Mark 11
11
Jesus Welepamù Jerusalem pona
(Matthew 21.1-11; Luke 19.28-40; John 12.12-19)
1Jerusalem winàkàik tok uyàpù pata Bethphage molopai Bethany pona yau, Olive Wùpù pona tok uyàpùppù. Jesus uya asa'là tùnenupa ton yeunokoppù, 2Suwa teima “Itàtàk kon pata lùkwà eyemloto kon po nai'nùk yak. Ewelepansak kon yau, tonki mule yewattàsak yepolo auya'nokon màlà, ànù'là wechippù ipo lùppù pen. Meukatàik molopai mùnettàik upyak,” teppù Jesus uya. 3“Ànù'là uya àpàkù'nokon, ‘Yà'là pe iwechi pàk Donkey mule yeuka auya'nokon màlà?” te yau, ‘Ina yepulu wessak iche kulu pàk, molopai ina uya inappo màlà asse'ne, mùkatàik,’ ” teppù Jesus uya. 4Tok utàppù molopai tonki mule yepoloppù tok uya asantau, yewattàsak manatta pàk molopai tok uya yeukappù. 5Kappon yamùk satippe tùwesan uya Jesus nenupa ton yekamapoppù, “Yà'là pe iwechi pàk Donkey mule yeuka auya'nokon màlà?” tukaik. 6Màlàyau Jesus uselupappù lùppù yekamappù tok uya. Màlàpàk tàwà tok kupùppù kappon yamùk uya. 7Tok uya Donkey mule nepùppù Jesus piyak.Tùpon kon nonkappù tok uya ipona. Molopai Jesus wenukuppù ipona. 8Tukkan kon uya tùpon kon yakon yawenenkappù asantawàlà. Tùulon kon uya taleke'nan yei panta yattàsak tùuya'nokon yuk yawà yawenenkappù. 9Mùkyamlo wapiya iitàsak kon molopai ite'mappù pàk tùwessan wentaimeppù, “ Katù yapulàkà! Katù uya itepulu yesek yau nùyàsai'nàk pùlema màlà! 10Katù uya itepulu pe ina kàipùnù, Kin David wettok nùyàssai'nàk pùlema màlà! Katù yapulà sàlà, ” tukaik.
11Jesus welepamùppù Jerusalem pona, molopai iitàppù Katù yùwùk tak. Tamù'nawolon yene pàk iichalàppù molo. Yenkassak tùuya yau pata uko'mankapù pàk tùnenupa ton 12 pan kon pokonpe iitàppù Bethany pona.
Jesus uya Fig Yek Pa'nùpùppù
(Matthew 21.18-19)
12Iwemassak pe Bethany poi tùwennappo kon yau, Jesus wapùkkassak wechippù. 13Mei kulu pùla là fig yek yeneppù ya tale ke.Iitàppù itepelu wechi molo yense. Iwelepansak ipyak tùse, yale pe neken iwechippù. Masapùla iwepetatok yattai pe pùla iwechi pàk. 14“Ànù'là uya eyepelu nattukka pen màlà,” teppù ya ipàk. Inenupa ton uya yetappù màlà.
Katù Yùwùk tak Jesus utà
(Matthew 21.12-17; Luke 19.45-48; John 2.13-22)
15Tok welepansak Jerusalem pona yau, Jesus wewomùppù Katù yùwùk tak. Màlàyau kappon yamùk yà'làlà chilanmanài nan, molopai ye'manài nan yenpakkappù ya Katù yùwùk tapai. Molopai pùlayatta yapon lattàppù ya, molopai wakokkwa yamùk chilanmanài nan yapon nàlà. 16Ànù'là uya Katù yùwùk pùloloi polo yà'làlà yalà iche pùla iwechippù. 17Kappon yamùk yenupappù ya nen uchi, molopai tok pàk yekamappù ya “Katù Maimu we'menukasak man Katù uya, ‘Uyùwùk wechi màlà wàpùleman yùwùk pe tùpatalo'nan kon kappon yamùk ponaloppe,’ tesak, tùse amak ton uso'nantok itak pe ikussak auya'nokon man!” tukaik.
18Eke ton paatele yamùk molopai Law pàk enupannan uya yetappù. Màlàyau iwàtok tùuya'nokon iwinà woton ituiche tok wechippù. Tok usenalippappù ipàk masapùla tukkan kappon yamùk yenumenkasak wakù pe enupantok ya uya pàk.
19Ko'man pe iwenasak yau Jesus molopai inenupa ton utàppù, màlà pata yapai.
Usenupantok Fig Yek Pàkàlà
(Matthew 21.20-22)
20Iwemassak pe ko'làma, tùutàppù kon yawàlà lùppù tùutà kon yau, fig yek yeneppù tok uya iwaipùtasak tamù'nawàlà imik pokonpe. 21Màlàyau Peter uya ituppù molopai Jesus pàk, “Ticha, masa yenkà! Fig yek anpa'nùpùppù welichak man,” teppù. 22Jesus uya tok maimu yeikuppù, “Ailon katàk kon Katù pàk,” tukaik. 23“Ailon kulu sàlà, ànù'là sà wùk pàk, ‘Atamakà molopai tuna kak epukakà,’ tawon, kasei tetok tùuya pùla tewan yau tùwenaik, tùse ailon tukaik neken, wa te tùuya pàk ponaloppe iwekkupù màlà. 24Màlàpàk yekama uya sàlà àpàkù'nokon. Yà'làlà yekamappo auya'nokon àwàpùlema kon pe yau. Ailon mùkatàik yepolo auya'nokon pàk. Molopai yepolo auya'nokon màlà. 25Àwàpùlema yau ànù'là uya àli kussak ewinàkàik ittu auya yau ipàk esentuppakà. Katù, Àkàipùnù epùn pon usentuppatoppe nàlà amakuyi pàk. 26Tùse eusentuppa pùla iwechi yau, Àkàipùnù epùn pon usentuppa amakuyi kon pàk pen màlà,” teppù Jesus uya.
Jesus Yapàiketù pàk Yekamappoppù
(Matthew 21.23-27; Luke 20.1-8)
27Tok welepantukappù Jerusalem pona. Molopai Jesus usalà Katù yùwùk tawàlà tùse, eke ton paatele yamùk molopai Law pàk enupannan molopai tùulon kon eke ton nàlà uyàpùppù ipyak. 28Tok uya yekamappo, “Ànùk yapàikketù winà ken uchi sàlà yamùk kupù auya màlà, wapùla ànùk apàikek ke elepatai sàlà yamùk kupù pa?” tukaik. 29Jesus uya tok maimu yeikuppù, “Eyekamappo kon uya sàlà, yekamasak auya'nokon yau, yekama uya nàlà màlà àpàkù'nokon ànùk yapàikketù ke sàlà yamùk k upù uya. 30Upàk yekamatàk kon! Ànùk uya ken màlà John yeunokoppù enpataukanse? Katù uya ka'lù, wapùla kappon yamùk uya,” tukaik. 31Tok uselupappù tùyiwalà'nokon, “ Yàlà te'nokon sàlà Katù winàpaino, tesak yau, ‘Yà'là pe ken uchi iwechi pàk ailon tukaik pùla mettantàu?’ te ya, 32tùse ‘kappon yamùk winàpai,’ tesak yau.” (Tok usenalippappù màlà kappon yamùk pàk, masapùla tamù'nawolon kon uya John ittuppù ailon kulu Katù Maimu yenpoikanài pe pàk.) 33Màlàyau tok uya Jesus maimu yeikuppù, “Ina uya ittu pùla man,” tukaik. Jesus uya tok pàk, “Yekama uya pen nàlà sàlà ànùk yapàikketù yau sàlà yamùk kupù uya,” teppù.
Markert nå:
Mark 11: PNTR
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Patamuna New Testament Revised © United Bible Societies, 1973, 2019.
Mark 11
11
Jesus Welepamù Jerusalem pona
(Matthew 21.1-11; Luke 19.28-40; John 12.12-19)
1Jerusalem winàkàik tok uyàpù pata Bethphage molopai Bethany pona yau, Olive Wùpù pona tok uyàpùppù. Jesus uya asa'là tùnenupa ton yeunokoppù, 2Suwa teima “Itàtàk kon pata lùkwà eyemloto kon po nai'nùk yak. Ewelepansak kon yau, tonki mule yewattàsak yepolo auya'nokon màlà, ànù'là wechippù ipo lùppù pen. Meukatàik molopai mùnettàik upyak,” teppù Jesus uya. 3“Ànù'là uya àpàkù'nokon, ‘Yà'là pe iwechi pàk Donkey mule yeuka auya'nokon màlà?” te yau, ‘Ina yepulu wessak iche kulu pàk, molopai ina uya inappo màlà asse'ne, mùkatàik,’ ” teppù Jesus uya. 4Tok utàppù molopai tonki mule yepoloppù tok uya asantau, yewattàsak manatta pàk molopai tok uya yeukappù. 5Kappon yamùk satippe tùwesan uya Jesus nenupa ton yekamapoppù, “Yà'là pe iwechi pàk Donkey mule yeuka auya'nokon màlà?” tukaik. 6Màlàyau Jesus uselupappù lùppù yekamappù tok uya. Màlàpàk tàwà tok kupùppù kappon yamùk uya. 7Tok uya Donkey mule nepùppù Jesus piyak.Tùpon kon nonkappù tok uya ipona. Molopai Jesus wenukuppù ipona. 8Tukkan kon uya tùpon kon yakon yawenenkappù asantawàlà. Tùulon kon uya taleke'nan yei panta yattàsak tùuya'nokon yuk yawà yawenenkappù. 9Mùkyamlo wapiya iitàsak kon molopai ite'mappù pàk tùwessan wentaimeppù, “ Katù yapulàkà! Katù uya itepulu yesek yau nùyàsai'nàk pùlema màlà! 10Katù uya itepulu pe ina kàipùnù, Kin David wettok nùyàssai'nàk pùlema màlà! Katù yapulà sàlà, ” tukaik.
11Jesus welepamùppù Jerusalem pona, molopai iitàppù Katù yùwùk tak. Tamù'nawolon yene pàk iichalàppù molo. Yenkassak tùuya yau pata uko'mankapù pàk tùnenupa ton 12 pan kon pokonpe iitàppù Bethany pona.
Jesus uya Fig Yek Pa'nùpùppù
(Matthew 21.18-19)
12Iwemassak pe Bethany poi tùwennappo kon yau, Jesus wapùkkassak wechippù. 13Mei kulu pùla là fig yek yeneppù ya tale ke.Iitàppù itepelu wechi molo yense. Iwelepansak ipyak tùse, yale pe neken iwechippù. Masapùla iwepetatok yattai pe pùla iwechi pàk. 14“Ànù'là uya eyepelu nattukka pen màlà,” teppù ya ipàk. Inenupa ton uya yetappù màlà.
Katù Yùwùk tak Jesus utà
(Matthew 21.12-17; Luke 19.45-48; John 2.13-22)
15Tok welepansak Jerusalem pona yau, Jesus wewomùppù Katù yùwùk tak. Màlàyau kappon yamùk yà'làlà chilanmanài nan, molopai ye'manài nan yenpakkappù ya Katù yùwùk tapai. Molopai pùlayatta yapon lattàppù ya, molopai wakokkwa yamùk chilanmanài nan yapon nàlà. 16Ànù'là uya Katù yùwùk pùloloi polo yà'làlà yalà iche pùla iwechippù. 17Kappon yamùk yenupappù ya nen uchi, molopai tok pàk yekamappù ya “Katù Maimu we'menukasak man Katù uya, ‘Uyùwùk wechi màlà wàpùleman yùwùk pe tùpatalo'nan kon kappon yamùk ponaloppe,’ tesak, tùse amak ton uso'nantok itak pe ikussak auya'nokon man!” tukaik.
18Eke ton paatele yamùk molopai Law pàk enupannan uya yetappù. Màlàyau iwàtok tùuya'nokon iwinà woton ituiche tok wechippù. Tok usenalippappù ipàk masapùla tukkan kappon yamùk yenumenkasak wakù pe enupantok ya uya pàk.
19Ko'man pe iwenasak yau Jesus molopai inenupa ton utàppù, màlà pata yapai.
Usenupantok Fig Yek Pàkàlà
(Matthew 21.20-22)
20Iwemassak pe ko'làma, tùutàppù kon yawàlà lùppù tùutà kon yau, fig yek yeneppù tok uya iwaipùtasak tamù'nawàlà imik pokonpe. 21Màlàyau Peter uya ituppù molopai Jesus pàk, “Ticha, masa yenkà! Fig yek anpa'nùpùppù welichak man,” teppù. 22Jesus uya tok maimu yeikuppù, “Ailon katàk kon Katù pàk,” tukaik. 23“Ailon kulu sàlà, ànù'là sà wùk pàk, ‘Atamakà molopai tuna kak epukakà,’ tawon, kasei tetok tùuya pùla tewan yau tùwenaik, tùse ailon tukaik neken, wa te tùuya pàk ponaloppe iwekkupù màlà. 24Màlàpàk yekama uya sàlà àpàkù'nokon. Yà'làlà yekamappo auya'nokon àwàpùlema kon pe yau. Ailon mùkatàik yepolo auya'nokon pàk. Molopai yepolo auya'nokon màlà. 25Àwàpùlema yau ànù'là uya àli kussak ewinàkàik ittu auya yau ipàk esentuppakà. Katù, Àkàipùnù epùn pon usentuppatoppe nàlà amakuyi pàk. 26Tùse eusentuppa pùla iwechi yau, Àkàipùnù epùn pon usentuppa amakuyi kon pàk pen màlà,” teppù Jesus uya.
Jesus Yapàiketù pàk Yekamappoppù
(Matthew 21.23-27; Luke 20.1-8)
27Tok welepantukappù Jerusalem pona. Molopai Jesus usalà Katù yùwùk tawàlà tùse, eke ton paatele yamùk molopai Law pàk enupannan molopai tùulon kon eke ton nàlà uyàpùppù ipyak. 28Tok uya yekamappo, “Ànùk yapàikketù winà ken uchi sàlà yamùk kupù auya màlà, wapùla ànùk apàikek ke elepatai sàlà yamùk kupù pa?” tukaik. 29Jesus uya tok maimu yeikuppù, “Eyekamappo kon uya sàlà, yekamasak auya'nokon yau, yekama uya nàlà màlà àpàkù'nokon ànùk yapàikketù ke sàlà yamùk k upù uya. 30Upàk yekamatàk kon! Ànùk uya ken màlà John yeunokoppù enpataukanse? Katù uya ka'lù, wapùla kappon yamùk uya,” tukaik. 31Tok uselupappù tùyiwalà'nokon, “ Yàlà te'nokon sàlà Katù winàpaino, tesak yau, ‘Yà'là pe ken uchi iwechi pàk ailon tukaik pùla mettantàu?’ te ya, 32tùse ‘kappon yamùk winàpai,’ tesak yau.” (Tok usenalippappù màlà kappon yamùk pàk, masapùla tamù'nawolon kon uya John ittuppù ailon kulu Katù Maimu yenpoikanài pe pàk.) 33Màlàyau tok uya Jesus maimu yeikuppù, “Ina uya ittu pùla man,” tukaik. Jesus uya tok pàk, “Yekama uya pen nàlà sàlà ànùk yapàikketù yau sàlà yamùk kupù uya,” teppù.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Patamuna New Testament Revised © United Bible Societies, 1973, 2019.