<div class="version vid1313 iso6393mbb" data-vid="1313" data-iso6393="mbb">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt1"><span class="content">Is Mehitenged te Surat ni Mateo</span></div><div class="ip"><span class="content">Hein insurat ni Mateo heini is surat din subre en he heenem he g&#821;atus he tuig he waz&#224; keugelingen he had&#236; te menge Hudiyu. Midaagdaag sikandan te zuma he menge nasud. Ne zuen neug&#821;et en he penaad te Megbevay&#224; kandan pinaag&#821;i te ebpemeneuven din he iyan is: duen edsug&#821;uen din he egkehimu he had&#236; dan he iyan edlibri kandan.</span></div><div class="ip"><span class="content">Ne iyan insurata ni Mateo kayi te surat din is: ibpesavut din te menge Hudiyu is meupiya he tudtul he iyan is: Iyan en si Jesus sikan is had&#236; he impenaad te Megbevay&#224; kandan su nepurung din memetmetahi si Jesus wey is menge vaal zin wey nezineg din daan is menge penur&#249; ni Jesus.</span></div><div class="ip"><span class="content">Kayi te surat ni Mateo zuen mahabet he tagn&#224; te ebpemeneuven te Megbevay&#224; he impesavut din he nengetuman en pinaag&#821;i ki Jesus. (Iyan haaz&#224; tuus he iyan en sikandin kes had&#236; dan.) Penenglitan is kegkehimuwa kandin he kevuwazan ni had&#236; David, is ked-enaka kandin diy&#224; te Bitlihim wey is kebpekeselet din diy&#224; te Ihiptu. Is kegkevantug din pinaag&#821;i te kebpemaw&#236; din wey is kebpaahaa zin te utew zekel&#224; he hizu zin te menge etew. Iyan, waz&#232; dan sikandin dewata, keken&#224;, impehimetayan dan. Ne is langun kayi, pudu neug&#821;et en is kedtegnaa zuen, ne pudu netuman pinaag&#821;i ki Jesus.</span></div><div class="ip"><span class="content">Pinaag&#821;i kayi te surat ni Mateo edhengyuan din is menge Hudiyu he tuuwi zan si Jesus he iyan had&#236; dan wey menluluwas dan ne mebpengegalen dan kandin.</span></div>
        </div>
    </div>
</div>

Is Mehitenged te Surat ni Mateo
Hein insurat ni Mateo heini is surat din subre en he heenem he g̵atus he tuig he wazà keugelingen he hadì te menge Hudiyu. Midaagdaag sikandan te zuma he menge nasud. Ne zuen neug̵et en he penaad te Megbevayà kandan pinaag̵i te ebpemeneuven din he iyan is: duen edsug̵uen din he egkehimu he hadì dan he iyan edlibri kandan.
Ne iyan insurata ni Mateo kayi te surat din is: ibpesavut din te menge Hudiyu is meupiya he tudtul he iyan is: Iyan en si Jesus sikan is hadì he impenaad te Megbevayà kandan su nepurung din memetmetahi si Jesus wey is menge vaal zin wey nezineg din daan is menge penurù ni Jesus.
Kayi te surat ni Mateo zuen mahabet he tagnà te ebpemeneuven te Megbevayà he impesavut din he nengetuman en pinaag̵i ki Jesus. (Iyan haazà tuus he iyan en sikandin kes hadì dan.) Penenglitan is kegkehimuwa kandin he kevuwazan ni hadì David, is ked-enaka kandin diyà te Bitlihim wey is kebpekeselet din diyà te Ihiptu. Is kegkevantug din pinaag̵i te kebpemawì din wey is kebpaahaa zin te utew zekelà he hizu zin te menge etew. Iyan, wazè dan sikandin dewata, kekenà, impehimetayan dan. Ne is langun kayi, pudu neug̵et en is kedtegnaa zuen, ne pudu netuman pinaag̵i ki Jesus.
Pinaag̵i kayi te surat ni Mateo edhengyuan din is menge Hudiyu he tuuwi zan si Jesus he iyan hadì dan wey menluluwas dan ne mebpengegalen dan kandin.

Słuchaj Mateo Is Mehitenged te Surat ni Mateo