Popularne wersety biblijne z Saŋ 6

Udostępnij

Mbá Yésus ɔsɛ náábɔ́ : « Ya mɛ́ŋa bɛnyɛ́ma bɛ́ ɔnyíá bí olíhe. Ɛcaná tɛ ká háná á núana ɔɔcɔ awɔ́ u káá fáaya náámɛ ta buɔ́sɛ́ ; híáná tɔ́na, nyimóti tɛ ká háná á núana ɔɔcɔ awɔ́ u káá háya mɔŋɔlɛ́ náámɛ ta buɔ́sɛ́.

*Efúúménénú yí Elilé yiíyi yí ŋe líhísínyi ; ɔɔcɔ wuúci ne wuúci tɛ á bá bɔkɔ. Ɔtáŋa awɔ́ ɛ́ ma mɛ́ banɔ́ láakɛna ŋé yíínjíéne ne Elilé ne olíhe.

Nuti bíínjíékíne e buólí bɔ́ bɛnyɛ́ma bɛ́ ɔnyíá a bɛ́ ŋa cáŋɛa, mbá énu bíínjíékíne e buólí bɔ́ bɛnyɛ́ma bɛ́ ɔnyíá e bí ŋé líhe ɔ ɔkɔɔ́háma ɔ yɔɔ́sɔɔ́sɔ yí olíhe yí ekúlú ekime. Yaŋɔ́ Ɔɔ́nɔ́ u ɔɔcɔ, ɛ ká mɛ́ banɔ́ íínjíékíne biátɛ́ bɛnyɛ́ma bɛ́ ɔnyíá anyía Síkíne Bandɔ́mɛsɛ́ áŋa o mi bílícínyínyi na mááyɛ́ makɛ́nda. »

Ciamɛ Síkíne ŋa yáamba anyía ɔɔcɔ okime awɔ́ á mɛ lɛca, yɔ́ háya mɔŋɔlɛ́ náámɛ, yaŋɔ́ Ɔɔ́nɔ́, wɔ́ bɔ́ŋɔ yɔɔ́sɔɔ́sɔ yí olíhe yí ekúlú ekime, mí o wuúci heenyutune o olíhe a buɔ́sɛ́ bɔ́ nyɛmana. »

Mbá ɔsɛ : « Buólí abɔ́ Bandɔ́mɛsɛ́ ŋa yáamba anyía núánɔ́ nyiɔ́kɔ áŋa anyía : Núánɔ́ hákɛ́na mɔŋɔlɛ́ náámɛ, yaŋɔ́ ooci awɔ́ u ŋaá tɔ́má. »

Ɔɔcɔ okime awɔ́ Bandɔ́mɛsɛ́ é mi cuméke káá faáya náámɛ. Yaŋɔ́ tɔ́na, í tí ké mí wuúci oomboko ta buɔ́sɛ́

Símon Bíel ŋé wuúci bɛ́káma ɔsɛ : « Otéŋí a Waáŋá, ná aányɛ́ u etémbí tua sɔ́ŋa tú osúétéke e ? Ɔ ɔ́ŋa na ɔtáŋa ewú ú ŋe yiínjíéne yɔɔ́sɔɔ́sɔ yí olíhe yí ekúlú ekime.

Ya mɛ́ŋa bɛnyɛ́ma bɛ́ ɔnyíá bí olíhe. Bí ŋeé húle ɔ Ɔmuaná. Ɔɔcɔ é biíbi nyíáka, u kéé líhéke. Bɛnyɛ́ma bɛ́ ɔnyíá ebí i ké mí wuúci íínjie áŋa ciamɛ cɛɛ́tɔ. Ciíci i ké mí iínjie ɔ ɔkɛla anyía baacɔ ébú líhéke. »

Ta ɔɔcɔ tɛ á bá wu ɔfaaya náámɛ, ɛ tɛ ŋáa bá anyía Síkíne, Mu-mɛ-tɔ́ma mué wuúci bísúétíne náámɛ ; ɛ́ɛhɛ́ yaŋɔ́, i ké mí wuúci heenyutune o olíhe a buɔ́sɛ́ bɔ́ nyɛmana.

Yááŋa anyía bɛnyɛ́ma bɛ́ ɔnyíá bɛ́ Bandɔ́mɛsɛ́ áŋa Ooci ewú u ŋe húle ɔ Ɔmuaná, u íínjíékíne baacɔ olíhe. »

Ya mɛ́ŋa bɛnyɛ́ma bɛ́ ɔnyíá bí olíhe.

Yésus ŋeé hiíte biléti, u ŋa cáŋa owiínjie Bandɔ́mɛsɛ́ bitéŋíti, nyɛafakɛna baacɔ eényí, u ŋé beébe íínjíékíne tɔ́na tuɔfɔ́ a nyɛnamá nyikime anyɛ́ ɔɔcɔ ŋaá bá weé lénéke ɔnyíá. Ɛ́makɛ́la bébú eécéke beébe bekime, mbá Yésus ɔsɛ ná bááyɛ́ baákɔ́nɛ́na : « Ánɔ bándáka bikélékéti a bɛ́ mɔ́ lɔ́bɔ́kɔ, anyía ta bɔkɔ tɛ caŋɛ́á. »

Ɛ́makɛ́la bábɔ́ kɛ́ndákɛ́nda okendi ɔkɔkɔ́, bɔ́ bá e kilomɛ́ta hoóhi ɛ́táánɔ ta anyía ítíndétú, bá ŋá lɛ́ca Yésus húle á fáakɔna na akɔlɔ́ e menyífé ma nuɔmɔ́ ɔ ɔmuaná. Manɔ́ŋɔ́ ŋé beébe kátɛ́á. Mbá ɔsɛ náábɔ́ : « Yaŋɔ́ ya mɛ́ŋaʼo ; nuti líkíméke ! »