Matiu 8
8
Jisu ko urikivo kala pokupoku ala maba
(Maka 1:40-45; Luke 5:12-16)
1Nio vo Jisu ta o saqorake sopu kale azo ni matuma vaki ta ko luluevake vo. 2Ni kala pokupoku ala maba ta o olake Jisu kasi ni o iqeiqeake voko tanama kale, ni eri kiolake vokasi, “Tanala, ṉota ṉo zariovou ta, ṉo roveovou urikilo aṉa!” kiolake. 3Nio Jisu ta o rauqazake ni o tibaevake vo nio eri kiolake vokasi, “Aqa zaria, tu urike!” kiolake. Nio koa omadeuma taku kale inio voa maba ta ota urikake voko pokupoku kale azo. 4Nio Jisu ta eri kiolake voa maba kasi, “Pui ṉoqai bazutou komi kala kasi, melai ṉota ola sidopu avole vo siama kasi tu o lelepiṉo saita inio ṉota ṉo erekou koa siqasiqa vo Mosese ko Bazu ko melati soruekako tu kiadamu ta ke tuvevo puekou ko ṉota erisaṉa ta ṉoda urika kio.”
Jisu ko urikivo Romu ala sirula vo nabulu
(Luke 7:1-10)
5Ni vo Jisu ta o amaqeake Keponeami peuru kale inio kala Romu ala sirula ta o olake tutumazi avole Jisu kasi nio vota ovai zaivotake ni eri kiolake, 6“Lekasa, aṉavo nabulu ta ota verepa ni obeta tekua kobo topi, ni vota pui o rovea vezokato ni ota matu tolaiva,” kiolake. 7Ni Jisu ta eri kiolake, “Mainio aba kilou tu aba urikivou vo.” 8Melai voa sirula ta eri kiolake mata Jisu kasi, “Tanala, ṉota pui jairozo kilo, ako aṉata pui ko malea lala tu ṉota ṉo qilo aṉako pade kasi sole. Melai pesio kale pala ṉo qasekou koa mauruto ni aṉavo nabulu ta o urikou. 9Ako aṉa inio se raura kamu ko zara lala sole, ni sea solodia madu ta aṉako zara kamu. Nio aṉata a bazueva kala, ‘Ola!’ va kiala, ni vota o ola. Mata aṉata a bazueva kala, ‘Kua!’ va kiala, ni vota o kueva. Ni aṉata a bazueva aṉavo nabulu, ‘Ereka komi!’ va kiala, ni vota o ereka ko. Sole ṉoko pesio melai soa pizato kota elou,” kiolake.
10Ni so keru Jisu o viqa keru ko quli, vota aqasiele ota evake ni vota oma lilitake sea maba poso seke luluevani vo ni eri ma kiolake se, “Aṉata a bazuemela me, komi jari ama oqu sala maba ta puliakoi aba veve, se Izireli amu kasi melai pui aba keve soama oqu! 11Ni aṉata a bazuemela me, matu kubo maba madu ta ke kilou komia peuru ma peuru kale ama zae poso kale azo ni kekai zomanou Baṉara ko ṉojola Ebarahami, Aisake ni Jekopi sate, voko lekasa puo kale. 12Melai se kuleto o pitoemeni tu voko maba poso kaqe ta ke namumou kutumana kale. Ni sai nio seke zialoa koi ni taka ke roinaroinaekoa koi.” 13Nio Jisu ta eri kiolake voa sirula kasi, “Vaite ṉo bade kasi, ni ko quli ṉo tuvevo ṉo ikako ta koṉa ereilou.” Nio maba koa omadeuma taku kale inio voa sirula vo nabulu ta ota urikake.
Jisu ko urikimo matu kubo vere ama maba madu
(Maka 1:29-34; Luke 4:38-41)
14Nio so keru vo Jisu o baroa keru Pita ko pade kasi inio vota o keake Pita ko ravaza, o reko ko niania, vere ama kobeta tekuako kobo topi. 15Nio Jisu ta ota ka tibaekake koko ṉase, nio kota kota urikake. Nio koa rekoreko ta kota lojoake nio ko niaevake vo Jisu. 16Ni raisiraisi kota evake inio maba poso ta ke mati olake matu kubo maba madu se ziolo komai onobatani Jisu kasi. Nio Jisu ta o rerikake koa ziolo poso voko pesio kale, ni o urikimake se vere amu. 17Voko ereko kale koa iruruputo ta vo poropita Aisea kiovevo ta tuvevo ko evake ko eri kikovema, “O ṉavi nio ota mela ṉamukou kiadama animeko vere poso,” kikovema.
Ko quli vo maba ta o vaekou ni o luluevou vo Jisu
(Luke 9:57-62)
18Nio so keru vo Jisu o mea keru matu kubo vaki ke padoivani vokasi, vota o bazuemake voko disaipeli madu tu seta ke pakeovou toupa ko ka pake. 19Ni kala vo Mosese ko Bazu ko nianiiekato ko maba ta o kuevake tutumazi avole Jisu kasi, ni eri kiolake, “Tanala, aṉata a lulueṉou ṉo lai ma lai ṉoṉo ziovoa koi,” kiolake. 20Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake. 21Ni kala vo Jisu o lulueveni ta mata eri kiolake, “Lekasa, zariela kuleto tu aba mutavo aṉavo mama saita,” kiolake.#8:21 Esa voa maba vo mama ta pui nio o vouva koa taku kale. 22Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.
Jisu ko buleko ko varo
(Maka 4:35-41; Luke 8:22-25)
23Ni vo Jisu ta o zazuke vaka topi, ni voko disaipeli madu ta ke luluevake vo. 24Ota podoloa koi matuma varo ta komai baroake se koa toupa kale, ni boguzu ta kokai zazuke koa vaka ni sipole keta duluike. Melai Jisu ta obeta maroṉake koa vaka topi. 25Nio voko disaipeli madu ta ke olake Jisu kasi ni ke toirativake vo, ni eri kikelake, “Lekasa, pakieṉela eṉe: ako eṉeta sipole ṉeda vouva sole,” kikelake. 26Ni vo Jisu ta eri ma kiolake se, “Noi sole inio meta meda ṉava? Meko oqu ta matu silo!” kiolake. Ni vota o lojoake ni o kaqarikake ko ururu ni boguzu ni kota kota jamaoke; ni manilo kota evake. 27Ni sea disaipeli madu ta keta matu vuzeike, ni eri kikelake, “Nonia matu aqasiele ala maba inio vo nei? —ururu ni boguzu melai ko zorivani!”
Jisu ko reriko ko ziolo omuqa maba topi azo
(Maka 5:1-20; Luke 8:26-39)
28Ni vo Jisu ta o varerikake toupa ka pake Qadara peuru ko sipole, ni sai nio vota o kati toraekiniake omuqa maba qo saqorani nioqa kekai mutazatako kea kale azo. Ni nioqata ziolo kokai onobatani nioqa. Ni nioqata kadea nioqa pui uriavo qo imani nioqa maba poso, so sole maba poso ta pui ke lulueka koa keve. 29Nio koa ziolo poso ta kota karakararautake ni eri kikolake,#8:29 kikolake: Ziolo poso kokai onobatema nioqa ikio ko pesiake nioqa omuqa maba kidi ko kora kale. “Baṉara vo Meqora ṉa! Noni ṉo iṉelou kiṉola inio? Ṉota ṉo queva tu koqotaeṉelole eṉe puliako koqotato ko ṉaniu barolo, kio?” kikelake.
30Ni pui matu vaṉa sekasi azo ta kama pado bolo rovaṉa ta kobeta niuqelake. 31Nio koa ziolo poso ta matu pasevo ko evake vo Jisu ni eri kikelake, “Ṉota ṉo reriṉelou eṉe kiṉovou, ta soroeṉela tu eṉeta ṉe elo koa bolo rovaṉa kale,” kikolake. 32Nio vo Jisu ta eri kiolake koa ziolo poso kasi, “Meta olamo!” Ni koa ziolo poso ta kota saqorake nioqa kasi azo ni kota amaqeake koa bolo poso kale. Nio koa bolo rovana ta kota matu rerikiniake tabale ni kota jourake Qalili toupa kale, ni koa kiadama ti kota kujoike.
33Nio so keru koa bolo rovana ke kati vailani ke kea keru ko quli koko ereivako, seta ke rereake koa peuru kale ni kemai bazubazuekake kiadama quli koko ereivako sai nioqa omuqa maba ziolo kokai onobateni nioqa kale avo. 34So sole kiadama maba madu koa peuru kale amu ta ke olake toraevole vo Jisu ni so keru seke vea keru vo seta keva titiake tu vota o vaeko seko zae.
Markert nå:
Matiu 8: BLBNT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The New Testament in the Bilua language, Solomon Islands © The Bible Society of the South Pacific, 1995.
Matiu 8
8
Jisu ko urikivo kala pokupoku ala maba
(Maka 1:40-45; Luke 5:12-16)
1Nio vo Jisu ta o saqorake sopu kale azo ni matuma vaki ta ko luluevake vo. 2Ni kala pokupoku ala maba ta o olake Jisu kasi ni o iqeiqeake voko tanama kale, ni eri kiolake vokasi, “Tanala, ṉota ṉo zariovou ta, ṉo roveovou urikilo aṉa!” kiolake. 3Nio Jisu ta o rauqazake ni o tibaevake vo nio eri kiolake vokasi, “Aqa zaria, tu urike!” kiolake. Nio koa omadeuma taku kale inio voa maba ta ota urikake voko pokupoku kale azo. 4Nio Jisu ta eri kiolake voa maba kasi, “Pui ṉoqai bazutou komi kala kasi, melai ṉota ola sidopu avole vo siama kasi tu o lelepiṉo saita inio ṉota ṉo erekou koa siqasiqa vo Mosese ko Bazu ko melati soruekako tu kiadamu ta ke tuvevo puekou ko ṉota erisaṉa ta ṉoda urika kio.”
Jisu ko urikivo Romu ala sirula vo nabulu
(Luke 7:1-10)
5Ni vo Jisu ta o amaqeake Keponeami peuru kale inio kala Romu ala sirula ta o olake tutumazi avole Jisu kasi nio vota ovai zaivotake ni eri kiolake, 6“Lekasa, aṉavo nabulu ta ota verepa ni obeta tekua kobo topi, ni vota pui o rovea vezokato ni ota matu tolaiva,” kiolake. 7Ni Jisu ta eri kiolake, “Mainio aba kilou tu aba urikivou vo.” 8Melai voa sirula ta eri kiolake mata Jisu kasi, “Tanala, ṉota pui jairozo kilo, ako aṉata pui ko malea lala tu ṉota ṉo qilo aṉako pade kasi sole. Melai pesio kale pala ṉo qasekou koa mauruto ni aṉavo nabulu ta o urikou. 9Ako aṉa inio se raura kamu ko zara lala sole, ni sea solodia madu ta aṉako zara kamu. Nio aṉata a bazueva kala, ‘Ola!’ va kiala, ni vota o ola. Mata aṉata a bazueva kala, ‘Kua!’ va kiala, ni vota o kueva. Ni aṉata a bazueva aṉavo nabulu, ‘Ereka komi!’ va kiala, ni vota o ereka ko. Sole ṉoko pesio melai soa pizato kota elou,” kiolake.
10Ni so keru Jisu o viqa keru ko quli, vota aqasiele ota evake ni vota oma lilitake sea maba poso seke luluevani vo ni eri ma kiolake se, “Aṉata a bazuemela me, komi jari ama oqu sala maba ta puliakoi aba veve, se Izireli amu kasi melai pui aba keve soama oqu! 11Ni aṉata a bazuemela me, matu kubo maba madu ta ke kilou komia peuru ma peuru kale ama zae poso kale azo ni kekai zomanou Baṉara ko ṉojola Ebarahami, Aisake ni Jekopi sate, voko lekasa puo kale. 12Melai se kuleto o pitoemeni tu voko maba poso kaqe ta ke namumou kutumana kale. Ni sai nio seke zialoa koi ni taka ke roinaroinaekoa koi.” 13Nio Jisu ta eri kiolake voa sirula kasi, “Vaite ṉo bade kasi, ni ko quli ṉo tuvevo ṉo ikako ta koṉa ereilou.” Nio maba koa omadeuma taku kale inio voa sirula vo nabulu ta ota urikake.
Jisu ko urikimo matu kubo vere ama maba madu
(Maka 1:29-34; Luke 4:38-41)
14Nio so keru vo Jisu o baroa keru Pita ko pade kasi inio vota o keake Pita ko ravaza, o reko ko niania, vere ama kobeta tekuako kobo topi. 15Nio Jisu ta ota ka tibaekake koko ṉase, nio kota kota urikake. Nio koa rekoreko ta kota lojoake nio ko niaevake vo Jisu. 16Ni raisiraisi kota evake inio maba poso ta ke mati olake matu kubo maba madu se ziolo komai onobatani Jisu kasi. Nio Jisu ta o rerikake koa ziolo poso voko pesio kale, ni o urikimake se vere amu. 17Voko ereko kale koa iruruputo ta vo poropita Aisea kiovevo ta tuvevo ko evake ko eri kikovema, “O ṉavi nio ota mela ṉamukou kiadama animeko vere poso,” kikovema.
Ko quli vo maba ta o vaekou ni o luluevou vo Jisu
(Luke 9:57-62)
18Nio so keru vo Jisu o mea keru matu kubo vaki ke padoivani vokasi, vota o bazuemake voko disaipeli madu tu seta ke pakeovou toupa ko ka pake. 19Ni kala vo Mosese ko Bazu ko nianiiekato ko maba ta o kuevake tutumazi avole Jisu kasi, ni eri kiolake, “Tanala, aṉata a lulueṉou ṉo lai ma lai ṉoṉo ziovoa koi,” kiolake. 20Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake. 21Ni kala vo Jisu o lulueveni ta mata eri kiolake, “Lekasa, zariela kuleto tu aba mutavo aṉavo mama saita,” kiolake.#8:21 Esa voa maba vo mama ta pui nio o vouva koa taku kale. 22Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.
Jisu ko buleko ko varo
(Maka 4:35-41; Luke 8:22-25)
23Ni vo Jisu ta o zazuke vaka topi, ni voko disaipeli madu ta ke luluevake vo. 24Ota podoloa koi matuma varo ta komai baroake se koa toupa kale, ni boguzu ta kokai zazuke koa vaka ni sipole keta duluike. Melai Jisu ta obeta maroṉake koa vaka topi. 25Nio voko disaipeli madu ta ke olake Jisu kasi ni ke toirativake vo, ni eri kikelake, “Lekasa, pakieṉela eṉe: ako eṉeta sipole ṉeda vouva sole,” kikelake. 26Ni vo Jisu ta eri ma kiolake se, “Noi sole inio meta meda ṉava? Meko oqu ta matu silo!” kiolake. Ni vota o lojoake ni o kaqarikake ko ururu ni boguzu ni kota kota jamaoke; ni manilo kota evake. 27Ni sea disaipeli madu ta keta matu vuzeike, ni eri kikelake, “Nonia matu aqasiele ala maba inio vo nei? —ururu ni boguzu melai ko zorivani!”
Jisu ko reriko ko ziolo omuqa maba topi azo
(Maka 5:1-20; Luke 8:26-39)
28Ni vo Jisu ta o varerikake toupa ka pake Qadara peuru ko sipole, ni sai nio vota o kati toraekiniake omuqa maba qo saqorani nioqa kekai mutazatako kea kale azo. Ni nioqata ziolo kokai onobatani nioqa. Ni nioqata kadea nioqa pui uriavo qo imani nioqa maba poso, so sole maba poso ta pui ke lulueka koa keve. 29Nio koa ziolo poso ta kota karakararautake ni eri kikolake,#8:29 kikolake: Ziolo poso kokai onobatema nioqa ikio ko pesiake nioqa omuqa maba kidi ko kora kale. “Baṉara vo Meqora ṉa! Noni ṉo iṉelou kiṉola inio? Ṉota ṉo queva tu koqotaeṉelole eṉe puliako koqotato ko ṉaniu barolo, kio?” kikelake.
30Ni pui matu vaṉa sekasi azo ta kama pado bolo rovaṉa ta kobeta niuqelake. 31Nio koa ziolo poso ta matu pasevo ko evake vo Jisu ni eri kikelake, “Ṉota ṉo reriṉelou eṉe kiṉovou, ta soroeṉela tu eṉeta ṉe elo koa bolo rovaṉa kale,” kikolake. 32Nio vo Jisu ta eri kiolake koa ziolo poso kasi, “Meta olamo!” Ni koa ziolo poso ta kota saqorake nioqa kasi azo ni kota amaqeake koa bolo poso kale. Nio koa bolo rovana ta kota matu rerikiniake tabale ni kota jourake Qalili toupa kale, ni koa kiadama ti kota kujoike.
33Nio so keru koa bolo rovana ke kati vailani ke kea keru ko quli koko ereivako, seta ke rereake koa peuru kale ni kemai bazubazuekake kiadama quli koko ereivako sai nioqa omuqa maba ziolo kokai onobateni nioqa kale avo. 34So sole kiadama maba madu koa peuru kale amu ta ke olake toraevole vo Jisu ni so keru seke vea keru vo seta keva titiake tu vota o vaeko seko zae.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The New Testament in the Bilua language, Solomon Islands © The Bible Society of the South Pacific, 1995.