<div class="version vid1797 iso6393tlj" data-vid="1797" data-iso6393="tlj">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt"><span class="content">Kwanjula</span></div><div class="ip"><span class="content">Matayo akaba ali omui mu beeghesebuwa baa Yesu. Kimui haa bighendeleluwa biye bya kuhandiika kitabo kini, ni kwoleka Bayu&#817;daaya baanakiye ngu Yesu niiye Mu&#817;ju&#817;ni&#817; (Masiya) oghu Luhanga aalaghani&#817;i&#817;je kubatumila. Niikiyo kyaleki&#817;ye Matayo aatandika kuhandiika kitabo kini naasolongi&#817;ya baataata baa Yesu, kandi mu kitabo kini kyona ooleki&#817;ye ngu Yesu niiye akaasu&#817;li&#817;i&#817;si&#817;ya bulangi&#817; obu baalangi&#817;ye mu Ndaghaano Nkulu.</span></div><div class="ip"><span class="content">Matayo atodhi&#817;ye aabu&#817;gh&#700;o njegheesi&#817;ya ya Yesu eghi yaaghilagha ngu bu&#817;lemi&#817; bwa Luhanga ni bwa bantu baa mahanga ghoona abakukolagha ebi Luhanga abbali&#817;ye. Tukubona Yesu naaghambila bantu ngoku bu&#817;lemi&#817; bwa Luhanga buli (nsuula 5&#8212;7). Akwegheesi&#817;yagha ngoku bu&#817;lemi&#817; buni bukugbaatikana munsi (nsuula 10). Abu&#817;ghi&#817;ye nsi&#817;mo esikwet&#700;o bu&#817;lemi&#817; obu (nsuula 13). Eegheeseei&#817;y&#700;o ngoku tubhonganuuwe kuukala mu bu&#817;lemi&#817; bwa Luhanga (nsuula 18). Haakumaliilila ooleki&#817;ye ngoku bu&#817;lemi&#817; bwa Luhanga bukwisa munsi (nsuula 24&#8212;25).</span></div><div class="ip"><span class="content">Kitabo kini ki&#817;bu&#817;ghi&#817;y&#700;o makulu haa bwomi&#817;i&#817;li&#817; bwa Yesu ku&#817;lu&#817;gha haa ntandiko ku&#817;hi&#817;ki&#817;ya haakumaliilila. Kitandi&#817;ki&#817;ye na ku&#817;byaluwa kuwe. Kyabu&#817;gh&#700;o kubati&#817;i&#817;ji&#817;buwa na kwohebuwa kuwe na Si&#817;taani&#817;. Kyabu&#817;gh&#700;o dhee mulimo ghuwe ghwa kutebeja, kwegheesi&#817;ya, kandi ku&#817;ki&#817;li&#817;ya mu di&#817;si&#817;tu&#817;li&#817;ki&#817;ti&#817; ya Galilaaya. Du&#817;mbi&#817; aahandiik&#700;o lughendo lwa Yesu ku&#817;lu&#817;gha Galilaaya ku&#817;hi&#817;ka Yelusaalemu. Aabu&#817;gh&#700;o ebyabaay&#700;o Yesu mu wi&#817;i&#817;ki&#817; yakumaliilila ya bwomi&#817;i&#817;li&#817; buwe munsi. Aabu&#817;gh&#700;o kubambuwa kandi ku&#817;hu&#817;mbu&#817;u&#817;ka kwa Yesu.</span></div><div class="ip"><span class="content">Kitabo kini kimaliliiye na kilaghilo kyamaani&#817; kya Yesu haabwa beeghesebuwa be kughenda kufoola bantu baa mahanga ghoona kuba beeghesebuwa be.</span></div>
        </div>
    </div>
</div>

Kwanjula
Matayo akaba ali omui mu beeghesebuwa baa Yesu. Kimui haa bighendeleluwa biye bya kuhandiika kitabo kini, ni kwoleka Bayu̱daaya baanakiye ngu Yesu niiye Mu̱ju̱ni̱ (Masiya) oghu Luhanga aalaghani̱i̱je kubatumila. Niikiyo kyaleki̱ye Matayo aatandika kuhandiika kitabo kini naasolongi̱ya baataata baa Yesu, kandi mu kitabo kini kyona ooleki̱ye ngu Yesu niiye akaasu̱li̱i̱si̱ya bulangi̱ obu baalangi̱ye mu Ndaghaano Nkulu.
Matayo atodhi̱ye aabu̱ghʼo njegheesi̱ya ya Yesu eghi yaaghilagha ngu bu̱lemi̱ bwa Luhanga ni bwa bantu baa mahanga ghoona abakukolagha ebi Luhanga abbali̱ye. Tukubona Yesu naaghambila bantu ngoku bu̱lemi̱ bwa Luhanga buli (nsuula 5—7). Akwegheesi̱yagha ngoku bu̱lemi̱ buni bukugbaatikana munsi (nsuula 10). Abu̱ghi̱ye nsi̱mo esikwetʼo bu̱lemi̱ obu (nsuula 13). Eegheeseei̱yʼo ngoku tubhonganuuwe kuukala mu bu̱lemi̱ bwa Luhanga (nsuula 18). Haakumaliilila ooleki̱ye ngoku bu̱lemi̱ bwa Luhanga bukwisa munsi (nsuula 24—25).
Kitabo kini ki̱bu̱ghi̱yʼo makulu haa bwomi̱i̱li̱ bwa Yesu ku̱lu̱gha haa ntandiko ku̱hi̱ki̱ya haakumaliilila. Kitandi̱ki̱ye na ku̱byaluwa kuwe. Kyabu̱ghʼo kubati̱i̱ji̱buwa na kwohebuwa kuwe na Si̱taani̱. Kyabu̱ghʼo dhee mulimo ghuwe ghwa kutebeja, kwegheesi̱ya, kandi ku̱ki̱li̱ya mu di̱si̱tu̱li̱ki̱ti̱ ya Galilaaya. Du̱mbi̱ aahandiikʼo lughendo lwa Yesu ku̱lu̱gha Galilaaya ku̱hi̱ka Yelusaalemu. Aabu̱ghʼo ebyabaayʼo Yesu mu wi̱i̱ki̱ yakumaliilila ya bwomi̱i̱li̱ buwe munsi. Aabu̱ghʼo kubambuwa kandi ku̱hu̱mbu̱u̱ka kwa Yesu.
Kitabo kini kimaliliiye na kilaghilo kyamaani̱ kya Yesu haabwa beeghesebuwa be kughenda kufoola bantu baa mahanga ghoona kuba beeghesebuwa be.

Słuchaj Matayo Kwanjula