Lukas 21
21
U Inyatád nu Bábbey a Bilo
(Markos 12:41-44)
1Nadid, nikuna a netan ni Jesus u mágkayaman hide a nagtábbung ti pilak tu págdáttonan ti ikapo tu templo, 2netan na be u mahirap a bábbey a bilo a nángtábbung ti duwwa a sentabos. 3Kanya kinagi ni Jesus tu disepulus na hide, “Tatahodan i kagiyán kuwáy nikam, i mahirape a bilo ay mas dakál u inyatád na nan ti inyatád diye a atanan. 4Dipo i mágkayaman ne hide ay u subra la nu kayamanan de u inyatád de. Pero i bilo we a bábbey ay inyatád na u atanan a kabiyagan na.”
Tungkul tu Kákkasida nu Templo
(Mateo 24:1-2; Markos 13:1-2)
5Nágguhunan nu sangan tu disepulus u tungkul tu templo, dipo tu mágkaganda hide a bito a ginamit sakay tu dikurasyon hide a inyáalay nu tolay. Kanya kinagi ni Jesus, 6“Dumemát u aldew a atanan nu ketan moy ay maduhay, awan ti bito a mabuhay a te tupo tu kapareho na a bito.”
U Hirap sakay Pág-usig a Dumemát
(Mateo 24:3-14; Markos 13:3-13)
7Tinanung de ti Jesus, “Maisto, nikan iye a mangyare? Sakay ánya u senyal ni adene dán iye a mangyare?”
8Timmábbeg ti Jesus, “Magingat kam tánni awan kam metawtaw nu agum a tolay! Makpal u dumemát a magkagi a hide u Mesias sakay magkagi, ‘Hikán u Cristo,’ sakay ‘Dummemát dán u panahun!’ Dyan kam maniwala nide. 9Ni mara makabaheta kam ti gera sakay dimaan ay dyan kam mabalisa. Talaga a mangyare iye hide a atanan, pero bakán pálla iye u katapusan ni munduwáy.” 10Sakay kinagi na pa, “Mamággera u bansa ti bansa sakay u kahariyan ti kahariyan. 11Magkahod ti tunay a begsák a linog, sák-aláp, sakay magkahod be tu iba-iba a lugar ti iba-iba a saket. Tehhod be a lumitaw a makaánteng a bagay, sakay makataka hide a senyal a gábwat ti langet.
12Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide. 13Iye dán u pagkakataon moy a mángpakapospos tu Maganda a Baheta tungkul nikán. 14Begsákkan moy i isip moye, dyan kam mabalisa ni kodya moy a dipensaan i sadile moye, 15dipo hikán i mangtolduway nikam tu tama a itábbeg moy, tánni awan ti makagi u kadima moy hide. 16Itokyon kam nu dáddakal moy hide, kakkapatkakka moy hide, kapartidu moy hide sakay barkada moy hide. Sakay ipabuno de u agum nikam. 17Kaiyamután kam nu atanan a tolay dipo tu kássunud moy nikán, 18pero awan ti mawan maskin essa a waget tu buuk moy. 19Tu pagtiis moy ay magkahod kam ti biyag a awan ti kahád.
U Tungkul tu Kákkahábba nu Jerusalem
(Mateo 24:15-21; Markos 13:14-19)
20Pero ni ketan moy a napalebutan dán nu sundalo hide i Jerusalem ay tukoy moy dán a adene dán a masida i banuwanan ina. 21Kaya u katoy hide ti Judea ay dapat guminan dán tu buki-buked, sakay u katoy hide ti Jerusalem ay kailangan a lumakad dán hod. Sakay u katoy hide tu buked ay dyan dán angay tu siyudad. 22Dipo itod dán u págparusa a aldew, tánni matupad u sumássulat tu Kasulatan. 23Kakagbi u mabuktet hide sakay u magpasuso hide ti aldiwan itod! Dipo dumemát u mahigpit a hirap ti lugaran itod, bilang pagparusa nu Diyos ti bansaan ina. 24U agum ay matay hide ti áttak, sakay u agum ay dakáppan sakay ipereso tu iba-iba a bansa. Sakay sakupán nu Hentil hide u banuwan a Jerusalem hanggan matapos u panahun a netakda.”
U Palatandaan nu Kássole nu Anak nu Tolay
(Mateo 24:29-31; Markos 13:24-27)
25Kinagi ni Jesus, “Magkahod ti senyal tu aldew, tu bulan, sakay tu biton hide. Ti lutaáy ay maligalig u atanan a tolay sakay awan de tukoy ni ánya u gággagamitán de dipo tu mabegsak a tánnog nu diget sakay daddakkal a dalondun. 26U tolay hide ay pumatay ti ánteng dipo ti pakán isip ni ánya u mangyare ti munduwáy. Dipo mayanág ti langet sakay u atanan a katoy hod ay meangay tu bakán de a date a páppágyanan. 27Ti Panahunan itod ay ketan de u Anak nu Tolay a pasidung tu panganurin a te kapangyariyan sakay grabi a demlag. 28Nadid, ni magsapul dán a mangyare i bagayan hidenye ay dyan kam manteng, magsaya kam dipo adene dán a dumemát u kaligtasan moy.”
U Adal a Gábwat tu Kayo a Igus
(Mateo 24:32-35; Markos 13:28-31)
29Sakay kinagi ni Jesus u essa a talinhaga, “Ilingán moy u kayo a igus sakay u agum hide a kayo. 30Ni magdaon dán iye ay tukoy moy dán a adene dán a kássinag. 31Konna labi hod, ni ketan moy dán a mangyare dán iye hide a kinagi ko ay tukoy moy a adene dán a maghare u Diyos. 32Tandaan moy, mangyare iye a atanan bagu matay u atanan a tolay a biyag nadid. 33Mawan u langet sakay u luta, pero u upos ko ay awan mamawan.”
Mag-ingat Kam
34Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa. 35Dipo dumemát siya ti lutaáy tu odas a awan asa-asaan nu atanan a tolay. 36Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”
37-38Aldew-aldew ay magtoldu ti Jesus tu templo. Dipo kada dimadimang ay magagabi a angay u tolay hide tu templo para mágsaneg nikuna. Ti gibi ay lumakad siya sakay angay tu Buked nu Olibo hide.
Markert nå:
Lukas 21: MBJC
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Pahanan Agta New Testament © Philippine Bible Society and Wycliffe Bible Translators, Inc., 2017.
Lukas 21
21
U Inyatád nu Bábbey a Bilo
(Markos 12:41-44)
1Nadid, nikuna a netan ni Jesus u mágkayaman hide a nagtábbung ti pilak tu págdáttonan ti ikapo tu templo, 2netan na be u mahirap a bábbey a bilo a nángtábbung ti duwwa a sentabos. 3Kanya kinagi ni Jesus tu disepulus na hide, “Tatahodan i kagiyán kuwáy nikam, i mahirape a bilo ay mas dakál u inyatád na nan ti inyatád diye a atanan. 4Dipo i mágkayaman ne hide ay u subra la nu kayamanan de u inyatád de. Pero i bilo we a bábbey ay inyatád na u atanan a kabiyagan na.”
Tungkul tu Kákkasida nu Templo
(Mateo 24:1-2; Markos 13:1-2)
5Nágguhunan nu sangan tu disepulus u tungkul tu templo, dipo tu mágkaganda hide a bito a ginamit sakay tu dikurasyon hide a inyáalay nu tolay. Kanya kinagi ni Jesus, 6“Dumemát u aldew a atanan nu ketan moy ay maduhay, awan ti bito a mabuhay a te tupo tu kapareho na a bito.”
U Hirap sakay Pág-usig a Dumemát
(Mateo 24:3-14; Markos 13:3-13)
7Tinanung de ti Jesus, “Maisto, nikan iye a mangyare? Sakay ánya u senyal ni adene dán iye a mangyare?”
8Timmábbeg ti Jesus, “Magingat kam tánni awan kam metawtaw nu agum a tolay! Makpal u dumemát a magkagi a hide u Mesias sakay magkagi, ‘Hikán u Cristo,’ sakay ‘Dummemát dán u panahun!’ Dyan kam maniwala nide. 9Ni mara makabaheta kam ti gera sakay dimaan ay dyan kam mabalisa. Talaga a mangyare iye hide a atanan, pero bakán pálla iye u katapusan ni munduwáy.” 10Sakay kinagi na pa, “Mamággera u bansa ti bansa sakay u kahariyan ti kahariyan. 11Magkahod ti tunay a begsák a linog, sák-aláp, sakay magkahod be tu iba-iba a lugar ti iba-iba a saket. Tehhod be a lumitaw a makaánteng a bagay, sakay makataka hide a senyal a gábwat ti langet.
12Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide. 13Iye dán u pagkakataon moy a mángpakapospos tu Maganda a Baheta tungkul nikán. 14Begsákkan moy i isip moye, dyan kam mabalisa ni kodya moy a dipensaan i sadile moye, 15dipo hikán i mangtolduway nikam tu tama a itábbeg moy, tánni awan ti makagi u kadima moy hide. 16Itokyon kam nu dáddakal moy hide, kakkapatkakka moy hide, kapartidu moy hide sakay barkada moy hide. Sakay ipabuno de u agum nikam. 17Kaiyamután kam nu atanan a tolay dipo tu kássunud moy nikán, 18pero awan ti mawan maskin essa a waget tu buuk moy. 19Tu pagtiis moy ay magkahod kam ti biyag a awan ti kahád.
U Tungkul tu Kákkahábba nu Jerusalem
(Mateo 24:15-21; Markos 13:14-19)
20Pero ni ketan moy a napalebutan dán nu sundalo hide i Jerusalem ay tukoy moy dán a adene dán a masida i banuwanan ina. 21Kaya u katoy hide ti Judea ay dapat guminan dán tu buki-buked, sakay u katoy hide ti Jerusalem ay kailangan a lumakad dán hod. Sakay u katoy hide tu buked ay dyan dán angay tu siyudad. 22Dipo itod dán u págparusa a aldew, tánni matupad u sumássulat tu Kasulatan. 23Kakagbi u mabuktet hide sakay u magpasuso hide ti aldiwan itod! Dipo dumemát u mahigpit a hirap ti lugaran itod, bilang pagparusa nu Diyos ti bansaan ina. 24U agum ay matay hide ti áttak, sakay u agum ay dakáppan sakay ipereso tu iba-iba a bansa. Sakay sakupán nu Hentil hide u banuwan a Jerusalem hanggan matapos u panahun a netakda.”
U Palatandaan nu Kássole nu Anak nu Tolay
(Mateo 24:29-31; Markos 13:24-27)
25Kinagi ni Jesus, “Magkahod ti senyal tu aldew, tu bulan, sakay tu biton hide. Ti lutaáy ay maligalig u atanan a tolay sakay awan de tukoy ni ánya u gággagamitán de dipo tu mabegsak a tánnog nu diget sakay daddakkal a dalondun. 26U tolay hide ay pumatay ti ánteng dipo ti pakán isip ni ánya u mangyare ti munduwáy. Dipo mayanág ti langet sakay u atanan a katoy hod ay meangay tu bakán de a date a páppágyanan. 27Ti Panahunan itod ay ketan de u Anak nu Tolay a pasidung tu panganurin a te kapangyariyan sakay grabi a demlag. 28Nadid, ni magsapul dán a mangyare i bagayan hidenye ay dyan kam manteng, magsaya kam dipo adene dán a dumemát u kaligtasan moy.”
U Adal a Gábwat tu Kayo a Igus
(Mateo 24:32-35; Markos 13:28-31)
29Sakay kinagi ni Jesus u essa a talinhaga, “Ilingán moy u kayo a igus sakay u agum hide a kayo. 30Ni magdaon dán iye ay tukoy moy dán a adene dán a kássinag. 31Konna labi hod, ni ketan moy dán a mangyare dán iye hide a kinagi ko ay tukoy moy a adene dán a maghare u Diyos. 32Tandaan moy, mangyare iye a atanan bagu matay u atanan a tolay a biyag nadid. 33Mawan u langet sakay u luta, pero u upos ko ay awan mamawan.”
Mag-ingat Kam
34Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa. 35Dipo dumemát siya ti lutaáy tu odas a awan asa-asaan nu atanan a tolay. 36Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”
37-38Aldew-aldew ay magtoldu ti Jesus tu templo. Dipo kada dimadimang ay magagabi a angay u tolay hide tu templo para mágsaneg nikuna. Ti gibi ay lumakad siya sakay angay tu Buked nu Olibo hide.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Pahanan Agta New Testament © Philippine Bible Society and Wycliffe Bible Translators, Inc., 2017.