<div class="version vid1351 iso6393sja" data-vid="1351" data-iso6393="sja">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Introducci&#243;n</span></div><div class="ip"><span class="content">G&#233;nesis t&#42892;orroor&#227; pedeede jara k&#42892;inia b&#616; &#8216;chi naarapema&#8217;. Na Libro n&#227;ga t&#42892;&#616;&#771;jarapata tachia leedak&#42892;&#227;ri, k&#42892;awadait&#42892;ee per&#227; Tachi Ak&#42892;&#245;repa s&#227;g&#225; na euj&#227; ooji. Ichiaba na librode k&#42892;awadait&#42892;ee s&#227;gata Tachi Ak&#42892;&#245;repa ooji chi naarapema eper&#227;.</span></div><div class="ip"><span class="content">Na librode jara b&#616; p&#42892;uuru pidaar&#227; israelitaar&#227; apatap&#42892;edaar&#227;d&#233;. Jara b&#616; s&#227;m&#227;ik&#42892;aapa uchiajida. Ichiaba jara b&#616; s&#227;g&#225; Tachi Ak&#42892;&#245;repa ma p&#42892;uuru pidaar&#227; j&#616;r&#616;t&#42892;erada ichia k&#42892;inia b&#616;k&#42892;a p&#42892;anapataadamer&#227;.</span></div><div class="ip"><span class="content">Chonaar&#227;wedadeepa idi parumaa eper&#227;ar&#227;pa ichita ne&#8211;inaa na p&#42892;ek&#42892;au euj&#227;de p&#42892;asapari jarapata ak&#42892;&#245;re waib&#616;a apataar&#227;pa m&#227;ga oopatada apata. Mapa na libro leedak&#42892;&#227;ri, k&#42892;awadait&#42892;ee awaraar&#227; ak&#42892;&#245;re waib&#616;a apataar&#227; k&#42892;&#227;yaara Tachi Ak&#42892;&#245;reta waib&#616;ara b&#616;. Irua ne&#8211;inaa pi&#8211;ia oopari awaraar&#227; ak&#42892;&#245;re waib&#616;a apataar&#227;pa p&#42892;oyaa oodak&#42892;aa.</span></div><div class="ip"><span class="content">Ichiaba na libro leedak&#42892;&#227;ri, k&#42892;awadait&#42892;ee Tachi Ak&#42892;&#245;re apai; na p&#42892;ek&#42892;au euj&#227; ooda. Ichiaba k&#42892;awadait&#42892;ee s&#227;g&#225; Tachi Ak&#42892;&#245;repa k&#42892;inia b&#616; eper&#227;ar&#227; p&#42892;anapataadamer&#227; ichia k&#42892;inia b&#616;k&#42892;a. Na librode p&#42892;&#227; b&#616; chi naarapema eper&#227;ar&#227; s&#227;g&#225; k&#42892;achiade baaijida Tachi Ak&#42892;&#245;re k&#42892;&#297;rapite. M&#227;ga p&#42892;asaji m&#297;da, ichiaba Tachi Ak&#42892;&#245;repa ne&#8211;inaa ooji eper&#227;ar&#227; waya ichi k&#42892;&#297;rapite pia p&#42892;aneedamer&#227;.</span></div><div class="ip"><span class="content">Tachi Ak&#42892;&#245;re pedee pi&#8211;ia estudiapataar&#227;pa na libro pi&#8211;iara estudiadait&#42892;ee t&#42892;oot&#42892;aajida t&#42892;ooma omeede. Chi naapema t&#42892;oomade (cap. 1&#8211;11) unudait&#42892;ee na euj&#227; Tachi Ak&#42892;&#245;repa ook&#42892;&#227;ri. Ichiaba unudait&#42892;ee chi naarapema eper&#227;ar&#227;pa oodap&#42892;edaa k&#42892;achia p&#42892;aneerutamaa iru k&#42892;&#297;rapite. Na t&#42892;oomade ichiaba unudait&#42892;ee eper&#227;ar&#227; uchiadap&#42892;edaar&#227; Adandeepa No&#233; parumaa. Ichiaba jara b&#616; s&#227;g&#225; Tachi Ak&#42892;&#245;repa na p&#42892;ek&#42892;au euj&#227; &#361;ut&#42892;aada. Ichiaba jara b&#616; s&#227;g&#225; pedee awara awaraa uchiadap&#42892;edaa. Chi apema t&#42892;oomade (cap. 12&#8211;50) jara b&#616; s&#227;m&#227;ik&#42892;aapa uchiajida israelitaar&#227; m&#227;ik&#42892;aapa k&#42892;air&#227; paji &#227;chi ak&#42892;&#245;chonaar&#227;. Chi naarapema t&#42892;&#616;&#771;jarapata Abraham, a&#616; eere Isaac, a&#616; eere Jacob m&#227;ik&#42892;aapa Jos&#233;. Na t&#42892;oomade ichiaba jara b&#616; Jos&#233; m&#227;ik&#42892;aapa chi ak&#42892;&#245;re Jacob w&#227;dap&#42892;edaa Egipto euj&#227;dee. Israelitaar&#227; mama p&#42892;an&#616;de k&#42892;achia p&#42892;anapachida Egipto pidaar&#227; jua ek&#42892;ari. M&#227;ga n&#616;de Tachi Ak&#42892;&#245;repa ichi p&#42892;uuru pidaar&#227; ma euj&#227;deepa uchiapiji ateeit&#42892;ee ichia euj&#227; teeit&#42892;eeda adadee.</span></div><div class="ip"><span class="content">Na librode k&#42892;awadait&#42892;ee Tachi Ak&#42892;&#245;repa eper&#227;ar&#227; ichia jara b&#616;k&#42892;a oopataar&#227; ichita k&#42892;aripapari.</span></div>
        </div>
    </div>
</div>

Introducción
Génesis tꞌorroorã pedeede jara kꞌinia bɨ ‘chi naarapema’. Na Libro nãga tꞌɨ̃jarapata tachia leedakꞌãri, kꞌawadaitꞌee perã Tachi Akꞌõrepa sãgá na eujã ooji. Ichiaba na librode kꞌawadaitꞌee sãgata Tachi Akꞌõrepa ooji chi naarapema eperã.
Na librode jara bɨ pꞌuuru pidaarã israelitaarã apatapꞌedaarãdé. Jara bɨ sãmãikꞌaapa uchiajida. Ichiaba jara bɨ sãgá Tachi Akꞌõrepa ma pꞌuuru pidaarã jɨrɨtꞌerada ichia kꞌinia bɨkꞌa pꞌanapataadamerã.
Chonaarãwedadeepa idi parumaa eperãarãpa ichita ne–inaa na pꞌekꞌau eujãde pꞌasapari jarapata akꞌõre waibɨa apataarãpa mãga oopatada apata. Mapa na libro leedakꞌãri, kꞌawadaitꞌee awaraarã akꞌõre waibɨa apataarã kꞌãyaara Tachi Akꞌõreta waibɨara bɨ. Irua ne–inaa pi–ia oopari awaraarã akꞌõre waibɨa apataarãpa pꞌoyaa oodakꞌaa.
Ichiaba na libro leedakꞌãri, kꞌawadaitꞌee Tachi Akꞌõre apai; na pꞌekꞌau eujã ooda. Ichiaba kꞌawadaitꞌee sãgá Tachi Akꞌõrepa kꞌinia bɨ eperãarã pꞌanapataadamerã ichia kꞌinia bɨkꞌa. Na librode pꞌã bɨ chi naarapema eperãarã sãgá kꞌachiade baaijida Tachi Akꞌõre kꞌĩrapite. Mãga pꞌasaji mĩda, ichiaba Tachi Akꞌõrepa ne–inaa ooji eperãarã waya ichi kꞌĩrapite pia pꞌaneedamerã.
Tachi Akꞌõre pedee pi–ia estudiapataarãpa na libro pi–iara estudiadaitꞌee tꞌootꞌaajida tꞌooma omeede. Chi naapema tꞌoomade (cap. 1–11) unudaitꞌee na eujã Tachi Akꞌõrepa ookꞌãri. Ichiaba unudaitꞌee chi naarapema eperãarãpa oodapꞌedaa kꞌachia pꞌaneerutamaa iru kꞌĩrapite. Na tꞌoomade ichiaba unudaitꞌee eperãarã uchiadapꞌedaarã Adandeepa Noé parumaa. Ichiaba jara bɨ sãgá Tachi Akꞌõrepa na pꞌekꞌau eujã ũutꞌaada. Ichiaba jara bɨ sãgá pedee awara awaraa uchiadapꞌedaa. Chi apema tꞌoomade (cap. 12–50) jara bɨ sãmãikꞌaapa uchiajida israelitaarã mãikꞌaapa kꞌairã paji ãchi akꞌõchonaarã. Chi naarapema tꞌɨ̃jarapata Abraham, aɨ eere Isaac, aɨ eere Jacob mãikꞌaapa José. Na tꞌoomade ichiaba jara bɨ José mãikꞌaapa chi akꞌõre Jacob wãdapꞌedaa Egipto eujãdee. Israelitaarã mama pꞌanɨde kꞌachia pꞌanapachida Egipto pidaarã jua ekꞌari. Mãga nɨde Tachi Akꞌõrepa ichi pꞌuuru pidaarã ma eujãdeepa uchiapiji ateeitꞌee ichia eujã teeitꞌeeda adadee.
Na librode kꞌawadaitꞌee Tachi Akꞌõrepa eperãarã ichia jara bɨkꞌa oopataarã ichita kꞌaripapari.

Słuchaj Génesis Introducción