Ap'u 12
12
A Mlin Eia iv'ara an a Epram
1 #
Parei 7:2,3; Isrel 11:8. Laha, a Mlin Eia ivr an a Epram kavr ti a, “Paruh arna v'anuam, kaln tv'alm udlani m'er nelnal arna nl nam'elan a tetiam, kadav'a arna nut iamk Kana p'ev'iv'en anh. 2Kana p'ani ti pama kav'i v'anu lil ipamk, kamhmah anh, kani ti naham ipav'a eia ipastudau. Laha, nakm pav'i m'ertu ipamhmah a m'ertu ururaur. 3#Kalesia 3:8.P'emhmah anr m'ertu avmhmah anh, kani ti m'ertu apavv'ana stu m'ah apavlak a nv' nl rerak. Laha, Kana p'emhmah a m'ertu arna nl nam'el udlani arna nadep' sanam.”
4Laha, a Epram iv'el, inep'a nut a Mlin Eia itvr sarei ani inap'ei. A Lut isapei. A Epram paian inelsaru pln ilm' (75), naran iln nut a Haran. 5A Epram ilev' a Sarai, iv'i a naun, m'ei a Lut, iv'i net titiatah nan, m'a siar udlani avlev' a Haran, kavv'el a ti apavrav'a arna v'anu a Kenan. Sarei, avv'el dav'a kavier a Kenan. 6Laha, a Epram iv'el arna v'anu lera kaier nut a Sikem, kaier asn neier iamk, arna nut a Mura. Arna naran nen, m'ertu a Kenan atvlak sarei arna v'anu lera.
7 #
Parei 7:5; Kalesia 3:16. Sarei, a Mlin Eia iv'iv'en Hin an a Epram kavr ti a, “P'etu nadep' laha anr a natm udlani.” Sarei, hin a Epram idren nev'etet atlera, kav'iv'en ti a Mlin Eia itv'iv'en sera Hin ani. 8Iln nut lera kadav'a asn ptha iamk iter arna Is na nut a Petel, kahl nmah kanuisan atlera. Nut a Petel lera iter arna Ues nen, nut Ai iter arna Is nen. Arna nut lera idren nev'etet iamk sanan a Mlin Eia, kav'ara nahan a Mlin Eia. 9Sarei, a Epram iln nut lera, kav'el a ti ipav'a a Saut.
A Epram iv'a arna v'anu a Itsip
10Arna naran lera, m'em'erien lil iamk iak arna v'anu lera. Laha, a Epram iv'a auei a Itsip a ti ipalak atlera, sena ti m'em'erien lil ihua ihuadau arna v'anu. 11Laha, naran ihih ti ipaier a Itsip, ivr an a Sarai, iv'i a naun, kavr ti a, “Palei, nrndu ti nakm kv'i tav'et iamk ip'as istudau. 12Laha, sei ipatu hin iv'i ti, naran ardu a Itsip apavlah, apavvr ti a, ‘Tav'et lera iv'i tav'etan,’ sarei apavrp kana, v'eti apavm'ahu a ti nakm pasilv'. 13#Ap'u 20:2; 26:7.Nmiman anh a ti nakm pavr anr a ti kv'i a v'nk, a ti apavan si p'as a kana, a ti p'esilv' sanam.”
14Sarei, naran a Epram ier nut a Itsip, ardu a Itsip avla ti tav'et lera p'akn ip'as istudau. 15Ardu lililan a Veru avlei kavvrp'ep'ei an a Veru. Laha, avrav'a kavlev' tav'et lera kavuirv'a asn a Veru a ti ipalak al nmahan. 16Hin imhmah an a Epram istudau sanan. A Epram iak a sivsiv, pluk, tuki, avv'i pua nen m'a prapar nen, m'a dui m'er tav'et na m'akarienan, m'er kam'el.
17V'eti a Mlin Eia itep'a m'etien stu lil iamk, ier a Veru m'er nelnal al nmahan sanan a Sarai, a naun a Epram. 18Laha, a Veru iv'ara an a Epram kavr ti a, “?Sena v'ata hin kani inap'i laha m'a kana? ?Inap'i hin kaavr a kana kavr ti iv'i a naum? 19?Inap'i hin kvr ti a, ‘Iv'i a v'nk’? Nut pa ti p'euei ipav'i a nauk. Tav'etam hilaha, palav'i karhau m'ei.” 20Sarei, a Veru itu v'nen anr m'ertuan kavrur a Epram. Laha, avv'av'ei a ti ipaln nut lera m'a sian udlani, m'ei a naun.
Markert nå:
Ap'u 12: nmb
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2023 Presbyterian Reformed Church of Australia
Ap'u 12
12
A Mlin Eia iv'ara an a Epram
1 #
Parei 7:2,3; Isrel 11:8. Laha, a Mlin Eia ivr an a Epram kavr ti a, “Paruh arna v'anuam, kaln tv'alm udlani m'er nelnal arna nl nam'elan a tetiam, kadav'a arna nut iamk Kana p'ev'iv'en anh. 2Kana p'ani ti pama kav'i v'anu lil ipamk, kamhmah anh, kani ti naham ipav'a eia ipastudau. Laha, nakm pav'i m'ertu ipamhmah a m'ertu ururaur. 3#Kalesia 3:8.P'emhmah anr m'ertu avmhmah anh, kani ti m'ertu apavv'ana stu m'ah apavlak a nv' nl rerak. Laha, Kana p'emhmah a m'ertu arna nl nam'el udlani arna nadep' sanam.”
4Laha, a Epram iv'el, inep'a nut a Mlin Eia itvr sarei ani inap'ei. A Lut isapei. A Epram paian inelsaru pln ilm' (75), naran iln nut a Haran. 5A Epram ilev' a Sarai, iv'i a naun, m'ei a Lut, iv'i net titiatah nan, m'a siar udlani avlev' a Haran, kavv'el a ti apavrav'a arna v'anu a Kenan. Sarei, avv'el dav'a kavier a Kenan. 6Laha, a Epram iv'el arna v'anu lera kaier nut a Sikem, kaier asn neier iamk, arna nut a Mura. Arna naran nen, m'ertu a Kenan atvlak sarei arna v'anu lera.
7 #
Parei 7:5; Kalesia 3:16. Sarei, a Mlin Eia iv'iv'en Hin an a Epram kavr ti a, “P'etu nadep' laha anr a natm udlani.” Sarei, hin a Epram idren nev'etet atlera, kav'iv'en ti a Mlin Eia itv'iv'en sera Hin ani. 8Iln nut lera kadav'a asn ptha iamk iter arna Is na nut a Petel, kahl nmah kanuisan atlera. Nut a Petel lera iter arna Ues nen, nut Ai iter arna Is nen. Arna nut lera idren nev'etet iamk sanan a Mlin Eia, kav'ara nahan a Mlin Eia. 9Sarei, a Epram iln nut lera, kav'el a ti ipav'a a Saut.
A Epram iv'a arna v'anu a Itsip
10Arna naran lera, m'em'erien lil iamk iak arna v'anu lera. Laha, a Epram iv'a auei a Itsip a ti ipalak atlera, sena ti m'em'erien lil ihua ihuadau arna v'anu. 11Laha, naran ihih ti ipaier a Itsip, ivr an a Sarai, iv'i a naun, kavr ti a, “Palei, nrndu ti nakm kv'i tav'et iamk ip'as istudau. 12Laha, sei ipatu hin iv'i ti, naran ardu a Itsip apavlah, apavvr ti a, ‘Tav'et lera iv'i tav'etan,’ sarei apavrp kana, v'eti apavm'ahu a ti nakm pasilv'. 13#Ap'u 20:2; 26:7.Nmiman anh a ti nakm pavr anr a ti kv'i a v'nk, a ti apavan si p'as a kana, a ti p'esilv' sanam.”
14Sarei, naran a Epram ier nut a Itsip, ardu a Itsip avla ti tav'et lera p'akn ip'as istudau. 15Ardu lililan a Veru avlei kavvrp'ep'ei an a Veru. Laha, avrav'a kavlev' tav'et lera kavuirv'a asn a Veru a ti ipalak al nmahan. 16Hin imhmah an a Epram istudau sanan. A Epram iak a sivsiv, pluk, tuki, avv'i pua nen m'a prapar nen, m'a dui m'er tav'et na m'akarienan, m'er kam'el.
17V'eti a Mlin Eia itep'a m'etien stu lil iamk, ier a Veru m'er nelnal al nmahan sanan a Sarai, a naun a Epram. 18Laha, a Veru iv'ara an a Epram kavr ti a, “?Sena v'ata hin kani inap'i laha m'a kana? ?Inap'i hin kaavr a kana kavr ti iv'i a naum? 19?Inap'i hin kvr ti a, ‘Iv'i a v'nk’? Nut pa ti p'euei ipav'i a nauk. Tav'etam hilaha, palav'i karhau m'ei.” 20Sarei, a Veru itu v'nen anr m'ertuan kavrur a Epram. Laha, avv'av'ei a ti ipaln nut lera m'a sian udlani, m'ei a naun.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2023 Presbyterian Reformed Church of Australia