Zenez 7
7
Noe rant dan bato
1LESEGNER dir Noe: “Rant dan bato, twa ek tou to fami. Mo finn trouve ki parmi sa zenerasion la, to tousel enn zom zis ek fidel divan mwa. 2Pran avek twa set mal ek set femel parmi sak lespes zanimo ki pir. Me pran enn sel mal ek enn femel dan sak ras zanimo ki inpir. 3Pran osi set per parmi sak lespes zwazo, pou ki zot ras prezerve lor later. 4Dan set zour, mo pou fer lapli tonbe e li pou dire 40 zour ek 40 nwit. Mo pou balye tou bann kreatir vivan ki mo finn kre lor later.” 5Noe fer tou seki LESEGNER komann li.
6Noe ena 600 an kan deliz koumanse lor later. 7Li rant dan bato avek so bann garson, so fam, ek so bann belfi, pou sov zot lavi akoz deliz. 8-9Bann zanimo pir ek inpir, bann zwazo ek bann lezot bebet ki mars lor later rant dan bato avek Noe. Li fer zot rant de par de, enn mal ek enn femel, parey kouma Bondie finn komann li. 10Set zour plitar, deliz koumanse lor later.
Deliz kouver later
11-12Zour ki Noe gagn 600 an, de mwa ek 17 zour, dilo souterin koumans sourse partou. Bann lafnet dan lesiel ouver e devers lapli lor later pandan 40 zour ek 40 nwit. 13Sa zour la, Noe rant dan bato avek so fam, so 3 garson, Sem, Kam ek Zafet, ek so 3 belfi. 14Zot pran avek zot, tou bann lespes zanimo sovaz, zanimo domestik ek reptil ki ranpe lor later. Zot pran osi tou bann lespes zwazo ek bann lezot bebet ki ena lezel. 15Tou bann kreatir vivan rant dan bato avek Noe, de par de. 16Zot tou rantre, enn mal ek enn femel dan sak lespes, parey kouma Bondie finn komann Noe. Apre sa LESEGNER ferm laport deryer li.
17Deliz kontigne pandan 40 zour lor later. Dilo mont bien ot e bato la flote. 18Nivo dilo kontign ogmante boukou. Bato la derive lor dilo. 19Nivo dilo kontign monte ziska tou bann pli ot montagn kouver. 20Dilo mont 7 met pli ot ki bann pwint montagn. 21Tou kreatir vivan lor later mor: bann zwazo, zanimo, ti bebet ek dimoun. 22Tou seki ena lavi lor later mor. 23Ala ki manier LESEGNER balye tou seki vivan lor later. Tou mor: dimoun, zanimo, ti bebet ek zwazo. Zis Noe ek seki avek li dan bato reysi sape. 24Nivo dilo res ot lor later pandan 150 zour.
Markert nå:
Zenez 7: KMOTPOR
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Kreol Morisien OT Portions © Bible Society of Mauritius, 2020.
Zenez 7
7
Noe rant dan bato
1LESEGNER dir Noe: “Rant dan bato, twa ek tou to fami. Mo finn trouve ki parmi sa zenerasion la, to tousel enn zom zis ek fidel divan mwa. 2Pran avek twa set mal ek set femel parmi sak lespes zanimo ki pir. Me pran enn sel mal ek enn femel dan sak ras zanimo ki inpir. 3Pran osi set per parmi sak lespes zwazo, pou ki zot ras prezerve lor later. 4Dan set zour, mo pou fer lapli tonbe e li pou dire 40 zour ek 40 nwit. Mo pou balye tou bann kreatir vivan ki mo finn kre lor later.” 5Noe fer tou seki LESEGNER komann li.
6Noe ena 600 an kan deliz koumanse lor later. 7Li rant dan bato avek so bann garson, so fam, ek so bann belfi, pou sov zot lavi akoz deliz. 8-9Bann zanimo pir ek inpir, bann zwazo ek bann lezot bebet ki mars lor later rant dan bato avek Noe. Li fer zot rant de par de, enn mal ek enn femel, parey kouma Bondie finn komann li. 10Set zour plitar, deliz koumanse lor later.
Deliz kouver later
11-12Zour ki Noe gagn 600 an, de mwa ek 17 zour, dilo souterin koumans sourse partou. Bann lafnet dan lesiel ouver e devers lapli lor later pandan 40 zour ek 40 nwit. 13Sa zour la, Noe rant dan bato avek so fam, so 3 garson, Sem, Kam ek Zafet, ek so 3 belfi. 14Zot pran avek zot, tou bann lespes zanimo sovaz, zanimo domestik ek reptil ki ranpe lor later. Zot pran osi tou bann lespes zwazo ek bann lezot bebet ki ena lezel. 15Tou bann kreatir vivan rant dan bato avek Noe, de par de. 16Zot tou rantre, enn mal ek enn femel dan sak lespes, parey kouma Bondie finn komann Noe. Apre sa LESEGNER ferm laport deryer li.
17Deliz kontigne pandan 40 zour lor later. Dilo mont bien ot e bato la flote. 18Nivo dilo kontign ogmante boukou. Bato la derive lor dilo. 19Nivo dilo kontign monte ziska tou bann pli ot montagn kouver. 20Dilo mont 7 met pli ot ki bann pwint montagn. 21Tou kreatir vivan lor later mor: bann zwazo, zanimo, ti bebet ek dimoun. 22Tou seki ena lavi lor later mor. 23Ala ki manier LESEGNER balye tou seki vivan lor later. Tou mor: dimoun, zanimo, ti bebet ek zwazo. Zis Noe ek seki avek li dan bato reysi sape. 24Nivo dilo res ot lor later pandan 150 zour.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Kreol Morisien OT Portions © Bible Society of Mauritius, 2020.