yuwana 7
7
asa 7
yecu na lɩmegin
1na ŋɩno na ŋuɽun ŋeno ete, naṯi yecu wewele jalil, gi gwune gwate gwəmɩnyu gwawele yauḏia no gi gwune liju lar gwalɽinye. 2na gɩmuri geḏi liju gun giro gɩmuri geḏi jupe gijo gɩṯo. 3na lɩmegin eicɩno, walano kalo ŋɩne ŋele yauḏia, kani a calɩmis juŋa aŋu dino ŋɩru ŋun ŋaṯalape. 4gi gwune gwiji gwatɩn gwun gwaṯape ŋɩru nyɩkwom ḏa marno gwar gwaŋiḏi gwula gwuŋun ŋi liji no. ḏa ŋa manduji ŋɩdio ŋeno namɩni aŋijo liji gwula gwuŋa. 5gi gwune lɩmegin dino late gwaləmɩnyi no. 6nal yecu eicɩno, gaja ginyi gore gate gɩmila no, namɩni galo gaṯɩje bubruṯ. 7gɩḏilio gate gəṯi ŋɩma gajidonye no, namɩni gwinyidonye gi gwune nyi gwiteijo ga gwan ŋɩru ŋagin ŋun ŋɩki. 8abuḏil nyaŋa kɩmuri. nyi gwate gwabo kɩmuri no, gi gwune gaja ginyi gore gate gɩməṯɩmi no. 9gwune nuleico dino nujaḏaṯa ga jalil.
10na gwune na lɩmegin abo nuɽinyeḏe nuabo dino kɩmuri, nate nunaŋini ganu no, nuabo nyɩkwom. 11na liju bunyi kɩmuri nalarno ŋu gwaḏa? 12na liji lutu anuməḏəṯelo gwan ŋu, na kworo arno, ŋu gwiro gwəmɩnyo gwiŋir, na liro kaja arno, awe, ŋu gwar gwaḏuji liji lutu. 13namɩni ŋɩḏe ŋeḏi liju nate naṯɩn gwiji umə gi jei ganu jeḏi liji ŋan ŋu no.
yecu gwalɩmi urucəlim ŋu gwuwiḏi ḏi elo
14gwune na ŋwamon ṯani ṯəɽɩl ŋweḏi gɩmuri, na yecu abo kwu dunu gweḏi elo gwun gwubuḏo nualɩmiḏe. 15na liju obaga ṯuṯ, nalarno, galakwe gwiji kweno gwilɩŋiḏi jɩḏam namɩni ŋu gwate gwalimɩnu no? 16nal yecu wɩrlijo ŋuɽuna nuleicɩno, ḏalɩmia ḏinyi ḏate ḏinyi ḏiro no, namɩni ḏeḏi ŋu gwun gwuwəjɩŋi 17ḏa gwiji gwete gwiməmɩnyi gwaduji ŋuɽuna ŋuŋun ŋun ŋɩbunyulo, ŋu gwalɩŋe ḏalɩmia ḏa ḏɩmaro ḏeḏi elo, i ḏa ḏimiumə ŋele ŋe ŋinyi. 18gwun gwaṯumə ŋele ŋe ŋuŋun gwar gwabuḏi gwula gwuŋun; namɩni ŋu gwun gwar gwabuḏi gwun gwuwəju, ŋu gwiro gwerkwe, na ŋuɽun ŋate lugwun ŋun ŋɩki no. 19musa gwate gwiḏəḏəje ŋuɽun ŋun ŋigelɩlo elo na? namɩni gwatɩn gwetɩdo lagalo gwatɩnduji ŋuɽun ŋun ŋigelɩlo elo no. gwudaro gəko ninyilbunyi nanyarno nyaliɽinye? 20na liji lun lutu wɩrlijo ŋuɽuna naleicɩno, ŋa gwəṯi ḏigeroma, əḏi gwiro gwar gwaŋaɽinye? 21nal yecu wɩrlijo ŋuɽuna nuleicɩno, nyi gwarro ŋɩru ŋete na nyobaga ṯuṯ nyaŋa wei. 22na gwan ŋuɽun ŋeno ŋaji musa ḏəḏə ḏuɽəno—namɩni ŋate ŋeḏi musa ŋiro no, namɩni ŋeḏi lɩgwurninyo ŋiro—na gi lamon le sabiṯ nyalouɽo gwiji. 23na ḏa gwiji gwiməmɩnyi ḏuɽəno gi lamon le sabiṯ kani ŋwate ŋwuki ŋuɽuna ŋun ŋigelijɩlo elo musaŋ no, nyalɽiḏi ganu lugwi gi gwune nyigelo gwiji muma wutiwuti gi lamon le sabiṯ a? 24aṯanyakɩmiḏa ga jai no, nyamɩni akɩmiḏe ḏakɩmiḏa ḏun ḏɩḏuḏɩnu ga.
25na liji kworo leḏi urucəlim arno, gwədu gwiro kwe gwun gwar gwalɽinye a? 26eʼe gwiro gwəwei gwuməḏi gi jei ganu jeḏi liji, na luŋa late manuməḏɩjo ŋuɽuna ŋədi no. lele lilɩŋiḏi muma kweno gwiro kɩrisṯo gwerkwe a? 27namɩni analɩŋe gwiji kweno gweḏi ne gwiro; namɩni ḏa kɩrisṯo mila gwiji gwatɩn gwetɩdo gwilɩŋiḏi gwuwiḏi ne no. 28na yecu gwəri gwula gwune ju gi ḏalɩmia kwu dunu gweḏi elo gwun gwubuḏo nuleicɩno, nyaŋa lilɩŋiḏiŋi, nanyalɩŋe nyi gwuwiḏi ne. na nyi gwate gwuwiḏi ŋele ŋe ŋinyi no, namɩni gwun gwuwəjɩŋi gwiro gwerkwe gwun gwate gwilɩŋiḏanya no. 29nyi gwilɩŋiḏi, gi gwune nyi gwijo lugwun nuŋwiwəjo. 30nalar gwalməṯo, namɩni gwiji gwate gwəməṯo gi di, gi gwune sa juŋun jore jate jɩmila no.
31na liji əmɩnyi lutu kworo nalarno, ḏa kɩrisṯo mila gwar gwape ŋuɽuna ŋutəno ŋun ŋɩbuḏo kworo gwun gwapɩlo gwiji kweno a? 32na lɩbarɩsi ḏiŋɩni liji luməḏəṯelo ŋuɽuna ŋeno ŋan ŋu, na jɩsis jun jɩbuḏo na lɩbarɩsi nalwəje jalbuliḏa gwalməṯo. 33nal yecu eicɩno, gaja gɩṯanu gɩti ge gigijanaga ki nyi gwele ḏi gwun gwuwəjɩŋi. 34na nyalnyibunyi, nyamɩni nya late linyibuje no, na galo gun ginɩje nya late ləṯi ŋɩma ganyanwila no. 35na liju uməḏəṯe nalarno, gwiji kweno gwar gwene, kəbe ate ilbuje no? ŋu gwar gwele gi liju lun luwɩreḏelo gi ligrigi ŋualɩmi ligrigi ə? 36ŋuɽun ŋɩrṯa ŋeno ŋun ŋəruŋe, nyalinyibunyi namɩni nya late linyibuje no? na galo gun ginɩje nya late ləṯi ŋɩma ganyanwila no?
ŋau ŋɩmiḏo
37na gi lamon leḏi gɩdo lun lɩbuḏo leḏi gɩmuri na yecu diɽi nuəri gwula nuleicɩno, ḏa gwiji gwete ma ouḏo e, ouwɩricil ŋwila lugwi na gweyu. 38gwun gwiəmɩnyi, gi gwune arne gɩḏam geḏi elo, na kare ganu nuiro ḏɩrawe ḏun ḏiro ŋau ŋɩmiḏo. 39numɩni uməḏəṯo kwuɽɩwə gwun gwɩpiḏo pɽul gwun gwaje gwuliḏəḏə lun ləmɩnyu gi gwune gwuɽɩwə gwore gwate, gi gwune yecu gwore gwate gwiməḏi gi ḏoɽeḏa ḏuŋun no. 40gwune na liji lutu kworo diŋɩni ŋuɽuna ŋeno nalarno, gwerkwe ganu kweno gwiro nebi. 41na liro kaja arno, kweno gwiro kɩrisṯo. namɩni liro kaja arno, kɩrisṯo gwuwiḏi jalil a? 42gɩḏam geḏi elo gate garno, kɩrisṯo gwiro əriḏ yeḏi ḏauuḏ, na gwaje gwila gi lɩrgwom lun lan beṯlam lun lijɩne ḏauuḏ na? 43na dino na liji kenyɩḏiḏi ganu gwan ŋu. 44na kworo lagin gwalməṯo, namɩni gwate gwetɩdo gwun gwəməṯo gi di no.
45na jalbuliḏ nalwila gi jɩsis jun jɩbuḏo na lɩbarɩsi, naleico jalbuliḏa no, gwudaro gəko nate nanyagwuloḏa no? 46nal jalbuliḏ wɩrlijo ŋuɽuna naleicɩno, gwiji gwate gwetɩdo gwun gwanumə ŋuɽuna gwiro gi gwiji kweno no. 47nal lɩbarɩsi wɩrlijo ŋuɽuna naleicɩno, nyaŋa dino gwar gwajiḏuji a? 48gwete gi lele i gi lɩbarɩsi manigwəmɩnyi a? 49namɩni liji leno lun lutu lun late lilɩŋiḏi ŋuɽuna ŋun ŋigelijɩlo elo musaŋ no, luŋa liḏenɩnu. 50na nikudimus gwun gwuwiḏi gwerre ḏi yecu gilio, na gwiro gwete lagin, nuleicɩno, 51ŋuɽun ŋage ŋun ŋigelijɩlo elo musaŋ ŋaṯakɩmi gwiji ḏa gwate madiŋɩni gwerre na malɩŋe ŋɩrṯa ŋiro ŋapulo na? 52nalwɩrlijo ŋuɽuna naleicɩno, ŋa dino ŋa gweḏi jalil gwiro a? bunyu, ŋaŋu; nebi gwate gwun gwediɽi jalil no. 53nalwele gwete gwete gi lɩdunu lagin.
Markert nå:
yuwana 7: OTR1966
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Nuba, Otoro New Testament
© British and Foreign Bible Society, 1966.
yuwana 7
7
asa 7
yecu na lɩmegin
1na ŋɩno na ŋuɽun ŋeno ete, naṯi yecu wewele jalil, gi gwune gwate gwəmɩnyu gwawele yauḏia no gi gwune liju lar gwalɽinye. 2na gɩmuri geḏi liju gun giro gɩmuri geḏi jupe gijo gɩṯo. 3na lɩmegin eicɩno, walano kalo ŋɩne ŋele yauḏia, kani a calɩmis juŋa aŋu dino ŋɩru ŋun ŋaṯalape. 4gi gwune gwiji gwatɩn gwun gwaṯape ŋɩru nyɩkwom ḏa marno gwar gwaŋiḏi gwula gwuŋun ŋi liji no. ḏa ŋa manduji ŋɩdio ŋeno namɩni aŋijo liji gwula gwuŋa. 5gi gwune lɩmegin dino late gwaləmɩnyi no. 6nal yecu eicɩno, gaja ginyi gore gate gɩmila no, namɩni galo gaṯɩje bubruṯ. 7gɩḏilio gate gəṯi ŋɩma gajidonye no, namɩni gwinyidonye gi gwune nyi gwiteijo ga gwan ŋɩru ŋagin ŋun ŋɩki. 8abuḏil nyaŋa kɩmuri. nyi gwate gwabo kɩmuri no, gi gwune gaja ginyi gore gate gɩməṯɩmi no. 9gwune nuleico dino nujaḏaṯa ga jalil.
10na gwune na lɩmegin abo nuɽinyeḏe nuabo dino kɩmuri, nate nunaŋini ganu no, nuabo nyɩkwom. 11na liju bunyi kɩmuri nalarno ŋu gwaḏa? 12na liji lutu anuməḏəṯelo gwan ŋu, na kworo arno, ŋu gwiro gwəmɩnyo gwiŋir, na liro kaja arno, awe, ŋu gwar gwaḏuji liji lutu. 13namɩni ŋɩḏe ŋeḏi liju nate naṯɩn gwiji umə gi jei ganu jeḏi liji ŋan ŋu no.
yecu gwalɩmi urucəlim ŋu gwuwiḏi ḏi elo
14gwune na ŋwamon ṯani ṯəɽɩl ŋweḏi gɩmuri, na yecu abo kwu dunu gweḏi elo gwun gwubuḏo nualɩmiḏe. 15na liju obaga ṯuṯ, nalarno, galakwe gwiji kweno gwilɩŋiḏi jɩḏam namɩni ŋu gwate gwalimɩnu no? 16nal yecu wɩrlijo ŋuɽuna nuleicɩno, ḏalɩmia ḏinyi ḏate ḏinyi ḏiro no, namɩni ḏeḏi ŋu gwun gwuwəjɩŋi 17ḏa gwiji gwete gwiməmɩnyi gwaduji ŋuɽuna ŋuŋun ŋun ŋɩbunyulo, ŋu gwalɩŋe ḏalɩmia ḏa ḏɩmaro ḏeḏi elo, i ḏa ḏimiumə ŋele ŋe ŋinyi. 18gwun gwaṯumə ŋele ŋe ŋuŋun gwar gwabuḏi gwula gwuŋun; namɩni ŋu gwun gwar gwabuḏi gwun gwuwəju, ŋu gwiro gwerkwe, na ŋuɽun ŋate lugwun ŋun ŋɩki no. 19musa gwate gwiḏəḏəje ŋuɽun ŋun ŋigelɩlo elo na? namɩni gwatɩn gwetɩdo lagalo gwatɩnduji ŋuɽun ŋun ŋigelɩlo elo no. gwudaro gəko ninyilbunyi nanyarno nyaliɽinye? 20na liji lun lutu wɩrlijo ŋuɽuna naleicɩno, ŋa gwəṯi ḏigeroma, əḏi gwiro gwar gwaŋaɽinye? 21nal yecu wɩrlijo ŋuɽuna nuleicɩno, nyi gwarro ŋɩru ŋete na nyobaga ṯuṯ nyaŋa wei. 22na gwan ŋuɽun ŋeno ŋaji musa ḏəḏə ḏuɽəno—namɩni ŋate ŋeḏi musa ŋiro no, namɩni ŋeḏi lɩgwurninyo ŋiro—na gi lamon le sabiṯ nyalouɽo gwiji. 23na ḏa gwiji gwiməmɩnyi ḏuɽəno gi lamon le sabiṯ kani ŋwate ŋwuki ŋuɽuna ŋun ŋigelijɩlo elo musaŋ no, nyalɽiḏi ganu lugwi gi gwune nyigelo gwiji muma wutiwuti gi lamon le sabiṯ a? 24aṯanyakɩmiḏa ga jai no, nyamɩni akɩmiḏe ḏakɩmiḏa ḏun ḏɩḏuḏɩnu ga.
25na liji kworo leḏi urucəlim arno, gwədu gwiro kwe gwun gwar gwalɽinye a? 26eʼe gwiro gwəwei gwuməḏi gi jei ganu jeḏi liji, na luŋa late manuməḏɩjo ŋuɽuna ŋədi no. lele lilɩŋiḏi muma kweno gwiro kɩrisṯo gwerkwe a? 27namɩni analɩŋe gwiji kweno gweḏi ne gwiro; namɩni ḏa kɩrisṯo mila gwiji gwatɩn gwetɩdo gwilɩŋiḏi gwuwiḏi ne no. 28na yecu gwəri gwula gwune ju gi ḏalɩmia kwu dunu gweḏi elo gwun gwubuḏo nuleicɩno, nyaŋa lilɩŋiḏiŋi, nanyalɩŋe nyi gwuwiḏi ne. na nyi gwate gwuwiḏi ŋele ŋe ŋinyi no, namɩni gwun gwuwəjɩŋi gwiro gwerkwe gwun gwate gwilɩŋiḏanya no. 29nyi gwilɩŋiḏi, gi gwune nyi gwijo lugwun nuŋwiwəjo. 30nalar gwalməṯo, namɩni gwiji gwate gwəməṯo gi di, gi gwune sa juŋun jore jate jɩmila no.
31na liji əmɩnyi lutu kworo nalarno, ḏa kɩrisṯo mila gwar gwape ŋuɽuna ŋutəno ŋun ŋɩbuḏo kworo gwun gwapɩlo gwiji kweno a? 32na lɩbarɩsi ḏiŋɩni liji luməḏəṯelo ŋuɽuna ŋeno ŋan ŋu, na jɩsis jun jɩbuḏo na lɩbarɩsi nalwəje jalbuliḏa gwalməṯo. 33nal yecu eicɩno, gaja gɩṯanu gɩti ge gigijanaga ki nyi gwele ḏi gwun gwuwəjɩŋi. 34na nyalnyibunyi, nyamɩni nya late linyibuje no, na galo gun ginɩje nya late ləṯi ŋɩma ganyanwila no. 35na liju uməḏəṯe nalarno, gwiji kweno gwar gwene, kəbe ate ilbuje no? ŋu gwar gwele gi liju lun luwɩreḏelo gi ligrigi ŋualɩmi ligrigi ə? 36ŋuɽun ŋɩrṯa ŋeno ŋun ŋəruŋe, nyalinyibunyi namɩni nya late linyibuje no? na galo gun ginɩje nya late ləṯi ŋɩma ganyanwila no?
ŋau ŋɩmiḏo
37na gi lamon leḏi gɩdo lun lɩbuḏo leḏi gɩmuri na yecu diɽi nuəri gwula nuleicɩno, ḏa gwiji gwete ma ouḏo e, ouwɩricil ŋwila lugwi na gweyu. 38gwun gwiəmɩnyi, gi gwune arne gɩḏam geḏi elo, na kare ganu nuiro ḏɩrawe ḏun ḏiro ŋau ŋɩmiḏo. 39numɩni uməḏəṯo kwuɽɩwə gwun gwɩpiḏo pɽul gwun gwaje gwuliḏəḏə lun ləmɩnyu gi gwune gwuɽɩwə gwore gwate, gi gwune yecu gwore gwate gwiməḏi gi ḏoɽeḏa ḏuŋun no. 40gwune na liji lutu kworo diŋɩni ŋuɽuna ŋeno nalarno, gwerkwe ganu kweno gwiro nebi. 41na liro kaja arno, kweno gwiro kɩrisṯo. namɩni liro kaja arno, kɩrisṯo gwuwiḏi jalil a? 42gɩḏam geḏi elo gate garno, kɩrisṯo gwiro əriḏ yeḏi ḏauuḏ, na gwaje gwila gi lɩrgwom lun lan beṯlam lun lijɩne ḏauuḏ na? 43na dino na liji kenyɩḏiḏi ganu gwan ŋu. 44na kworo lagin gwalməṯo, namɩni gwate gwetɩdo gwun gwəməṯo gi di no.
45na jalbuliḏ nalwila gi jɩsis jun jɩbuḏo na lɩbarɩsi, naleico jalbuliḏa no, gwudaro gəko nate nanyagwuloḏa no? 46nal jalbuliḏ wɩrlijo ŋuɽuna naleicɩno, gwiji gwate gwetɩdo gwun gwanumə ŋuɽuna gwiro gi gwiji kweno no. 47nal lɩbarɩsi wɩrlijo ŋuɽuna naleicɩno, nyaŋa dino gwar gwajiḏuji a? 48gwete gi lele i gi lɩbarɩsi manigwəmɩnyi a? 49namɩni liji leno lun lutu lun late lilɩŋiḏi ŋuɽuna ŋun ŋigelijɩlo elo musaŋ no, luŋa liḏenɩnu. 50na nikudimus gwun gwuwiḏi gwerre ḏi yecu gilio, na gwiro gwete lagin, nuleicɩno, 51ŋuɽun ŋage ŋun ŋigelijɩlo elo musaŋ ŋaṯakɩmi gwiji ḏa gwate madiŋɩni gwerre na malɩŋe ŋɩrṯa ŋiro ŋapulo na? 52nalwɩrlijo ŋuɽuna naleicɩno, ŋa dino ŋa gweḏi jalil gwiro a? bunyu, ŋaŋu; nebi gwate gwun gwediɽi jalil no. 53nalwele gwete gwete gi lɩdunu lagin.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Nuba, Otoro New Testament
© British and Foreign Bible Society, 1966.