Matiu 14
14
Jone Bapitaiso ko vouvaevo
(Maka 6:14-29; Luke 9:7-9)
1Koa taku kale inio vo Herodi Anitipasi#14:1 Ṉota kea Herodi Anitipasi dikisonare kale. Qalili ranala lekasa ta o viqake vo Jisu ko bazu. 2Nio vota o bazuemake voko matumatuma maba poso ni eri kiolake sekasi, “Nei ta vo Jone Bapitaiso inio ota tova saeva voukale azo so inio vota pizato sala ni o ereka aqasiele ama iruruputo,” kiolake. 3Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio. 4Eri sole inio o ereke ko quli: Vo Jone Bapitaiso ta pui o lalamatake bazuevo vo Herodi ni eri kiolake, “Kota pui korokoroti ikio ṉota ṉoda va raeka ṉovo kaka ko reko,” kiolake. 5Ni kokale avo inio vo Herodi ta oka zariake tu vouvaevo, melai vota ota ma ṉake se Jiu amu, ako seta ke tuvevo puevake sole, ta vo Jone ta kala vo Baṉara vo poropita.
6Nio vo Herodi ko alilo ṉaniu keru, ko Herodiasi ko meqora ta ko pekaoke Herodi ni sea vaki ko ubutiania, ni vo Herodi ta ota matu zoleike. 7Ni vota leveleveo o erekake kokasi ni eri kiolake, “Aṉata maulu a bika, tu aṉata a qatiṉou ṉo kiadama quli ṉoṉo baseko ama,” kiolake. 8Ni kota ko luluekake koko niania ko vatolo, so sole koa taku kale inio kota ko pasekake vo Jone Bapitaiso ko lezu tu vota o katiko ko peleta kale. Ako so inio kota kokai nianiiovou voko vou kikelake. 9Ni so keru vo lekasa o viqa keru koko zario, vota matu duki ota evake melai vota lula piza kama leveleveo o ereke kokasi sea maba poso o taipazimeni ko tanama kale, so sole vota o soruemake voko solodia madu tu seta ke ereko koko zario. 10Nio vota o soroemake se tu kepa lezuevo vo Jone pirito pade kale. 11Ni seta ke kati olake koa lezu peleta kale ni ke katikake koa sinaqu rusu ni kota ko kati olake koko niania kasi. 12Nio vo Jone ko disaipeli madu ta ke koake voko tupu ni ke mutakake, sai kazo inio seta ke olake ni kepa bazuevake vo Jisu.
Jisu ko niaemo sike vuro maba
(Maka 6:30-44; Luke 9:10-17; Jone 6:1-15)
13So keru vo Jisu o viqa keru vo Jone ko vou ko bazu vota o vaekake koa zae vaka kale ni ota olake ojolou kama zaekale o kiada pado. 14So keru se maba poso ke viqa keru voko bazu, seta ke vaekake seko peuru poso ni ke luluevake vo ketaino kale. Sole vo Jisu ta o saqorake vaka topi azo, ni vota o meake sea matuma vaki, ni vota o matu roquemake se, ni vota o urikimake se vere amu. 15Nio koko raisiraisi voko disaipeli madu ta kevai kuevake vo Jisu ni eri kikelake vokasi, “Erisaṉa ta matu raisiraisi ni koi ta ojolou kama zaekale, tu ṉota soroema nia maba poso ke peuru poso kale tu ke ṉavi kepa tatabarao ko sailao,” kikelake. 16Melai vo Jisu ta o mati tiorikake se ni eri kiolake sekasi, “Seta pui kepa vaitou, melai me inio me niaemou sea maba poso,” kiolake vo Jisu. 17Ni se disaipeli madu ta ke vati tiorikake ni eri kikelake vokasi, “Eṉeta sike silo ama bereti ni omuqa niuniu ko kiada ikio komi,” kikelake. 18Ni vo Jisu ta eri kiolake sekasi, “Kati kuemo koa sike bereti ni koa omuqa niuniu aṉa kasi,” kiolake. 19Ni vota o bazuemake sea maba poso tu seta ke papu muli seulele topi, ni vota o koake koa sike bereti ni omuqa niuniu ni vota o tadatake aukale ni o kati vararaitake ni uriavo o kasekake Baṉara kasi. Nio vota o palamukake koa bereti poso ni o katimake se disaipeli madu, ni se disaipeli madu ta ke katimake se maba poso. 20Ni sea kiadamu ta ke vuatake ni keta atapake muli. Ni koko tova se disaipeli madu ta kekai sukatikake toni omuqa suakao koko palakiako sailao. 21Ni sea kiadamu lasive poso ta sike vuro madu, melai pui kepa ataeme se rekoreko ni meqora poso se sate ke vuateni.
Jisu ko talio Qalili toupa ko ju topi
(Maka 6:45-52; Jone 6:16-21)
22Jisu ta o paikake niaemo sea vaki sai kazo inio vota o bazuemake voko disaipeli madu tu ke zazu vaka topi tu kebeta pakeo Qalili toupa koa pake, so maqa inio vota o vaitoemou sea maba poso. 23Nio sea maba poso ta keta vaitake muli, koko tova inio vota ota kailake o kiada pado sopu kale vararaitole ti raisiraisi kope vai baroake sai. 24Ni vaka ta lula ota siluata koa toupa kale joupajoupaekole boguzu kale ako kapea ururu sole.
25Ni vaqaza obe peata keru inio Jisu ta ota taliake toupa ko ju topi, ni ota olake o disaipeli madu kasi. 26Ni so keru seke vea keru seta keta matu ṉake ni ṉalole nio seta eri kikelake, “Kota ziolo ikio!” kikelake. 27Melai Jisu ta o pesiake sekasi ni eri kiolake, “Meta pui ṉalo; aṉata Jisu lala inio,” kiolake. 28Nio vo Pita ta eri kiolake vokasi, “Lekasa, tuvevo ṉo ṉo elou, ta odiela aṉa tu a dalio ivere topi tu a qilo ṉokasi.” 29Ni vo Jisu ta o vati tiorikake ni eri kiolake vokasi, “Kua koi.” Nio vo Pita ta ota saqorake koa vaka topi azo ni ota taliake ivere topi tu o toraevo vo Jisu. 30Melai vota o keake matuma ururu nio vota ota ṉake ni ota tanitake duluilo ivere kale. Ni vota ova zaivotake vo Jisu ni eri kiolake, “Kei! Lekasa, ṉota tauvela aṉa!” kiolake. 31Ni vo Jisu ta ova rauqazake ni o zolaevake ni eri va kiolake, “Noi tinia matu silo ikio ṉoko oqu! Ṉota pui ṉo duvevo puta kio?” kiolake. 32Ni so keru nioqa qo zazua keru vaka topi, ko ururu ta kota jamaoke. 33Ni sea disaipeli madu koa vaka topi ke eveni ta ke ilusivake vo Jisu ni seta eri kikelake, “Tuvevo ṉota vo Baṉara vo meqora ṉa tisoiko!” kikelake.
Jisu ko urikimo se vere amu Qenesareti peuru kale
(Maka 6:53-56)
34Nio seta lula keta pakea Qalili toupa ko koa pake ṉaniu o sulupakoi vasia rana Qenesareti. 35Ni saizama maba poso ta kevai nianiiani vo Jisu so sole seta ke taliekake ko bazu koa kiadama maba poso kasi koa zae poso kale amu kasi, ni seta ke mati olake se vere amu Jisu kasi. 36Nio sea vere ama maba poso ta kevai zaivotake tu seta ke tibaeko vo Jisu ko sabosabo, ni sea kiadamu seke tibaekeni ta keta urikake muli.
Markert nå:
Matiu 14: BLBNT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The New Testament in the Bilua language, Solomon Islands © The Bible Society of the South Pacific, 1995.
Matiu 14
14
Jone Bapitaiso ko vouvaevo
(Maka 6:14-29; Luke 9:7-9)
1Koa taku kale inio vo Herodi Anitipasi#14:1 Ṉota kea Herodi Anitipasi dikisonare kale. Qalili ranala lekasa ta o viqake vo Jisu ko bazu. 2Nio vota o bazuemake voko matumatuma maba poso ni eri kiolake sekasi, “Nei ta vo Jone Bapitaiso inio ota tova saeva voukale azo so inio vota pizato sala ni o ereka aqasiele ama iruruputo,” kiolake. 3Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio. 4Eri sole inio o ereke ko quli: Vo Jone Bapitaiso ta pui o lalamatake bazuevo vo Herodi ni eri kiolake, “Kota pui korokoroti ikio ṉota ṉoda va raeka ṉovo kaka ko reko,” kiolake. 5Ni kokale avo inio vo Herodi ta oka zariake tu vouvaevo, melai vota ota ma ṉake se Jiu amu, ako seta ke tuvevo puevake sole, ta vo Jone ta kala vo Baṉara vo poropita.
6Nio vo Herodi ko alilo ṉaniu keru, ko Herodiasi ko meqora ta ko pekaoke Herodi ni sea vaki ko ubutiania, ni vo Herodi ta ota matu zoleike. 7Ni vota leveleveo o erekake kokasi ni eri kiolake, “Aṉata maulu a bika, tu aṉata a qatiṉou ṉo kiadama quli ṉoṉo baseko ama,” kiolake. 8Ni kota ko luluekake koko niania ko vatolo, so sole koa taku kale inio kota ko pasekake vo Jone Bapitaiso ko lezu tu vota o katiko ko peleta kale. Ako so inio kota kokai nianiiovou voko vou kikelake. 9Ni so keru vo lekasa o viqa keru koko zario, vota matu duki ota evake melai vota lula piza kama leveleveo o ereke kokasi sea maba poso o taipazimeni ko tanama kale, so sole vota o soruemake voko solodia madu tu seta ke ereko koko zario. 10Nio vota o soroemake se tu kepa lezuevo vo Jone pirito pade kale. 11Ni seta ke kati olake koa lezu peleta kale ni ke katikake koa sinaqu rusu ni kota ko kati olake koko niania kasi. 12Nio vo Jone ko disaipeli madu ta ke koake voko tupu ni ke mutakake, sai kazo inio seta ke olake ni kepa bazuevake vo Jisu.
Jisu ko niaemo sike vuro maba
(Maka 6:30-44; Luke 9:10-17; Jone 6:1-15)
13So keru vo Jisu o viqa keru vo Jone ko vou ko bazu vota o vaekake koa zae vaka kale ni ota olake ojolou kama zaekale o kiada pado. 14So keru se maba poso ke viqa keru voko bazu, seta ke vaekake seko peuru poso ni ke luluevake vo ketaino kale. Sole vo Jisu ta o saqorake vaka topi azo, ni vota o meake sea matuma vaki, ni vota o matu roquemake se, ni vota o urikimake se vere amu. 15Nio koko raisiraisi voko disaipeli madu ta kevai kuevake vo Jisu ni eri kikelake vokasi, “Erisaṉa ta matu raisiraisi ni koi ta ojolou kama zaekale, tu ṉota soroema nia maba poso ke peuru poso kale tu ke ṉavi kepa tatabarao ko sailao,” kikelake. 16Melai vo Jisu ta o mati tiorikake se ni eri kiolake sekasi, “Seta pui kepa vaitou, melai me inio me niaemou sea maba poso,” kiolake vo Jisu. 17Ni se disaipeli madu ta ke vati tiorikake ni eri kikelake vokasi, “Eṉeta sike silo ama bereti ni omuqa niuniu ko kiada ikio komi,” kikelake. 18Ni vo Jisu ta eri kiolake sekasi, “Kati kuemo koa sike bereti ni koa omuqa niuniu aṉa kasi,” kiolake. 19Ni vota o bazuemake sea maba poso tu seta ke papu muli seulele topi, ni vota o koake koa sike bereti ni omuqa niuniu ni vota o tadatake aukale ni o kati vararaitake ni uriavo o kasekake Baṉara kasi. Nio vota o palamukake koa bereti poso ni o katimake se disaipeli madu, ni se disaipeli madu ta ke katimake se maba poso. 20Ni sea kiadamu ta ke vuatake ni keta atapake muli. Ni koko tova se disaipeli madu ta kekai sukatikake toni omuqa suakao koko palakiako sailao. 21Ni sea kiadamu lasive poso ta sike vuro madu, melai pui kepa ataeme se rekoreko ni meqora poso se sate ke vuateni.
Jisu ko talio Qalili toupa ko ju topi
(Maka 6:45-52; Jone 6:16-21)
22Jisu ta o paikake niaemo sea vaki sai kazo inio vota o bazuemake voko disaipeli madu tu ke zazu vaka topi tu kebeta pakeo Qalili toupa koa pake, so maqa inio vota o vaitoemou sea maba poso. 23Nio sea maba poso ta keta vaitake muli, koko tova inio vota ota kailake o kiada pado sopu kale vararaitole ti raisiraisi kope vai baroake sai. 24Ni vaka ta lula ota siluata koa toupa kale joupajoupaekole boguzu kale ako kapea ururu sole.
25Ni vaqaza obe peata keru inio Jisu ta ota taliake toupa ko ju topi, ni ota olake o disaipeli madu kasi. 26Ni so keru seke vea keru seta keta matu ṉake ni ṉalole nio seta eri kikelake, “Kota ziolo ikio!” kikelake. 27Melai Jisu ta o pesiake sekasi ni eri kiolake, “Meta pui ṉalo; aṉata Jisu lala inio,” kiolake. 28Nio vo Pita ta eri kiolake vokasi, “Lekasa, tuvevo ṉo ṉo elou, ta odiela aṉa tu a dalio ivere topi tu a qilo ṉokasi.” 29Ni vo Jisu ta o vati tiorikake ni eri kiolake vokasi, “Kua koi.” Nio vo Pita ta ota saqorake koa vaka topi azo ni ota taliake ivere topi tu o toraevo vo Jisu. 30Melai vota o keake matuma ururu nio vota ota ṉake ni ota tanitake duluilo ivere kale. Ni vota ova zaivotake vo Jisu ni eri kiolake, “Kei! Lekasa, ṉota tauvela aṉa!” kiolake. 31Ni vo Jisu ta ova rauqazake ni o zolaevake ni eri va kiolake, “Noi tinia matu silo ikio ṉoko oqu! Ṉota pui ṉo duvevo puta kio?” kiolake. 32Ni so keru nioqa qo zazua keru vaka topi, ko ururu ta kota jamaoke. 33Ni sea disaipeli madu koa vaka topi ke eveni ta ke ilusivake vo Jisu ni seta eri kikelake, “Tuvevo ṉota vo Baṉara vo meqora ṉa tisoiko!” kikelake.
Jisu ko urikimo se vere amu Qenesareti peuru kale
(Maka 6:53-56)
34Nio seta lula keta pakea Qalili toupa ko koa pake ṉaniu o sulupakoi vasia rana Qenesareti. 35Ni saizama maba poso ta kevai nianiiani vo Jisu so sole seta ke taliekake ko bazu koa kiadama maba poso kasi koa zae poso kale amu kasi, ni seta ke mati olake se vere amu Jisu kasi. 36Nio sea vere ama maba poso ta kevai zaivotake tu seta ke tibaeko vo Jisu ko sabosabo, ni sea kiadamu seke tibaekeni ta keta urikake muli.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The New Testament in the Bilua language, Solomon Islands © The Bible Society of the South Pacific, 1995.