Popularne wersety biblijne z Mareko 9

Udostępnij

Iesuꞌa niro. ' “Ḡa edeḡa roꞌidene” rae ihiꞌehehe? Badiꞌa mazao fieꞌeteꞌe vazeḡaniꞌe, nagi gauḡa haḡaogaꞌe edeḡa.

Tahiꞌa komeꞌa moganiꞌa ḡarihe ḡihau niro. ꞌAhige reiro. 'E Badiꞌa mazao fieꞌohe. Rehano eḡeꞌa mene idaruꞌeteꞌe moneo, danahoꞌi!'

Iesuꞌa ne ꞌahoga diuḡirotene, tahiꞌaḡaniꞌa sifu sifu ḡadiniro. 'Nougaꞌahi emeḡeꞌa vine sauꞌa hegone bunoga mene idaraneha?' Iesuꞌa zinaꞌa, 'Vine sauꞌa ꞌahiguḡaꞌe kuru hina daꞌo hegoze buzeꞌohe. Mene kurauneꞌe, vine sauꞌa ꞌuguḡaniꞌe hegoze buzogaꞌe mene idaḡa.'

Damaꞌe manoḡa, rehamo damaꞌa aberaune, nouge nouge bare ininiꞌuma? Zamaꞌa manorifine, dama zamao toꞌi, zuni nabudizeta tone radiu tiburanoꞌi!'

'Iniuꞌa eḡe uꞌano tahiꞌa komeꞌa ꞌahiguḡa mae ḡihinine, aniꞌe eḡe mae ḡihiheꞌohe. Ebu iniuꞌa eḡe mae ḡihihine, aniꞌe eḡe daꞌo mene mae ḡihiheꞌohe, rehano Badiꞌa, eḡe Mama zuni mae ḡihineꞌohe.'

E hubehune ziꞌohe. Ḡaeꞌa Keriso niḡa mae ḡihineꞌeteꞌe uꞌano, iniuꞌa gagone vuḡa ḡanine, aniꞌe hubehune eꞌe naeḡa meꞌuma.'

'Tahiꞌa komeꞌa ꞌahiguḡa eḡe mazao fieꞌeteꞌe zamaḡano, iniuꞌa haḡai sauꞌano tutune veꞌonihi reine, aniꞌe hadi boro bagaḡa ꞌunuḡano autadu, davarao mae feunine, manoḡa.

Ebu ubumaḡoꞌa tutuꞌe veꞌoꞌoꞌidene, ḡude modoꞌi! Ubumaḡo tiba reꞌudemo, ꞌouge Badiꞌaꞌa ibitohauꞌeteꞌe habaꞌa diuḡogaꞌe manoḡa. Hena ubumaḡo aheu radu, radiu tuḡutuḡu ireḡa diuḡogaꞌe sauꞌa.