 If you would like a copy of this version please contact info@davaraudiobibles.org

Text: Kusaal Bible ©, Ghana Institute Of Linguistics, Literacy and Bible Translation (GILLBT). Audio: Kusaal Old Testament Audio Bible ℗ 2023, Davar Partners International.

Kusaal Old Testament

<div class="version vid3752 iso6393kus" data-vid="3752" data-iso6393="kus">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s">Saam atan' paae Abraham san'an la y&#603;la</div><div class="p"> 1Zugs&#596;b da nie o m&#603;&#331;i tis Abraham titita'ar din&#603; b&#603; Mamir te&#331;in la, sa&#331;kan&#603; ka o da zin' o fuud s&#651;g&#651;r za'an&#596;&#596;rin ninta&#331; tis&#651;&#651;s sa&#331;a la. 2Ka Abraham &#651;k o zug&#651; g&#596;s ka ny&#603; ka dapa atan' zi'e yamma. Ka on ny&#603;&#603; ba la, o duoe n&#603; t&#596;'&#596;t&#596; z&#596;&#596; t&#651;'&#651;si ba ka su'uni o zug&#651; na'asi ba, 3ka y&#603;li ba ye, &#8220;M zugdaana, ya ya'a na siak, yanam da gaad&#603; ka bie m yin na nu ku'om! 4Zi'enimi ka ba m&#596;r ku'om bi'ela na ka ya wabisi ya n&#596;ba, ka zin'in tika&#331;a gbinnin v&#651;'&#651;s, 5ka m tisi ya diib ka ya di ka paam pa&#331;i gaad. B&#596;zug&#596; ya tis n&#603; man on&#603; aan ya sankpan'as la girima ka yii m yin na.&#8221; Ka ba l&#603;bis o ye, &#8220;T&#596;'! Maalim ala.&#8221;</div><div class="p"> 6Ka Abraham duoe t&#596;'&#596;t&#596; kp&#603;n' Sara san'an fuug s&#651;g&#651;rin, ka y&#603;l o ye o duom t&#596;'&#596;t&#596; mak z&#596;'&#596;m kuriba atan' maal bodobodo, 7ka gaadi ke&#331; niigi la ni ga&#331; na'ap&#596;ls&#651;&#331; ka y&#603;l o dasa&#331; ye o k&#651;&#651;m maal. 8Ka o m&#596;r bin'ispielig n&#603; bin'isgbisidim n&#603; ni'im s&#603;n'&#603;da la na p&#651;digi tis saam la ka ba dit; ka Abraham zi'e tiig la gbinnin gu'usid. 9Ka ba bu'os o ye, &#8220;F&#651; pu'a Sara b&#603; yaan&#603;?&#8221; Ka o l&#603;bis ye, &#8220;O b&#603; fuug s&#651;g&#651;rin la sa.&#8221; 10Ka ba yinne y&#603;l ye, &#8220;Man ti ye m l&#603;b y&#651;&#651;m anwana win na la, ka f&#651; pu'a Sara m&#596;r biribi&#331;.&#8221; Ban da pian'ad la ka Sara b&#603; ba nya'a&#331;, Fuug S&#651;g&#651;r la n&#596;&#596;rin, ka kilisid. 11Ka Abraham n&#603; o pu'a Sara da k&#651;dig ka Sara t&#651;&#651;g du'am. 12#1Pi 3:6 Ka o la' o s&#651;&#651;nrin sa ka y&#603;l ye, &#8220;Li na ni&#331; wala ka mam pu'anya'a&#331; k&#651;dka&#331;a l&#603;n du'a ya'as&#603;? Ka m zugdaan m&#603; k&#651;digi anwana la?&#8221; 13Ka Zugs&#596;b y&#603;l Abraham ye, &#8220;B&#596; ka Sara la', ka y&#603;l ye on pu'anya'a&#331; k&#651;dka&#331;a k&#651; nya&#331;i du'a? 14Si'el b&#603;&#603; t&#596;i tis Zugs&#596;b laa? Man ti ye m l&#603;b y&#651;&#651;m anwana win na la, ka Sara na m&#596;r biribi&#331;.&#8221; 15Dabiem da kp&#603;n' Sara ka o ki'is ye on p&#651; la'aa, amaa ka o ye, &#8220;Asida, f&#651; la'aya!&#8221; 16Ka dap la duoe kenn&#603; kpa'ad Sodom, ka Abraham zi'eli ba suor.</div><div class="s">Abraham s&#596;s Wina'am Sodom te&#331; y&#603;la</div><div class="p"> 17Ka Zugs&#596;b la y&#603;l ye, &#8220;Man na su'a din&#603; ka m ye m maal la n&#603; Abraham? 18Ayei, b&#596;zug&#596; Abraham na lieb buudi b&#603;deg&#651; yaab ka dunia nidib w&#651;sa na paam bareka o zug. 19B&#596;zug&#596;, man&#603; ga&#331; o ye o pa'al o biis n&#603; o yidim w&#651;sa ka ba d&#596;l man Zugs&#596;b la, ka t&#651;m t&#651;&#651;m s&#651;ma n&#603; lin&#603; d&#596;l suor. Ala ka Zugs&#596;b la na k&#603; ka on tis n&#596;&#596;r ye o na tis Abraham b&#651;ns&#651;ma la ni&#331; am&#603;&#331;a.&#8221; 20Alazug ka Zugs&#596;b la y&#603;l Abraham ye, &#8220;M w&#651;m Sodom n&#603; Gomora dim t&#651;&#651;mb&#603;'&#603;d y&#603;la, n&#603; ba bugusim galis si'em. 21M na sigi g&#596;s ye ban y&#603;l si'el ka m w&#651;m la sid an&#603; ala, b&#603;&#603; li ka' ala?&#8221;</div><div class="p"> 22Ka dapa ayi' la f&#603;ndigi kpa' Sodom te&#331;in, ka Abraham nan kp&#603;n zi'e Zugs&#596;b la san'an. 23Ka Abraham li'el Zugs&#596;b la san'an ka bu'os o ye, &#8220;F&#651; na la'an san'am nins&#651;ma n&#603; nimb&#603;'&#603;dnam la w&#651;saa? 24Ka nins&#651;ma pisnu ya'a b&#603; te&#331;in la, f&#651; na san'am te&#331; la ka k&#651; basi li nins&#651;ma pisnu la zug&#596;&#596;? 25M mi' ye f&#651; k&#651; maal ala n kpanbi san'am nins&#651;ma n&#603; nimb&#603;'&#603;dnama. Dunia w&#651;sa sariakat k&#651; t&#651;m din&#603; an sidaa?&#8221; 26Ka Zugs&#596;b la l&#603;bis ye, &#8220;M ya'a ny&#603; nins&#651;ma pisnu Sodom te&#331;in, ba zug m k&#651; san'am te&#331; laa.&#8221; 27Ka Abraham y&#603;l ya'as ye, &#8220;La'an n&#603; man nw&#603;n&#603; titan ka an zaalim f&#651; tuon la, m kp&#603;'&#603;&#331;i m m&#603;&#331;i pian'adi tisidif, m Zugs&#596;ba. 28T&#596;', ka nidib la ya'a p&#651; paae pisnu, ka an pisnaasi n&#603; anu ma'an&#603;, f&#651; na san'am te&#331; la w&#651;sa nidiba pisnaasi n&#603; anu la zug&#596;?&#8221; Ka Zugs&#596;b la ye, &#8220;M ya'a ny&#603; nidib pisnaasi n&#603; anu m k&#651; san'am te&#331; la.&#8221; 29Ka Abraham l&#603;n y&#603;l Zugs&#596;b la ye, &#8220;Ka ba ya'a an w&#651;&#651; pisnaasi ma'aan&#603;?&#8221; Ka Zugs&#596;b la l&#603;bis o ye, &#8220;M ya'a ny&#603; nidib pisnaasi m k&#651; san'am te&#331; la.&#8221; 30Ka Abraham y&#603;l ya'as ye, &#8220;Zugs&#596;ba, da k&#603; ka f&#651; s&#651;&#651;nr duoe, amaa k&#603;l ka m pian' ya'as. Ka f&#651; ya'a ny&#603; nidib pistan'?&#8221; Ka Zugs&#596;b l&#603;bis o ye, &#8220;M ya'a ny&#603; nidib pistan' m k&#651; san'am te&#331; laa.&#8221; 31Ka Abraham ye, &#8220;Mam sadigim kp&#603;'&#603;&#331;i m m&#603;&#331;i pian' tis Zugs&#596;b la, m na kp&#603;n ke&#331; tuon. Ka ba ya'a an nidib pisi ma'aa te&#331;in la, f&#651; na san'am te&#331; laa?&#8221; Ka Zugs&#596;b la l&#603;bis ye, &#8220;Nidib pisi la y&#603;la, m k&#651; san'am te&#331; la.&#8221; 32Ka o y&#603;l ye, &#8220;M Zugs&#596;ba, k&#603;l ka m l&#603;m pian' paas yimm&#651;. Amaa da k&#603; ka f&#651; s&#651;&#651;nr duoe. Ka f&#651; ya'a ny&#603; nidib piiga ani, f&#651; na san'am te&#331; laa?&#8221; Ka Zugs&#596;b la ye, &#8220;Nidib piiga la zug m k&#651; san'ami baa.&#8221;</div><div class="p"> 33Ka ban da s&#596;nsi naae la ka Zugs&#596;b la gaad, ka Abraham m&#603; l&#603;bi kul.</div>
 </div>
 </div>
</div>

Zugsɔb da nie o mɛŋi tis Abraham titita'ar dinɛ bɛ Mamir teŋin la, saŋkanɛ ka o da zin' o fuud sʋgʋr za'anɔɔrin nintaŋ tisʋʋs saŋa la. Ka Abraham ʋk o zugʋ gɔs ka nyɛ ka dapa atan' zi'e yamma. Ka on nyɛɛ ba la, o duoe nɛ tɔ'ɔtɔ zɔɔ tʋ'ʋsi ba ka su'uni o zugʋ na'asi ba, ka yɛli ba ye, “M zugdaana, ya ya'a na siak, yanam da gaadɛ ka bie m yin na nu ku'om! Zi'enimi ka ba mɔr ku'om bi'ela na ka ya wabisi ya nɔba, ka zin'in tikaŋa gbinnin vʋ'ʋs, ka m tisi ya diib ka ya di ka paam paŋi gaad. Bɔzugɔ ya tis nɛ man onɛ aan ya sankpan'as la girima ka yii m yin na.” Ka ba lɛbis o ye, “Tɔ'! Maalim ala.”
Ka Abraham duoe tɔ'ɔtɔ kpɛn' Sara san'an fuug sʋgʋrin, ka yɛl o ye o duom tɔ'ɔtɔ mak zɔ'ɔm kuriba atan' maal bodobodo, ka gaadi keŋ niigi la ni gaŋ na'apɔlsʋŋ ka yɛl o dasaŋ ye o kʋʋm maal. Ka o mɔr bin'ispielig nɛ bin'isgbisidim nɛ ni'im sɛn'ɛda la na pʋdigi tis saam la ka ba dit; ka Abraham zi'e tiig la gbinnin gu'usid. Ka ba bu'os o ye, “Fʋ pu'a Sara bɛ yaanɛ?” Ka o lɛbis ye, “O bɛ fuug sʋgʋrin la sa.” Ka ba yinne yɛl ye, “Man ti ye m lɛb yʋʋm anwana win na la, ka fʋ pu'a Sara mɔr biribiŋ.” Ban da pian'ad la ka Sara bɛ ba nya'aŋ, Fuug Sʋgʋr la nɔɔrin, ka kilisid. Ka Abraham nɛ o pu'a Sara da kʋdig ka Sara tʋʋg du'am. Ka o la' o sʋʋnrin sa ka yɛl ye, “Li na niŋ wala ka mam pu'anya'aŋ kʋdkaŋa lɛn du'a ya'asɛ? Ka m zugdaan mɛ kʋdigi anwana la?” Ka Zugsɔb yɛl Abraham ye, “Bɔ ka Sara la', ka yɛl ye on pu'anya'aŋ kʋdkaŋa kʋ nyaŋi du'a? Si'el bɛɛ tɔi tis Zugsɔb laa? Man ti ye m lɛb yʋʋm anwana win na la, ka Sara na mɔr biribiŋ.” Dabiem da kpɛn' Sara ka o ki'is ye on pʋ la'aa, amaa ka o ye, “Asida, fʋ la'aya!” Ka dap la duoe kennɛ kpa'ad Sodom, ka Abraham zi'eli ba suor.

Ka Zugsɔb la yɛl ye, “Man na su'a dinɛ ka m ye m maal la nɛ Abraham? Ayei, bɔzugɔ Abraham na lieb buudi bɛdegʋ yaab ka dunia nidib wʋsa na paam bareka o zug. Bɔzugɔ, manɛ gaŋ o ye o pa'al o biis nɛ o yidim wʋsa ka ba dɔl man Zugsɔb la, ka tʋm tʋʋm sʋma nɛ linɛ dɔl suor. Ala ka Zugsɔb la na kɛ ka on tis nɔɔr ye o na tis Abraham bʋnsʋma la niŋ amɛŋa.” Alazug ka Zugsɔb la yɛl Abraham ye, “M wʋm Sodom nɛ Gomora dim tʋʋmbɛ'ɛd yɛla, nɛ ba bugusim galis si'em. M na sigi gɔs ye ban yɛl si'el ka m wʋm la sid anɛ ala, bɛɛ li ka' ala?”
Ka dapa ayi' la fɛndigi kpa' Sodom teŋin, ka Abraham nan kpɛn zi'e Zugsɔb la san'an. Ka Abraham li'el Zugsɔb la san'an ka bu'os o ye, “Fʋ na la'an san'am ninsʋma nɛ nimbɛ'ɛdnam la wʋsaa? Ka ninsʋma pisnu ya'a bɛ teŋin la, fʋ na san'am teŋ la ka kʋ basi li ninsʋma pisnu la zugɔɔ? M mi' ye fʋ kʋ maal ala n kpanbi san'am ninsʋma nɛ nimbɛ'ɛdnama. Dunia wʋsa sariakat kʋ tʋm dinɛ an sidaa?” Ka Zugsɔb la lɛbis ye, “M ya'a nyɛ ninsʋma pisnu Sodom teŋin, ba zug m kʋ san'am teŋ laa.” Ka Abraham yɛl ya'as ye, “La'an nɛ man nwɛnɛ titan ka an zaalim fʋ tuon la, m kpɛ'ɛŋi m mɛŋi pian'adi tisidif, m Zugsɔba. Tɔ', ka nidib la ya'a pʋ paae pisnu, ka an pisnaasi nɛ anu ma'anɛ, fʋ na san'am teŋ la wʋsa nidiba pisnaasi nɛ anu la zugɔ?” Ka Zugsɔb la ye, “M ya'a nyɛ nidib pisnaasi nɛ anu m kʋ san'am teŋ la.” Ka Abraham lɛn yɛl Zugsɔb la ye, “Ka ba ya'a an wʋʋ pisnaasi ma'aanɛ?” Ka Zugsɔb la lɛbis o ye, “M ya'a nyɛ nidib pisnaasi m kʋ san'am teŋ la.” Ka Abraham yɛl ya'as ye, “Zugsɔba, da kɛ ka fʋ sʋʋnr duoe, amaa kɛl ka m pian' ya'as. Ka fʋ ya'a nyɛ nidib pistan'?” Ka Zugsɔb lɛbis o ye, “M ya'a nyɛ nidib pistan' m kʋ san'am teŋ laa.” Ka Abraham ye, “Mam sadigim kpɛ'ɛŋi m mɛŋi pian' tis Zugsɔb la, m na kpɛn keŋ tuon. Ka ba ya'a an nidib pisi ma'aa teŋin la, fʋ na san'am teŋ laa?” Ka Zugsɔb la lɛbis ye, “Nidib pisi la yɛla, m kʋ san'am teŋ la.” Ka o yɛl ye, “M Zugsɔba, kɛl ka m lɛm pian' paas yimmʋ. Amaa da kɛ ka fʋ sʋʋnr duoe. Ka fʋ ya'a nyɛ nidib piiga ani, fʋ na san'am teŋ laa?” Ka Zugsɔb la ye, “Nidib piiga la zug m kʋ san'ami baa.”
Ka ban da sɔnsi naae la ka Zugsɔb la gaad, ka Abraham mɛ lɛbi kul.

Słuchaj Pin'ilʋg 18