Popularne wersety biblijne z Agege 6

Udostępnij

Cuny Rwot mom te bedo ayom pi tiyo dano i lobo, te cwero cunye meicel.

Rwot te neno ni bal ajo dwoŋ i lobo, dok pargi ducu me cuny opoŋ ka i paro pi timo gin arac keken.

Cite Rwot te pwoyo Nua.

Man ikwae a Nua. Nua rik onwoŋo obedo dano a kite atira, ame ballere moro mom i akina jo me kare mere; Nua obedo tiyo gin ame Obaŋa mito.

Rwot te kobo ni, “Abino jwero dano ame rik aketo i lobo oko; dano kede leyi kede gin ame lak alaka, kede winy ame twarre malo; pien cunya doŋ mom yom pi ketogi.”

Kare ame dano ocako medde i lobo, kun daŋ onywalo anyira, awobe Obaŋa ocako neno ni anyira a dano beco. Gin ocako yero mogo i akinagi, ote nyomo me bedo mongi. Rwot te kobo ni, “Cunya mom bino ri i kom dano nakanaka, pien en obedo kom nono, ento en bino ri pi mwaka mia acel kede pyeraryo keken.” Jo Nepili onwoŋo tye i lobo i kare-nono; icennere doki, i kare ame awobe Obaŋa odonyo baŋ anyira a dano, te nywalligi itino, onwoŋo gin daŋ tye. Magi gin twoni jo otego me kare-naca, ame nyingi rwo meicel.

Nua daŋ te timo kittono; otio ginnoro ducu ame Obaŋa ocike tiyo.

Obaŋa te kobbi Nua ni, “Doŋ atyeko moko oko me tyeko ginnoro ducu ame tye kede kom, karacel kede lobo daŋ; pien lobo doŋ opoŋ i byemi pirgi.

Paa yeeni adwoŋ i yat gofer, pok icika i yie, ite mwono yie kede yo ŋec ducu kede odok.

Obaŋa te neno lobo, onwoŋo doŋ oballe oko, pien ginnoro ducu ame onwoŋo tye kede kom onwoŋo oballe oko i kite ame gin bedo kede i lobo.

Dok daŋ i kom ginnoro ducu ame tye kede kwo, ame tye kede kom, kwany aryo aryo i kom epone acel acel, ite cwayogi i yee, me gin bed kwo karacel kedi; twon kede mine.