Popularne wersety biblijne z San Juan 14

Udostępnij

’Ti kjuaxróxin tsi̱to̱ha̱ la ko ti kjuaxróxin kuénta̱na tso̱tja̱hára. Jehya éxi ti kjuaxróxin tjajon ti chjasintajni. Náhí. Chrokóxakuenhña a̱sánra la ko chróchrakonhñara.

Ndá chꞌin Jesús ndáchro: ―Janhan mé ti nti̱a la ko ti itan chaxín la ko janhan mé tsjánjua ti kjuachón. Ninkexró xrokjuahya tsjiji ti itjen tꞌaná, jehó ti nkexro tsitekaon ti janhan mé jína tsjiji ntiha.

’Tóxakuanhñara. Titekáonra Díos la ko titekáonra ti janhan.

A̱ndá Tꞌaná, mé tsochrꞌán ti Ncha̱kuén chꞌan kjuachaxíen ni̱ná, mé tsjinki̱tsa ti jahara, la ko tsja̱ko̱hara kaín ti ixra̱ la ko sinchexraxinkáonra kaín ti nkehe xrja̱nká.

Ti nkexro nohe ti nkehe kuéto̱an la ko nchexiteyá, mé xi̱kaha tsja̱ko̱xi̱n sin kixin chaxín tjua̱na sin. A̱ndá ti nkexro tjua̱na, la kja̱xin Tꞌaná tso̱tjue̱hé ti jehe sin la ko janhan tso̱tjua̱ha̱ sin la ko tsjáko̱xia̱n nkexrín itjén janhan ―ichro chꞌin Jesús.

Ndá tso̱xrja̱noáha̱ Tꞌaná kixin tsochrꞌán chꞌan ti Ncha̱kuén chꞌan kixin tsjinki̱tsa ti jahara la ko sinchechéhe̱ a̱sánra, la tíha tsꞌejoko̱ara nkochríxín. Ti Ncha̱kuén chꞌan mé chaxín ndoá. Ti chojni chjasintajni la xitjahya tsꞌáyéhe̱ sin ti Ncha̱kuén Díos kixin tꞌikonhña sin la ko chónhña sin. Kjánchó jahara ó choxínra kixin tjekoara la ko tsjakꞌeko̱ara nkochríxín.

La kaín ti nkehe tsjanchehéra Tꞌaná, tsjanchatoxixínra ni̱ná la tsjánjua janhan kixin xi̱kaha tsjáko̱xia̱n ti kjuachaxin ijié kuènté Tꞌaná. Ti nkojín nkehe tsjanchatoxixínra ni̱ná la janhan tsjánjua.

’Ti chaxín tjue̱héra ti janhan, la chrókjui̱nchexiteyára ti nkehe kuéto̱an.

Ndo̱e Tꞌaná la itsjé nchia siín tsꞌejóni. A̱ndá ti chrókójehya xi̱kaha la ó chróndáxrja̱n. Méxra̱ sátsjiá si̱ntayóxian ti tsꞌejóni.

A̱ndá ti sátsjiá la si̱ntayóxian ntiha, ndá tsꞌinka ínaá, ndá sátsji̱ni kixin ti tsjakꞌé janhan la kja̱xinra tsꞌejora.

Ndá kjuáte̱he chꞌin Tomás ndáchro: ―Ìnchéni, noehñani nketí sátsjia. ¿A̱ndá nkexrín chrókónoheni ti nti̱a?