Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Jo&#227;o Batista Makore Jiboe Reo</div><div class="p"> 1Ia meri keje Jo&#227;o Batista rakojere boe maereu keje Jud&#233;ia moto keje. Nonore rakojere tumago tabo Pao Kurireu bataruji. 2Akore: &#8211; Tagera ra taro pegareu piji. Boe puredugodu Pao Kurireu uwo boe eimijera kurireudo pudumi rugadu.</div><div class="p"> 3Ainore Jo&#227;o Batista akore. Marigudu Pao Kurireu ure boe ewie ia makore Pao Kurireu bataru jiwu aregodumoduie nono Jo&#227;o Batista mogadure rugadu. Mariguduwu makore Pao Kurireu bataru jiwu Isa&#237;as ure nou Pao Kurireu bataru bu bapera keje. Akore:</div><div class="q">&#8211; Ia imedu uwadodunure boe maereu keje boe ewo awara jetorodo boe eimijera aregodu pemegawo boe etae. Mare awara ji karega akoino. Boe ewo turo jetorodo. Dujire akoino. Boe ewo turo pemegado, umode boe ekinorudowu imedu aregodumode Pao Kurireu piji kodi. Dujire akoino.#3.3 Awu bataru padure Isa&#237;as 40.3 keje.</div><div class="p">Jo&#227;o Batista jirabodu Pao Kurireu akoino. 4Jo&#227;o Batista ukudaure camelo bu&#269;e. Pegajejewure tapira biri rema. Okwagere tu kitariga dogei, ropa doge eweguruji tu rugadu. 5Boe emagare tudu tabo Jo&#227;o Batista ae. Etaregodure Jud&#233;ia moto piji. Etaregodure Jerusal&#233;m ba kurireu piji. Etaregodure Jord&#227;o Po okwaiwu moto jamedu boe piji tumearduwo Jo&#227;o Batista makore jiboeji. 6Emeardure Jo&#227;o Batista bataruji dukeje emagore turo pegareu jiboeji, taiduie tuwo tugera ra nou turo pegareu jiboe piji. Nono Jo&#227;o Batista ure etao pegodo Jord&#227;o Po tada.</div><div class="p"> 7Mare ia fariseu#3.7 Fariseu doge Judeu doge eimijerage nure emage. Fariseu doge emeardae pemegare pudui. Emeardaere turo pega karegure. Ere turagado pudui tuiorduwawo makudure Judeu doge etaiwu bakaru jamedu boeji. Emeardaere tuiorduwaie Pao Kurireu bataruji rugadu. Mare etaidure boe emeartoruwo tu pudui rugadu. Ere boe eimijerage kurireugedo pudumi rugadu. Dukodire ere boe rakado Judeu dogei rugadu tuwo Judeu doge ero jetorodo tiagai rugadu. doge etaregodure Jo&#227;o Batista ae. Ia saduceu#3.7 Saduceu doge Judeu doge eimijerage nure emage jamedu. Saduceu doge etaidure oe kurireugei. Ewiapagakare marenarue dogei rugadu. Emeardaere boe ewimoduie dukeje etageduie rugadu. Egore boe eewodumodukaie pugeje rugadu. doge etaregodure Jo&#227;o Batista ae jamedu. Judeu doge eimijerage nure emage. Etaregodure Jo&#227;o Batista ae etao pegododuwo jamedu. Mare etaidukare tuwo tugera ra nou turo pegareu piji. Dukodire Jo&#227;o Batista makore ei. Akore: &#8211; Tare nono awage pegareuge emogadure. Mare awagu ji karega inagoino. Tare tadugarege Judeu doge ekiripagado. Tagagore taro pemegaie mare ro pegareuge nure tagi rugadu. Ko&#269;are tagaregodure mato iwagai. Tarokwa&#269;ereu bokware. Pao Kurireu umode boe pegado tai taro pegareu mori&#269;e rugadu. 8Mare taro jetorodo tarore jiboeji boe erduwo taroji boe erduwawo tare tagera ra taro pegareu piji duji. 9Mare tamodukare tagera ra taro pegareu piji dukeje Pao Kurireu uwobe emodukare tagi. Tagagore boe etuo Abra&#227;o ore enuie tagi dukodire Pao Kurireu uwobe enuie tagi. Ainore tagagore. Boe jokodu jire tagagoino. Abra&#227;o uwobe nure tagi rugadu. Mare du inodu kodi karega Pao Kurireu ro pegamodukare tai taro pegareu mori&#269;e. Ro pegareuge nure tagi rugadu. Dukodire tagare nono Abra&#227;o uwobe remawuge emogadure pugeje. Pao Kurireu roiware tuwo tori udo nono boe mogadure tuwo Abra&#227;o uwobedo emage tamugato. 10Boe emode tudureboe i butudo jerigi&#269;e tudu bokware dukodi. Tagi tagagomode tamoduie tagera ra taro pegareu piji mare taro pemegamodukare, tameardae pemegamodukare dukeje Pao Kurireu ro pegamode tai jamedu nono boe erore nou jerigi jitu mogadure. Mare jerigi ji karega inagoino. Boe pegamode tai rugadu. Dujire inagoino. Pao Kurireu umode boe pegado tai taro pegareu mori&#269;e kuri je rugadu. Dujire inagoino. 11Boe ere tugera ra turo pegareu piji dukodire ire etao pegodo pobo tabo. Mare ia imedu ro kodumode ikoriwu aregodumode kuri iregodaji. Boe pemegareu nure ema, boe kurireu mode ema rugadu. Dukodire ipogurumode ipureduwo ji, kurikareu nure imi kodi. Emare umode Tuwari tugu boe emeardaeto boe ero pemegawo. Umode ro pegareuge ewarigu joruto jamedu. 12Romode nono ia imedu rore trigo jitu mogadure. Imedu umode trigo jukodo baku tabo tuwo iwo tawuje nou trigo piji. Nou trigo remawure umode tugu baito. Nou iwore umode barigu joruto. Nou umode boe ekinorudowu romode aino boei jamedu. Meartorure Pao Kurireu jiwuge ere nono trigo mogadure. Mare trigo ji karega inagoino. Umode boe ekinorudowu umode meartorure Pao Kurireu jiwuge etawuje ro pegareuge epiji tuwo edudo pudabo. Dujire inagoino. Umode ro pegareuge ewarigu bope doge eda kejewu joru pegareuto. Dujire inagoino. Nou joru akedumodukare rugadu.</div><div class="p">Ainore Jo&#227;o Batista akore.</div><div class="s">Jesus Ao Pegododure</div><div class="p"> 13Ia meri keje Jesus uture Galil&#233;ia moto piji toro Jord&#227;o Po ka, Jo&#227;o Batista bagai, Jo&#227;o Batista uwo Jesus ao pegodo. 14Jesus aregodure Jo&#227;o Batista ae mare Jo&#227;o Batista aidukare tuwo Jesus ao pegodo. Akore: &#8211; Ro pegareu nure imi dukodire ipemegakare iwo akao pegodo. Aki apemegare awo itao pegodo rugadu.</div><div class="p"> 15Mare Jesus akore: &#8211; Boro. Amode itao pegodo rugadu. Ainore Pao Kurireu meardaere. Amode itao pegodo dukeje pamode Pao Kurireu makore jiboe jamedu boe jetudo pudui. Aino Pao Kurireu meardae pemegareu jire paroino rugadu.</div><div class="p">Dukodire Jo&#227;o Batista ure tumeardaedo nono Jesus makore jiboe mogadure. 16Ure Jesus ao pegodo rugadu. Dukeje Jesus ure tudawuje Jord&#227;o Po piji. Nono barure tuiado. Jesus jordure Pao Kurireu Uwari ure turawuje baru piji rugadu. Ure nono metugore. Ure tumugudo Jesus keje. 17Nono Pao Kurireu makore baru piji. Akore: &#8211; Itonaregedu reo. Imeardu kurire ji rugadu. Ure iagaredo i rugadu.</div>
 </div>
 </div>
</div>

Ia meri keje João Batista rakojere boe maereu keje Judéia moto keje. Nonore rakojere tumago tabo Pao Kurireu bataruji. Akore: – Tagera ra taro pegareu piji. Boe puredugodu Pao Kurireu uwo boe eimijera kurireudo pudumi rugadu.
Ainore João Batista akore. Marigudu Pao Kurireu ure boe ewie ia makore Pao Kurireu bataru jiwu aregodumoduie nono João Batista mogadure rugadu. Mariguduwu makore Pao Kurireu bataru jiwu Isaías ure nou Pao Kurireu bataru bu bapera keje. Akore:
– Ia imedu uwadodunure boe maereu keje boe ewo awara jetorodo boe eimijera aregodu pemegawo boe etae. Mare awara ji karega akoino. Boe ewo turo jetorodo. Dujire akoino. Boe ewo turo pemegado, umode boe ekinorudowu imedu aregodumode Pao Kurireu piji kodi. Dujire akoino.
João Batista jirabodu Pao Kurireu akoino. João Batista ukudaure camelo buče. Pegajejewure tapira biri rema. Okwagere tu kitariga dogei, ropa doge eweguruji tu rugadu. Boe emagare tudu tabo João Batista ae. Etaregodure Judéia moto piji. Etaregodure Jerusalém ba kurireu piji. Etaregodure Jordão Po okwaiwu moto jamedu boe piji tumearduwo João Batista makore jiboeji. Emeardure João Batista bataruji dukeje emagore turo pegareu jiboeji, taiduie tuwo tugera ra nou turo pegareu jiboe piji. Nono João Batista ure etao pegodo Jordão Po tada.
Mare ia fariseu doge etaregodure João Batista ae. Ia saduceu doge etaregodure João Batista ae jamedu. Judeu doge eimijerage nure emage. Etaregodure João Batista ae etao pegododuwo jamedu. Mare etaidukare tuwo tugera ra nou turo pegareu piji. Dukodire João Batista makore ei. Akore: – Tare nono awage pegareuge emogadure. Mare awagu ji karega inagoino. Tare tadugarege Judeu doge ekiripagado. Tagagore taro pemegaie mare ro pegareuge nure tagi rugadu. Kočare tagaregodure mato iwagai. Tarokwačereu bokware. Pao Kurireu umode boe pegado tai taro pegareu moriče rugadu. Mare taro jetorodo tarore jiboeji boe erduwo taroji boe erduwawo tare tagera ra taro pegareu piji duji. Mare tamodukare tagera ra taro pegareu piji dukeje Pao Kurireu uwobe emodukare tagi. Tagagore boe etuo Abraão ore enuie tagi dukodire Pao Kurireu uwobe enuie tagi. Ainore tagagore. Boe jokodu jire tagagoino. Abraão uwobe nure tagi rugadu. Mare du inodu kodi karega Pao Kurireu ro pegamodukare tai taro pegareu moriče. Ro pegareuge nure tagi rugadu. Dukodire tagare nono Abraão uwobe remawuge emogadure pugeje. Pao Kurireu roiware tuwo tori udo nono boe mogadure tuwo Abraão uwobedo emage tamugato. Boe emode tudureboe i butudo jerigiče tudu bokware dukodi. Tagi tagagomode tamoduie tagera ra taro pegareu piji mare taro pemegamodukare, tameardae pemegamodukare dukeje Pao Kurireu ro pegamode tai jamedu nono boe erore nou jerigi jitu mogadure. Mare jerigi ji karega inagoino. Boe pegamode tai rugadu. Dujire inagoino. Pao Kurireu umode boe pegado tai taro pegareu moriče kuri je rugadu. Dujire inagoino. Boe ere tugera ra turo pegareu piji dukodire ire etao pegodo pobo tabo. Mare ia imedu ro kodumode ikoriwu aregodumode kuri iregodaji. Boe pemegareu nure ema, boe kurireu mode ema rugadu. Dukodire ipogurumode ipureduwo ji, kurikareu nure imi kodi. Emare umode Tuwari tugu boe emeardaeto boe ero pemegawo. Umode ro pegareuge ewarigu joruto jamedu. Romode nono ia imedu rore trigo jitu mogadure. Imedu umode trigo jukodo baku tabo tuwo iwo tawuje nou trigo piji. Nou trigo remawure umode tugu baito. Nou iwore umode barigu joruto. Nou umode boe ekinorudowu romode aino boei jamedu. Meartorure Pao Kurireu jiwuge ere nono trigo mogadure. Mare trigo ji karega inagoino. Umode boe ekinorudowu umode meartorure Pao Kurireu jiwuge etawuje ro pegareuge epiji tuwo edudo pudabo. Dujire inagoino. Umode ro pegareuge ewarigu bope doge eda kejewu joru pegareuto. Dujire inagoino. Nou joru akedumodukare rugadu.
Ainore João Batista akore.

Ia meri keje Jesus uture Galiléia moto piji toro Jordão Po ka, João Batista bagai, João Batista uwo Jesus ao pegodo. Jesus aregodure João Batista ae mare João Batista aidukare tuwo Jesus ao pegodo. Akore: – Ro pegareu nure imi dukodire ipemegakare iwo akao pegodo. Aki apemegare awo itao pegodo rugadu.
Mare Jesus akore: – Boro. Amode itao pegodo rugadu. Ainore Pao Kurireu meardaere. Amode itao pegodo dukeje pamode Pao Kurireu makore jiboe jamedu boe jetudo pudui. Aino Pao Kurireu meardae pemegareu jire paroino rugadu.
Dukodire João Batista ure tumeardaedo nono Jesus makore jiboe mogadure. Ure Jesus ao pegodo rugadu. Dukeje Jesus ure tudawuje Jordão Po piji. Nono barure tuiado. Jesus jordure Pao Kurireu Uwari ure turawuje baru piji rugadu. Ure nono metugore. Ure tumugudo Jesus keje. Nono Pao Kurireu makore baru piji. Akore: – Itonaregedu reo. Imeardu kurire ji rugadu. Ure iagaredo i rugadu.

Słuchaj Mateus 3