If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Machilo gha Johana Mubatizi</div><div class="r">(Marko 1:1-8; Luka 3:1-18; Johana 1:19-28)</div><div class="p"> 1Nao ghalye majua keja Johana Mubatizi, kechila kireti cha Judea, 2keghamba, &#8220;Riheni, kwani uzuri ghwa Mlungu ghwafika kavui.&#8221; 3Johana niye mundu aghoriro ni tondolo Isaya, keghamba:</div><div class="q1">&#8220;Lwaka lwa mundu ekemagha kireti,</div><div class="q1">&#8216;Boeseni ngila kwa undu ghwa Bwana;</div><div class="q1">ghororeni ngila kwa undu ghwake.&#8217;&#8221;</div><div class="p"> 4Naye Johana orwere nguo ya singa za ngamila na mkowa ghwa mrongo chunu, na chakulya chake cheluo ni nzighe na uki ghwa kireti. 5Nao wakamghendela wandu kufuma Jerusalemu na Judea yose na wose weluo mbalimbali ya mweta ghwa Jordani, 6wakazighora kaung'a zawe, naye kawabatiza kele mweta ghwa Jordani.</div><div class="p"> 7Ela Johana aghenda aona Wafarisayo wengi na Wasadukayo wekemjila kwa ubatizo, kawauza, &#8220;Inyo kivali cha nyoka! Nani amuonyile kuikimbila hare ya Mlungu ikujagha? 8Valeni mavalo gheonyezagha kuriha. 9Na simwaririkanye inyo wenyu mukeghora, &#8216;Tio na aba wetu Abrahamu!&#8217; Kwani namuza, Mlungu wadima kele agha mawe kumunulila Abrahamu wana. 10Hata indakwenyi isoka lyanaikilo kele miriginga ya miti, eri kila mwiti sighovalagha mavalo ghupaso na kukumbo motoni. 11Imi namubatiza kwa meji kuonyeza mwariha; ela uyu ekujagha nyuma yangu uwo na ndighi kuniisa imi; hata vilatu vake siinifweni kuvitwala. Iye ujemubatiza kwa Roho wa Kuela na moto. 12Iye uwo na kindu chekwita viro vake mkonuni, kukwita viro vose. Naye ujekoghanya ngano yake kitunduni, ela visusi ujeviisha na moto sighozimikagha.&#8221; </div><div class="s">Kubatizo kwa Jesu</div><div class="r">(Marko 1:9-11; Luka 3:21-22)</div><div class="p"> 13Nao ilya ngelo Jesu keja kufuma Galilaya hata mweta ghwa Jordani kwa Johana eri abatizo. 14Ela Johana otimile kulegha, keghamba, &#8220;Imi nimi nifweni nibatizo nuwe, newe weja kwangu?&#8221; 15Ela Jesu kamtumbulila, &#8220;Sigha ikale hung'u, kwani yanafweni tikatise hachi yose ya Mlungu.&#8221; Nao Johana kadumusa.</div><div class="p"> 16Nao Jesu aghenda abatizo ukwenyi, kafuma mejini. Nao alyenyi mlunguni kukafunguka, kaona Roho wa Mlungu keselela sa iringo lya kishalai, kakala ighulu yake. 17Na lwaka lukafuma mlunguni lukeghamba, &#8220;Uyu ni Mwana wangu nimushaile niboelogho niye.&#8221;</div>
 </div>
 </div>
</div>

Nao ghalye majua keja Johana Mubatizi, kechila kireti cha Judea, keghamba, “Riheni, kwani uzuri ghwa Mlungu ghwafika kavui.” Johana niye mundu aghoriro ni tondolo Isaya, keghamba:
“Lwaka lwa mundu ekemagha kireti,
‘Boeseni ngila kwa undu ghwa Bwana;
ghororeni ngila kwa undu ghwake.’”
Naye Johana orwere nguo ya singa za ngamila na mkowa ghwa mrongo chunu, na chakulya chake cheluo ni nzighe na uki ghwa kireti. Nao wakamghendela wandu kufuma Jerusalemu na Judea yose na wose weluo mbalimbali ya mweta ghwa Jordani, wakazighora kaung'a zawe, naye kawabatiza kele mweta ghwa Jordani.
Ela Johana aghenda aona Wafarisayo wengi na Wasadukayo wekemjila kwa ubatizo, kawauza, “Inyo kivali cha nyoka! Nani amuonyile kuikimbila hare ya Mlungu ikujagha? Valeni mavalo gheonyezagha kuriha. Na simwaririkanye inyo wenyu mukeghora, ‘Tio na aba wetu Abrahamu!’ Kwani namuza, Mlungu wadima kele agha mawe kumunulila Abrahamu wana. Hata indakwenyi isoka lyanaikilo kele miriginga ya miti, eri kila mwiti sighovalagha mavalo ghupaso na kukumbo motoni. Imi namubatiza kwa meji kuonyeza mwariha; ela uyu ekujagha nyuma yangu uwo na ndighi kuniisa imi; hata vilatu vake siinifweni kuvitwala. Iye ujemubatiza kwa Roho wa Kuela na moto. Iye uwo na kindu chekwita viro vake mkonuni, kukwita viro vose. Naye ujekoghanya ngano yake kitunduni, ela visusi ujeviisha na moto sighozimikagha.”


Nao ilya ngelo Jesu keja kufuma Galilaya hata mweta ghwa Jordani kwa Johana eri abatizo. Ela Johana otimile kulegha, keghamba, “Imi nimi nifweni nibatizo nuwe, newe weja kwangu?” Ela Jesu kamtumbulila, “Sigha ikale hung'u, kwani yanafweni tikatise hachi yose ya Mlungu.” Nao Johana kadumusa.
Nao Jesu aghenda abatizo ukwenyi, kafuma mejini. Nao alyenyi mlunguni kukafunguka, kaona Roho wa Mlungu keselela sa iringo lya kishalai, kakala ighulu yake. Na lwaka lukafuma mlunguni lukeghamba, “Uyu ni Mwana wangu nimushaile niboelogho niye.”

Słuchaj Matayo 3