Baoulé - 1974 Edition (NT)

<div class="version vid1643 iso6393bci" data-vid="1643" data-iso6393="bci">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">J&#233;sus i tyenle</div><div class="r">(Matt 28:1-10; Marc 16:1-8; Jean 20:1-10)</div><div class="p"> 1Monnen'n b'o ti l&#233; motyue'n i tyen ba klikli'n, bla'm b&#233; fa ayr&#233; fannin'n bo b&#233; y&#244;li'n, b&#233; oo ndia'n su lo nglemun nde kpa'n. 2Ke b&#233; dyuu lo'n, b&#233; wuun ke ba k&#244;nd&#244; ndia'n i anuan'n nun yebue'n. 3B&#233; wluu lo, sannge ba wu'an &#233; Min J&#233;sus i fuen'n. 4Ke b&#233; wu'an sa so'n i wun akunndan buwle'n, b&#233;h niaanh&#8230; swran nnyon bo b&#233; wun trale'n ti nyennyen kpa'n, b&#233; ye b&#233; dyin b&#233; wun le ye'n. 5Sre b'o kun bla mun'n ti, b&#233; t&#244;&#244; b&#233; nyin bl&#244;, ye swran so'm b&#233; usa b&#233; ke: ?Nzu ti ye an kunnde swran nga i nyin &#244; su'n fuen'm b&#233; afieon? 6[O nu'an wa, wa tyen.] Anh bu nde nga ke o te &#244; Galil&#233;e lo'n o kan kl&#233;&#233; amun'n i akunndan, 7o s&#233; ke: &#171;Kannze o y&#244; se, san b&#233;h feh i b'o katyii Swran'n man sa te y&#244;fue mun, b&#233;h b&#244;b&#244;&#233;h waka'n su, ye i l&#233; nsan su oh tyenh.&#187; 8Ye b&#233; wla kpeen J&#233;sus nde'm b&#233; suo.</div><div class="p"> 9B&#233; fin ndia'n su lo b&#233; saa b&#233; sin, b&#233; wa kan sa so'n kwlaa kl&#233;&#233; J&#233;sus sonnzonfue blu-nin-kun'n, o nin b&#233; nga mun. 10B&#233; nga b&#233; wa kan sa so'n kl&#233; b&#233; nga J&#233;sus sunmaan b&#233;'n, b&#233; yele Marie b'o fin Magdala'n, nin Jeanne, nin Marie, Jacques nin'n, ye bla wi&#233; bo b&#233; nin b&#233; &#244; le'n. 11Sannge nde so'n ti sinnzin nde b&#233; nyrun, o man ba lafi'a b&#233; su. 12[Sannge Pierre dya&#244; wanndi oo ndia'n su lo, ke o kpee i nyin as&#233; nian ndia'n nun lo'n, wa wu'an lik&#233; fi, san tanmu&#233;'n b'o gua le'n tye. Ke oh seh i sin ko i lika'n, sa ng'o wunniin'n ti i nuan'n b&#244; i wun.]</div><div class="s">Emma&#252;s kole</div><div class="r">(Marc 16:12-13)</div><div class="p"> 13L&#233; kunngba so'n b&#233; nun swran nnyon b&#233; su ko klo kun bo b&#233; fle i Emma&#252;s b'o nin J&#233;rusalem b&#233; afien dyu kilo blu-nin-kun'n su. 14Ke b&#233;h koh'n, b&#233; su k&#244;k&#244;, b&#233; su k&#244;k&#244; sa kwlaa ng'o y&#244;li'n i su yale. 15Ke b&#233; nuan te &#244; yale so'n su bo b&#233;h k&#244;k&#244;h ko'n, J&#233;sus bobo wa t&#244;&#244; b&#233; su, nan o nin b&#233; a san nun. 16Sannge ba wu'en i swran wle. 17O usa b&#233; ke: ?Nzu yale ye an k&#244;k&#244; koo? Ye b&#233; dyrannion, b&#233; nyrun'n tuun. 18B&#233; nun kun bo b&#233; flee Cl&#233;opas'n use i ke: ?A &#244; o lie nin bo sa ng'o y&#244;&#244; J&#233;rusalem wa'n a wu'an nuon? 19Ye o usa b&#233; ke: ?Nzu saa? Ye b&#233; s&#233; i ke: Sa nga b&#233; y&#244;&#244; J&#233;sus b'o fin Nazareth'n, i nde ye &#233; kaan. O ti Nyanmien nuan idyofue b'o y&#244; sa k&#233;kl&#233;&#233;kl&#233; b'o si idyo kpa Nyanmien nin swran'm b&#233; nyrun. 20I kunle bo &#233; Nyanmien nyrun dyranfue dandan nin &#233; su ngben'm b&#233; kunnde ke b&#233; kuin'n ti b&#233; fe maan swran mun, b&#233; b&#244;b&#244;&#233; waka'n su. 21&#201; lafi i su ke i ye o wa d&#233; Isra&#235;l muon, sannge ke b&#233; y&#244;&#233; sa so'n, i l&#233; nsan ye. 22Kusu bla wi&#233;'m b&#233; &#244; &#233; nun, b&#233; y&#244;&#244; sa kun o b&#244; &#233; nuan kpa, b&#233; dya&#244; oo ndia'n su lo nglemun nde kpa'n, ba wu'en i fuen'n. 23B&#233; wa s&#233; &#233; ke, ange wi&#233;'m b&#233; yi b&#233; wun ngl&#244; kl&#233;&#233; b&#233;, b&#233; s&#233; b&#233; ke wa tyen. 24&#201; nun wi&#233;'m b&#233; oo ndia'n su lo, b&#233; wuun lik&#233; nga bla'm b&#233; keen i nde'n w&#233;iin, sannge ba wu'an J&#233;sus bobo. 25Ye J&#233;sus s&#233; b&#233; ke: An wu'an sa wle, ye nde nga Nyanmien nuan idyofue'm b&#233; kannin'n, an ka le fe'e i ngba su! 26?Ba s&#233;'a ke Christ wunh nyrennen nan wa tren i bia'n su? 27Ye o yiyi i bobo wun nde bo b&#233; klelii Nyanmien Nde'n kwlaa nun'n i nun kl&#233;&#233; b&#233;o. O b&#244;&#244; i b&#244; Mo&#239;se nin Nyanmien nuan idyofue'n kwlaa b&#233; nde'n nun. 28Ke b&#233; dyuu klo nga b&#233; ko su'n i tiwa le'n, J&#233;sus waan oh koh i nyrun &#233;kun. 29Ye b&#233; sre i ke o si&#233; lik&#233;, afin alie'n wa san, wia'n su wa to. Ye o k&#244; si&#233;&#233; lik&#233;o. 30Ke b&#233; traan alie'n sin'n, o fa kpaun, o la Nyanmien as&#233;, o bubu nun fa maan b&#233;. 31Ye b&#233; wuun i wle ke J&#233;sus-o, kpekuun wa mlin b&#233; nyrun. 32Ye b&#233; s&#233; b&#233; wi&#233;ngu ke: ?Ke oh kanh nde kl&#233; &#233; b'oh yiyih Nyanmien Nde nga b&#233; kleli'n nun kl&#233; &#233; atin'n nun lo'n, o y&#244; &#233; fe dan, nenh io? 33B&#233; dya &#244;su kunngba'n nun le, b&#233; dya&#244; saa b&#233; sin J&#233;rusalem, b&#233; t&#244;&#244; J&#233;sus sonnzonfue blu-nin-kun'n o nin b&#233; wi&#233;ngu nga b&#233; yia le'n b&#233; le. 34B&#233; nuan &#244; su b&#233; su kan ke: &#201; Min'n tyennin sakpa, Simon wunniin. 35Ye b&#233; nnyon'n b&#233; kusu b&#233; kan sa nga b&#233; wunniin atin nun'n, o nin ke o bubuu kpaun nun bo b&#233; wunnin i wle'n kl&#233;&#233; b&#233;.</div><div class="s">J&#233;sus wun b'o yi kl&#233;&#233; i sonnzonfue mun'n</div><div class="r">(Matt 28:16-20; Marc 16:14-18; Jean 20:19-23)</div><div class="p"> 36B&#233; nuan'n bo te &#244; nde so'n su, kpekuun i bobo a kpen b&#233; afien le, [o s&#233; b&#233; ke: Anh gua amun wla as&#233;.] 37B&#233; kpitili, sre kunnin b&#233; dan kpa, b&#233; bu i ke wunmieon. 38Ye o usa b&#233; ke: ?Nzu ti ye amun akunndan sanngan so bo an bu akunndan ke nga saa? 39Anh nian n sa'n nin n dya'n, mion, anh fa amun sa fuafua min wun nian, wunmien'm b&#233; le'a wunnen nin &#244;wi&#233; ke nga n le ye'n sa. 40[Ke o s&#233;&#233; b&#233; so'n, o fe i sa'n nin i dya'n kl&#233;&#233; b&#233;.] 41Sannge o nin i so'n ngba, b&#233; wun b'o blibli b&#233;'n nin b&#233; nuan b'o b&#244; b&#233; wun'n ti, o y&#244; b&#233; lalie nun, ye o usa b&#233; ke: ?An le lik&#233; diwa wi&#233; wa? 42Ye b&#233; fa dyu&#233; keenwa sin kun meen io. 43O soo nun, nan wa di b&#233; nyrun le.</div><div class="p"> 44I sin o s&#233; b&#233; ke: Nde nga ye ke min nin amun te &#244; le'n n kan kl&#233;&#233; amun nion, ke min wun nde kwlaa nga b&#233; klee Mo&#239;se mmla'n nun'n, o nin Nyanmien nuan idyofue'm b&#233; nde'n nun'n, nin psaume'm b&#233; nun'n san oh kpenh su. 45Ye o man b&#233; wuun Nyanmien Nde nga b&#233; kleli'n i wleo. 46Nan wa s&#233; b&#233; ke: Nde so'n b&#233; klelii ke: Christ wunh nyrennen ye i l&#233; nsan su oh tyenh. 47Ye i dunman nun b&#233;h kanh kl&#233; nvl&#233;nvl&#233;'n kwlaa ke b&#233; katyi b&#233; nzuen'n, nan Nyanmien yatyi sa nga b&#233; y&#244;lii'n tye b&#233;. B&#233;h b&#244;h i kanle'n b&#244; J&#233;rusalem wa.</div><div class="p"> 48Amun ye an ti sa so'm b&#233; kanfueo. 49Anh nian, lik&#233; nga n Si s&#233; ke oh bleh amun'n m bobo m man lik&#233; so'n oh bah. O man amun kusu anh tran klo'n su wa l&#233;l&#233; man Nyanmien tin amun ka.</div><div class="s">J&#233;sus i nyanmien su kole</div><div class="r">(Marc 16:19-20)</div><div class="p"> 50O fa b&#233; oo l&#233;l&#233; b&#233; dyuu B&#233;thanie nuan lo, o men i sa'n su o yre i nuan ke Nyanmien dyran b&#233; sin. 51Ke oh yreh i nuan so'n, wuun o nin b&#233; su ti nun, [ye Nyanmien men i su oo nyanmien su loo.] 52I sonnzonfue'm b&#233; kusu, [ke b&#233; k&#244;t&#244;li b&#233; menmenniin'n,] bo b&#233;h sah b&#233; sin J&#233;rusalem'n, b&#233; klun dyo dan kpa. 53B&#233; tran Nyanmien sua dan'n nun, b&#233; le i as&#233; tititi.</div>
 </div>
 </div>
</div>

Baoulé New Testament © Alliance Biblique Universelle, 1974. 

Monnen'n b'o ti lé motyue'n i tyen ba klikli'n, bla'm bé fa ayré fannin'n bo bé yôli'n, bé oo ndia'n su lo nglemun nde kpa'n. Ke bé dyuu lo'n, bé wuun ke ba kôndô ndia'n i anuan'n nun yebue'n. Bé wluu lo, sannge ba wu'an é Min Jésus i fuen'n. Ke bé wu'an sa so'n i wun akunndan buwle'n, béh niaanh… swran nnyon bo bé wun trale'n ti nyennyen kpa'n, bé ye bé dyin bé wun le ye'n. Sre b'o kun bla mun'n ti, bé tôô bé nyin blô, ye swran so'm bé usa bé ke: ?Nzu ti ye an kunnde swran nga i nyin ô su'n fuen'm bé afieon? [O nu'an wa, wa tyen.] Anh bu nde nga ke o te ô Galilée lo'n o kan kléé amun'n i akunndan, o sé ke: «Kannze o yô se, san béh feh i b'o katyii Swran'n man sa te yôfue mun, béh bôbôéh waka'n su, ye i lé nsan su oh tyenh.» Ye bé wla kpeen Jésus nde'm bé suo.
Bé fin ndia'n su lo bé saa bé sin, bé wa kan sa so'n kwlaa kléé Jésus sonnzonfue blu-nin-kun'n, o nin bé nga mun. Bé nga bé wa kan sa so'n klé bé nga Jésus sunmaan bé'n, bé yele Marie b'o fin Magdala'n, nin Jeanne, nin Marie, Jacques nin'n, ye bla wié bo bé nin bé ô le'n. Sannge nde so'n ti sinnzin nde bé nyrun, o man ba lafi'a bé su. [Sannge Pierre dyaô wanndi oo ndia'n su lo, ke o kpee i nyin asé nian ndia'n nun lo'n, wa wu'an liké fi, san tanmué'n b'o gua le'n tye. Ke oh seh i sin ko i lika'n, sa ng'o wunniin'n ti i nuan'n bô i wun.]


Lé kunngba so'n bé nun swran nnyon bé su ko klo kun bo bé fle i Emmaüs b'o nin Jérusalem bé afien dyu kilo blu-nin-kun'n su. Ke béh koh'n, bé su kôkô, bé su kôkô sa kwlaa ng'o yôli'n i su yale. Ke bé nuan te ô yale so'n su bo béh kôkôh ko'n, Jésus bobo wa tôô bé su, nan o nin bé a san nun. Sannge ba wu'en i swran wle. O usa bé ke: ?Nzu yale ye an kôkô koo? Ye bé dyrannion, bé nyrun'n tuun. Bé nun kun bo bé flee Cléopas'n use i ke: ?A ô o lie nin bo sa ng'o yôô Jérusalem wa'n a wu'an nuon? Ye o usa bé ke: ?Nzu saa? Ye bé sé i ke: Sa nga bé yôô Jésus b'o fin Nazareth'n, i nde ye é kaan. O ti Nyanmien nuan idyofue b'o yô sa kéklééklé b'o si idyo kpa Nyanmien nin swran'm bé nyrun. I kunle bo é Nyanmien nyrun dyranfue dandan nin é su ngben'm bé kunnde ke bé kuin'n ti bé fe maan swran mun, bé bôbôé waka'n su. É lafi i su ke i ye o wa dé Israël muon, sannge ke bé yôé sa so'n, i lé nsan ye. Kusu bla wié'm bé ô é nun, bé yôô sa kun o bô é nuan kpa, bé dyaô oo ndia'n su lo nglemun nde kpa'n, ba wu'en i fuen'n. Bé wa sé é ke, ange wié'm bé yi bé wun nglô kléé bé, bé sé bé ke wa tyen. É nun wié'm bé oo ndia'n su lo, bé wuun liké nga bla'm bé keen i nde'n wéiin, sannge ba wu'an Jésus bobo. Ye Jésus sé bé ke: An wu'an sa wle, ye nde nga Nyanmien nuan idyofue'm bé kannin'n, an ka le fe'e i ngba su! ?Ba sé'a ke Christ wunh nyrennen nan wa tren i bia'n su? Ye o yiyi i bobo wun nde bo bé klelii Nyanmien Nde'n kwlaa nun'n i nun kléé béo. O bôô i bô Moïse nin Nyanmien nuan idyofue'n kwlaa bé nde'n nun. Ke bé dyuu klo nga bé ko su'n i tiwa le'n, Jésus waan oh koh i nyrun ékun. Ye bé sre i ke o sié liké, afin alie'n wa san, wia'n su wa to. Ye o kô siéé likéo. Ke bé traan alie'n sin'n, o fa kpaun, o la Nyanmien asé, o bubu nun fa maan bé. Ye bé wuun i wle ke Jésus-o, kpekuun wa mlin bé nyrun. Ye bé sé bé wiéngu ke: ?Ke oh kanh nde klé é b'oh yiyih Nyanmien Nde nga bé kleli'n nun klé é atin'n nun lo'n, o yô é fe dan, nenh io? Bé dya ôsu kunngba'n nun le, bé dyaô saa bé sin Jérusalem, bé tôô Jésus sonnzonfue blu-nin-kun'n o nin bé wiéngu nga bé yia le'n bé le. Bé nuan ô su bé su kan ke: É Min'n tyennin sakpa, Simon wunniin. Ye bé nnyon'n bé kusu bé kan sa nga bé wunniin atin nun'n, o nin ke o bubuu kpaun nun bo bé wunnin i wle'n kléé bé.


Bé nuan'n bo te ô nde so'n su, kpekuun i bobo a kpen bé afien le, [o sé bé ke: Anh gua amun wla asé.] Bé kpitili, sre kunnin bé dan kpa, bé bu i ke wunmieon. Ye o usa bé ke: ?Nzu ti ye amun akunndan sanngan so bo an bu akunndan ke nga saa? Anh nian n sa'n nin n dya'n, mion, anh fa amun sa fuafua min wun nian, wunmien'm bé le'a wunnen nin ôwié ke nga n le ye'n sa. [Ke o séé bé so'n, o fe i sa'n nin i dya'n kléé bé.] Sannge o nin i so'n ngba, bé wun b'o blibli bé'n nin bé nuan b'o bô bé wun'n ti, o yô bé lalie nun, ye o usa bé ke: ?An le liké diwa wié wa? Ye bé fa dyué keenwa sin kun meen io. O soo nun, nan wa di bé nyrun le.
I sin o sé bé ke: Nde nga ye ke min nin amun te ô le'n n kan kléé amun nion, ke min wun nde kwlaa nga bé klee Moïse mmla'n nun'n, o nin Nyanmien nuan idyofue'm bé nde'n nun'n, nin psaume'm bé nun'n san oh kpenh su. Ye o man bé wuun Nyanmien Nde nga bé kleli'n i wleo. Nan wa sé bé ke: Nde so'n bé klelii ke: Christ wunh nyrennen ye i lé nsan su oh tyenh. Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.
Amun ye an ti sa so'm bé kanfueo. Anh nian, liké nga n Si sé ke oh bleh amun'n m bobo m man liké so'n oh bah. O man amun kusu anh tran klo'n su wa lélé man Nyanmien tin amun ka.


O fa bé oo lélé bé dyuu Béthanie nuan lo, o men i sa'n su o yre i nuan ke Nyanmien dyran bé sin. Ke oh yreh i nuan so'n, wuun o nin bé su ti nun, [ye Nyanmien men i su oo nyanmien su loo.] I sonnzonfue'm bé kusu, [ke bé kôtôli bé menmenniin'n,] bo béh sah bé sin Jérusalem'n, bé klun dyo dan kpa. Bé tran Nyanmien sua dan'n nun, bé le i asé tititi.

Słuchaj Luc 24