Popularne wersety biblijne z བཀོད་པ 3

Udostępnij

དེར་བུད་མེད་ཀྱིས་ཤིང་འབྲས་དེ་ལ་བལྟས་ཏེ། དེ་མཛེས་པོ་མཐོང་བ་དང་། ཟས་ན་ཞིམ་པོ་དང་། མཁས་པ་བྱུང་བའི་ཕྱིར་ཡིད་དུ་འོང་བ་མཐོང་བ་དང་། དེར་བརྟེན་དེའི་འབྲས་བུ་ཁ་ཤས་བླངས་ནས་ཟས་པས། རང་གི་ཁྱོ་ལའང་སྟེར་ནས་ཁོས་ཡང་ཟས་སོ།

དཀོན་མཆོག་གཙོ་བོ་དཀོན་མཆོག་གིས་མཛད་པའི་སེམས་ཅན་ཐམས་ཅད་ལས་སྦྲུལ་ནི་གཡོ་སྒྱུ་ཅན་ཡིན་པས། དེ་ཡིས་བུད་མེད་ལ་འདྲི་པ། དཀོན་མཆོག་གིས་ལྡུམ་རའི་ཤིང་སྡོང་གང་ཞིག་གི་འབྲས་བུ་ལས་བདེན་པར་མ་ཟ་ཞེས་བཀའ་གནང་ངམ།

ངས་ཁྱོད་དང་བུད་མེད་གཉིས་བར་ལ་སྡང་བར་བྱེད་བཅུག་གི་ཡིན། ཁྱོད་ཀྱི་བརྒྱུད་དང་མོའི་བརྒྱུད་ཀྱི་བར་ཕན་ཚུན་དགྲ་བོར་འགྱུར་ཡོང་། མོའི་བརྒྱུད་པས་ཁྱོད་ཀྱི་མགོ་བརྫིས་པ་དང་། ཁྱོད་ཀྱིས་མོའི་བརྒྱུད་པའི་རྟིང་པར་སོ་བཏབ་ཡོང་ཞེས་གསུངས་སོ།

ཁོང་གིས་བུད་མེད་ལ། ངས་ཁྱོད་རང་མངལ་དང་འགྱུར་དུས་སྡུག་བསྔལ་དང་ཕྲུ་གུ་སྐྱེས་དུས་ཟུག་གཟེར་མང་རུ་གཏོང་རྒྱུ་ཡིན། ཡིན་ཡང་ཁྱོད་ཀྱི་འདོད་པ་དེ་ད་དུང་ཁྱོའི་ཕྱོགས་སུ་བྱུང་བར་འགྱུར། ཡང་ཁོས་ཁྱོད་ལ་དབང་བྱེད་ཡོང་།

ཁྱོད་ཐལ་བར་མ་ལོག་བར་དུ་ས་ལས་གང་ཞིག་སྐྱེས་པའི་ཕྱིར་རྔུལ་ནག་འདོན་ཏེ་ལས་ཀ་ཧུར་བརྩོན་བྱེད་དགོས། ཁྱོད་ནི་ཐལ་བ་ནས་བཟོས་པ་ཡིན་པས། ཁྱོད་སྐྱར་དུ་ཐལ་བར་འགྱུར་ཡོང་གསུངས་སོ།

ཁོང་གིས་མི་ལ། ཁྱོད་ཀྱི་རང་གི་ཆུང་མའི་ཁ་ལ་ཉན་ཏེ། ངས་ཟ་མི་ཆོག་ལབ་པའི་ཤིང་འབྲས་ལས་ཁྱོད་ཀྱིས་ཟས་པས། ཁྱོད་ཀྱི་དེ་འདྲ་བྱས་པའི་རྐྱེན་གྱིས་ས་ཞིང་ཐོག་ཏུ་དམོད་ཕོག་པར་བྱའོ། ཁྱོད་ཀྱིས་ཁ་ཟས་སྐྱེས་པའི་ཕྱིར་ཚེ་གང་ངལ་རྩོལ་དྲག་པོ་རྒྱབ་དགོས་སོ།

དཀོན་མཆོག་གིས། ཁྱོད་གཅེར་བུ་འདུག་ཅེས་སུས་ལབ་བམ། ངས་ཟ་མི་ཆོག་ལབ་པའི་འབྲས་བུ་ལས་ཁྱོད་ཀྱིས་ཟས་པ་ཡིན་ནམ་ཞེས་བཀའ་དྲིས་གནང་ངོ་།

དེ་ནས་ཁོང་གིས་ལྡུམ་རའི་ཤར་ཕྱོགས་སུ་ཀེ་རུབ་རྣམས་མེ་འབར་བའི་རལ་གྲི་ཕྱོགས་ཚང་མར་བསྐོར་བ་རྒྱབ་མཁན་ཞིག་བཞག་གནང་བ་དང་། སུ་ཞིག་ཀྱང་གསོན་པོའི་ཤིང་སྡོང་གི་འགྲམ་དུ་སླེབས་མ་ཐུབ་པའི་ཆེད་དུ་དེ་ལྟར་གནང་བ་ཡིན་ནོ༎

ཨ་དམ་གྱིས་རང་གི་ཆུང་མའི་མིང་ལ་ཧ་ཝ་བཏགས་སོ། གང་ལ་ཟེར་ན། མོ་ནི་མིའི་རིགས་ཐམས་ཅད་ཀྱི་མ་ཡིན་ནོ།