Ap'u 8
8
Atua ilev'lar a Nua
1Laha, Atua iv'ahur a Nua m'er si dm udlani m'er si slm udlani avlak asnn al nauak. Laha, Atua iani ti nalen iviv arna nadep', dav'a ti nauei m'a nata iv'a a nadep'. 2Nauei udlani iatpeia dan al nadep' ml, uidua na nut eia ap'leskari, laha nu iahau ml. 3Nata m'a nauei irs udlani kadav'a a nadep'. Napn inelnal iv'amk pln inellm' (150) iv'siau sera lei, sarei ti nata m'a nauei iv'a a nadep'. 4Sarei, nauak ilak p'n arna saru na nal, napn nen inal lman isaru, arna ptha lil Ararat. 5Nata m'a nauei udlani irs dav'a ier snal na nal. Arna napn itauamu arna snal na nal lera, avla pna ptha.
6Naran napn inelv'a (40) iv'siau, a Nua iela uidua na nauak la iani ha. 7Katep'a trvn iamk itetv dav'a dama, ier naran nadep' im'am'a udlani. 8Sarei, itep'a navimar iamk asnn, a ti ipala ti nata m'a nauei ihiris arna nadep' v'aha idahei uam. 9V'eti navimar lera iapasla nut kinkin ipap's aranan dav'a kam'alet ml asnn arna nauak, sena ti nauei iter arna nadep' udlani uam. Laha, a Nua iah lm'an kauadei karv'm'alet ani ima ml asnn al nauak. 10Ilak napn isaru ml, sarei katep'lua navimar lahara ml al nauak. 11Sarei, navimar im'alet ml asnn knarev', laha, parn, itpda ru nai iamk, iv'i uliv, al navan. Laha, a Nua irndu ti nata m'a nauei itav'a a nadep', v'eti idahiris. 12Sarei, ilak napn isaru ml katep'a navimar lahara iv'el ml, v'eti iam'alet ml asnn.
13Dav'a, naran paian a Nua inelnal iv'alm'sei pln iamk (601), arna nal itauamu, arna napn itauamu na nal lera, nadep' im'am'a, nauei ihiris arna nadep'. Laha, a Nua ilev'la sei itukar nauak kap'a nut. Laha, parn, ila ti nadep' itm'am'a udlani. 14Dav'a, arna tv'el nal, arna napn inelru, pln isaru (27), nadep' im'am'a udlani.
15Sarei, Atua ivr an a Nua kavr ti a, 16“Pav'a av'aran al nauak, nakm, a naum, a natm dui udlani m'er a naur a natm dui. 17Nakm pav'ev'a si udlani avsilv' kavlak m'ah arna nauak, iv'i m'anh, sei tln iv'a, m'a si udlani avharev' arna nadep', a ti apavtau a natr, kavlev' a natr kavnelnal arna nadep'.” 18Laha, a Nua, m'er a natn dui, m'er a naun, m'er a naur a natn dui, avrav'a av'aran. 19Si udlani tlr iv'a, m'a si udlani avharev' arna nadep', m'er m'anh udlani, m'a si udlani avv'el arna nadep', avviviln a p'klr p'sev', avln nauak kavrav'a av'aran.
Atua ien turanien m'a si udlani iani
20Laha, a Nua ihl nev'etet sanan a Mlin Eia, kalev' ki iamk arna si slm udlani la ip'as arna nahn Atua ha, m'a ki iamk arna m'anh udlani ip'as arna nahn Atua, katau an Atua kali arna nev'etet. 21Laha, a Mlin Eia irn ip'as a m'in. Sarei, a Mlin Eia ivr a Hin, kavr ti a, “Nadep' ikalak a nv' nl rerak ml sena m'ertu naran kinkin, sena ti si udlani iv'ahi arna nln istu nakl, naran isusupa dav'a ima kalil. Nkarp si udlani isilv' ml ipanep'a nut nten sarei inap'ei. 22Nadep' ipater uam, v'eti naran na ti apalu sei m'a naran na ti apahl sei, naran na m'la m'a naran na nut vuv, naran na nu m'a naran na neiel, nut ren v'aha lihat, akavhiris naran.”
Markert nå:
Ap'u 8: nmb
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2023 Presbyterian Reformed Church of Australia
Ap'u 8
8
Atua ilev'lar a Nua
1Laha, Atua iv'ahur a Nua m'er si dm udlani m'er si slm udlani avlak asnn al nauak. Laha, Atua iani ti nalen iviv arna nadep', dav'a ti nauei m'a nata iv'a a nadep'. 2Nauei udlani iatpeia dan al nadep' ml, uidua na nut eia ap'leskari, laha nu iahau ml. 3Nata m'a nauei irs udlani kadav'a a nadep'. Napn inelnal iv'amk pln inellm' (150) iv'siau sera lei, sarei ti nata m'a nauei iv'a a nadep'. 4Sarei, nauak ilak p'n arna saru na nal, napn nen inal lman isaru, arna ptha lil Ararat. 5Nata m'a nauei udlani irs dav'a ier snal na nal. Arna napn itauamu arna snal na nal lera, avla pna ptha.
6Naran napn inelv'a (40) iv'siau, a Nua iela uidua na nauak la iani ha. 7Katep'a trvn iamk itetv dav'a dama, ier naran nadep' im'am'a udlani. 8Sarei, itep'a navimar iamk asnn, a ti ipala ti nata m'a nauei ihiris arna nadep' v'aha idahei uam. 9V'eti navimar lera iapasla nut kinkin ipap's aranan dav'a kam'alet ml asnn arna nauak, sena ti nauei iter arna nadep' udlani uam. Laha, a Nua iah lm'an kauadei karv'm'alet ani ima ml asnn al nauak. 10Ilak napn isaru ml, sarei katep'lua navimar lahara ml al nauak. 11Sarei, navimar im'alet ml asnn knarev', laha, parn, itpda ru nai iamk, iv'i uliv, al navan. Laha, a Nua irndu ti nata m'a nauei itav'a a nadep', v'eti idahiris. 12Sarei, ilak napn isaru ml katep'a navimar lahara iv'el ml, v'eti iam'alet ml asnn.
13Dav'a, naran paian a Nua inelnal iv'alm'sei pln iamk (601), arna nal itauamu, arna napn itauamu na nal lera, nadep' im'am'a, nauei ihiris arna nadep'. Laha, a Nua ilev'la sei itukar nauak kap'a nut. Laha, parn, ila ti nadep' itm'am'a udlani. 14Dav'a, arna tv'el nal, arna napn inelru, pln isaru (27), nadep' im'am'a udlani.
15Sarei, Atua ivr an a Nua kavr ti a, 16“Pav'a av'aran al nauak, nakm, a naum, a natm dui udlani m'er a naur a natm dui. 17Nakm pav'ev'a si udlani avsilv' kavlak m'ah arna nauak, iv'i m'anh, sei tln iv'a, m'a si udlani avharev' arna nadep', a ti apavtau a natr, kavlev' a natr kavnelnal arna nadep'.” 18Laha, a Nua, m'er a natn dui, m'er a naun, m'er a naur a natn dui, avrav'a av'aran. 19Si udlani tlr iv'a, m'a si udlani avharev' arna nadep', m'er m'anh udlani, m'a si udlani avv'el arna nadep', avviviln a p'klr p'sev', avln nauak kavrav'a av'aran.
Atua ien turanien m'a si udlani iani
20Laha, a Nua ihl nev'etet sanan a Mlin Eia, kalev' ki iamk arna si slm udlani la ip'as arna nahn Atua ha, m'a ki iamk arna m'anh udlani ip'as arna nahn Atua, katau an Atua kali arna nev'etet. 21Laha, a Mlin Eia irn ip'as a m'in. Sarei, a Mlin Eia ivr a Hin, kavr ti a, “Nadep' ikalak a nv' nl rerak ml sena m'ertu naran kinkin, sena ti si udlani iv'ahi arna nln istu nakl, naran isusupa dav'a ima kalil. Nkarp si udlani isilv' ml ipanep'a nut nten sarei inap'ei. 22Nadep' ipater uam, v'eti naran na ti apalu sei m'a naran na ti apahl sei, naran na m'la m'a naran na nut vuv, naran na nu m'a naran na neiel, nut ren v'aha lihat, akavhiris naran.”
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2023 Presbyterian Reformed Church of Australia