Popularne wersety biblijne z Jònə 10

Udostępnij

Ɨ̀ndzə̀ərə̀ à kɨ ntô e àze pə a nɨ zə̀ərə̀, zhwuutə̀ kɨ tsə̀ŋə̀. La ǹtô àzâ pə lo pànə̀ pə nɨ nɨ̀chyə̂mbyə̂; nɨ̀chyə̂mbyə̂ nɨ à koʼnə nkùʼù.

“Mɨ̀ŋə̌ ɨ̀ndzə̂ mbyə̂ ghù ɨ̀shìʼnə̀. Mbə̀ʼə ɨ̀ndzə̂ mbyə̂ ghù ɨ̀shìʼnə̀ a kwɨghə̀ àtwuə̀ nɨ mbyə̂ ɨ̀ze.

Mbyə̂ ndzìrə̀ ɨ̀zâ za ndzuʼù ngyə̀ mə̀ ǹkɨ nzhyə̂ a ghobə, pobə kɨ mə ndzùŋə̀ a mə̀.

Ngwa ŋŋâ a zèrə nɨ nɨ̀chyə̂mbyə̂ nɨ à ghoŋə̀ nɨ nkuŋə̀. Ka zèrə kɨ mbə kwɨghə̀ e, ŋònə̀ ɨ̀tse à kɨ nkẅiirə̀ e a zèrə ambo mɨ̀ŋə̀ apə̀.

Mɨ̀ŋə̌ ntswùə̀ nkaʼà. Ŋwùə̀ wa ntsùmə̀ nɨ à làŋə̀nə a ndzùmə̀ mɨ̀ŋə̀ nkwuunə̀, ǎ chwarə̀. Ǎ kwuunə̀ kɨ furə̀, tyiʼə̀ zəənə̀ alyiʼə nɨ mbə̀ʼə a zɨghə̀.

Ǹchyə̂ mbə ɨ̀ndzə̂ mbyə̂ ghù ɨ̀shìʼnə̀, nzhyə̂ mbyə̂ ɨ̀zâ, mbyə̂ ɨ̀zâ kɨ nzhyə̂ mə̀.

Tǎ ɨwəə nɨ à lə̀ ŋânə a zèrə ambo mɨ̀ŋə̀ à tsàarə̀ a ŋwùə̀ ntsùmə̀, ka ŋònə̀ ɨ̀tse a kɨ mbə e ghu nɨ mbə̀ʼə a kẅiirə̀ a zèrə ambo Tǎ ɨwəə. Pəə Tǎ ɨwəə la taʼà ŋwùə̀.”

Nɨ ndwuumə̀ wə̀, Tǎ ɨwəə a zhyə̂nə mə̀, ǹkɨ nzhyə̂ e. Ngwa nkwɨghə̀ àtwuə̀ nɨ mbyə̂ ɨ̀zâ.

Ka ŋònə̀ ɨ̀tse a pə e ghu nɨ mbə̀ʼə a kẅiirə̀ nɨ̀chyə̂mbyə̂ mə̀ ambo mɨ̀ŋə̀. A kòŋə̀ mɨ̀ŋə̀ nkòŋə̀ a nɨ ŋâ ẅèrə ntiinə ǹchyə̂nə nɨ mɨ̀tɨ̀ŋnə̀ a nɨ ŋâ ẅèrə, nchi mbə nɨ mɨ̀tɨ̀ŋnə̀ a nɨ kẅirə̀ mbə nɨ ẅèrə. Lə ànwùə̀ zhyə̀ nɨ Tǎ ɨwəə a shwəŋnə̀ ambo mɨ̀ŋə̀ lo n̂gɨ̀rə̀.”

Yěsû a chi nshwəŋə̀ ambo pobə lo, “A tyìʼə̀ nkǔŋə nkuŋə lo ǹchyə̂ mbə ntswùə̀ nkaʼà ambo mbyə̂ ndzìrə̀.

Ngàŋə̀ àfàʼà nɨ pɨ twuə̀nə e twuə̀nə, nɨ ka à pə e ngotə ɨ̀ndzə̂ mɨ̀mbyə̂, ka kɨ pə e ngàŋə̀ mɨ̀mbyə̂, nkwùə̀ nɨ à zəənə̀nə afuunə a mə ntô kô mbyə̂, a kɨ̀ɨrə̀ e, lenəla afuunə za a tô nkô yɨ̀tse mbyə̂, zhyə̀ tyiʼə̀ nsapə̀.

Yěsû a shwəŋə̀ lo, “Ǹshwəŋə̀ tyìʼə̀ nkǔŋə nkuŋə ambo pɨghə lo ŋònə̀ nɨ ka a làŋə̀ e a ntswùə̀ nkaʼà nkwuunə̀ amwuə nkaʼà mɨ mbyə̂ ndzìrə̀, nkoʼò pə a mbɨ̀ŋmə̀ nkaʼà nkwuunə̀, ŋònə̀ ghu la ɨ̀ndzə̀ərə̀ nkɨ mbə ɨ̀ntuŋə̀ ɨ̀shyə̂.