopai tok wànàppù. 7Kin we'naikasak kulu wechippù màlà, molopai tùsoichayi yamùk yeunokoppù ya tok wànnannùssan wàse, molopai tok pata pottàse. 8Màlàyau tapyoto ton kà'mappù ya màlà. ‘Wemali'mantok yattai uta'lettàntok wekonekasak man, tùse kappon yamùk unkà'massan wechippù tùuyàssan yek pe pùla. 9Itàtàk kon, eke ton asanta tak. Molopai uta'lettàntok yak tukke là kappon yamùk enepoloppù kon mùkà'matàik,’ teppù ya. 10Màlàpàk itapyoto ton utàppù màlà asanta yamùk tak molopai tamù'nawàlà kappon yamùk tùnepoloppù kon pilipùppù tok uya, wakù ton, molopai àli ton. Molopai wemali'man patassek wanùssak wechippù, kappon yamùk ke.
11“Kin wewomùppù màlà ikà'masak kon yense. Màlàyau kàyik yeneppù ya màlà wemali'man yattai yau we'nàtok pen pon yau. 12‘Utonpa, yà'là kasa ken uchi mewomùi sàlà motak wemali'man yattai yau we'nàtok pon yau pùla?’ tukaik, kin uya yekamappoppù. Tùse yà'là te ya pùla iwechippù. 13Màlàyau kin uya tapyoto ton pàk, ‘Itemyatù molopai itta yaulontàk kon molopai yenu'matàk kon ewalupàttak. Molo ikalawù màlà molopai tùyà kàlàlài'ma ya,’ teppù ya. 14Masapùla tukkan kon kà'masak màlà tùse tukkan kon pen yanùnsak,” tukaik, teppù Jesus uya.
Pùlayatta tùtok Caesar yemyak
(Mark 12.13-17; Luke 20.20-26)
15Pharisee yamùk utàppù màlà miya molopai tok wekkupùppù Jesus ittu pàk iichelupa winà. 16Màlàyau ta'lon kon tonpa yamùk molopai Herod tonpa yamùk yeunokoppù tok uya Jesus piyak. “Enupanài, ina nùttuyan wakù pe ewechi. Kappon yamùk ponalok ailon, Katù yeselu pàk enupanài àmàlà, yà'là tukaik kappon yamùk usenumenka pàk tùutaimelunpaik pùla, masapùla tamù'nawolon kon kappon yamùk mùkyamlo ekaichalon kon eyenu yau.
17Ina pàk uchi yekamakà, yà'là kasa ken mùttuyan? Caesar yemyak na' pata ye'ma wechi màlà ikasa, wapùla kane ka'lù?” tukaik. 18Jesus uya àli kupù pàk tok wekkupù ittuppù. Màlàpàk, “Tùusennakasan amyamlo! Yà'là peichi iwechi pàk uyittuiche ewechi kon màlà? 19Pùlayatta pun yenpoikatàk kon uyemyak pata ye'matok ike!” teppù Jesus uya. Tok uya pùlayatta pun nepùppù itemyak. 20Molopai tok yekamappoppù ya, “Ànùk yenpata molopai ànùk yesek ken sàlà yamùk?” tukaik. 21“Caesar” tukaik tok uya yeikuppù. Màlàpàk Jesus uya, “Caesar yemyak iponalok itùtàk kon molopai Katù yemyak iponalok itùtàk,” teppù. 22Sàlà yetasak tùuya'nokon yau, tok usenumenkappù kulu màlà, molopai tok uya inàmàppù.
We'wuluukantok Yattai Wemali'mantok
(Mark 12.18-27; Luke 20.27-40)
23Màlà lùppù wei yattai Sadducee yamùk tonpa yamùk uyàpùppù Jesus piyak. Mùkyamlo wechippù màlà kappon yamùk we'wuluuka pen màlà weli'nàtok yapai tawonnan pe. 24“Enupanài, Moses uya nen kappon yamùk yenupàppù, Kàyik welichak imunkà pùla echii'ma yau, yakon wechi tùlùi noppù lùppù yak màlà, tok uya mule yamùk yepotoppe iwelichak lùppù munkà pe,” tukaik. 25Molo iwechippù màlà 7 pan kon echilunan kàyik yamùk talà iwemassak kon nùssan. Wapiyalok wemali'mappù màlà, molopai iwelikùppù imunkà pùla, màlàpàk tùnoppù lùppù nàmàppù ya takon noppù pe. 26Màlà lùppù wekkupùppù màlà yakon winàkàik, icholùwano winàkàik molopai nen uchi tamù'nawolon kon 7 pan kon winàkàik. 27Tamù'nawolon kon ye'mappù tak nossan welikùppù. 28Màlà iwelichak kon we'wuluukasak weli'nàtok yapai weyu yattai ken, ànùk noppù pe iwechi? Tamù'nawolon kon uya ku imali'mappù!” teppù tok uya.
29Jesus uya tok yeikuppù, “Ikasa pùla kulu messatàik! Masapùla Katù Maimu wapùla Katù yapàikketù ittu auya'nokon pùla iwechi pàk. 30We'wuluukantok yattai kappon yamùk wemali'ma pen màlà, inchelù yamùk kasa tok wechi màlà epùn po. 31Molopai iwelichak kon we'wuluukatok pàk, Katù nekamappù na' àpàkù'nokon ittu auya'nokon pùla nai? Wa tesak ya, 32‘Abraham Katùyi Iulà, Isaac Katùyi, molopai Jacob Katùyi,’ tawon. Nulànan kon Katùyi mùkkàlà, iwelichak kon Katùyi pen,” teppù Jesus uya. 33Sàlà yetasak tùuya'nokon yau tukkan kon kappon yamùk usenumenkasak wechippù màlà enupantok ya pàk.
Eke kulu Enupantok
(Mark 12.28-34; Luke 10.25-28)
34Pharisee yamùk uyàpùppù tamùkke Jesus uya Sadducee yamùk yeppaka'nùpùppù yetasak tùuya'nokon yau. 35Molopai tok tonpa, law pàk iichenupasak wechippù ittuiche ekamappontok ke. 36“Enupanài, i'nai ken màlà eke kulu suwa ekkà tetok, Law yawon?” tukaik. 37Jesus uya yeikuppù, “Itepulu Akatùyi i'nùnmakà tamù'nawàlà eyewan ke, molopai tamù'nawàlà ayakkwalù ke, molopai tamù'nawàlà eusenumenkatok ke, tawon. 38Sàlàichi màlà eke molopai tùkussen kulu enupantok. 39Yakon tùkussen kulu màlà sàlà walai, ayakontalù i'nùnmakà àmàlà mù'nùnmayai'nùk kasa, tawon. 40Tamù'nawolon Law molopai Katù Maimu yenpoikannan uya imenukasak màlà sàlà asa'lon tùkussen yau,” teppù Jesus uya.
Ànùk Mumu Ken Mùkkàlà Christ
(Mark 12.35-37; Luke 20.41-44)
41Pharisee yamùk wepilichak tamùkke yau, Jesus uya tok yekamappoppù. 42“Yà'là tukaik ken tùusenumenkasan amyamlo Christ pàk? Ànùk pa ken mùkkàlà?” tukaik.
“David pa nen mùkkàlà,” tukaik tok uya yeikuppù. 43-44“Yà'là pe ken uchi iwechi pàk Wakù Akkwalù uya David kupùppù màlà, Uyepulu tukaik yesattoppe ya?” tukaik Jesus uya tok yekamapoppù. “Masapùla David uya,
‘Itepulu uya Uyepulu pàk, ‘Chichiu pe ekkà ulaitanù yau, eyeyaton non tùlù uya atta yokkoik ponalà,’ teppù màlà. {Psa 110.1}
45David uya uchi yesatù ‘Uyepulu’ tukaik yau, yà'là kasa ken uchi Christ wechi David pa pe?” tukaik Jesus uya tok yekamappoppù. 46Ànù'là pùla iwechippù màlà Jesus yeiku woton, molopai màlà motapai ànù'là usenumenkappù Jesus yekamappo pàk tùulon ekamappontok ke pen.
Markert nå:
Matthew 22: PNTR
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Patamuna New Testament Revised © United Bible Societies, 1973, 2019.
Matthew 22
22
Wemali'mantok Yattai Uta'lettàntok Pantomù
(Luke 14.15-24)
1Jesus uya tu'ma panton yamùk yapulàppù kappon yamùk yelupa tùuya yau. 2“Sàlà kasaichi itepulu pe we'nàtok epùn po wechi màlà, Kin tùmu ponaloppe iwemali'ma yattai uta'lettàntok konekanàippù kasa. 3Tapyoto ton yeunokoppù ya màlà uta'lettàntok yak ikà'masak kon kà'mase, tùse àippai pùla tok wechippù. 4Màlàpàk tùulon kon tapyoto ton yeunokoppù ya tùmaimu pokonpe, ‘Ikà'masak kon pàk, Uta'lettàtok wekonekasak man sàlà pe. Uyùkùnnon paka yamùk molopai kaiwanton paka munkà wàsak man, molopai tamù'nawolon wekonekasak man. Àittàk kon uta'lettàntok yak.’ tawon. 5Tùse ikà'masak kon uya yetapàtùppù, molopai iche tùwettok kon kusse tok utàppù. Tewinan utàppù màlà tù'mà yak. Tùulon utàppù tùwotokoyi yak. 6Tùulon kon uya kin yapyoto ton yachippù. Àsà pe tok talumattàppù molopai tok wànàppù. 7Kin we'naikasak kulu wechippù màlà, molopai tùsoichayi yamùk yeunokoppù ya tok wànnannùssan wàse, molopai tok pata pottàse. 8Màlàyau tapyoto ton kà'mappù ya màlà. ‘Wemali'mantok yattai uta'lettàntok wekonekasak man, tùse kappon yamùk unkà'massan wechippù tùuyàssan yek pe pùla. 9Itàtàk kon, eke ton asanta tak. Molopai uta'lettàntok yak tukke là kappon yamùk enepoloppù kon mùkà'matàik,’ teppù ya. 10Màlàpàk itapyoto ton utàppù màlà asanta yamùk tak molopai tamù'nawàlà kappon yamùk tùnepoloppù kon pilipùppù tok uya, wakù ton, molopai àli ton. Molopai wemali'man patassek wanùssak wechippù, kappon yamùk ke.
11“Kin wewomùppù màlà ikà'masak kon yense. Màlàyau kàyik yeneppù ya màlà wemali'man yattai yau we'nàtok pen pon yau. 12‘Utonpa, yà'là kasa ken uchi mewomùi sàlà motak wemali'man yattai yau we'nàtok pon yau pùla?’ tukaik, kin uya yekamappoppù. Tùse yà'là te ya pùla iwechippù. 13Màlàyau kin uya tapyoto ton pàk, ‘Itemyatù molopai itta yaulontàk kon molopai yenu'matàk kon ewalupàttak. Molo ikalawù màlà molopai tùyà kàlàlài'ma ya,’ teppù ya. 14Masapùla tukkan kon kà'masak màlà tùse tukkan kon pen yanùnsak,” tukaik, teppù Jesus uya.
Pùlayatta tùtok Caesar yemyak
(Mark 12.13-17; Luke 20.20-26)
15Pharisee yamùk utàppù màlà miya molopai tok wekkupùppù Jesus ittu pàk iichelupa winà. 16Màlàyau ta'lon kon tonpa yamùk molopai Herod tonpa yamùk yeunokoppù tok uya Jesus piyak. “Enupanài, ina nùttuyan wakù pe ewechi. Kappon yamùk ponalok ailon, Katù yeselu pàk enupanài àmàlà, yà'là tukaik kappon yamùk usenumenka pàk tùutaimelunpaik pùla, masapùla tamù'nawolon kon kappon yamùk mùkyamlo ekaichalon kon eyenu yau.
17Ina pàk uchi yekamakà, yà'là kasa ken mùttuyan? Caesar yemyak na' pata ye'ma wechi màlà ikasa, wapùla kane ka'lù?” tukaik. 18Jesus uya àli kupù pàk tok wekkupù ittuppù. Màlàpàk, “Tùusennakasan amyamlo! Yà'là peichi iwechi pàk uyittuiche ewechi kon màlà? 19Pùlayatta pun yenpoikatàk kon uyemyak pata ye'matok ike!” teppù Jesus uya. Tok uya pùlayatta pun nepùppù itemyak. 20Molopai tok yekamappoppù ya, “Ànùk yenpata molopai ànùk yesek ken sàlà yamùk?” tukaik. 21“Caesar” tukaik tok uya yeikuppù. Màlàpàk Jesus uya, “Caesar yemyak iponalok itùtàk kon molopai Katù yemyak iponalok itùtàk,” teppù. 22Sàlà yetasak tùuya'nokon yau, tok usenumenkappù kulu màlà, molopai tok uya inàmàppù.
We'wuluukantok Yattai Wemali'mantok
(Mark 12.18-27; Luke 20.27-40)
23Màlà lùppù wei yattai Sadducee yamùk tonpa yamùk uyàpùppù Jesus piyak. Mùkyamlo wechippù màlà kappon yamùk we'wuluuka pen màlà weli'nàtok yapai tawonnan pe. 24“Enupanài, Moses uya nen kappon yamùk yenupàppù, Kàyik welichak imunkà pùla echii'ma yau, yakon wechi tùlùi noppù lùppù yak màlà, tok uya mule yamùk yepotoppe iwelichak lùppù munkà pe,” tukaik. 25Molo iwechippù màlà 7 pan kon echilunan kàyik yamùk talà iwemassak kon nùssan. Wapiyalok wemali'mappù màlà, molopai iwelikùppù imunkà pùla, màlàpàk tùnoppù lùppù nàmàppù ya takon noppù pe. 26Màlà lùppù wekkupùppù màlà yakon winàkàik, icholùwano winàkàik molopai nen uchi tamù'nawolon kon 7 pan kon winàkàik. 27Tamù'nawolon kon ye'mappù tak nossan welikùppù. 28Màlà iwelichak kon we'wuluukasak weli'nàtok yapai weyu yattai ken, ànùk noppù pe iwechi? Tamù'nawolon kon uya ku imali'mappù!” teppù tok uya.
29Jesus uya tok yeikuppù, “Ikasa pùla kulu messatàik! Masapùla Katù Maimu wapùla Katù yapàikketù ittu auya'nokon pùla iwechi pàk. 30We'wuluukantok yattai kappon yamùk wemali'ma pen màlà, inchelù yamùk kasa tok wechi màlà epùn po. 31Molopai iwelichak kon we'wuluukatok pàk, Katù nekamappù na' àpàkù'nokon ittu auya'nokon pùla nai? Wa tesak ya, 32‘Abraham Katùyi Iulà, Isaac Katùyi, molopai Jacob Katùyi,’ tawon. Nulànan kon Katùyi mùkkàlà, iwelichak kon Katùyi pen,” teppù Jesus uya. 33Sàlà yetasak tùuya'nokon yau tukkan kon kappon yamùk usenumenkasak wechippù màlà enupantok ya pàk.
Eke kulu Enupantok
(Mark 12.28-34; Luke 10.25-28)
34Pharisee yamùk uyàpùppù tamùkke Jesus uya Sadducee yamùk yeppaka'nùpùppù yetasak tùuya'nokon yau. 35Molopai tok tonpa, law pàk iichenupasak wechippù ittuiche ekamappontok ke. 36“Enupanài, i'nai ken màlà eke kulu suwa ekkà tetok, Law yawon?” tukaik. 37Jesus uya yeikuppù, “Itepulu Akatùyi i'nùnmakà tamù'nawàlà eyewan ke, molopai tamù'nawàlà ayakkwalù ke, molopai tamù'nawàlà eusenumenkatok ke, tawon. 38Sàlàichi màlà eke molopai tùkussen kulu enupantok. 39Yakon tùkussen kulu màlà sàlà walai, ayakontalù i'nùnmakà àmàlà mù'nùnmayai'nùk kasa, tawon. 40Tamù'nawolon Law molopai Katù Maimu yenpoikannan uya imenukasak màlà sàlà asa'lon tùkussen yau,” teppù Jesus uya.
Ànùk Mumu Ken Mùkkàlà Christ
(Mark 12.35-37; Luke 20.41-44)
41Pharisee yamùk wepilichak tamùkke yau, Jesus uya tok yekamappoppù. 42“Yà'là tukaik ken tùusenumenkasan amyamlo Christ pàk? Ànùk pa ken mùkkàlà?” tukaik.
“David pa nen mùkkàlà,” tukaik tok uya yeikuppù. 43-44“Yà'là pe ken uchi iwechi pàk Wakù Akkwalù uya David kupùppù màlà, Uyepulu tukaik yesattoppe ya?” tukaik Jesus uya tok yekamapoppù. “Masapùla David uya,
‘Itepulu uya Uyepulu pàk, ‘Chichiu pe ekkà ulaitanù yau, eyeyaton non tùlù uya atta yokkoik ponalà,’ teppù màlà. {Psa 110.1}
45David uya uchi yesatù ‘Uyepulu’ tukaik yau, yà'là kasa ken uchi Christ wechi David pa pe?” tukaik Jesus uya tok yekamappoppù. 46Ànù'là pùla iwechippù màlà Jesus yeiku woton, molopai màlà motapai ànù'là usenumenkappù Jesus yekamappo pàk tùulon ekamappontok ke pen.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Patamuna New Testament Revised © United Bible Societies, 1973, 2019.