Mathew 28 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Felly ewch i wneud pobl o bob gwlad yn ddisgyblion i mi, a’u bedyddio nhw fel arwydd eu bod nhw wedi dod i berthynas â’r Tad, a’r Mab a’r Ysbryd Glân. A dysgwch nhw i wneud popeth dw i wedi’i ddweud wrthoch chi. Gallwch chi fod yn siŵr y bydda i gyda chi bob amser, nes bydd diwedd y byd wedi dod.”

Wedyn dyma Iesu’n mynd atyn nhw ac yn dweud, “Dw i wedi cael awdurdod llwyr i reoli popeth yn y nefoedd ac ar y ddaear.

Yna dyma’r angel yn dweud wrth y gwragedd, “Peidiwch bod ag ofn. Dw i’n gwybod eich bod chi’n edrych am Iesu, yr un gafodd ei groeshoelio. Dydy e ddim yma; mae wedi dod yn ôl yn fyw! Dyna’n union beth ddwedodd fyddai’n digwydd. Dewch yma i weld lle bu’n gorwedd.

“Peidiwch bod ag ofn,” meddai Iesu wrthyn nhw, “Ewch i ddweud wrth fy mrodyr am fynd i Galilea; byddan nhw’n cael fy ngweld i yno.”

Yna aeth y prif offeiriaid i gyfarfod gyda’r arweinwyr eraill i drafod beth i’w wneud. Dyma nhw’n penderfynu talu swm mawr o arian i’r milwyr i ddweud celwydd. “Dyma beth dych chi i’w ddweud: medden nhw, ‘Daeth ei ddisgyblion yn ystod y nos a dwyn y corff tra oedden ni’n cysgu.’ Peidiwch poeni os bydd y llywodraethwr yn clywed y stori, deliwn ni gyda hynny a gwneud yn siŵr na chewch chi’ch cosbi.” Felly dyma’r milwyr yn cymryd yr arian ac yn gwneud beth ddwedwyd wrthyn nhw. Dyma’r stori sydd ar led ymhlith pobl Jwda hyd heddiw!