Иона 2

Рудипэ Ионаско

1О Рай Яхва кэрдас кадэ, кэ баро мащё накхадас Ионас, ай вов сас андэ мащески дёмра трин дес ай трин ратя. 2Кана сас андэ дёмра э мащески, Иона рудияс-пэ каринг о Рай Яхва, каринг пэско Дэл.

3Вов пхэндас:

— Андэ брига манглэм лэ Рас лэ Яхвас,

ай Вов пхэндас мангэ палпалэ.

Мэ цыписардэм катар э мулэнги лума —

ай Ту шундан муро цыпипэ.

4Ту щюдан ма андо бифундоско паи,

ворта андо баро паенго ило;

круисардэ ман фолымата.

Са Тирэ таласура,

са Тирэ пая накхлэ па мандэ.

5Мэ пхэндэм:

«Нашадо сым катар Тирэ якха;

алом палэ дыкхава Тиро сунто Кхэр».

6Щерадэ ман лэ пая бифундоскэ,

ай лэнгэ чяра кхудэ-пэ по муро шэро.

7По фундо, кай лэ харэнгэ вуны, мэклэм-ма,

ай пхувакэ лэкатура пхандадилэ пала мандэ тэ на путрэн-пэ.

Алом Ту, Рай Яхва, муро Дэл,

лан ма анда гропа жювиндэс!

8Кана о траё мурдайвэлас андэ мандэ,

мэ дэм-ма гиндо па Рай Яхва,

ай авилас муро рудипэ жи Тутэ,

андо сунто Тиро Диз.

9Кодал мануш, кон дэн патив хохавнэ дэвлэнгэ,

мэклэ чячюнэ Дэвлэс.

10Ай мэ ашардэ диланца ло тэ анав Тукэ жэртвы.

Со щинадэм — кэро.

О фирипэ авэл катар о Рай Яхва!

11О Рай Яхва дас аври лэ мащескэ, ай вов щюдас Ионас пэ пхув анда пэски дёмра.

Markert nå:

Иона 2: ЛРБ

Marker

Del

Kopier

Vil du ha høydepunktene lagret på alle enhetene dine? Registrer deg eller logg på

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

Lær mer om Библия пэ ловарицко романы щиб