Popularne wersety biblijne z ယူဝ်း 7

Udostępnij

ၵေႃႉ​ဢၼ်​ယုမ်ႇမၢတ်ႈ​ၵဝ်​ၼၼ်ႉ​ၸမ်ႉ၊မႅၼ်ႈ​ၸွမ်း​ၵႃႈ​ၼင်ႇ​ဢၼ်​ၵျၢမ်းလိၵ်ႈ​တႅမ်ႈ​ဝႆႉ​ဝႃႈ၊ ‘ၼမ်ႉႁွင်ႈ​ဢၼ်​ပၼ်​ၼမ်ႉ​ဢသၢၵ်ႈ​တင်းလၢႆ၊တၵ်း​ဢွၵ်ႇ​ၵႃႈတီႈ​ႁူဝ်ၸႂ်​မၼ်း​မႃး​လႄႈ လႆ​ၵႂႃႇ​ယူႇ​ဢေႃႈ၊’ ဝႃႈ​ၼင်ႇ​ၼႆ​ၼၼ်ႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၼႂ်း​ဝၼ်း​လိုၼ်းလင်​သုတ်း​ပွႆး​ဢၼ်​ပဵၼ်​ဝၼ်း​ထွတ်ႈ​ဝၼ်း​မျၢတ်ႈ​သေပိူၼ်ႈ​ၼၼ်ႉ၊ ၸဝ်ႈ​ယေႇသု၊ လုၵ်ႉၸုၵ်း​သေယဝ်ႉ၊ဢဝ်​တင်း​သဵင်​ဢၼ်​ယႂ်ႇ​ၼႃႇ​သေလႄႈ​လၢတ်ႈ​ဝႃႈ၊ “ပေႃး​သေၵေႃႉသေၵူၼ်း​တွင်ႉမႆႈ​ၼမ်ႉ​ၸိုင်၊မႃး​တီႈ​ၵဝ်​လႄႈ​ၵိၼ်​တႃႉ။

လွင်ႈတၢင်း​ၼႆႉ​ ၸဝ်ႈ​ယေႇသု၊ လၢတ်ႈ​လူၺ်ႈ​လွင်ႈ​ဝိၺိၺ်ႇ​ၸဝ်ႈ​ဢၼ်​ၶဝ်​ၸိူဝ်း​ဢၼ်​ယုမ်ႇမၢတ်ႈ​တင်းလၢႆ၊တၵ်း​လႆႈ​ႁပ်ႉ​ၶၢမ်ႇ​ဢဝ်​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ၊မိူဝ်ႈ​ယၢမ်း​ၼၼ်ႉ ဝိၺိၺ်ႇ​မူတ်းၸၢင်ႇ​ၸဝ်ႈ​ဢမ်ႇ​ပႆႇ​လႆႈ​ပၼ်၊ပိူဝ်ႈ​ဢၼ်​မုၼ်ၽုင်း​ ၸဝ်ႈ​ယေႇသု၊ ဢမ်ႇ​ပႆႇ​ပေႃႇ​ပႆႇ​ဢွၵ်ႇ​ၼၼ်ႉ​ဢေႃႈ။

ယႃႇပေ​တႅပ်းတတ်း​ၸွမ်းၼင်ႇ​တၢင်း​ၼွၵ်ႈ​ၽိဝ်​မၼ်း​ၵူၺ်း​လႄႈ​တႅပ်းတတ်း​ၸွမ်းၼင်ႇ​တြႃး​တႃႉ၊” ဝႃႈ​ၼင်ႇ​ၼႆ​ဢေႃႈ။

ၵေႃႉ​ဢၼ်​ႁေႃးလၢတ်ႈ​ၸွမ်းၼင်ႇ​ဢလူဝ်ႇ​တူဝ်ၸဝ်ႈၵဝ်ႇ​ၼၼ်ႉ၊ၸၢင်ႈ​ႁႃ​မုၼ်သရေႇ​တူဝ်ၸဝ်ႈၵဝ်ႇ​ဢေႃႈ။ ၵေႃႉ​ဢၼ်​ၸၢင်ႈ​ႁႃ​မုၼ်သရေႇ​ၸဝ်ႈ​ဢၼ်​ပွႆႇၸႂ်ႉ​မၼ်း​မႃး​ၼၼ်ႉ​ၸမ်ႉ၊ပဵၼ်​ၵေႃႉ​ဢၼ်​လီ​ယုမ်ႇ​လႄႈ၊တၢင်းၽိတ်း​တၢင်း​ပိူင်ႈ​ဢမ်ႇ​မီး​ၵႃႈၼႂ်း​မၼ်း။

ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “တြႃး​ဢၼ်​ၵဝ်​သွၼ်ပၼ်​ၼႆႉ​ပဵၼ်​တြႃး​ၵဝ်​ဢမ်ႇၸႂ်ႈ။ ပဵၼ်​တြႃး​ၸဝ်ႈ​ဢၼ်​ပွႆႇၸႂ်ႉ​ၵဝ်​မႃး​ၼၼ်ႉ​ဢေႃႈ။

ၵူၼ်းလေႃးၵီႇ​တင်းလၢႆ​ဢမ်ႇ​ၸင်း​သူ၊ၸင်း​ၵဝ်​ၵူၺ်း၊ၵွပ်ႈပိူဝ်ႈ​ၵဝ်​ၶၢမ်ႇသၢၵ်ႈသေႇ​လွင်ႈ​ဢၼ်​တၢင်းၵမ်​တၢင်းၵျၢင်ႉ​ၶဝ်​ႁၢႆႉမိူၵ်ႈ​ၼၼ်ႉ​ဢေႃႈ။