Mateu 28
28
Mwangana Yesu navamusangula
(Mako 16:1-8; Luka 24:1-12; Yowa 20:1-10)
1Jino, omu yahichile Sambata, omu kwachele, halikumbi lyatete muchalumingo, Maliya wakuMangatala nauze Maliya mukwavo vapwile nakuya vakatale kuchimbumbe.
2Kaha hahaze vene kwapwile mundenda waunene, mwomwo kangelo kaMWATA afumine mwilu, kaha ejile nakushindumunako lize lilolwa nakutwamaho.
3Hakumutala asolokele nge muveso, kaha uvwalo wenyi wapwile utoma to-o nge pemba.
4Kaha vaze vaka-kulama kuchimbumbe, hakwivwa woma wauze kangelo, vandendele, vapwile nge vafu kaha.
5Oloze uze kangelo ambile vaze mapwevo ngwenyi, Kanda namwivwa womako. Mwomwo ngunatachikiza ngwami muli nakutonda Yesu, Uze vápapalilanga hakulusu.
6Keshi munoko, mwomwo vanamusangula lyehi ngana muze ambile. Twayenu, talenu haze vamusavalikanga.
7Kaha yenu washi, kalwezenu tumbaji twenyi ngwenu vanamusangula muvafu. Kaha ivwenu, mwalivanga kulutwe lwenu nakuya kuNgalileya. Kwakuze vene namukamumwena. Ivwenu, ngunamilweze.
8Kaha vafumine washi kuchimbumbe nawoma nakuwahilila chachinene. Valahile nakwambulila tumbaji twenyi.
9Kaha kushishimuka, vanalihumangana naYesu. Himwavamba ngwenyi, Hindukenu mwane#28:9 MuchiHelase, vameneka nge ngwavo, Likoji lipwenga nayenu.! Vejile, vamukwachile kumahinji enyi nakulifukula.
10Kaha Yesu avambile ngwenyi, Kanda namwivwa womako. Yenu mukalweze vandumbwami vayenga kuNgalileya. Kukiko navakangumwena.
Kwambulula chavaka-kulama kuchimbumbe
11Shimbu vaze mapwevo vapwile nakuya, kumana, hakachi kavaze vapwile nakulama kuchimbumbe vamwe vengilile munganda nakulweza vapilishitu vavalemu vyosena vyasolokele.
12Kaha omu vakungulukile navakulwane javaYuleya nakulivwasana, vaze maswalale vavahanyine jimbongo jajivulu, nakuvalweza ngwavo,
13Kambululenu ngwenu, Tumbaji twenyi vezanga nakumwivamo naufuku shimbu twapwanga etu mutulo.
14Kaha nge nachikevwakana kuli nguvulu, etu natukamukunyula nakumifumisa muukalu.
15Ngocho vatambwile jize jimbongo, nakulinga muze vavalwezele. Kaha mujimbu kana vautanjisa muli vaYuleya nakulelo.
Mwata Yesu mwatuma tumbaji vaye nakwambulula
(Mako 16:14-18; Luka 24:36-49; Yowa 20:19-23)
16Jino vaze tumbaji likumi naumwe vayile kuNgalileya, kupili yize ávalwezele Yesu.
17Kaha omu vamumwene valifukwile kuli Ikiye, oloze vamwe vakakasanyine.
18Omu Yesu apandamine kuli vakiko, avalwezele ngwenyi, Ngolo josena mwilu nahamavu vananguhanejo.
19Shikaho, yenu nakwambulila vaka-mafuchi osena mujimbu wamwaza mangana valumuke mumuchima nakupwa tumbaji#28:19 Nge ngwavo, vaka-kufwelela Mwangana Yesu Kulishitu. twami, mukavajimike mulijina lyaTata naMwana naShipilitu Wajila,
20mukavanangulenga kulinganga vyosena vize ngunamilweze. Kaha talenu, Ami nguli nayenu hamwe makumbi osena, palanga nakukukuma changonde yino yalikoji.
Markert nå:
Mateu 28: LUE
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Bible Society of Zambia
Mateu 28
28
Mwangana Yesu navamusangula
(Mako 16:1-8; Luka 24:1-12; Yowa 20:1-10)
1Jino, omu yahichile Sambata, omu kwachele, halikumbi lyatete muchalumingo, Maliya wakuMangatala nauze Maliya mukwavo vapwile nakuya vakatale kuchimbumbe.
2Kaha hahaze vene kwapwile mundenda waunene, mwomwo kangelo kaMWATA afumine mwilu, kaha ejile nakushindumunako lize lilolwa nakutwamaho.
3Hakumutala asolokele nge muveso, kaha uvwalo wenyi wapwile utoma to-o nge pemba.
4Kaha vaze vaka-kulama kuchimbumbe, hakwivwa woma wauze kangelo, vandendele, vapwile nge vafu kaha.
5Oloze uze kangelo ambile vaze mapwevo ngwenyi, Kanda namwivwa womako. Mwomwo ngunatachikiza ngwami muli nakutonda Yesu, Uze vápapalilanga hakulusu.
6Keshi munoko, mwomwo vanamusangula lyehi ngana muze ambile. Twayenu, talenu haze vamusavalikanga.
7Kaha yenu washi, kalwezenu tumbaji twenyi ngwenu vanamusangula muvafu. Kaha ivwenu, mwalivanga kulutwe lwenu nakuya kuNgalileya. Kwakuze vene namukamumwena. Ivwenu, ngunamilweze.
8Kaha vafumine washi kuchimbumbe nawoma nakuwahilila chachinene. Valahile nakwambulila tumbaji twenyi.
9Kaha kushishimuka, vanalihumangana naYesu. Himwavamba ngwenyi, Hindukenu mwane#28:9 MuchiHelase, vameneka nge ngwavo, Likoji lipwenga nayenu.! Vejile, vamukwachile kumahinji enyi nakulifukula.
10Kaha Yesu avambile ngwenyi, Kanda namwivwa womako. Yenu mukalweze vandumbwami vayenga kuNgalileya. Kukiko navakangumwena.
Kwambulula chavaka-kulama kuchimbumbe
11Shimbu vaze mapwevo vapwile nakuya, kumana, hakachi kavaze vapwile nakulama kuchimbumbe vamwe vengilile munganda nakulweza vapilishitu vavalemu vyosena vyasolokele.
12Kaha omu vakungulukile navakulwane javaYuleya nakulivwasana, vaze maswalale vavahanyine jimbongo jajivulu, nakuvalweza ngwavo,
13Kambululenu ngwenu, Tumbaji twenyi vezanga nakumwivamo naufuku shimbu twapwanga etu mutulo.
14Kaha nge nachikevwakana kuli nguvulu, etu natukamukunyula nakumifumisa muukalu.
15Ngocho vatambwile jize jimbongo, nakulinga muze vavalwezele. Kaha mujimbu kana vautanjisa muli vaYuleya nakulelo.
Mwata Yesu mwatuma tumbaji vaye nakwambulula
(Mako 16:14-18; Luka 24:36-49; Yowa 20:19-23)
16Jino vaze tumbaji likumi naumwe vayile kuNgalileya, kupili yize ávalwezele Yesu.
17Kaha omu vamumwene valifukwile kuli Ikiye, oloze vamwe vakakasanyine.
18Omu Yesu apandamine kuli vakiko, avalwezele ngwenyi, Ngolo josena mwilu nahamavu vananguhanejo.
19Shikaho, yenu nakwambulila vaka-mafuchi osena mujimbu wamwaza mangana valumuke mumuchima nakupwa tumbaji#28:19 Nge ngwavo, vaka-kufwelela Mwangana Yesu Kulishitu. twami, mukavajimike mulijina lyaTata naMwana naShipilitu Wajila,
20mukavanangulenga kulinganga vyosena vize ngunamilweze. Kaha talenu, Ami nguli nayenu hamwe makumbi osena, palanga nakukukuma changonde yino yalikoji.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Bible Society of Zambia