Mateus 17
17
Ca jimao pin ne tocon Jeju
Marcos 9.2-13; Lucas 9.28-36
1Ma' 6 pin iri na xec pain ca wara tomi' xo' caparut pain ca mi' pin ta' nucun Jeju ne, maji ta ac tococwa na Pedro con Tiago con João ma', coxa' ca Tiago ma', piri' mama' ac cacain na cote ne pacun. Xica' to nana caram ma'. 2Ca noro noro cocon Jeju ma', jimao pin ac ne na tocon. Toc meremem pin na con, an xiho' non xina. Towo' tamana pin na womicon quem. An xiho' nain naran ca toha mip ma'. 3Hwerehwet qui' ho' ac caca na Moisés con Elias cara pane. Pijim' nonon Jeju quem.
4Tomi' ac con na Jeju Pedro: Awi na pain ca to xin i ca' quem Taramaxicon ne. Mo ta param mapa' pain ca quep mi' xuhu' pain wijimain xirim, quep 3 ac tain tara. Mene rain wirain, mene tarain wirain Moisés ma', mene tarain wirain Elias ma' quem na ca tomi' nucun.
5Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.
6Taraju iri nanain ca tomi' nucun Iri' Jam ne, jin' tamana ac caca na. Camara' tucu hwet mi' ac cacain na macan'. 7Xut hwet ac tococwa na, quep ac tococwa na. Tequi' to je. Ta jin' hwe me ta tata.
8Noro pawin iri nana ne, wara om pin na Moisés con Elias. Om ca querec mami' tococwa. Querec xica' pe e' nonon Jeju.
9Quiji' mama' ac cacain na pacun. Pain ca xuruxut xuruxut wet nucucun ma', tomi' ac tococwa na: Ta tomi' hwet huhun oro wari' pain ca querec hwe pata' me. To' e' mami' cain' tarapa' Te ta. Wata' pain ca Iri' Wari' ta' ca', to' e' mami' cain' tarapa' Te. Tomi' hwet ac huhun pain tara ca querec hwe pata' ta na ca tomi' tococwa ma'.
10Tomi' querec ac cocon na co taxipa' ca ma': In qui' cain' tara nonon Elias oro co ca' na taxipa' nanain ca xirao' nucun Moisés ma'. In qui' cain' tara, maqui' ac ca tara co tomi' pe pin ca Iri' Jam pane nana. Cain' cain' xirara quem? Para tomi' ac i ma' caca quem? Ac i ma' na ca tomi' querec cocon ma'.
11Tomi' iri'o' nana ta ac tococwa na. In qui' cain' tara ta nonon Elias oro profeta pane. Ma' ta an to xo' cain ximicocon oro wari' nucun Iri' Jam pain ca winim' cocon co wara tomi' pe ca pane nonon. 12Ac i ma' paxi' na ca tomi' caca pane, ane tomi' pan xuhu' pain i ca' ne: Wara in qui' paxi' na Elias cara pane, ane om querec pin' cocon oro taramaxicon ne. Quep em' nonon, om ca xiram pa' camain' cocon. Ac i ma' tatarapa' pain ca Iri' Wari' ta' ca' quem. Quep em' tatarapa' quem na ca tomi' tococwa ma'.
13Taraju pa' pin ac cacain na ca tomi' nucun. Om na xin ca tomi' con Elias cara pane. Tomi' non João co ja' taxipa' com ta nana.
Ca quep xio pin tocwa pije' co pa' taxipa' tamanain
Marcos 9.14-32; Lucas 9.37-45
14In hwet iri nanaparut pain ca to to wet urut pain xiquijinain pacun ma' ne, wara cut in tamana xucucun oro wari'. Xut hwet ac con na Jeju wari' ma'. Pe torotop mi' ac con na. 15Xiram pa' ne con panxita' ta Taramaxicon ne ac con na. Pa' taxipa' non tamanain. Pa' mip tamana non. Pan' hwet ho' pan' hwet ho' nain xe je pain com quem. 16O mi' paxi' inonon con co taxipa' ma cwa'. Ma' ta quep xio hun inonon. Ane om quep xio taxi' cocon ne na ca tomi' ca ma'.
17Wa inuhu' me ac ca na Jeju. Wahu' pain ca wari' nuhu' pain oro xec nexi' ca', om ca howa camain' mahu'. Caracat tamana hwe ta. Pain pin paxi' na ca pe ho' xuhu' ca'. Je xi howa mahu' quem? Cain' cain' xita' quem? Ha' tara pain ca winim' cara xuhu' pain ca howa xim mahu' ra? Je i ma' ira, an qui' ron pije' ma' ta ac ca na.
18Tomi' in pin ac con na caxicon jam nucun. Hwet ca' ron pije' cwa' non, hwet ca' ac con na, xio hap pin ac ca na quem.
19Xica' to pin iri urut ne, xuruxut hwet ac urut con na Jeju. Tomi' querec ac urut con na: Para om ha' caparut pain ca tomi' mo pin urut con caxicon jam cara ne urut con.
20Xi howa homa mahu' ta ac caparut na. Je ca tomi' xuhu' ca', tomi' iri'o' inuhu': Noro jein wijimain tocwi mostarda ma'. Iri' wijimain na. Iri' wijimain ac i ma' paxi' tara ca howa nuhu' quem. Je i ma' ira, mo ta howa wijimain e' mahu', ha' ac cuhu' tara pain ca tomi' ca' hwein cote ne pacun ca': Ju in mao rain i cain, ac i ma' tara ca tomi' hwein. Ju in mao ac nein i cain tara quem. Mo ta howa ac i ma' mahu', ha' ha' xam' turuhu' oro carawa ta na ca tomi' caparut ma'. 21Ane i'ina pan ca caxicon jam co an xiho' non co pacara ne ne, con pije' cara ne ac caparut na. Ha' e' non wari' co tomi' mi' non con Iri' Jam ma', co an pe nain ca cao' wa pain ca tomi' mi' con con quem na ca tomi' caparut ma'.
22Cut in iri xujuxut pain Galileia ne, tomi' ac caparut na Jeju: Iri' Wari' paxi' ina, ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma'. 23To' pa' pin ac cacapa' tara quem. Ma' 3 pin iri tarapa' xec pain ca mi' pin ne ne, to' e' mami' ac capa' tara Iri' Jam ta na ca tomi' caparut.
Tomi' xaxa' tamana ac urut na quem.
Imposto nein cote ne xiricon Iri' Jam ca pagar je tococwa oro judeu
24Maji pain Cafarnaum ta ac urut na, xuruxut mama' ac urut na. Warut, Jeju, ca' urut. Tan' mama' iri urut pain i cain ne, xuruxut hwet ac cocon na Pedro caram ma' co cut taxipa' nanain wijimain imposto nein cote ne xiricon Iri' Jam ma'. Tomi' querec ac cocon na: Cain' cain' ca taramaxicon nuhu' ma' quem? Om ca pagar cain imposto nein cote ne xiricon Iri' Jam ra? Ac i ma' na ca tomi' querec cocon ma'#17.24 Imposto nein cote ne xiricon Iri' Jam ma', je i ma' dinheiro ca pagar je ca taramaxicon nucucun oro sacerdote ma'. Ma' ta ha' caparut pain ca taramaja wa pain cote ne xiricon Iri' Jam ta na. Je cwerein pain cara pane. .
25Pagar cain ma' ira ac ca na Pedro. Corom mao ac cain na xirim ca to caca ma'.
Tomi' querec ton Jeju paxi' na ira, ane tomi' cain' pan con Jeju ne: Cain' cain' ne ca coromicat nem ma' quem Simão Pedro ac con na. Ma' co pagar jein imposto caca oro taramaxicon ma' quem? Pagar jein tata oro ca nari nucucun ra? Om ca pagar jein tococwa oro xucucun wari' ra? Ac i ma' na ca tomi' querec con ma'.
26Pagar jein tata oro xucucun wari' ta ac ca na Pedro.
Awi na ca tomi' nem ma' ac con na. 27Om xi pagar jein capari' pain ca iri' win ma' ne xun Iri' Jam quem. Ane hohot ne pain ca pagar pan xin ne. Ma' ta om mana' cacapari' co pagar jein nanapari' ma'. Je ca tomi' xim ca' Pedro ac con na. Mao rain com cain. Xin rain macori pi nem ma', quep ac mon tara hwam co cao' cain' nain puxum ma'. Pa iri rain capijacon ne, mam' ac main tara moeda pain capijacon. Ma' 4 tara dracma nein#17.27 Dracma ma', je i ma' dinheiro nucucun oro grego pain cara pane. Wari' co taramaja mi' non xucun wari' ma', pain ca taramaja qui' cain iri' xo' xec, taramaja taramaja irawin pa' ac con na pain ca taramaja nucun ma', an xica' pe ac cain na dracma pain ca taramaja nucun.. Mao ac main i cain tara, pagar ac main tara imposto ne, pagar ac main tara imposto nem ma' quem na ca tomi' con Pedro Jeju pane.
Markert nå:
Mateus 17: TBPN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Copyright 2023 Missão Novos Tribos do Brasil
Mateus 17
17
Ca jimao pin ne tocon Jeju
Marcos 9.2-13; Lucas 9.28-36
1Ma' 6 pin iri na xec pain ca wara tomi' xo' caparut pain ca mi' pin ta' nucun Jeju ne, maji ta ac tococwa na Pedro con Tiago con João ma', coxa' ca Tiago ma', piri' mama' ac cacain na cote ne pacun. Xica' to nana caram ma'. 2Ca noro noro cocon Jeju ma', jimao pin ac ne na tocon. Toc meremem pin na con, an xiho' non xina. Towo' tamana pin na womicon quem. An xiho' nain naran ca toha mip ma'. 3Hwerehwet qui' ho' ac caca na Moisés con Elias cara pane. Pijim' nonon Jeju quem.
4Tomi' ac con na Jeju Pedro: Awi na pain ca to xin i ca' quem Taramaxicon ne. Mo ta param mapa' pain ca quep mi' xuhu' pain wijimain xirim, quep 3 ac tain tara. Mene rain wirain, mene tarain wirain Moisés ma', mene tarain wirain Elias ma' quem na ca tomi' nucun.
5Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.
6Taraju iri nanain ca tomi' nucun Iri' Jam ne, jin' tamana ac caca na. Camara' tucu hwet mi' ac cacain na macan'. 7Xut hwet ac tococwa na, quep ac tococwa na. Tequi' to je. Ta jin' hwe me ta tata.
8Noro pawin iri nana ne, wara om pin na Moisés con Elias. Om ca querec mami' tococwa. Querec xica' pe e' nonon Jeju.
9Quiji' mama' ac cacain na pacun. Pain ca xuruxut xuruxut wet nucucun ma', tomi' ac tococwa na: Ta tomi' hwet huhun oro wari' pain ca querec hwe pata' me. To' e' mami' cain' tarapa' Te ta. Wata' pain ca Iri' Wari' ta' ca', to' e' mami' cain' tarapa' Te. Tomi' hwet ac huhun pain tara ca querec hwe pata' ta na ca tomi' tococwa ma'.
10Tomi' querec ac cocon na co taxipa' ca ma': In qui' cain' tara nonon Elias oro co ca' na taxipa' nanain ca xirao' nucun Moisés ma'. In qui' cain' tara, maqui' ac ca tara co tomi' pe pin ca Iri' Jam pane nana. Cain' cain' xirara quem? Para tomi' ac i ma' caca quem? Ac i ma' na ca tomi' querec cocon ma'.
11Tomi' iri'o' nana ta ac tococwa na. In qui' cain' tara ta nonon Elias oro profeta pane. Ma' ta an to xo' cain ximicocon oro wari' nucun Iri' Jam pain ca winim' cocon co wara tomi' pe ca pane nonon. 12Ac i ma' paxi' na ca tomi' caca pane, ane tomi' pan xuhu' pain i ca' ne: Wara in qui' paxi' na Elias cara pane, ane om querec pin' cocon oro taramaxicon ne. Quep em' nonon, om ca xiram pa' camain' cocon. Ac i ma' tatarapa' pain ca Iri' Wari' ta' ca' quem. Quep em' tatarapa' quem na ca tomi' tococwa ma'.
13Taraju pa' pin ac cacain na ca tomi' nucun. Om na xin ca tomi' con Elias cara pane. Tomi' non João co ja' taxipa' com ta nana.
Ca quep xio pin tocwa pije' co pa' taxipa' tamanain
Marcos 9.14-32; Lucas 9.37-45
14In hwet iri nanaparut pain ca to to wet urut pain xiquijinain pacun ma' ne, wara cut in tamana xucucun oro wari'. Xut hwet ac con na Jeju wari' ma'. Pe torotop mi' ac con na. 15Xiram pa' ne con panxita' ta Taramaxicon ne ac con na. Pa' taxipa' non tamanain. Pa' mip tamana non. Pan' hwet ho' pan' hwet ho' nain xe je pain com quem. 16O mi' paxi' inonon con co taxipa' ma cwa'. Ma' ta quep xio hun inonon. Ane om quep xio taxi' cocon ne na ca tomi' ca ma'.
17Wa inuhu' me ac ca na Jeju. Wahu' pain ca wari' nuhu' pain oro xec nexi' ca', om ca howa camain' mahu'. Caracat tamana hwe ta. Pain pin paxi' na ca pe ho' xuhu' ca'. Je xi howa mahu' quem? Cain' cain' xita' quem? Ha' tara pain ca winim' cara xuhu' pain ca howa xim mahu' ra? Je i ma' ira, an qui' ron pije' ma' ta ac ca na.
18Tomi' in pin ac con na caxicon jam nucun. Hwet ca' ron pije' cwa' non, hwet ca' ac con na, xio hap pin ac ca na quem.
19Xica' to pin iri urut ne, xuruxut hwet ac urut con na Jeju. Tomi' querec ac urut con na: Para om ha' caparut pain ca tomi' mo pin urut con caxicon jam cara ne urut con.
20Xi howa homa mahu' ta ac caparut na. Je ca tomi' xuhu' ca', tomi' iri'o' inuhu': Noro jein wijimain tocwi mostarda ma'. Iri' wijimain na. Iri' wijimain ac i ma' paxi' tara ca howa nuhu' quem. Je i ma' ira, mo ta howa wijimain e' mahu', ha' ac cuhu' tara pain ca tomi' ca' hwein cote ne pacun ca': Ju in mao rain i cain, ac i ma' tara ca tomi' hwein. Ju in mao ac nein i cain tara quem. Mo ta howa ac i ma' mahu', ha' ha' xam' turuhu' oro carawa ta na ca tomi' caparut ma'. 21Ane i'ina pan ca caxicon jam co an xiho' non co pacara ne ne, con pije' cara ne ac caparut na. Ha' e' non wari' co tomi' mi' non con Iri' Jam ma', co an pe nain ca cao' wa pain ca tomi' mi' con con quem na ca tomi' caparut ma'.
22Cut in iri xujuxut pain Galileia ne, tomi' ac caparut na Jeju: Iri' Wari' paxi' ina, ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma'. 23To' pa' pin ac cacapa' tara quem. Ma' 3 pin iri tarapa' xec pain ca mi' pin ne ne, to' e' mami' ac capa' tara Iri' Jam ta na ca tomi' caparut.
Tomi' xaxa' tamana ac urut na quem.
Imposto nein cote ne xiricon Iri' Jam ca pagar je tococwa oro judeu
24Maji pain Cafarnaum ta ac urut na, xuruxut mama' ac urut na. Warut, Jeju, ca' urut. Tan' mama' iri urut pain i cain ne, xuruxut hwet ac cocon na Pedro caram ma' co cut taxipa' nanain wijimain imposto nein cote ne xiricon Iri' Jam ma'. Tomi' querec ac cocon na: Cain' cain' ca taramaxicon nuhu' ma' quem? Om ca pagar cain imposto nein cote ne xiricon Iri' Jam ra? Ac i ma' na ca tomi' querec cocon ma'#17.24 Imposto nein cote ne xiricon Iri' Jam ma', je i ma' dinheiro ca pagar je ca taramaxicon nucucun oro sacerdote ma'. Ma' ta ha' caparut pain ca taramaja wa pain cote ne xiricon Iri' Jam ta na. Je cwerein pain cara pane. .
25Pagar cain ma' ira ac ca na Pedro. Corom mao ac cain na xirim ca to caca ma'.
Tomi' querec ton Jeju paxi' na ira, ane tomi' cain' pan con Jeju ne: Cain' cain' ne ca coromicat nem ma' quem Simão Pedro ac con na. Ma' co pagar jein imposto caca oro taramaxicon ma' quem? Pagar jein tata oro ca nari nucucun ra? Om ca pagar jein tococwa oro xucucun wari' ra? Ac i ma' na ca tomi' querec con ma'.
26Pagar jein tata oro xucucun wari' ta ac ca na Pedro.
Awi na ca tomi' nem ma' ac con na. 27Om xi pagar jein capari' pain ca iri' win ma' ne xun Iri' Jam quem. Ane hohot ne pain ca pagar pan xin ne. Ma' ta om mana' cacapari' co pagar jein nanapari' ma'. Je ca tomi' xim ca' Pedro ac con na. Mao rain com cain. Xin rain macori pi nem ma', quep ac mon tara hwam co cao' cain' nain puxum ma'. Pa iri rain capijacon ne, mam' ac main tara moeda pain capijacon. Ma' 4 tara dracma nein#17.27 Dracma ma', je i ma' dinheiro nucucun oro grego pain cara pane. Wari' co taramaja mi' non xucun wari' ma', pain ca taramaja qui' cain iri' xo' xec, taramaja taramaja irawin pa' ac con na pain ca taramaja nucun ma', an xica' pe ac cain na dracma pain ca taramaja nucun.. Mao ac main i cain tara, pagar ac main tara imposto ne, pagar ac main tara imposto nem ma' quem na ca tomi' con Pedro Jeju pane.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Copyright 2023 Missão Novos Tribos do Brasil