Luke 7
7
Zezi saligi ojanji a mfumu aworo
1Zezi kamana mbari eso ka miizi a baari baakiigi yuzuga nde, nde yeni nca kangundu ka kapenawume. 2Mfumu aworo a Arome kiigi ŋa oyiga omon eli nde malege otii ma nde. Ŋaa oyiga wua kiigi bila ngaa, nde kiigi yiga tuga kakpaa. 3Ŋaa mfumu wua kayuga ba alyele ma Zezi, nde tumi ajanji ba acuama kanca aZife a nde, ma kabwono Zezi ma kasalaga oyiga a mfumu aworo wua. 4Bo atoyi mpaana Zezi waa, bo abaani kampa nde akolokolo, bo ndi: «Balaga li kaave ka mbuuru, yamaŋa nde. 5Kabila nde ŋa njala kasi ka bizi, ŋaa nde mbuuru wo cua njo ye abwono bizi Njyami.» 6Bo amana lyele bwa Zezi yeni bila bo. Bo kiigi yiga mpaana njo mfumu aworo, wua tumi andigi a nde ma kalyele ŋa Zezi ndi: «Mfumu, ndaga se njuru a we kabuma, mi kunu ka mbuuru woove, eli wo nyunuŋa nca njo mi ŋi. 7Yia biri me ankulu ye mbiza mi we kaya mono, ŋaa lyele mi se mbila mon otu, ojanji a mi kawuuma. 8Okorogo, mi kaje ma amigi ma ampa amfumu a mi, mi ŋa aworo beeli mi empa bo amigi. Ŋaa mi elyele ŋa omon ndi: Je ku! Ŋaa nde se yeni. Ŋaa mi evura lyele ŋa okima ndi: Ya kunu! Ŋaa nde se yi. Ŋaa mi elyele ŋa oyiga omon ndi: Sa bu! Ŋaa nde se si.» 9Ntini ye Zezi ye kayugi mbari yia, nde moni ove ma mfumu aworo. Ŋaa nde kaligi ma kacu ka lembuuru le lekiigi yuzuga nde, nde ndi: «Mi elyele ŋa be sisiele mi kinimono tari leenini mva li ŋi, se mpila baari ba Ezerayele.» 10Ŋa evurigi ba andigi ba mfumu aworo njo, bo amoni oyiga wua mi wuuma.
Zezi anyusa mwana okaazi wo okwulu wo Nayine
11Anyuzuga, Zezi bila alwoni a nde ŋa lembuuru, ayeni bila nde kangundu ka ba acwolo ma Nayini. 12Ŋaa etoyi e bo ncuo#7.12 Ka Ezrayel, aya ba kancua ampangi ma ma jeneŋe engundu bila ampugu, ŋaa ampagi maa ŋa kadubugu ka ba anyunuŋa. kangundu, bo avuniŋi bila lembuuru le kiigi je ancwo ma kaje jiiga kabiima. Bo amaabira okuba mwana wo okaazi okwulu, ŋaa nde mwana kiigi nde-ankulu wua. 13Ŋaa Mfumu Zezi kakese okaazi wua, nde moni nde nya ŋaa nde ŋa nde ndi: «Ndaga kalila!» 14Ŋaa nde yi ciina mpaana okuba ŋa Zezi ciili nde. Baari ba abiri asugi. Zezi ndi: «Onkere balaga nyuzuga! Mi dugi!» 15Ŋaa kabiima kia ka ki manci ŋaa ko yiga ke elyele. Zezi vuti nde ŋa ngwugu. 16Baari aso amoni bwogo, bo yiga ba alyele ndi: «Lekuma le Njyami! Njyami mi tuma bira be ntuma nde! Njyami mi ya vuzuga baari a nde!» 17Ŋaa ncia Zezi eyeni nca bungu le Zide bila atiniŋa ma aso.
Zan Batise atuma alwoni a nde mpila Zezi
18Alwoni a Zan ayeni naana maami ma Zezi makasi aso, ŋaa nde cwoli bwele. 19Nde tumi bo mpila Mfumu Zezi, ma kalyele nde ndi: «We mbuuru wo aya sikali bizi le jila okima?» 20Bo ato mpaana Zezi, bo ndi: «Zan Batise ciina bizi mpila we, ma ka piza ni: We mbuuru wo aya, abiza bizi lejila okima?» 21Ntini ye toyi alwoni a Zan Batise mpila Zezi, nde kiigi yiga asalaga bege le angaa angayi, ekara, ŋa angaa epundu beebi, ŋaa nde naani bege le baari eli miizi kiigi amabuluga. 22Ŋaa nde akaala ŋa bo ndi: «Leje naana ŋa Zan maami ma moni be ŋa ma yugi be: Baali kiigi miizi kali amimono, ŋa ebuka yiga be temeŋe, ŋa angaa ebila emi cyeme, ŋaa ba abaaka acu amakisa yiga baayuga, baama akpaa ami nyuzuga, ami mpa afuga ncia yeemve.» 23Mbwuru wo ayalaga mi eli kisa ekemi ŋi oli nca kase ka Njyami.
Zezi ampa ncia kayila Zan Batise
24Ntini eli antuma a Zan kiigi ami mana je, Zezi yiga alyele bila lembuuru ma Zan ndi: «Be kiigi ema leje mono, lencicaŋi le lenyiga ma pyebi? Kali?» 25Ŋaa be kiigi ema leje mono? Be leje mono mbuuru wo laaza amfa ayiele? Ŋaa baari ba baalaaza amfa maave bila baari baali nca njele ba baaka nca anjo ma amfumu ba esi. 26Ŋaa be lesa bwa be na leje mono? Ntuma Njyami? Ee! mi elyele be nde vuli ntuma Njyami. 27Yia biri ye eteende ntuma Njyami nca buku ndi:
Mi etuma ntuma mi ka miizi a we ma kakozo we jila kavuzu.
28Zezi vuri dugi ndi: «Mi elyele be sisyele kanca ba acuugi ma amwon ba akaazi, wo ovuli Zan onyaga. Okorogo wo ovuli obuzu nca baari ba ayalaga Njyami ndi nde Mfumu, vuli Zan. 29Ŋaa baari aso bayuzigi Zan ŋa kaga le acwoli ma angaa lempo se amoni ndi Njyami tele, bo ayaligi ndi Zan kampa bo ateemi.» 30Ŋaa Afarizi bila ayizigi angiri amaabiza maami a Njyami ma kadugi bo ma kasa. Ŋaa bo abizi ndi Zan kimpa bo ateemi ŋi.
31Ŋaa Zezi vuri dugi ndi: «Mi leca le lubu li ma lini eyezege? Lo na le wuana? 32Be le wuana baana baali manci ka otuma mpugu, ŋaa bo ba acwolo abuga ndi: Bizi le mi wula be opari, ŋa be le kikina ŋi. Ŋaa bizi le mi luuma be aluumu ma obaraga, be le ki lila ŋi. 33Ma lemigi loankulu lia, Zan Batise mi ya, nde ba kaja ampeembe ŋi, ŋaa nde baaka nyua mali se ŋi. Be le ki yalaga nde ŋi, ŋaa be ni nde ŋa kapundu keebi. 34Mwana Mbwuru miya, aja anyua, ŋaa be ni: Lemono! Mbwuru wu ŋa njala kaja bila kanyua. Nde ndigi angaa lempo ŋa baari ba baasa amaami maabi. 35Ŋaa ba ayaligi ncimi a Njyami ba amvyere ndi ncimi yia eli tele.»
Zezi abologo okaazi wo ndumba
36Cugu lemon ofarizi ocigi Zezi ma kaya ja ka njo nde. Ŋaa Zezi nyuniŋi nca njo ma kaja bila nde. 37Kiigi ŋa okaazi wo ndumba nca kangundu kia. Nde kayaa ndi Zezi li nca njo ofarizi aja, nde yi bila mbaza ye alimbate ye ema alula ma ananasi ma ntali. 38Nde yiga ka mbiza Zezi, ka mpaana miili#7.38 Ka Ezrayel ntini ye eja baari kiigi kaka kayila ekala, miili ema vuna ka mbiza. Kia kabila ka aki okaazi odumba wua ka mbiza Zezi, nde lili ŋa nde cuozi aciya yila Zezi. e nde. Amana nde yiga alila, ŋaa nde bwozi Zezi miili bila anciya. Ŋaa nde siniŋi bila mfu a nde, nde pori miili e Zezi, ŋaa nde kili jo ananasi. 39Ofarizi wo cigi nde kamono bwa, kalyele nca otuma nde ndi: «Mbwuru wu ma kaka ntuma Njyami wo jaajaa, nke nde ayaa maami ma okaazi wu, ŋi nde ndumba.» 40Zezi yagi mbari, ŋaa nde ŋa nde ndi: «Simon mi ŋa jaa ma kalyele we.» Ŋaa Simon akaala ŋa nde ndi: «Mfumu lyele.» 41Zezi ŋa nde ndi: «Mbwuru ngaa kabaga bigi baari bwele ampara. Nca bo omon kiigi ŋa kabiimi ka nkama (500) ye ampara, ŋaa buga woomon kiigi ŋa kabiimi ka enkuumu etaani (50) ba ampara. 42Ŋaa nca bo abuele, mbuuru se omon wo buni kavuta nde ampara kali. Nde ka ma mono bwa, nde nyini ebiimi bia. Nca bo abwele wo nde wo kavuli njala buga wunu?» 43Simon kaali ndi: «Mi ecimiŋa ni mbuuru wo acyezi kabiimi keenini.» Ŋaa Zezi ŋa nde ndi: «We mi pama taataa.»
44Amana Zezi tali mpila okaazi wo ndumba wua, nde ŋa Simon ndi: «We amono okaazi wu? Mi nyuniŋa nca njo we, we kimpa mi anja ma kacuka miili emi ŋi, ŋa ma ka yamba mi. Ŋaa eto ma nde, nde bwozi mi miili ma anciya, ŋaa nde siniŋi mi miili ma mfu a nde. 45Ntini ye mi ye yi, we kiyamba mi ŋi. Ŋaa kaasa nyunuŋa nde, nde ma kaporo miili emi ma kamvyere jya le nde le kajya mi. 46We kiyira maari kayila ocu a mi ŋi, ŋaa nde yiri ananasi kayila miili emi. 47Ma bwa mi elyele we mini, okaazi wu ma mvyere mi jya leenini. Kabila mi ma abologo maami maabi a nde ma akukuna. Ŋaa mbuuru wo osi maami maabi nceti, le nde jya se nceti.» 48Ŋaa Zezi ŋa okaazi wua ndi: «Mi mi bologo maami a we maabi.» 49Baa baaja bila nde ba kacimiŋa nca etuma e bo ndi: «Nde wu na, wo abuna kabologo maami maabi a baari?» 50Ŋaa Zezi alyele ŋa okaazi wua ndi: «Tari le we lemi vuzuga we, je nca kadusu.»
Markert nå:
Luke 7: teg
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luke 7
7
Zezi saligi ojanji a mfumu aworo
1Zezi kamana mbari eso ka miizi a baari baakiigi yuzuga nde, nde yeni nca kangundu ka kapenawume. 2Mfumu aworo a Arome kiigi ŋa oyiga omon eli nde malege otii ma nde. Ŋaa oyiga wua kiigi bila ngaa, nde kiigi yiga tuga kakpaa. 3Ŋaa mfumu wua kayuga ba alyele ma Zezi, nde tumi ajanji ba acuama kanca aZife a nde, ma kabwono Zezi ma kasalaga oyiga a mfumu aworo wua. 4Bo atoyi mpaana Zezi waa, bo abaani kampa nde akolokolo, bo ndi: «Balaga li kaave ka mbuuru, yamaŋa nde. 5Kabila nde ŋa njala kasi ka bizi, ŋaa nde mbuuru wo cua njo ye abwono bizi Njyami.» 6Bo amana lyele bwa Zezi yeni bila bo. Bo kiigi yiga mpaana njo mfumu aworo, wua tumi andigi a nde ma kalyele ŋa Zezi ndi: «Mfumu, ndaga se njuru a we kabuma, mi kunu ka mbuuru woove, eli wo nyunuŋa nca njo mi ŋi. 7Yia biri me ankulu ye mbiza mi we kaya mono, ŋaa lyele mi se mbila mon otu, ojanji a mi kawuuma. 8Okorogo, mi kaje ma amigi ma ampa amfumu a mi, mi ŋa aworo beeli mi empa bo amigi. Ŋaa mi elyele ŋa omon ndi: Je ku! Ŋaa nde se yeni. Ŋaa mi evura lyele ŋa okima ndi: Ya kunu! Ŋaa nde se yi. Ŋaa mi elyele ŋa oyiga omon ndi: Sa bu! Ŋaa nde se si.» 9Ntini ye Zezi ye kayugi mbari yia, nde moni ove ma mfumu aworo. Ŋaa nde kaligi ma kacu ka lembuuru le lekiigi yuzuga nde, nde ndi: «Mi elyele ŋa be sisiele mi kinimono tari leenini mva li ŋi, se mpila baari ba Ezerayele.» 10Ŋa evurigi ba andigi ba mfumu aworo njo, bo amoni oyiga wua mi wuuma.
Zezi anyusa mwana okaazi wo okwulu wo Nayine
11Anyuzuga, Zezi bila alwoni a nde ŋa lembuuru, ayeni bila nde kangundu ka ba acwolo ma Nayini. 12Ŋaa etoyi e bo ncuo#7.12 Ka Ezrayel, aya ba kancua ampangi ma ma jeneŋe engundu bila ampugu, ŋaa ampagi maa ŋa kadubugu ka ba anyunuŋa. kangundu, bo avuniŋi bila lembuuru le kiigi je ancwo ma kaje jiiga kabiima. Bo amaabira okuba mwana wo okaazi okwulu, ŋaa nde mwana kiigi nde-ankulu wua. 13Ŋaa Mfumu Zezi kakese okaazi wua, nde moni nde nya ŋaa nde ŋa nde ndi: «Ndaga kalila!» 14Ŋaa nde yi ciina mpaana okuba ŋa Zezi ciili nde. Baari ba abiri asugi. Zezi ndi: «Onkere balaga nyuzuga! Mi dugi!» 15Ŋaa kabiima kia ka ki manci ŋaa ko yiga ke elyele. Zezi vuti nde ŋa ngwugu. 16Baari aso amoni bwogo, bo yiga ba alyele ndi: «Lekuma le Njyami! Njyami mi tuma bira be ntuma nde! Njyami mi ya vuzuga baari a nde!» 17Ŋaa ncia Zezi eyeni nca bungu le Zide bila atiniŋa ma aso.
Zan Batise atuma alwoni a nde mpila Zezi
18Alwoni a Zan ayeni naana maami ma Zezi makasi aso, ŋaa nde cwoli bwele. 19Nde tumi bo mpila Mfumu Zezi, ma kalyele nde ndi: «We mbuuru wo aya sikali bizi le jila okima?» 20Bo ato mpaana Zezi, bo ndi: «Zan Batise ciina bizi mpila we, ma ka piza ni: We mbuuru wo aya, abiza bizi lejila okima?» 21Ntini ye toyi alwoni a Zan Batise mpila Zezi, nde kiigi yiga asalaga bege le angaa angayi, ekara, ŋa angaa epundu beebi, ŋaa nde naani bege le baari eli miizi kiigi amabuluga. 22Ŋaa nde akaala ŋa bo ndi: «Leje naana ŋa Zan maami ma moni be ŋa ma yugi be: Baali kiigi miizi kali amimono, ŋa ebuka yiga be temeŋe, ŋa angaa ebila emi cyeme, ŋaa ba abaaka acu amakisa yiga baayuga, baama akpaa ami nyuzuga, ami mpa afuga ncia yeemve.» 23Mbwuru wo ayalaga mi eli kisa ekemi ŋi oli nca kase ka Njyami.
Zezi ampa ncia kayila Zan Batise
24Ntini eli antuma a Zan kiigi ami mana je, Zezi yiga alyele bila lembuuru ma Zan ndi: «Be kiigi ema leje mono, lencicaŋi le lenyiga ma pyebi? Kali?» 25Ŋaa be kiigi ema leje mono? Be leje mono mbuuru wo laaza amfa ayiele? Ŋaa baari ba baalaaza amfa maave bila baari baali nca njele ba baaka nca anjo ma amfumu ba esi. 26Ŋaa be lesa bwa be na leje mono? Ntuma Njyami? Ee! mi elyele be nde vuli ntuma Njyami. 27Yia biri ye eteende ntuma Njyami nca buku ndi:
Mi etuma ntuma mi ka miizi a we ma kakozo we jila kavuzu.
28Zezi vuri dugi ndi: «Mi elyele be sisyele kanca ba acuugi ma amwon ba akaazi, wo ovuli Zan onyaga. Okorogo wo ovuli obuzu nca baari ba ayalaga Njyami ndi nde Mfumu, vuli Zan. 29Ŋaa baari aso bayuzigi Zan ŋa kaga le acwoli ma angaa lempo se amoni ndi Njyami tele, bo ayaligi ndi Zan kampa bo ateemi.» 30Ŋaa Afarizi bila ayizigi angiri amaabiza maami a Njyami ma kadugi bo ma kasa. Ŋaa bo abizi ndi Zan kimpa bo ateemi ŋi.
31Ŋaa Zezi vuri dugi ndi: «Mi leca le lubu li ma lini eyezege? Lo na le wuana? 32Be le wuana baana baali manci ka otuma mpugu, ŋaa bo ba acwolo abuga ndi: Bizi le mi wula be opari, ŋa be le kikina ŋi. Ŋaa bizi le mi luuma be aluumu ma obaraga, be le ki lila ŋi. 33Ma lemigi loankulu lia, Zan Batise mi ya, nde ba kaja ampeembe ŋi, ŋaa nde baaka nyua mali se ŋi. Be le ki yalaga nde ŋi, ŋaa be ni nde ŋa kapundu keebi. 34Mwana Mbwuru miya, aja anyua, ŋaa be ni: Lemono! Mbwuru wu ŋa njala kaja bila kanyua. Nde ndigi angaa lempo ŋa baari ba baasa amaami maabi. 35Ŋaa ba ayaligi ncimi a Njyami ba amvyere ndi ncimi yia eli tele.»
Zezi abologo okaazi wo ndumba
36Cugu lemon ofarizi ocigi Zezi ma kaya ja ka njo nde. Ŋaa Zezi nyuniŋi nca njo ma kaja bila nde. 37Kiigi ŋa okaazi wo ndumba nca kangundu kia. Nde kayaa ndi Zezi li nca njo ofarizi aja, nde yi bila mbaza ye alimbate ye ema alula ma ananasi ma ntali. 38Nde yiga ka mbiza Zezi, ka mpaana miili#7.38 Ka Ezrayel ntini ye eja baari kiigi kaka kayila ekala, miili ema vuna ka mbiza. Kia kabila ka aki okaazi odumba wua ka mbiza Zezi, nde lili ŋa nde cuozi aciya yila Zezi. e nde. Amana nde yiga alila, ŋaa nde bwozi Zezi miili bila anciya. Ŋaa nde siniŋi bila mfu a nde, nde pori miili e Zezi, ŋaa nde kili jo ananasi. 39Ofarizi wo cigi nde kamono bwa, kalyele nca otuma nde ndi: «Mbwuru wu ma kaka ntuma Njyami wo jaajaa, nke nde ayaa maami ma okaazi wu, ŋi nde ndumba.» 40Zezi yagi mbari, ŋaa nde ŋa nde ndi: «Simon mi ŋa jaa ma kalyele we.» Ŋaa Simon akaala ŋa nde ndi: «Mfumu lyele.» 41Zezi ŋa nde ndi: «Mbwuru ngaa kabaga bigi baari bwele ampara. Nca bo omon kiigi ŋa kabiimi ka nkama (500) ye ampara, ŋaa buga woomon kiigi ŋa kabiimi ka enkuumu etaani (50) ba ampara. 42Ŋaa nca bo abuele, mbuuru se omon wo buni kavuta nde ampara kali. Nde ka ma mono bwa, nde nyini ebiimi bia. Nca bo abwele wo nde wo kavuli njala buga wunu?» 43Simon kaali ndi: «Mi ecimiŋa ni mbuuru wo acyezi kabiimi keenini.» Ŋaa Zezi ŋa nde ndi: «We mi pama taataa.»
44Amana Zezi tali mpila okaazi wo ndumba wua, nde ŋa Simon ndi: «We amono okaazi wu? Mi nyuniŋa nca njo we, we kimpa mi anja ma kacuka miili emi ŋi, ŋa ma ka yamba mi. Ŋaa eto ma nde, nde bwozi mi miili ma anciya, ŋaa nde siniŋi mi miili ma mfu a nde. 45Ntini ye mi ye yi, we kiyamba mi ŋi. Ŋaa kaasa nyunuŋa nde, nde ma kaporo miili emi ma kamvyere jya le nde le kajya mi. 46We kiyira maari kayila ocu a mi ŋi, ŋaa nde yiri ananasi kayila miili emi. 47Ma bwa mi elyele we mini, okaazi wu ma mvyere mi jya leenini. Kabila mi ma abologo maami maabi a nde ma akukuna. Ŋaa mbuuru wo osi maami maabi nceti, le nde jya se nceti.» 48Ŋaa Zezi ŋa okaazi wua ndi: «Mi mi bologo maami a we maabi.» 49Baa baaja bila nde ba kacimiŋa nca etuma e bo ndi: «Nde wu na, wo abuna kabologo maami maabi a baari?» 50Ŋaa Zezi alyele ŋa okaazi wua ndi: «Tari le we lemi vuzuga we, je nca kadusu.»
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES