GÉNESIS 25
25
Abrahamga, Cetura shuti huarmihuan huahuacunata charishcamanda
(1 Crón. 1:32-33)
1Abrahamga shuj huarmitami charirca. Chai huarmica Cetura shutimi carca. 2Chai huarmihuanga: Zimram, Jocsán, Medán, Madián, Isbac, Súa shuti huahuacunatami charirca. 3Jocsán shuti runaca, Seba shuti, Dedán shuti churicunatami charirca. Dedán shuti runapaj churicunaca: Asurim, Letusim, Leumim shuticunami carca. 4Madián shuti runapaj churicunaca: Efa, Efer, Hanoc, Abida, Elda shuticunami carca. Cai tucuicunami, Cetura shuti huarmipaj miraicuna carca.
5Abrahamga, tucui imatalla charishcataca Isaacmanmi saquirca. 6Ashtahuangarin, Abrahamhuan pacta causajushca caishuj huarmicunapaj huahuacunamanga, pai causajushpallata imata cashpapash carashpami, paipaj churi Isaacmanda carupi causanajuchun, indi llujshimujman cacharca.
Abraham huañujpi pambashcamanda
7Abrahamga, patsaj canchis chunga picha huatacunatami causarca. 8Abrahamga, unai huatacunata ali causashpa, ña rucuyashpa huañushpami, paipaj ayllucunahuan tandanajugrirca. 9Pai huañujpica, Isaac shuti, Ismael shuti paipaj churicunami, Macpela shuti pamba utujupi pambarca. Macpela pambaca, heteo gentepura Zohar shuti runapaj churi Efrón runapajmi carca. Chaica Mamre shuti pamba chimbapurapimi tiyajun. 10Het shuti runapaj miraicunata, Abraham randishca alpapimi, Abrahamdapash, paipaj huarmi Saratapash pambarca. 11Abraham huañushca jipami, Taita Diosca, Abrahambaj churi Isaactaca bendiciarca. Isaac runaca, “Ñucata ricujuj Diospaj yacuta llujchina jatun utuju” shuti pushtupimi causajurca.
Ismael runapaj miraicunamanda
(1 Crón. 1:28-31)
12Abraham, Sara shuti huarmipajta ruraj, Egiptomanda Agar shuti huarmihuan charishca, Ismaelpaj miraicunaca caicunami. 13Ismaelpaj churicunataca, imashna paicuna huacharishcapimi, cashna shutichirca: Ismaelpaj punda churica, Nebaiot shutimi carca. Cati churicunaca: Cedar, Adbeel, Mibsam, 14Misma, Duma, Massa, 15Hadar, Tema, Jetur, Nafis, Cedema shuticunami carca. 16Ismaelpaj churicunaca, chunga ishcai mandajcuna tucushpa, paicunapaj ayllucunata mandashpa, uchilla pueblocunapi, carpacunapimi causanajurca.
17Ismaelca, patsaj quimsa chunga canchis huatata causashpa, huañushpami, paipaj ayllucunahuan tandanajugrirca. 18Ismaelpaj miraicunaca, Havila shuti llactamandaca, Shur shuti llactacamanmi causanajurca. Chai llactacunaca, Asiria llactamanda shamuna, Egipto llacta chimbapurapimi carca. Ismaelca, tucui paipaj huauquicunapaj ñaupajpimi huañurca.
Jacobpash, Esaupash huacharishcamanda
19Abrahamga, Isaac shuti churitami charirca, Isaacmanda miraicunaca cashnami carca. 20Isaac runaca, chuscu chunga huatata charishpami, Betuel shuti runapaj ushi Rebecataca, paipaj huarmi cachun japirca. Betuel runapash, Rebecapaj turi Labán runapash, Padan-aram shuti llactapi causaj arameo gentepurami carca. 21Isaacpaj huarmi Rebeca, huahuata na chari ushaj cajpimi, Mandaj Diosta, paipaj huarmimanda mañajurca. Chai mañashcata Mandaj Dios uyajpimi, paipaj huarmica vijsayu tucurca. 22Rebecapaj vijsapi cashpallatami, huahuacunaca macanajunajurca. Chaimandami, Rebeca huarmica: “Chashna cajpica, ¿imapata causajusha?” nishpa, Mandaj Diostaca tapujurca. 23Shina tapujpimi Mandaj Diosca cashna nirca:
“Cambaj vijsa ucupica, ishcai llactacunami tiyanajun.
Cambaj vijsa ucumandapachami, ña ishcai llactacuna llujshinga.
Shuj llactaca, caishuj llactata ashtahuan yali shinllipachami canga.
Punda churica, jipa churiman rurashpami causanga” nircami.
24Huahuata charina punlla pactajpica, Rebecapaj vijsapica ishcai huahuacuna tiyashcatami yacharca. 25Punda huacharij huahuaca, puca ajchayu, milma junda huahua cajpimi, Esauta shutichirca. 26Chai jipaca cati huauquimi, Esaupaj chaquipi alipacha charirishca huacharirca. Paitaca, Jacobtami shutichirca. Isaac runaca, paipaj huahuacuna huacharimui punllapica, sucta chunga huatatami charirca.
Esaú runaca, punda churi japinata jatushcamanda
27Chai huahuacuna viñashpaca, Esauca pambapi causaj cashpami, animalcunata huañuchinata alipacha yachaj tucurca. Ashtahuangarin Jacobca, yalica carpacunapillami causajurca. 28Esaú huañuchishca animalcunapaj aichata micushpa causashpami, Isaac runaca, Esautaca juyaj carca. Ashtahuangarin Rebeca huarmica, Jacobtami ninanda juyaj carca.
29Shuj punllami Jacobca, munanayai micunata yanujurca. Esaú runa, pambamanda shaijushca tigramushpami, 30Jacobtaca:
“Pucalla chai micunaguta carahuai, ninanda yarjachishcamari shamuni” nirca.
Chaimandami paitaca, Edom nishpa shutichirca.
31Shina nijpimi, Jacobca:
“Can punda churi cashpa japinataca, cunan punllallata jatuhuailla” nirca.
32Shina nijpimi Esaú runaca:
“Ñucaca yarjaimanda ñamari huañugrini. Shina cashpaca punda churi cashpa japinapash, ¿imapata ali cangayari?” nirca.
33Shina nijpimi Jacobca:
“Cunan punllallata ñucaman cushpa juramentuilla” nijpi, Esaú runaca juramenturca.
Chashna nishpami, pai punda churi japina cashcataca, Jacobman jaturca. 34Chai jipami Jacobca, tandatapash, lenteja caldotapash, Esauman cararca. Esaú runaca, micushpa ufiashpaca, pai punda churi cashpa japinataca yangapi churashpa, jatarishpa rircallami.
Markert nå:
GÉNESIS 25: QVI16
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
GÉNESIS 25
25
Abrahamga, Cetura shuti huarmihuan huahuacunata charishcamanda
(1 Crón. 1:32-33)
1Abrahamga shuj huarmitami charirca. Chai huarmica Cetura shutimi carca. 2Chai huarmihuanga: Zimram, Jocsán, Medán, Madián, Isbac, Súa shuti huahuacunatami charirca. 3Jocsán shuti runaca, Seba shuti, Dedán shuti churicunatami charirca. Dedán shuti runapaj churicunaca: Asurim, Letusim, Leumim shuticunami carca. 4Madián shuti runapaj churicunaca: Efa, Efer, Hanoc, Abida, Elda shuticunami carca. Cai tucuicunami, Cetura shuti huarmipaj miraicuna carca.
5Abrahamga, tucui imatalla charishcataca Isaacmanmi saquirca. 6Ashtahuangarin, Abrahamhuan pacta causajushca caishuj huarmicunapaj huahuacunamanga, pai causajushpallata imata cashpapash carashpami, paipaj churi Isaacmanda carupi causanajuchun, indi llujshimujman cacharca.
Abraham huañujpi pambashcamanda
7Abrahamga, patsaj canchis chunga picha huatacunatami causarca. 8Abrahamga, unai huatacunata ali causashpa, ña rucuyashpa huañushpami, paipaj ayllucunahuan tandanajugrirca. 9Pai huañujpica, Isaac shuti, Ismael shuti paipaj churicunami, Macpela shuti pamba utujupi pambarca. Macpela pambaca, heteo gentepura Zohar shuti runapaj churi Efrón runapajmi carca. Chaica Mamre shuti pamba chimbapurapimi tiyajun. 10Het shuti runapaj miraicunata, Abraham randishca alpapimi, Abrahamdapash, paipaj huarmi Saratapash pambarca. 11Abraham huañushca jipami, Taita Diosca, Abrahambaj churi Isaactaca bendiciarca. Isaac runaca, “Ñucata ricujuj Diospaj yacuta llujchina jatun utuju” shuti pushtupimi causajurca.
Ismael runapaj miraicunamanda
(1 Crón. 1:28-31)
12Abraham, Sara shuti huarmipajta ruraj, Egiptomanda Agar shuti huarmihuan charishca, Ismaelpaj miraicunaca caicunami. 13Ismaelpaj churicunataca, imashna paicuna huacharishcapimi, cashna shutichirca: Ismaelpaj punda churica, Nebaiot shutimi carca. Cati churicunaca: Cedar, Adbeel, Mibsam, 14Misma, Duma, Massa, 15Hadar, Tema, Jetur, Nafis, Cedema shuticunami carca. 16Ismaelpaj churicunaca, chunga ishcai mandajcuna tucushpa, paicunapaj ayllucunata mandashpa, uchilla pueblocunapi, carpacunapimi causanajurca.
17Ismaelca, patsaj quimsa chunga canchis huatata causashpa, huañushpami, paipaj ayllucunahuan tandanajugrirca. 18Ismaelpaj miraicunaca, Havila shuti llactamandaca, Shur shuti llactacamanmi causanajurca. Chai llactacunaca, Asiria llactamanda shamuna, Egipto llacta chimbapurapimi carca. Ismaelca, tucui paipaj huauquicunapaj ñaupajpimi huañurca.
Jacobpash, Esaupash huacharishcamanda
19Abrahamga, Isaac shuti churitami charirca, Isaacmanda miraicunaca cashnami carca. 20Isaac runaca, chuscu chunga huatata charishpami, Betuel shuti runapaj ushi Rebecataca, paipaj huarmi cachun japirca. Betuel runapash, Rebecapaj turi Labán runapash, Padan-aram shuti llactapi causaj arameo gentepurami carca. 21Isaacpaj huarmi Rebeca, huahuata na chari ushaj cajpimi, Mandaj Diosta, paipaj huarmimanda mañajurca. Chai mañashcata Mandaj Dios uyajpimi, paipaj huarmica vijsayu tucurca. 22Rebecapaj vijsapi cashpallatami, huahuacunaca macanajunajurca. Chaimandami, Rebeca huarmica: “Chashna cajpica, ¿imapata causajusha?” nishpa, Mandaj Diostaca tapujurca. 23Shina tapujpimi Mandaj Diosca cashna nirca:
“Cambaj vijsa ucupica, ishcai llactacunami tiyanajun.
Cambaj vijsa ucumandapachami, ña ishcai llactacuna llujshinga.
Shuj llactaca, caishuj llactata ashtahuan yali shinllipachami canga.
Punda churica, jipa churiman rurashpami causanga” nircami.
24Huahuata charina punlla pactajpica, Rebecapaj vijsapica ishcai huahuacuna tiyashcatami yacharca. 25Punda huacharij huahuaca, puca ajchayu, milma junda huahua cajpimi, Esauta shutichirca. 26Chai jipaca cati huauquimi, Esaupaj chaquipi alipacha charirishca huacharirca. Paitaca, Jacobtami shutichirca. Isaac runaca, paipaj huahuacuna huacharimui punllapica, sucta chunga huatatami charirca.
Esaú runaca, punda churi japinata jatushcamanda
27Chai huahuacuna viñashpaca, Esauca pambapi causaj cashpami, animalcunata huañuchinata alipacha yachaj tucurca. Ashtahuangarin Jacobca, yalica carpacunapillami causajurca. 28Esaú huañuchishca animalcunapaj aichata micushpa causashpami, Isaac runaca, Esautaca juyaj carca. Ashtahuangarin Rebeca huarmica, Jacobtami ninanda juyaj carca.
29Shuj punllami Jacobca, munanayai micunata yanujurca. Esaú runa, pambamanda shaijushca tigramushpami, 30Jacobtaca:
“Pucalla chai micunaguta carahuai, ninanda yarjachishcamari shamuni” nirca.
Chaimandami paitaca, Edom nishpa shutichirca.
31Shina nijpimi, Jacobca:
“Can punda churi cashpa japinataca, cunan punllallata jatuhuailla” nirca.
32Shina nijpimi Esaú runaca:
“Ñucaca yarjaimanda ñamari huañugrini. Shina cashpaca punda churi cashpa japinapash, ¿imapata ali cangayari?” nirca.
33Shina nijpimi Jacobca:
“Cunan punllallata ñucaman cushpa juramentuilla” nijpi, Esaú runaca juramenturca.
Chashna nishpami, pai punda churi japina cashcataca, Jacobman jaturca. 34Chai jipami Jacobca, tandatapash, lenteja caldotapash, Esauman cararca. Esaú runaca, micushpa ufiashpaca, pai punda churi cashpa japinataca yangapi churashpa, jatarishpa rircallami.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.