isizwur 5

tasutin n‑adam d‑tarwa‑ns

1ġmkad a‑iga‑warra n‑tasutin n‑adam. ġakud lliġ ih̬lq rbbi adam, iskr‑tn rbbi f‑ṣṣurt‑ns. 2awtm d‑tuwtmt ih̬lq‑tn ibark‑tn. ig‑asn ism ‹adam› ġ‑wass lli‑ġ‑tn‑ih̬lq. 3lliġ irgl adam miyya d‑kraḍ id‑mraw (130) n‑usggʷas, yaru yan‑warraw f‑ṣṣurt‑ns ig zund nttan, ig‑as ism šit. 4tigira n‑ma‑dars‑ilul šit, ik sul adam tam id‑miyya (800) n‑usggʷas, yaru gisn ifrh̬an d‑tfrh̬in yaḍni, 5aylliġ irgl adam ṭẓa n‑id‑miyya d‑kraḍ id‑mraw (930) n‑usggʷas immt.

6lliġ irgl šit miyya d‑smmus (105) n‑usggʷas, yaru anuš. 7tigira n‑ma‑dars‑ilul anuš ik sul šit tam id‑miyya d‑ssa (807) n‑usggʷas, yaru gisn ifrh̬an d‑tfrh̬in yaḍni, 8aylliġ irgl šit ṭẓa n‑id‑miyya d‑mraw d‑sin (912) n‑usggʷas immt.

9lliġ irgl anuš ṭẓa n‑id‑mraw (90) n‑usggʷas, yaru qinan. 10tigira n‑ma‑dars‑ilul qinan ik sul anuš tam id‑miyya d‑mraw d‑smmus (815) n‑usggʷas, yaru gisn ifrh̬an d‑tfrh̬in yaḍni, 11aylliġ irgl anuš ṭẓa n‑id‑miyya d‑smmus (905) n‑usggʷas immt.

12lliġ irgl qinan ssa n‑id‑mraw (70) n‑usggʷas, yaru mahlalil. 13tigira n‑ma‑dars‑ilul mahlalil ik sul qinan tam id‑miyya d‑kkuẓ id‑mraw (840) n‑usggʷas, yaru gisn ifrh̬an d‑tfrh̬in yaḍni, 14aylliġ irgl qinan ṭẓa n‑id‑miyya d‑mraw (910) n‑usggʷas immt.

15lliġ irgl mahlalil sḍis id‑mraw d‑smmus (65) n‑usggʷas, yaru yarid. 16tigira n‑ma‑dars‑ilul yarid ik sul mahlalil tam id‑miyya d‑kraḍ id‑mraw (830) n‑usggʷas, yaru gisn ifrh̬an d‑tfrh̬in yaḍni, 17aylliġ irgl mahlalil tam n‑id‑miyya d‑ṭẓa n‑id‑mraw d‑smmus (895) n‑usggʷas immt.

18lliġ irgl yarid miyya d‑sḍis id‑mraw d‑sin (162) n‑usggʷas, yaru ah̬nuh̬. 19tigira n‑ma‑dars‑ilul ah̬nuh̬ ik sul yarid tam id‑miyya (800) n‑usggʷas, yaru gisn ifrh̬an d‑tfrh̬in yaḍni, 20aylliġ irgl yarid ṭẓa n‑id‑miyya d‑sḍis id‑mraw d‑sin (962) n‑usggʷas immt.

21lliġ irgl ah̬nuh̬ sḍis id‑mraw d‑smmus (65) n‑usggʷas, yaru matušalaḥ. 22tigira n‑ma‑dars‑ilul matušalaḥ ar‑bdda‑itmunu ah̬nuh̬ d‑rbbi kraḍ id‑miyya (300) n‑usggʷas, yaru gisn ifrh̬an d‑tfrh̬in yaḍni, 23aylliġ irgl ah̬nuh̬ kraḍ id‑miyya d‑sḍis id‑mraw d‑smmus (365) n‑usggʷas. 24ah̬nuh̬ ar‑bdda‑itmunu d‑rbbi, imil laḥ‑t ašku yiwi‑t rbbi.

25lliġ irgl matušalaḥ miyya d‑tam id‑mraw d‑ssa (187) n‑usggʷas, yaru lamik. 26tigira n‑ma‑dars‑ilul lamik ik sul matušalaḥ ssa n‑id‑miyya d‑tam id‑mraw d‑sin (782) n‑usggʷas, yaru gisn ifrh̬an d‑tfrh̬in yaḍni, 27aylliġ irgl matušalaḥ ṭẓa n‑id‑miyya d‑sḍis id‑mraw d‑ṭẓa (969) n‑usggʷas immt.

28lliġ irgl lamik miyya d‑tam id‑mraw d‑sin (182) n‑usggʷas, yaru yan‑warraw. 29ig‑as ism nuḥ yini: «ġwad a‑ra‑yġ‑isshnnu zġ‑tmmara lli‑nkkat s‑unhataf n‑ifassn‑nġ ġ‑wakal‑ad lli‑ih̬za sidi rbbi.» 30tigira n‑ma‑dars‑ilul nuḥ, ik sul lamik smmus id‑miyya d‑ṭẓa n‑id‑mraw d‑smmus (595) n‑usggʷas, yaru gisn ifrh̬an d‑tfrh̬in yaḍni, 31aylliġ irgl lamik ssa n‑id‑miyya d‑ssa n‑id‑mraw d‑ssa (777) n‑usggʷas immt. 32lliġ irgl nuḥ smmus id‑miyya (500) n‑usggʷas, yaru sam d‑ḥam d‑yafat.

Markert nå:

isizwur 5: SHILOT20

Marker

Del

Kopier