<div class="version vid1480 iso6393enx" data-vid="1480" data-iso6393="enx">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt2"><span class="content">INTRODUCCI&#211;N</span></div><div class="ip"><span class="content">&#8220;G&#233;nesis&#8221; ekteme &#8220;Eyeyn&#243;kxa&#8221;. Xeyenmeyk G&#233;nesis apteme w&#225;nxa xama Dios, ekt&#225;ha axta apkelane eky&#243;kxoho aqsok ekh&#225;gko nak, axta han exn&#233;ssam&#243;k Dios apkelane aqsok nawha'&#225;k ma'a apt&#233;makxa nak &#233;nxet ekha k&#233;l&#225;yo, aph&#233;ssam&#243;k axta m'a apt&#233;makxa nak, apm&#233;ssegkek axta han yaqwayam elanha keso n&#233;lwanm&#233;gkaxa. Xeyenmeyk han &#233;nxet'&#225;k Israel ma'a G&#233;nesis. Ch&#225;xa &#233;nxet'&#225;k nak Dios axta apkely&#233;seykha apt&#233;ma apagkok, aph&#233;ssam&#243;k axta m&#243;k apkelpaqhetch&#225;sam&#225;kpoho. Awanhek axta eyke melaqh&#233;mo &#233;nxet'&#225;k apheykha nak keso n&#225;xop, apkenagkamchek axta ex&#225;mokmak dios. Xeyenmeyk eyke G&#233;nesis apteme w&#225;nxa xama Dios, ekt&#225;ha axta apkelane &#233;nxet, kel&#225;n'a, t&#233;n han eky&#243;kxoho aqsok.</span></div><div class="ip"><span class="content">Apch&#225;sekhayo axta ke&#241;amak Dios &#233;nxet t&#233;n han kel&#225;n'a, apm&#233;ssama s'e xapop nak yaqwayam enxoho ch&#225;'a kalpeykess&#225;sekxak aw&#225;xok, yaqwayam enxoho kaltaqmelchesek t&#233;n han kalcheygkok, &#233;lyah&#225;kxoho enxoho ch&#225;'a m'a appeywa, &#233;lx&#233;n&#225;ncha'a enxoho aqsa ch&#225;'a aw&#225;xok w&#225;nxa m'a Dios. Xeyenmeyk han aqsok ekmaso t&#233;n han nenlegeykegkoho ekteyapma keso n&#225;xop, e&#241;ama &#233;nxet t&#233;n han kel&#225;n'a &#233;lyamasma m'a Dios, ekm&#225;heyo kalanagkok ma'a ekm&#225;meny&#233;ho ancha'awo nak kalanagkok. Chaqhegkek axta apw&#225;xok Dios xa, ke&#241;e apkelenx&#225;neykmo elmallahanchesek xa aqsok ekmaso nak.</span></div><div class="ip"><span class="content">Egwanchek anx&#233;nek G&#233;nesis ekteme &#225;net k&#233;lexp&#225;nchesso eknaqt&#225;x&#233;samaxche. Xama eknaqt&#225;x&#233;samaxche eyeynamo 1 ekweykmoho 11, ekxeyenma nak ekt&#233;makxa &#233;l&#225;nam&#225;xche eky&#243;kxoho aqsok, t&#233;n han &#233;nxet. Ke&#241;e han ekxeyenma ekteyapma aqsok ekmaso t&#233;n han nenlegeykegkoho keso n&#225;xop, t&#233;n han ma'a Ad&#225;n axta aptaw&#225;n'&#225;k nept&#225;men ekweykekxoho m'a No&#233; axta. Xeyenmeyk han ma'a m&#225;meye ekw&#225;nyam axta, t&#233;n han ma'a tegma n&#233;ten apwenaqte Babel axta.</span></div><div class="ip"><span class="content">Ke&#241;e m'a ekt&#225;hakxa nak &#225;net eknaqt&#225;x&#233;samaxche eyeynamo 12 ekweykekxoho 50, ekxeyenma m'a &#233;nxet'&#225;k Israel apkel&#225;nteyapma apkele&#241;ama m'a Abraham, Isaac, t&#233;n han Jacob. Apkeltennassegkek axta Dios egk&#233;sek xapop ma'a Abraham, apkelt&#233;mo etyapok ma'a apke&#241;&#233;mekxa axta. Apkeltennassegkek axta han elm&#233;sek apx&#225;mokma apagko' aptaw&#225;n'&#225;k nept&#225;men, apxeyenma han Dios etaqmelchessesek apheykha apy&#243;kxoho p&#243;k apt&#233;makxa &#233;nxet'&#225;k e&#241;ama apxeyenmakxa axta etn&#233;ssesek ma'a Abraham. Xeyenmeyk han ma'a Jacob axta apketchek, Jos&#233; t&#233;n han apkelpepma, t&#233;n han ekt&#233;makxa axta Jacob yetlo aphaw&#243;xama apkelmaheykegko m'a Egipto. Ch&#225;xa eyeynam&#243;kxa axta han apx&#225;magwayam ma'a &#233;nxet'&#225;k Israel.</span></div><div class="ip"><span class="content">Negwet'ak han ekxeyenma G&#233;nesis e&#241;&#225;ssesagkohok ch&#225;'a Dios ma'a &#233;nxet ekmaso nak apt&#233;makxa. Ke&#241;e m'a &#233;nxet'&#225;k apkelyaheykekxoho nak, t&#233;n han apch&#225;sekhayo nak, elmey&#243;k ch&#225;'a ekwa'a enxoho ekhem ekmaso, enaqlawha ch&#225;'a, t&#233;n han epasmok. Apxeyenmeyk han &#233;nxet'&#225;k Israel megkalw&#225;naqm&#233;k ch&#225;'a, t&#233;n han eltaqmelchesek &#233;lx&#233;nw&#225;kxoho enxoho ch&#225;'a apkelw&#225;xok ma'a ekh&#233;mo m&#243;k apkelpaqhetch&#225;sam&#225;kpoho nak.</span></div><div class="iot"><span class="content">G&#233;nesis agwetak se'e aqsok nak:</span></div><div class="io1"><span class="content">1. Ekt&#233;makxa axta sekx&#243;k &#233;l&#225;nteyapma aqsok </span><span class="ior"><span class="content">1.1&#8212;2.25</span></span></div><div class="io1"><span class="content">2. &#201;nxet'&#225;k melya'ass&#225;xma t&#233;n han nenlegeykegkoho </span><span class="ior"><span class="content">3.1-24</span></span></div><div class="io1"><span class="content">3. Ekt&#233;makxa axta apha Ad&#225;n ekweykekxoho m'a aphakxa axta No&#233; </span><span class="ior"><span class="content">4.1&#8212;5.32</span></span></div><div class="io1"><span class="content">4. Ekt&#233;makxa axta apha No&#233; </span><span class="ior"><span class="content">6.1&#8212;10.32</span></span></div><div class="io1"><span class="content">5. Tegma n&#233;ten apwenaqte Babel </span><span class="ior"><span class="content">11.1-9</span></span></div><div class="io1"><span class="content">6. Ekt&#233;makxa axta &#233;l&#225;nam&#225;xche aqsok aphamakxa axta Sem ekweykmoho m'a Abram axta </span><span class="ior"><span class="content">11.10-32</span></span></div><div class="io1"><span class="content">7. Ekt&#233;makxa axta apha Abraham, Isaac, t&#233;n han Jacob </span><span class="ior"><span class="content">12.1&#8212;35.29</span></span></div><div class="io1"><span class="content">8. Esa&#250; axta aptaw&#225;n'&#225;k nept&#225;men </span><span class="ior"><span class="content">36.1-43</span></span></div><div class="io1"><span class="content">9. Ekt&#233;makxa axta apha Jos&#233; yetlo apkelpepma </span><span class="ior"><span class="content">37.1&#8212;45.28</span></span></div><div class="io1"><span class="content">10. &#201;nxet'&#225;k Israel apheykegkaxa axta Egipto </span><span class="ior"><span class="content">46.1&#8212;50.26</span></span></div>
        </div>
    </div>
</div>

Enxet Lengua Sur Bible © Paraguayan Bible Society, 2015.

INTRODUCCIÓN
“Génesis” ekteme “Eyeynókxa”. Xeyenmeyk Génesis apteme wánxa xama Dios, ektáha axta apkelane ekyókxoho aqsok ekhágko nak, axta han exnéssamók Dios apkelane aqsok nawha'ák ma'a aptémakxa nak énxet ekha kéláyo, aphéssamók axta m'a aptémakxa nak, apméssegkek axta han yaqwayam elanha keso nélwanmégkaxa. Xeyenmeyk han énxet'ák Israel ma'a Génesis. Cháxa énxet'ák nak Dios axta apkelyéseykha aptéma apagkok, aphéssamók axta mók apkelpaqhetchásamákpoho. Awanhek axta eyke melaqhémo énxet'ák apheykha nak keso náxop, apkenagkamchek axta exámokmak dios. Xeyenmeyk eyke Génesis apteme wánxa xama Dios, ektáha axta apkelane énxet, kelán'a, tén han ekyókxoho aqsok.
Apchásekhayo axta keñamak Dios énxet tén han kelán'a, apméssama s'e xapop nak yaqwayam enxoho chá'a kalpeykessásekxak awáxok, yaqwayam enxoho kaltaqmelchesek tén han kalcheygkok, élyahákxoho enxoho chá'a m'a appeywa, élxénáncha'a enxoho aqsa chá'a awáxok wánxa m'a Dios. Xeyenmeyk han aqsok ekmaso tén han nenlegeykegkoho ekteyapma keso náxop, eñama énxet tén han kelán'a élyamasma m'a Dios, ekmáheyo kalanagkok ma'a ekmámenyého ancha'awo nak kalanagkok. Chaqhegkek axta apwáxok Dios xa, keñe apkelenxáneykmo elmallahanchesek xa aqsok ekmaso nak.
Egwanchek anxének Génesis ekteme ánet kélexpánchesso eknaqtáxésamaxche. Xama eknaqtáxésamaxche eyeynamo 1 ekweykmoho 11, ekxeyenma nak ektémakxa élánamáxche ekyókxoho aqsok, tén han énxet. Keñe han ekxeyenma ekteyapma aqsok ekmaso tén han nenlegeykegkoho keso náxop, tén han ma'a Adán axta aptawán'ák neptámen ekweykekxoho m'a Noé axta. Xeyenmeyk han ma'a mámeye ekwányam axta, tén han ma'a tegma néten apwenaqte Babel axta.
Keñe m'a ektáhakxa nak ánet eknaqtáxésamaxche eyeynamo 12 ekweykekxoho 50, ekxeyenma m'a énxet'ák Israel apkelánteyapma apkeleñama m'a Abraham, Isaac, tén han Jacob. Apkeltennassegkek axta Dios egkések xapop ma'a Abraham, apkeltémo etyapok ma'a apkeñémekxa axta. Apkeltennassegkek axta han elmések apxámokma apagko' aptawán'ák neptámen, apxeyenma han Dios etaqmelchessesek apheykha apyókxoho pók aptémakxa énxet'ák eñama apxeyenmakxa axta etnéssesek ma'a Abraham. Xeyenmeyk han ma'a Jacob axta apketchek, José tén han apkelpepma, tén han ektémakxa axta Jacob yetlo aphawóxama apkelmaheykegko m'a Egipto. Cháxa eyeynamókxa axta han apxámagwayam ma'a énxet'ák Israel.
Negwet'ak han ekxeyenma Génesis eñássesagkohok chá'a Dios ma'a énxet ekmaso nak aptémakxa. Keñe m'a énxet'ák apkelyaheykekxoho nak, tén han apchásekhayo nak, elmeyók chá'a ekwa'a enxoho ekhem ekmaso, enaqlawha chá'a, tén han epasmok. Apxeyenmeyk han énxet'ák Israel megkalwánaqmék chá'a, tén han eltaqmelchesek élxénwákxoho enxoho chá'a apkelwáxok ma'a ekhémo mók apkelpaqhetchásamákpoho nak.
Génesis agwetak se'e aqsok nak:
1. Ektémakxa axta sekxók élánteyapma aqsok 1.1—2.25
2. Énxet'ák melya'assáxma tén han nenlegeykegkoho 3.1-24
3. Ektémakxa axta apha Adán ekweykekxoho m'a aphakxa axta Noé 4.1—5.32
4. Ektémakxa axta apha Noé 6.1—10.32
5. Tegma néten apwenaqte Babel 11.1-9
6. Ektémakxa axta élánamáxche aqsok aphamakxa axta Sem ekweykmoho m'a Abram axta 11.10-32
7. Ektémakxa axta apha Abraham, Isaac, tén han Jacob 12.1—35.29
8. Esaú axta aptawán'ák neptámen 36.1-43
9. Ektémakxa axta apha José yetlo apkelpepma 37.1—45.28
10. Énxet'ák Israel apheykegkaxa axta Egipto 46.1—50.26

Słuchaj Génesis INTRODUCCIÓN